ئێمە لە تۆرە کۆمەڵایەتیەکان

جیهان

شەڕ لە نێوان هیندستان و پاكستان دەستیپێكرد

خەڵك –بەشی هەواڵ

پاكستان ڕایگەیاند بەهۆی پێكدادانێكەوە لەسەر سنووری هەرێمی كشمیری جێناكۆكی لەسەر سێ سەربازی پاكستان و پێنج سەربازی هیندستان كوژراون، بەڵام هیندستان ڕەتی كرەوە پێنج لە سەربازەكانی لەو پێكدادانەدا كوژرابن.

ئاسف غەفوور وتەبێژی هێزە چەكدارەكانی پاكستان ڕایگەیاند، سێ سەربازی پاكستان و پێنج سەربازی هیندستان كوژراون لەكاتێكدا هێزەكانی هیندستان دەستیان كردووە بە تەقەكردن لەسەر سنووری كشمیر لە شوێنێكدا كە ناسراوە بە خاڵی چاودێریكردن و پێكدادانەكان بەردەوامن.

لای خۆیەوە وتەبێژی سوپای هیندستان ئەوەی ڕەت كردەوە و وتی ” هیچ كەس نەكوژراوە و ئەوە هەواڵێكی ناڕاستە.”

سوپای هیندستان لە بەیاننامەیەكدا ڕایگەیاند لە كاتژمێر حەوتی بەیانیەوە بە كاتی ناوخۆ پاكستان ڕێكەوتنی ئاگربەستی نێوان دوو وڵاتەكەی پێشێلكردووە.

ریکلام

جیهان

خامنەیی پشتگیری ڕوحانی دەكات

خەڵك – بەشی هەواڵ

ڕێبەری باڵای ئایینی ئێران داوای لە پەرلەمانتارانی وڵاتەكەی كرد، لە ماوەی یەك ساڵی كۆتایی كابینەی حەسەن ڕوحانی سەرۆك كۆمار هاوكاری بكەن لە سەرخستنی ئەركەكانی.

عەلی خامنەیی ڕێبەری باڵای ئایینی ئێران لە ڤیدیۆ كۆنفرانسێكدا لەگەڵ پەرلەمانتارانی وڵاتەكەی رایگەیاند، پێویستە حكومەت تا كۆتایی خولەكەی بەردەوام بێت لە ئەركەكانی.

خامنەیی وتیشی، پێویستە پەرلەمان هەماهەنگی لەگەڵ حكومەت بكات، بۆ ئەوەی هیچ زیانێك بەر وڵاتەكە نەكەوێت و ڕاشیگەیاند، هەرجۆرە گرژی و ناكۆكییەك لە نێوان دامەزراوەكانی دەوڵەت كاریگەری نەرێنی لەسەر ڕای گشتی و هاووڵاتیان دادەنێت.

ئەم وتانەی خامنەیی دوای ئەوە دێن كە لە چەند ڕۆژی ڕابردوودا پەرلەمانتارانی ئێران 130 واژوویان بۆ بانگهێشتكردن و لێپرسینەوە لە حەسەن ڕوحانی سەرۆك كۆماری وڵاتەكەیان ڕادەستی دەستەی سەرۆكایەتی پەرلەمان كردبوو.

بەردەوام بە لە خوێندنەوە

جیهان

ڤاكسینی دژە شێرپەنجە دۆزرایەوە و لەسەر مرۆڤ تاقیدەكرێتەوە

خەڵك- بەشی هەواڵ

زانایان ئامادەن بۆ تاقیكردنەوەی ڤاكسینێكی دژە شێرپەنجە لەسەر مرۆڤ، دوای ئەوەی ڤاكسینەكە لە تاقیكردنەوە پێش كلینیكییەكان، لەسەر خانە و ئاژەڵی تاقیگە، سەركەوتوو بووە.

