ئێمە لە تۆرە کۆمەڵایەتیەکان

جیهان

جوانترین وێنەكانی وەرزی حەجی ئەمساڵ
وێنەی كچێك بە سەری ڕووتەوە لە كەعبەی پیرۆز بۆتە جێگەی باس

خەڵك- بەشی هەواڵ
وەرزی حەجی ئەمساڵی 1440ی كۆچی و 2019ی زایینی كۆتایی هات و چەند وێنەیەكی كاتی ئەنجامدانی مەراسیمەكانی حەج بە جوانترین وێنەكانی ئەمساڵ دیاریكراون و زۆرترین قسەوباسیان لەبارەوە كراوە.

بەپێی ئەو وێنانەی لە تۆڕە كۆمەڵایەتییەكان بڵاوكراونەتەوە، وێنەی كچێكی بچووك بە سەری ڕووتەوە و بەبێ‌ لەچكە لەكاتی ماچ كردنی كەعبەی پیرۆز زۆرترین مشتومڕی ناوەتەوە و هەندێك ڕەخنە دەرگرن لەوەی چۆن دەبێت كچێك بەبێ‌ لەچكە لەناو حەرەمی مەككە بێت و هەندێكیش كارەكە بە ئاسایی دەبینن و وێنەكەیان بە یەكێك لە جوانترین وێنەكانی وەرزی حەجی ئەمساڵ داناوە.

هەروەها چەند دیمەنێكی دیكەی كاتی باران بارین بەسەر حاجیاندا و دڵخۆشیان بە نەمانی گەرمای پڕوكێنەر لە وێنە ناوازە و پڕ لە ماناكانی وەرزی حەج بوون و لەگەڵ ئەوەشدا زوومی كامێرای فۆتۆگرافەرەكان بەردەوام لەسەر كارمەندانی هێزە ئەمنییەكان بوو، كە چۆن بەڕێز و خۆشەویستییەوە یارمەتی حاجیانیان دەدا.

لە یەكێك لە دیمەنەكاندا دەردەكەوێت، كە كارمەندێكی پۆلیس منداڵێكی بچوك باوەش دەكات بۆ ئەوەی بتوانێت كەعبەی پیرۆز ماچ بكات هەرچەندە لەو كاتەدا لێزمە بارانێكی زۆر دایكردبوو.

 

   

جیهان

تاران: هێشتا لە ڕێككەوتنی ئەتۆمیداین

خەڵك – بەشی هەواڵ

ئێران پابەندبوونی خۆی بە ڕێككەوتنی ئەتۆمی نێوان تاران و وڵاتانی (5+1) دووپاتدەكاتەوە و ڕەتیدەكاتەوە بەتەواوەتی لە ڕێككەوتنەكە كشابێتەوە.

عەباس موسەوی وتەبێژی وەزارەتی دەرەوەی ئێران ڕایگەیاند، لەگەڵ ئەوەی وڵاتەكەی پابەندبوونی بە ڕێككەوتنی ئەتۆمی كەمكردووەتەوە، بەڵام تائێستا لە ڕێككەوتنامەی ئەتۆمیدا ماوە.

هاوكات، ڕەخنەشی لە وڵاتانی ئەوروپا گرت بۆ پابەندنەبوونیان بە ڕێككەوتنەكە و ڕایگەیاند، شكستیان هێناوە لە پاراستنی ڕێككەوتنەكەدا.

لەبارەی هەنگاوەكانی تاران بۆ كەمكردنەوەی پابەندییەكان بە ڕێككەوتنی ئەتۆمییەوە عەباس موسەوی ڕوونیكردەوە، هەنگاوی پێنجەمی كەمكردنەوەی پابەندییەكانی ئێران بە ڕێككەوتننامە ئەتۆمییەكەوە، هەنگاوی كۆتایی دەبێت لە كەمكردنەوەی پابەندییەكانی و یەكێكە لەو هەنگاوانەی كە زۆرترین كاریگەری دەبێت لەسەر ڕێككەوتننامەكە.

وتەبێژی وەزارەتی دەرەوەی ئێران ئەوەشی خستەڕوو، هەنگاوی داهاتوویان و كەمكردنەوەی زیاتری پابەندبوونی وڵاتەكەیان پشتدەبەستێت بە هەنگاوی لایەنەكانی تری ڕێككەوتنەكە بۆ پاراستنی بەرژەوەندییەكانی ئێران.

