ئێمە لە تۆرە کۆمەڵایەتیەکان

جیهانی

(٢٤) کاتژمێری داهاتوو بۆ ڕیاڵ و بارسا یه‌کلاکه‌ره‌وه‌ ده‌بێت و یانه‌یه‌کیان ده‌توانێت بۆنده‌که‌ی‌ یه‌کلایی بکاته‌وه‌ !

خه‌ڵک سپۆرت

چه‌ند کاتژمێری داهاتوو بۆ نایمار دا سیلڤا و هه‌ردوو یانه‌ی ڕیاڵ مه‌درید و به‌رشلۆنه‌ی ئیسپانی یه‌کلاکه‌ره‌وه‌ ده‌بێت و تیایدا ئه‌ستێره‌ به‌رازیلیه‌که‌ په‌یوه‌ندی به‌ یه‌کێک له‌و دوو یانه‌ زه‌به‌لاحه‌وه‌ ده‌کات، یاخود به‌رده‌وامبوون له‌ پاریس هه‌ڵده‌بژێرێت.

ڕۆژنامه‌ی “لیکیپ”ی فه‌ره‌نسی بڵاویکردۆته‌وه‌،‌ تێکچونی په‌یوه‌ندی نێوان نایمار و هانده‌رانی پاریس سانت جێرمان گه‌یشتۆته‌ ئه‌و ئاسته‌ی به‌رده‌وامبونی له‌ فه‌ره‌نسا مه‌حاڵه‌، فه‌ره‌نسیه‌کان پێیان وایه‌ یاریزانه‌ به‌رازیلیه‌که‌ خیانه‌تکاره‌ و ئاماده‌ن له‌حاڵی به‌رده‌وامبونیدا و به‌درێژایی وه‌رز له‌دژی بوه‌ستنه‌وه‌.

ڕۆژنامه‌کانی ئیسپانیا ئاماژه‌یان به‌وه‌ کردووه‌ که‌ ده‌ستپێکی خولی ئیسپانیا ته‌نها (٢٤) کاتژمێری ماوه‌ و ده‌بێت له‌و ماوه‌یه‌دا که‌یسی نایمار یه‌کلایی بکرێته‌وه‌، وه‌ک سه‌ره‌تایه‌ک نوێنه‌رانی بارسا بڕی ٨٠ ملیۆن و کۆتینیۆیان پێشکه‌ش کردووه‌، به‌ڵام ناسڕ خلێفی و هاوه‌ڵانی وه‌ڵامی ئه‌رێنیان نه‌داوه‌ته‌وه‌، به‌ڵکو له‌چاوه‌ڕوانی ئیداره‌ی فلۆرنتینۆ پێرێزی سه‌رۆکی یانه‌ی ڕیاڵ مه‌دریدن تا بزانن ئه‌و یانه‌ زه‌به‌لاحه‌ چ ئۆفه‌رێکی کۆتایی پێشکه‌ش ده‌کات، ئه‌گه‌ر بێتو ئۆفه‌ره‌کان له‌ڕووی داراییه‌وه‌ به‌هێزتر بن ئه‌وا خلێفی و هاوه‌ڵانی به‌ڵێن ده‌ده‌ن دژی خواستی یاریزانه‌که‌ بوه‌ستنه‌وه‌ و ڕه‌وانه‌ی یانه‌ زه‌به‌لاحه‌که‌ی مه‌دریدی بکه‌ن.

تۆڕی “ئی ئێس پی ئێن”ی ئه‌مریکیش له‌لایه‌ن خۆیه‌وه‌ بڵاویکردۆته‌وه‌، ئه‌مڕۆ (پێنجشه‌ممه‌) کۆتا کۆبونه‌وه‌ له‌و باره‌یه‌وه‌ له‌گه‌ڵ هه‌ردوو یانه‌کانی ڕیاڵ مه‌درید و به‌رشلۆنه‌ ئه‌نجام ده‌درێت و یاریزانه‌که‌ یه‌کێک له‌ دوو یانه‌ی ناوبراو ده‌توانن بۆنده‌که‌ی یه‌کلایی بکه‌نه‌وه‌.

جیهانی

کۆنتی شۆڕشی تاکتیکی به‌رپا ده‌کات و داوای “نینۆ ماراڤیا”ی له‌ ئیداره‌ی ئینته‌رمیلان کردووه‌ !

