ئێمە لە تۆرە کۆمەڵایەتیەکان

کوردستان

هەولێر.. دوای نزیكەی هەفتەیەك تەرمی دكتۆرێك دۆزرایەوە

خەڵك – بەشی هەواڵ

پۆلیسی هەولێر ئێوارەی ئەمڕۆ چوارشەممە 14/8/2019 ئاماری ڕووداوەكانی چوار ڕۆژی جەژنی قوربانی ڕاگەیاند، دۆزینەوەی تەرمی دكتۆرێكیشی لە شوقەكەی خۆیدا ئاشكراكرد.

هۆگر عەزیز وتەبێژی پۆلیسی هەولێر لە كۆنفڕانسێكی ڕۆژنامەوانیدا ڕایگەیاند، ئەو پلانە ئەمنییە هاوبەشەی داندرابوو لەنێوان هێزەكانی پۆلیس و ئاسایش و پۆلیسی هاتوچۆ، خۆشبەختانە پلانەكە بەسەركەوتوویی جێبەجێكرا و لە هەولێر جەژنێكی ئارام بەڕێوەچوو.

وتەبێژی پۆلیسی هەولێر دەشڵێت، لەڕۆژی یەكەم و چوارەمی جەژن هیچ ڕووداوێك ڕووی نەداوە، لەڕۆژی دووەمی جەژن لەكاتی ئێوارەكەی لەسەر ڕێگای كەسنەزان چەند كەسێك تەقەیان كردووە، بەڵام هیچ زیانێكی نەبووە دادوەر فەرمانی دەستگیركردنی بۆ تەقەكەرەكان دەركردووە، هەروەها لەڕۆژی سێیەمیش لە شووقەكانی لوبنانی هەواڵ دراوە كەوا بۆنێكی ناخۆش دێت، دوای گەیشتنی پۆلیس دەركەوتووە كەسێك بەناوی (دكتۆر هەڵۆ) گیانی لەدەستداوە.

بەوتەی هۆگر عەزیز، بەپێی گرتەی كامێراكان و پشكنینی دادی، دكتۆر هەڵۆ لە ڕێكەوتی ٦ی ئاب گەڕاوەتەوە بۆ شوقەكەی و گیانی لەدەستداوە بەمردنێكی ئاسایی، بەڵام لە ۱۳ی ئاب تەرمەكەی دوای بۆنكردنی دۆزراوەتەوە.

وتەبێژی پۆلیسی هەولێر لەبارەی گەشتیارانیشەوە ڕایگەیاند، لەبازگەكان و خاڵی سنوری و فڕۆكەخانە ۱۱۱ هەزار ۸۷٦ گەشتیار لەماوەی پشووی جەژن هاتوون بۆ هەولێر.

کوردستان

وەزارەتی پەروەردە خوێندكارانی قۆناغی 12ی ئامادەیی ئاگاداردەكاتەوە

خەڵك – بەشی هەواڵ

وەزارەتی پەروەردەی هەرێم خوێندكارانی قۆناغی 12ى ئامادەیی ئاگاداردەكاتەوە كە دەتوانن لەڕێی ئەم بەستەرەوە (anjamakan12.com) ئەنجامی ئەزموونە گشتییەكانیان ببین.

 

وەزارەتی پەروەردە ئاماژەی بەوەشداوە، خوێندكاران دەتوانن لە دوای كاتژمێر 12ی ئەمشەوەوە لە ڕێگای لینكی (soma.anjamakan12.com) پەڕەی سۆمای تاقیكردنەوەكانیان ببینن.

 

دەقی ئاگادارینامەكە:

ئاگاداریەك بۆ سەرجەم قوتابیان و خوێندكارانی قۆناغی ١٢ی ئامادەیی…
١ – ئازیزان … لە ڕێگای ئەم لینكەوە ( anjamakan12.com) دەتوانن ئەنجامی ئەزموونە گشتییەكانی خۆتان ببینن.

٢ – لە پاش كاتژمێر ١٢ی ئەمشەوەوە دەتوانن لە ڕێگای ئەم لینكەوە ( soma.anjamakan12.com) پەڕەی سۆمای تاقیكردنەوەكانتان ببینن.

لە گەڵ ھیوای سەركەوتن بۆ ھەمووان.

بەردەوام بە لە خوێندنەوە

کوردستان

وەزارەتی پەروەردە ناو و وێنەی خوێندكارە یەكەمەكەی ئاستی هەرێم لە پۆلی 12ی زانستی بڵاوكردەوە

خەڵك – بەشی هەواڵ

دوای ڕاگەیاندنی ئەنجامی كۆتایی پۆلی 12 وەزارەتی پەرەوەردە لە ڕاگەیەنراوێكدا ناوی ئەو خوێندكارەی ڕاگەیاند كە لەسەر ئاستی هەرێمی كوردستان لە بەشی زانستی پلەی یەكەمی بەدەستهێناوە.

