ئێمە لە تۆرە کۆمەڵایەتیەکان

ژینگە

كونەماسی پاكدەكرێتەوە

خەڵك – بەشی هەواڵ

ئەمڕۆ پێنج شەممە كۆمپانیای ئۆرانوس هەستا بەپاككردنەوەی سەیرانگای كونەماسی، كە بەهۆی كەمبوونەوەی ئاوی چەمی كونەماسییەوە ڕێژەیەكی زۆر لەپلاستیك و زبڵ لەسەر ئاوەكە دەركەوتبوو.

بەڕێوەبەرایەتی ناحیەی گاپیڵۆن ئاماژەی بەئەوەدا، دوای ئەوەی ئاوی كونەماسی بەهۆی گەرماوە بە ڕێژەیەكی زۆر دابەزی، ئەمەش بووە هۆی دەركەوتنی پیسی، كە زۆرینەی دەبەی خواردنەوە گازی و كحولیەكان بوو، ئەمەش سیمایەكی ناشرینی بە ناوچەكە بەخشیبوو.

ئەوەشی خستۆتەڕوو، بێگومان ئەم كۆبوونەوەی خۆڵ و خاشاكە هۆكارەكەی مرۆڤگەلێكن، كە هەست بە بەرپرسیاری ناكەن و ئەو ژینگەیەی تێیدان بەهی خۆیانی نازانن و پیسی دەكەن.

باس لەئەوەشكراوە، ئەمڕۆ لەلایەن كۆمپانیای ئۆرانوسەوە ئەو پیسییە پاككرایەوە.

ریکلام

ژینگە

پلەکانی گەرما بۆ ٣٥ پلەی سیلیزی دادەبەزن

خەڵک – بەشی هەواڵ

 

بەپێی پێشبینییەکانی بەڕێوەبەرایەتی کەشناسی و بوومەلەرزەزانی هەرێم لەسبەینێوە پلەکانی گەرمان دادەبەزن.

 

بەڕێوەبەرایەتی کەشناسی و بوومەلەرزەزانی هەرێم ڕایگەیاند، سبەینێ سێ شەممە کۆتا ڕۆژە بە بەرزی پلەکانی گەرما لەسەر هەرێمی کوردستان.

 

ئاماژەى بەئەوەشدا،سبەی سێ شەممە پلەکانی گەرما بەرزترین پلەکانی گەرما تا ڕادەیەک نزیک دەبێتەوە لە ٣٨ – ٤٠ پلەی سیلیزی لەسەنتەری پارێزگاکان.

 

ئەوەشی خستەڕوو، ڕۆژی چوار شەممە پلەکانی گەرما نزمتر دەبێتەوە، بەجۆرێک سێ بۆ چوار پلەى دیکەش دادەبەزێت، دواتر لەهەفتەى داهاتووەوە پێشبینی دەکەن، بەرزترین پلەی گەرما لەسەنتەری پارێزگاکان ٣٥ پلەى سیلیزی یان کەمتر تۆماربکرێت.

 

بەردەوام بە لە خوێندنەوە

ژینگە

پۆستەرو لۆگۆی تایبەت بە ژینگە، بە دارسنەوبەرەکانی سەر ڕێگای تاسڵوجە – سلێمانی هەڵدەواسرێ

خەڵک – بەشی هەواڵ

 

بڕیارە ئەمڕۆ دوو شەممە پۆستەرو لۆگۆی تایبەت بە ژینگە، بە دارسنەوبەرەکانی سەر ڕێگای تاسڵوجە – سلێمانی هەڵبواسرێ.

 

لەهەڵمەتێکدا لەژێر ناونیشانی نا بۆ سوتاندن و داگیرکردنی سلێمانی، بڕیاردرا پۆستەرو لۆگۆی تایبەت بە ژینگە، بە دارسنەوبەرەکانی سەر ڕێگای تاسڵوجە – سلێمانی هەڵبواسرێ.

 

ڕێکخەرانی هەڵمەتەکە، داواکارن لە ژینگە دۆستان و ڕێکخراوەکان و ئەو کەسانەی لە خەمی سلێمانیدان بەشدار بن و هاوکاریانبن لە پێناو بە گژدا چونەوەی ئەو تاوانەی بە مەبەستی بازرگانی ئەنجام دەدرێت دژ بە ژینگەی سلێمانی.

 

هەڵمەتەکە لەکاتژمێر ١١ی پێشنیوەڕۆی ئەمڕۆ دوو شەممە ئەنجامدەدرێت.

 

بەردەوام بە لە خوێندنەوە

ژینگە

وەرزی پاییز دەستپێدەكات
ڕۆژی 22-9 پاییزە .. بۆچی پێی دەڵێن هاوسەنگی پاییزە؟

خەڵك- بەشی هەواڵ

دوو سبەی، واتە ڕۆژی سێ‌ شەممە 22-9-2019 یەكەم ڕۆژی (وەرزی پاییز)ە لە نیوەگۆی باكووری زەوی و یەكەم ڕۆژی (وەرزی بەهار)ە لەنیوەگۆی باشووردا.

ڕۆژی سێ‌ شەممە بەرواری 22-9-2019 كاتژمێر 12ی شەو بەكاتی هەرێمی كوردستانی عیراق، ماوەی شەو و ڕۆژ لەنیوە گۆی باكووری زەوی بە تەواوی یەكسان دەبێت بۆ 12 كاتژمێر ڕۆژ و 12 كاتژمێریش شەو، بەمەش لە ڕووی فەلەكییەوە ڕۆژی سێ‌ شەممە دەبێتە یەكەم ڕۆژ و دەستپێكی وەرزی (پاییز) لەنیوە گۆی باكووری زەوی كە بە (هاوسەنگ بوونی پاییزی) ناسراوە و بە پێچەوانەوە، دەبێتە یەكەم ڕۆژی (وەرزی بەهار) لەنیوەگۆی باشووری زەوی، كە بە (هاوسەنگ بوونی بەهاری)ی ناسراوە و تیایدا خۆر ڕێك لە ڕۆژهەڵات هەڵدێت و لە ڕۆژئاوادا ئاوادەبێت.

لەگەڵ یەكەم ڕۆژی پاییز گۆڕانكاری لە ئاست و ڕێژە و ماوەی بەركەوتنی تیشكی خۆر لەسەر زەوی ڕوودەدات، هەر ئەمەشە دەبێتە هۆی سەرهەڵدانی گۆڕانكاری بەرچاو لە پلەكانی گەرما لەسەر ڕووی هەسارەكەماندا.

لای خۆشیەوە، سادق عەتیە، شارەزای كەشناسی عیراقی ڕایگەیاندووە، ڕۆژی سێ‌ شەممە دەبێتە یەكەم ڕۆژی پاییزی ئەمساڵ و بەهۆیەوە شەپۆلی شەپۆلی هاوینەی ڕۆژهەڵاتی (ئیستیوائی) پاشەكشە دەكات و شەپۆلی زستانە (ڕۆژئاوایی) هەڵدەكاتە سەر عیراق.

ڕاشیگەیاندووە، پێشبینییەكان ئاماژە بەوەدەكەن، كە هەوایەكی نیمچە جەمسەری سارد لە ئاستە بەرزەكانی هەوا داببەزێت لە سێ‌ یەكی كۆتایی ئەم مانگە و سەرەتای مانگی داهاتوودا و بەهۆیەوە كەشوهەوا سارد دەبێت.

بەردەوام بە لە خوێندنەوە

کوردستان