خه‌ڵک سپۆرت

ئه‌نتۆنیۆ کۆنتی ئیتاڵی ڕاهێنه‌ری نوێی یانه‌ی ئینته‌رمیلان ده‌یه‌وێت گۆڕانکاری تاکتیکی گه‌وره‌ له‌ پێکهاته‌که‌یدا بکات و بۆ ئه‌و مه‌به‌سته‌ش داوای یه‌کێک له‌ ناوداترین یاریزانه‌کانی مانچسته‌ر یونایتدی له‌ خاوه‌ندارێتی یانه‌ ئیتاڵیه‌که‌ی کردووه‌.

ڕۆژنامه‌ی “ده‌یلی مه‌یڵ”ی به‌ریتانی ئاشکرای کردووه‌، پاش گواستنه‌وه‌ و دابینکردنی ڕۆمێلۆ لوکاکۆ له‌ یانه‌ی مانچسته‌ر یونایتده‌وه‌، هێشتا ئه‌نتۆنیۆ کۆنتی ڕاهێنه‌ری یانه‌ی ئینته‌رمیلان تینویه‌تی له‌ گواستنه‌وه‌ی یاریزانانی یانه‌ ئینگلیزیه‌که‌ نه‌شکاوه‌ و داوای کردووه‌ به‌هه‌رشێوه‌یه‌ک بێت له‌ گواستنه‌وه‌کانی زستانه‌ی ٢٠٢٠دا ئه‌لێکسیز سانچێزی چیللی بۆ دابین بکه‌ن.

به‌پێی سه‌رچاوه‌که‌، کۆنتی ده‌یه‌وێت له‌ قۆناغی دووه‌می خولی ئیتاڵیاوه‌ له‌سه‌ر پلانی (٣ – ٥ – ٢) پێکهاته‌که‌ی ئاماده‌ بکات و له‌پاڵ لوکاکۆ پێی باشه‌ سانچێز به‌کاربخات، که‌ پێشتر له‌ خولی ئیتاڵیا ئه‌زمونی به‌ده‌ستهێناوه‌.

کێشه‌ی گه‌وره‌ی “نێراتزۆری” له‌ بڕی پێشکه‌شکراودا نییه‌، به‌ڵکو کێشه‌یان له‌ موچه‌ی سانچێزدایه‌ که‌ هه‌فتانه‌ بڕی ٥٦٠ هه‌زار پاوه‌نده‌ و ساڵانه‌ بڕی نۆ ملیۆن پاوه‌ند ده‌بێت، ئیداره‌ی ماره‌ شینه‌کانی میلان هیواخوازن هێرشبه‌ره‌ چیللیه‌که‌ ڕه‌زامه‌ندی له‌سه‌ر که‌مکردنه‌وه‌ی موچه‌که‌ی بۆ پێنج ملیۆن یورۆی ساڵانه‌ نیشان بدات.

“ده‌یلی مه‌یڵ” جه‌خت ده‌کاته‌وه‌، “نینۆ ماراڤیا” له‌ مانچسته‌ر به‌خته‌وه‌ر نییه‌ و له‌ڕێی که‌سه‌ نزیکه‌کانیه‌وه‌ زانراوه‌ که‌ ده‌یه‌وێت له‌ زستانی داهاتوو په‌یوه‌ندی به‌ یانه‌یه‌کی تره‌وه‌ بکات.

ئایا کۆنتی ده‌توانێت ئه‌م گره‌وه‌ش له‌ مان یونایتد بباته‌وه‌؟

بەردەوام بە لە خوێندنەوە

جیهانی

کۆتینیۆ (٢٥) ملیۆنی بۆ به‌رشلۆنه‌ گه‌ڕاندۆته‌وه‌‌ و پاریس ڕێگه‌ی گه‌ڕانه‌وه‌ی نایماری لێگرتوون !

خه‌ڵک سپۆرت

گواستنه‌وه‌ی فیلیپی کۆتینیۆ به‌شێوه‌ی خواستن بۆ یانه‌ی بایرن میونشن، سودی (٢٥) ملیۆن یورۆی به‌ یانه‌ ئیسپانیه‌که‌ گه‌یاندووه‌ و له‌لایه‌کی تره‌وه‌ گفتوگۆکان بۆ گواستنه‌وه‌ی نایمار ئاسته‌نگی بۆ دروست بووه‌.