بەپێی ڕاگەیەنراوەكەی وەزارەتی پەروەردە، خوێندكارە یەكەمەكەی پۆلی 12ی زانستی لە هەرێم ناوی (پەیام سەردار حەسەن سرێشمەیی)ە و دانیشتووی شارەدێی سۆرانە و خوێندكاری خوێندنگای دواڕۆژی ناحكومیە لەو شارۆچكەیە.

 

دەقی ڕاگەیەنراوەكە:

وەزارەتی پەروەردە:

نە مامۆستای تایبەت و نە خەرجی زۆر، تەنھا بە ھێز و ئیرادەی پتەوی خۆیی و بە پشتیوانی خێزانەكەی كە ، توانی بەرزترین نمرە لەسەر ئاستی ھەرێمی كوردستان بەدەست بێنێت لە پۆلی ١٢ ی زانستی.

یاخوا پیرۆزت بێت پەیام گیان، جێگای شانازی بۆ ئێمە و ئاوایی.

وێنە – پەیام سەردار حەسەن سرێشمەیی- یەكەمی سەرئاستی ھەرێم لە پۆلی ١٢ ی زانستی.

جێگای خۆیەتی سوپاس و دەستخۆشی بنێرین بۆ بەڕێوەبەر و مامۆستایانی قوتابخانەی دواڕۆژی ناحكومی لە شاری سۆران،ھیوادارین ھەمیشە وا پێشەنگ بن.

بەردەوام بە لە خوێندنەوە

کوردستان

ئەنجامی تاقیكردنەوەی 12ی ئامادەیی ڕاگەیەنرا

خەڵك- بەشی هەواڵ
وەزیری پەروەردەی حكومەتی هەرێمی كوردستان بە فەرمی ئەنجامی تاقیكردنەوەی 12ی ئامادەیی بە هەموو بەشەكانەوە ڕاگەیاند.

ئالان حەمەسەعید، وەزیری پەروەردەی حكومەتی هەرێم لە كۆنگرەیەكی ڕۆژنامەوانیدا ئەنجامی تاقیكردنەوەكانی ڕاگەیاند و جەختیشی كردەوە، كە قەرەبووی خوێندكاران دەكرێتەوە، نەك بەهۆی بوونی هەڵە لە تاقیكردنەوەكان، بەڵكو بەهۆی ئەوەی هەندێك پرسیار زیاتر لە وەڵامێكی بۆ دەبێت.

ئاشكراشی كرد، كە خوێندكاران دەتوانن لە كاتژمێر 9ی شەوەوە ئەنجامەكان وەربگرنەوە و لەدوای 12ی شەویشەوە دەتوانن پەڕەی سۆما ببیننەوە.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە لە كاتژمێر 9ی شەوەوە لینكەكە كارا دەبێت.

لیستی یەكەمەكانی سەر ئاستی هەرێمی كوردستان
1- ڤانیا شێركۆ حەسەن فەرەج – هەڵەبجە – زانستی – كۆی گشتی نمرە: 700 تێكڕا: 100
2- لەنیا فەلاح حەسەن مەحموود – هەڵەبجە – زانستی – كۆی گشتی نمرە: 700 تێكڕا: 100
3- حەسەن ئامانج بورهان محەمەرەشید – هەولێر – زانستی – كۆی گشتی نمرە: 700 تێكڕا: 100
4- دەریا سلێمان عەلی تاهیر – دهۆك – زانستی – كۆی گشتی نمرە: 700 تێكڕا: 100
5- سارا بەردخان محەمەد عەبدوڵڵا – هەولێر – وێژەیی – كۆی گشتی نمرە: 690 تێكڕا: 98.57
6- دەرباز ئیسماعیل حوسێن عەلی – سلێمانی – وێژەیی – كۆی گشتی نمرە: 690 تێكڕا: 98.57
7- مینا زاهیر مستەفا خەلیل – سلێمانی – خوێندنی ئیسلامی – كۆی گشتی نمرە: 874 تێكڕا: 97.11
8- حەسیبە جەمال عومەر رەمەزان – هەولێر – ئامادەیی پیشەیی كشتوكاڵ – كۆی گشتی نمرە: 827 تێكڕا: 91.89
9- زەینەب عەبدولكەریم ئەحمەد سەعید – سلێمانی – ئامادەیی پیشەیی گەشتوگوزار – كۆی گشتی نمرە: 760 تێكڕا: 95
10- میر رەحیم كەریم حەمە ساڵح – سلێمانی – ئامادەیی پیشەسازی – كۆی گشتی نمرە: 750 تێكڕا: 93.75
11- لەنجە هیدایەت عەبدولرەحمان عوسمان – سلێمانی – ئامادەیی بازرگانی – كۆی گشتی نمرە: 629 تێكڕا: 89.86

بەردەوام بە لە خوێندنەوە

کوردستان