د. عیسا عەبدولڕەحمان، پزیشكی دەرمانساز لە كۆنتڕۆڵی جۆری دەرمانی هەرێم ڕایگەیاند، ڤاكسینە نوێیەكە لەلایەن تیمی (ماتەر) تایبەت بە توێژینەوە، بە هەماهەنگی لەگەڵ زانكۆی كوینسلاند، دروستكراوە.

بەپێی هەواڵێكی (تۆڕی توێژینەوەكانی شێرپەنجە و زانستی جینات)، پڕۆفیسۆر كریستن ڕادفۆرد، سەرۆكی توێژینەوەكە دەڵێت: “ئەو ڤاكسینە بۆ چارەسەركردنی جۆری جیاوازی شێرپەنجەی خوێن و شێرپەنجەی ڕەق بەكاردەهێنرێت، ئەمەش پێشكەوتنێكی كتووپڕە لە دۆزینەوەی ڤاكسیندا”.

ڕاشیگەیاندووە، ئێمە هیوادارین ئەو ڤاكسینە بتوانـرێت بەكــاربهێنرێت بۆ چارەسەركردنی چەندین جۆری شێرپەنجەی خوێن وەك؛ لیمفۆما و لیوكێمیا، هەروەها شێرپەنجە ڕەقەكان، وەك؛ شێرپەنجەی مەمك، گوون، سییەكان، گورچیلە، هێلكەدان، پەنكریاس و توورەكەی زراو.

جەختیشی كردۆتەوە، ڤاكسینەكەمان پێكدێت لە دژەتەنی مرۆیی، كە لێكێندراون بە پڕۆتینی تایبەتی شێرپەنجەیی.

بەردەوام بە لە خوێندنەوە

جیهان

چەند زانایەكی چین هەڵاتوون
نهێنی بڵاوبوونەوەی ڤایرۆسی كۆرۆنا ئاشكرادەبێت

خەڵك- بەشی هەواڵ
ڕاوێژكارێكی پێشووی سەرۆكی ئەمریكا ئاشكرای دەكات، كە ژمارەیەك زانا و پسپۆڕی چینی هەڵاتوون و دەشڵێت: “نووسینگەی لێكۆڵینەوەی فیدڕاڵی ئەمریكا كار دەكات بۆ ئاشكراكردنی بڵاوبوونەوەی ڤایرۆسی كۆرۆنا”.

ستیڤن بانون، گەورە ڕاوێژكاری پێشووی دۆناڵد ترەمپ بۆ كاروباری ستراتیژی بە ڕۆژنامەی (دەیلی میل)ی بەریتانی ڕاگەیاندووە، لە چەند مانگی ڕابردوودا ژمارەیەك زانا و پسپۆڕی تاقیگەكانی شاری ووهانی چین هەڵاتوون بۆ وڵاتانی ئەوروپا‌ و ئەمریكا، كە زانیارییان لەبارەی سەرچاوەی ڤایرۆسی كۆرۆناوە داوە بە دەزگای هەواڵگری ئەو وڵاتانە.

ئاشكراشی كردووە، كۆرۆنا لە دێسەمبەری ساڵی ڕابردوودا لە تاقیگەیەكی پەیمانگەی زانستی ڤایرۆسەكان لە ووهان دزەی كردووە.

دەشڵێت: ” دەزانم ژمارەیەك لەوانە لە چین هەڵاتوون لەگەڵ نوسینگەی لێكۆڵینەوەی فیدڕاڵی ئەمریكادا كاردەكەن بۆ ئاشكراكردنی ئەوەی لە پەیمانگەی ووهان ڕوویداوە”.

ئاماژەی بەوەشكردووە، هەواڵگری ئەمریكا لەگەڵ هەواڵگری بەریتانیا هەوڵی دروستكردنی دۆسیەیەكی یاسایی دەدەن، بەڵام ئەمە هەندێك كات دەخایەنێت.

بەردەوام بە لە خوێندنەوە

کوردستان