پۆرتاڵی “دۆن بالۆن”ی ئیسپانی ئاشکرای کردووه‌، له‌ڕابردوودا یانه‌ی به‌رشلۆنه‌ به‌بڕی ١٢٠ ملیۆن یورۆ کۆتینیۆیان له‌ یانه‌ی لیڤه‌رپوڵه‌وه‌ گواستۆته‌وه‌ بۆ ڕیزه‌کانیان، هه‌روه‌ها بڕیاربووه‌ بڕی ٤٠ ملیۆن یورۆی زیاده‌ش پێشکه‌ش بکه‌ن له‌ ئه‌گه‌ری به‌شداریکردنی یاریزانه‌که‌ له‌ ١٠٠ ڕووبه‌ڕوبونه‌وه‌ و به‌ده‌ستهێنانی نازناوی خولی یانه‌ پاڵه‌وانه‌کان و چه‌ند مه‌رجێکی تر.

“کۆتی” ئه‌و دوو مه‌رجه‌ی تێدا نه‌بووه‌ (١٠٠ یاریی و نازناوی چامپیۆنز لیگ) بۆیه‌ یانه‌ی به‌رشلۆنه‌ بڕی (٢٥ ملیۆن یورۆ) که‌متر له‌ نرخی ١٦٠ ملیۆنیان پێشکه‌شی لیڤه‌رپوڵ کردووه‌، له‌ئێستاشدا به‌شێوه‌ی خواستن په‌یوه‌ندی به‌ بایرنه‌وه‌ کردووه‌ و ئه‌و دوو به‌نده‌ی بۆنده‌که‌ی هه‌رگیز جێبه‌جێ نابێت، هه‌روه‌ها ته‌نها به‌ خواستنی بڕی ٢٠ ملیۆن یورۆیان له‌ بایرنه‌وه‌ به‌ده‌ست هێناوه‌ و ئه‌گه‌ر یانه‌ باڤاریه‌که‌ به‌تواناکانی قایل بێت ئه‌وا وه‌رزی داهاتوو ١٢٠ ملیۆن یورۆ پێشکه‌ش ده‌کات، به‌وشێوه‌یه‌ بڕی ته‌واوی پاره‌ی گواستنه‌وه‌ی به‌بێ که‌م و زیاد ده‌ست ئیداره‌ی جوسێپی ماریا بارتومیۆ ده‌که‌وێته‌وه‌.

له‌به‌رامبه‌ر ئه‌م زانیارییانه‌دا، ئه‌لیخاندرۆ ساکریستانی ڕۆژنامه‌وان به‌ هه‌مان سه‌رچاوه‌ی ڕاگه‌یاندووه‌، گفتوگۆکان بۆ گواستنه‌وه‌ی نایمار له‌ پاریسه‌وه‌ بۆ “کامپ نو” ئاسته‌نگی بۆ دروست بووه‌، چونکه‌ یانه‌ی فرۆشیار له‌ فرۆشتنی کۆتینیۆ بێزاره‌ و له‌کۆتا کۆبونه‌وه‌دا لیۆناردۆی به‌ڕێوه‌به‌ری وه‌رزشیی یانه‌ فه‌ره‌نسیه‌که‌ به‌ نوینه‌رانی بارسای وتووه‌: یان ٢٠٠ ملیۆن، یان هیچ.

ئه‌وه‌ش ده‌ریده‌خات که‌ ناسڕ خلێفی و هاوه‌ڵانی به‌ ئاڵوگۆڕی یاریزانان قایل نابن به‌تایبه‌ت پاش فرۆشتنی کۆتینیۆ له‌لایه‌ن به‌رشلۆنه‌وه‌، لێره‌شدا ئاسته‌مه‌ بارتومیۆ و هاوه‌ڵانی بتوانن بڕی ٢٠٠ ملیۆن له‌ گواستنه‌وه‌ی ئه‌ستێره‌ به‌رازیلیه‌که‌دا به‌کاربخه‌ن به‌هۆی ڕێساکانی یاریی خاوێنه‌وه‌.