ك.ج

بەردەوام بە لە خوێندنەوە

جیهان

پۆمپیۆ: بیر لەوەشاندنی گورز لە بنكە ئەتۆمییەكانی ئێران دەكەینەوە

خەڵك – بەشی هەواڵ

وەزيری دەرەوەی ئەمریكا ڕایدەگەیەنێت، وڵاتەكەی بیر لەوەشاندنی گورز لە بنكە ئەتۆمییەكانی ئێران دەكاتەوە.

مایك پۆمپیۆ وەزیری دەرەوەی ئەمریكا سوربوونی وڵاتەكەی لەسەر ڕێگریكردن لە لەبەدەستهێنانی چەكی ئەتۆمی لەلایەن ئێرانەوە دووپاتكردەوە و ڕایگەیاند:”وڵاتەكەی بیر لەوەشاندنی گورز لە بنكە ئەتۆمییەكانی ئێران دەكاتەوە، ئەویش بەئامانجی دەستنەگەیشتنی تاران بەچەكی ئەتۆمی”.

وەزیری دەرەوەی ئەمریكا ئاشكراشیكرد:” دۆناڵد ترەمپ سەرۆكی ئەمریكا هەموو كارێك دەكات بۆ ئەوەی ڕێگری لە ئێران بكات چەكی ئەتۆمیی بەدەستبهێنێت، بیریشمان لەوەكردووەتەوە هێرشبكەینە سەر بنكە ئەتۆمییەكانی ئێران”.

مایك پۆمپیۆ ئەوەشیخستەڕوو:”هەرچەندە ئێران چەندین جار دڵنیاییداوە لەوەی بەنیاز نییە چەكی ئەتۆمی بەدەستبهێنن، بەڵام ئەمریكا پلانی خۆی داناوە بۆ ئەوەی لەو وتانەی بەرپرسانی ئێران دڵنیاببێتەوە”.

ك.ج

بەردەوام بە لە خوێندنەوە

جیهان

ئەردۆغان: هێزمان بۆ لیبیا ڕەوانە نەكردووە

خەڵك- بەشی هەواڵ
سەرۆكی توركیا ڕەتیدەكاتەوە وڵاتەكەی تائێستا هێزەكانی بۆ لیبیا ڕەوانەكردبێت و ئاماژە بە ڕەوانەكردنی ڕاوێژكاران و ڕاهێنەران دەكات.

ئەمڕۆ دوو شەممە، ئاژانسی (ئەنادۆڵ)ی فەرمی توركیا لە زاری ڕەجەب تەیب ئەردۆغان سەرۆكی توركیاوە بڵاویكردەوە”تائێستا وڵاتەكەی هێزی سەربازی بۆ لیبیا ڕەوانە نەكردووە، و تەنیا ڕتوێژكاران و ڕاهێنەرانی ناردووەتە وڵاتەكە، لە حاڵەتی پابەندبوون بە ئاگربەستیش لە لیبیا، دەكرێت ڕێگە بۆ چارەسەرێكی سیاسی لەو وڵاتەدا خۆش ببێت”.

ئەردۆغان ڕەخنەی لە هەڵوێستی فەرماندەى سوپای نیشتمانی لیبیا گرتووە و ڕایگەیاندووە”واژۆنەكردنی بەڵێننامەی ئاگربەست لەلایەن حەفتەرەوە، مانای خۆی هەیە، بەڵام لەگەڵ ئەوەشدا گەر لایەنەكان پابەندی ئاگربەست ببن، ڕێگە بۆ چارەسەری سیاسی لە لیبیادا خۆش دەبێت”.

بە وتەی سەرۆكی توركیا”ئەو هەنگاوەی وڵاتەكەی لەبارەی لیبیاوە گرتوویەتیەبەر، هاوسەنگی لە ڕێڕەوی سیاسیدا دروستكردووە و بەردەوامیش دەبن لە پشتگیریكردنی ئەو ڕێڕەوە لە گۆڕەپانی لیبیا و لەسەر مێزی وتوێژەكان”.

 

أ.ج

بەردەوام بە لە خوێندنەوە

کوردستان