ئێمە لە تۆرە کۆمەڵایەتیەکان

کوردستان

پەیامێكی پیرۆزبایی بۆ حزبەكە دەنێرێت
قوباد تاڵەبانی بۆ پارتی: لە كەركوك پێویستمان بە هەماهەنگی هەموانە

خەڵك- بەشی هەواڵ
جێگری سەرۆكی ئەنجومەنی‌ وەزیرانی‌ هەرێمی كوردستان ڕایدەگەیەنێت، پێویستمان بە هاوئاهەنگی هەموو لایەنە سیاسییەكانە، بە تایبەت لە كەركوك، پارتیش لەم قۆناغەدا ئەركی قورسی لەسەر شانە بۆ نزیكبونەوەی زیاتری حیزب و لایەنە كوردستانییەكان.

قوباد تاڵەبانی جێگری سەرۆكی ئەنجومەنی‌ وەزیرانی‌ هەرێمی كوردستان لە پەیامێكيدا بە بۆنەی یادی دامەزراندنی پارتی دیموكراتی كوردستان، وێڕای پیرۆزبایی ڕایگەیاندووە “بەهیوای ئەوەی كاروانی دورودرێژی خەباتی حیزبەكەتان و هێزە سیاسییە نیشتمانییەكانی تری كوردستان سەرەنجام ببێتە هۆی سەرفرازی نەتەوەی كورد كە ئامانجی لەمێژینەی گەلەكەمانە”.

قوباد تاڵەبانی دەڵێت “ساڵوەگەڕی دامەزراندنی پارتی هاوكاتە لەگەڵ سەرەتای قۆناغێكی نوێ، كە دەستبەكاربوونی كابینەی نۆیەمی حكومەتی هەرێمە، ئەم كابینەیەش بەردەوام بوونی چاكسازی و خزمەتكردنی باشتری خەڵكی كوردستانی كردۆتە پێشەنگی كارەكانی خۆی”.

جێگری سەرۆك وەزیرانی هەرێمی كوردستان لە پەیامەكەیدا بۆ پارتی پێیوایە””لەپێناو بەدیهێنانی ئامانجەكان و بەرەنگاربونەوەی مەترسییەكانی سەر گەلەكەمان، بەتایبەت لە كەركوك و ناوچە جێناكۆكەكان، پێویستمان بە هاوئاهەنگی هەموو لایەنە سیاسییەكانە و پارتیش لەم قۆناغە ئەركی قورسی لەسەر شانە بۆ نزیكبونەوەی زیاتری حیزبەكان و كوردستان كە خاك و نیشتمانی هەموومانە و ئەمەمان لێدەخوازێت”.

کوردستان

لە سلێمانی كۆگایەكی ئامادەكردنی خۆراك داخرا

خەڵك- بەشی هەواڵ

بەهۆی هەبوونی بڕێكی زۆر گۆشت و مریشكی خراپبوو، لیژنەی سێی سەر بە لیژنە هاوبەشەكانی قائیمقامیەتی سلێمانی بەهاوكاری ئاسایشی گەڕەكی مەڵكەندی كۆگایەكی ئامادەكاری خواردنیان داخست.

قائیمقامیەتی سلێمانی لە ڕاگەیەندراوێكدا نوسیویەتی”ئەمڕۆ لیژنەی سێی سەر بە لیژنە هاوبەشەكانی قائیمقامیەتی سلێمانی بە هاوكاری ئاسایشی گەڕەكی مەڵكەندی، لە گەڕەكی سابونكەرانی شاری سلێمانی لە كۆگایەكی ئامادەكردنی خواردەمەنیدا دەستیان بەسەر (120) كیلۆگرام سنگی مریشكی بۆنكردو لەگەڵ (12) كیلۆگرام گۆشت و دوگی خراپبوودا گرتووه.”