بەردەوام بە لە خوێندنەوە

جیهانی

ڕۆژنامەوانێکی ناوداری ئیسپانیا ستراتیجی ڕیاڵ مه‌درید بۆ گواستنه‌وه‌ی نایمار ئاشکرا ده‌کات

خه‌ڵک سپۆرت

تۆماس ڕۆنسێرۆی ڕۆژنامه‌وانی ناوداری مه‌درید سترایجی ئیداره‌ی یانه‌ی ڕیاڵ مه‌درید بۆ گواستنه‌وه‌ی نایمار ئاشکرا ده‌کات و دانیشی پێدا ده‌نێت، که‌ له‌ئێستادا یانه‌ی به‌رشلۆنه‌ هه‌وڵه‌کانی بۆ هه‌مان مه‌به‌ست به‌گه‌ڕخستووه‌.

ڕۆسنێرۆ له‌ ڕۆژنامه‌ی “ئاس”ی ئیسپانی ڕاپۆرتێکی نوسیوه‌ تیایدا هاتووه‌، نایمار هه‌ڵوێستی ڕوونه‌ و ده‌یه‌وێت بگه‌ڕێته‌وه‌ بۆ “کامپ نو” هه‌ر به‌وهۆیه‌شه‌وه‌ به‌رپرسانی یانه‌ی به‌رشلۆنه‌ ده‌ستیان به‌ گفتوگۆیه‌کی چڕوپڕ کردووه‌ و له‌هه‌وڵدان بۆ ئیمزاکردنی بۆنده‌که‌ی.

به‌پێی زانیارییه‌ به‌ده‌ستهاتووه‌کان، ئیداره‌ی فلۆرنتینۆ پێرێز له‌ هاوینی ڕابردوو خواستیان له‌سه‌ر یاریزانه‌ به‌رازیلیه‌که‌ بووه‌، به‌ڵام له‌م وه‌رزه‌دا به‌هۆی ڕه‌تکردنه‌وه‌ی به‌رده‌وامی زینه‌دین زێدانه‌وه‌ چیتر ئه‌م بۆنده‌ له‌ لوتکه‌ی خواستی یانه‌ مه‌دریدیه‌که‌ نه‌ماوه‌، به‌ڵکو ته‌نها له‌ یه‌ک حاڵه‌تدا ئاماده‌ن گفتوگۆ بۆ گواستنه‌وه‌ی بکه‌ن ئه‌ویش کاتێک یانه‌ی به‌رشلۆنه‌ له‌ گفتوگۆکاندا به‌رامبه‌ر یانه‌ی پاریس سانت جێرمان شکست بهێنێت.

ڕۆنسێرۆ نوسیویه‌تی، زێدان به‌رهه‌ڵستی گواستنه‌وه‌که‌ ده‌کات و به‌ ئاشکرا ڕایگه‌یاندووه‌ که‌ پێویستی به‌ تواناکانی نایمار نییه‌ و له‌ پێگه‌که‌یدا خاوه‌نی ڤینیسیۆز و لوکاس ڤاسکیز و ڕۆدریگۆ و ته‌نانه‌ت گاریس به‌یله‌ که‌ تائێستا له‌ یانه‌که‌ به‌رده‌وامه‌.

به‌هۆی پێداگری زێدان و گفتوگۆکانی نێوان بارسا و پاریس حاڵی حازر‌ پێرێز له‌چاوه‌ڕوانیدایه‌، ئه‌گه‌ر بێتو یانه‌ی به‌رشلۆنه‌ له‌گه‌ڕاندنه‌وه‌ی نایمار سه‌رکه‌وتوو نه‌بێت ئه‌وا یانه‌ی پاریس سانت جێرمان وه‌ک فریادڕه‌سێک په‌یوه‌ندی به‌ پێرێزه‌وه‌ ده‌که‌ن و داوای لێده‌که‌ن گفتوگۆ بۆ گواستنه‌وه‌ی نایمار ده‌ست پێبکات، چونکه‌ چیتر یاریزانه‌که‌ له‌لایه‌ن سه‌رکرده‌کانی پاریس و هانده‌رانه‌وه‌ قبوڵکراو نییه‌ و نابێت وه‌رزی نوێ له‌و یانه‌یه‌ به‌رده‌وام بێت، ئه‌وه‌ش خۆی له‌ خۆیدا له‌لایه‌ن ڕۆسنێرۆوه‌ به‌ کێشه‌ وه‌سفکراوه‌ به‌وپێیه‌ی پێرێز هێشتا خه‌ون به‌ “نێی”یه‌وه‌ ده‌بینێت و ئه‌گه‌ر بشیکڕێت ئه‌وا زێدان یاخی ده‌بێت.

بەردەوام بە لە خوێندنەوە

کوردستان