هەر لە ڕاگەیەندراوەكەدا هاتووە”بەهۆی خاوبوونەوە و دوبارە بەستنەوەی لە بەفرگردا سنگی مریشكە خراپبوو و بۆن كردووە، هەروەها ئەو گۆشت و دوگەی لە دروستكردنی خواردەمەنیەكەدا بەكاری هێناوە‌ شیاوی خواردن نەبووە لەگەڵ ئەوەشدا كۆگاكە مەرجی تەندروستی تێدانەبووە، لەكاتی سەردانی لیژنەكەدا قرتێنەرەكان (جرج)ی تێدا بینراوە، كە خواردن بۆ عەرەبانەی لەفە و كەبابەكانی لای مزگەوتی گەورە ئامادە دەكات.”

بەبڕیاری قائیمقامی سلێمانی دەست بەسەر تەواوی ئەو گۆشت و مریشكەدا گیراوە و رەوانەی بەڕێوەبەرایەتی ڤێتێرنەری سلێمانی كراوە بۆ لەناوبردن، هەروەها شوێنەكە داخراوە و خاوەنەكەشی ڕوبەڕوی رێكاری یاسایی كراوەتەوە.

بەردەوام بە لە خوێندنەوە

کوردستان

تۆمەتبارێك لە چەمچەماڵ دەستگیركرا

خەڵك- بەشی هەواڵ

شەوی ڕابردوو كەسێك لە قەزای چەمچەماڵ كارمەندێكی بەنزینخانەی كوشت بۆ دزینی پارەكەی و دواتر لەلایەن پۆلیسی چەمچەماڵەوە دەستگیركرا و دانی بە تاوانەكەیداناوە.

پۆلیسی سلێمانی لە ڕاگەیەندراوێكدا ئاماژەی بەوەكردووە، بكوژەكە بۆ سەردانی ماڵی خوشكێكی چووەتە چەمچەماڵ.

ڕاشیگەیاند “كوژراوەكە ناوی‌ (ز، ك، ع)و لەدایكبوی‌ ٢٠٠٣یەو بكوژەكەش ناوی‌ (سم،ا) لەدایكبووی ‌٢٠٠٠و دانیشتوی ‌ناحیەی ‌سمودی ‌سەر بەقەزای ‌كەلارە”.

بەردەوام بە لە خوێندنەوە

کوردستان

مانگی 10 حكومەتی هەرێم پرۆژەی بودجە ڕەوانەی پەرلەمان دەكات

 

خەڵک-بەشی هەواڵ

حکومەتی هەرێم بڕیارە لە مانگی تشرینی یەکەمی ئەمساڵ، پڕۆژە یاسای بودجە ڕەوانەی پەڕلەمانی کوردستان بکات.

بەپێی زانیاریيەکانی (خەڵک)، حکومەتی هەرێمی کوردستان پڕۆژە یاسای بودجەی ئامادەکردووە و چاوەڕوان دەکرێ لە مانگی تشرینی یەکەمی ۲۰۱۹ واتە مانگی ۱۰ی ئەمساڵ پڕۆژە یاساکە ڕەوانەی پەڕلەمانی کوردستانی بکات.

پڕۆژە یاسای بودجەی هەرێمی پشتی بەستووە بە داهاتی نەوتی هەرێم و بەشە بودجەی هەرێم لەبەغدا، پێشتریش سەرچاوەیەک لەوەزارەتی دارایی و ئابوری هەرێم بە(خەڵک)ی ڕاگەیاند، ئەگەر پڕۆژە یاسای بودجە پەسەند بکرێت، پلە بەرزکردنەوەی فەرمانبەران دەست پێ دەکاتەوە.

لەئێستادا حکومەتی هەرێم و حکومەتی ناوەند پەیوەندييەکانیان لەئاستێکی زۆر باشدایە و چاوەڕوانیش دەکرێ ڕێککەوتنەکانی نێوانیان بەرەو قۆناغی باشتریش هەنگاوبنێ، بەتایبەت ڕێککەوتن لەسەر مەلەفی نەوت.

لەدوای قەیرانی دارایی و شەڕی تیرۆرستانی داعش لە ساڵی ۲۰۱٤ەوە، حکومەت نەیتوانی هیچ پڕۆژە یاسایەکی بودجە ئامادە بکات، دەسپێکی کابینەی نۆیەم حکومەت بڕیارە جارێکی تر حکومەت ببێتەوە بەخاوەنی یاسای بوودجە.

بەردەوام بە لە خوێندنەوە

کوردستان