ئێمە لە تۆرە کۆمەڵایەتیەکان

کوردستان

لە ئێران نرخ لەسەر گەشتیارانی كورد گران دەكرێت

خەڵك – بەشی هەواڵ
بەهۆی پشووەكانی جەژنەوە گەشتیارێكی زۆر ڕوویان لە وڵاتی دراوسێ كردووە بە تایبەت ئێران، گەشتیاران گلەیی ئەوە دەكەن، لەو وڵاتە نرخەكانیان زۆر زیاد كردووە لەسەر گەشتیارەكان، وتەبێژی دەستەی گشتی گەشتوگوزاری هەرێم دەڵێت: “پێوستە گەشتیار هۆشیاربێت لەكاتی سەردانكردنی بۆ وڵاتان و قۆستنەوەی بازاڕ لە لایەن فرۆشتیارانەوە”.

چەند گەشتیارێكی كوردی خەڵكی شارە جیاجیاكانی هەرێم دوای گەڕانەوەیان لە ئێران بۆ (خەڵك) ئاماژە بەوەدەكەن، كە كاتێك سەردانی ناوچە كوردیەكان یان فارسیەكانی ئێران دەكەیت مامەڵەی جیاوازت لەگەڵ دەكرێت و بەتایبەت ئەگەر بزانن خەڵكی هەرێمی كوردستان یان عیراق-یش ئەوا نرخی خۆراك و دەرمان و هاتووچۆ و شتەكانی ترت چەند بەرامبەر لەسەر گران دەكەن.

وتیشیان، “بۆنمونە ئەگەر نرخی كولێرەیەك بە هەزار تمەن بێت لەسەر دەیكەن بە 3 هەزار تمەن یان نرخی تەكسیە لەناو شار ئەگەر 4 هەزار تمەن بێت دەیكەن بە 10 هەزار تمەن و بۆ شتەكانی دیكەش بەهەمان شێوە”.

نادر ڕۆستی، وتەبێژی دەستەی گشتی گەشتوگوزاری هەرێم بە (خەڵك)ی ڕاگەیاند، پێویستە گەشتیار لەكاتی گەشت كردنی بۆ وڵاتان هۆشیار بێت و تاڕادەیەك ئاگاداری بازاڕ و نرخی كاڵا و شتومەك بێت، چونكە دەكرێت لە هەر وڵاتێك لە لایەن خاوەن فرۆشگا و ئۆتێل و میوانخانەكانەوە نرخ گران بكرێت.

وتیشی، “ئێمە پێشتر لەگەڵ وڵاتی ئێران وەك كەرتی گەشتیاری هەماهەنگیمان هەبووە، بەڵام بۆ ئەو پرسە پەیوەندی بە هەردوو حكومەتی هەرێم و ئیرانەوە هەیە، قۆستنەوەی دۆخەكەش لەكاتی وەرزی گەشتیاری لە لایەن كەرتی تایبەتەوە پێوستە چاودێری بكرێت”.

ڕاشیگەیاند، لە هەرێمی كوردستانیش لەكاتی هاتنی گەشتیار بۆ ناوچەكان لە هەندێك شوێن نرخ گرانكراوە وەك نرخی كەپر یان خواردن و پێداویستیەكانی گەشتكردن، بەڵام حاڵەتە و نەبۆتە دیاردە، بەڵام هەمیشە لەلایەن كەرتی گەشتیاری و حكومەتەوە چاودێری دەكرێت.

کوردستان

چاودێری كۆمەڵایەتی سلێمانی بۆ سەنتەرەكانی ئۆتیزم بڕیارێكی دەركرد

خەڵك- بەشی هەواڵ
بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی‌ لە پارێزگای‌ سلێمانی‌ دوا مۆڵەت دەداتە ئەو شوێنانەی بەناوی سەنتەری ئۆتیزم كاردەكەن و مۆڵەتیان نییە و دەڵێت: “لە 15 ڕۆژدا سەردانیان بكەن”.

بە پێی‌ نووسراوێك، كە بە ژمارە (٣٤٤٨) لە (٢٢ی‌ 8ی‌ ٢٠١٩) لە بەشی‌ یاسای بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی‌ لە پارێزگای‌ سلێمانی‌ دەرچووە، دوا مۆڵەت دراوەتە ئەو شوێنانەی،‌ كە بەناوی‌ سەنتەری‌ ئۆتیزم لە سنوری‌ پارێزگای‌ سلێمانی‌ كاردەكەن.

بە پێی‌ ئەو ئاگادارینامەیە، بەڕێوەبەرایەتی‌ گشتی‌ مۆڵەتی‌ تەنها (١٥) ڕۆژی‌ داناوە بۆ ئەو شوێنانەی‌ لە سنوری‌ پارێزگای‌ سلێمانی‌ بەناوی‌ سەنتەری‌ ئۆتیزم كاردەكەن بۆ ئەوەی‌ سەردانی بەشی یاسای بەڕێوەبەرایەتی گشتی بكەن و لە چوارچێوەی‌ ڕێنمایی‌ ژمارە (٣)ی‌ ساڵی‌ (٢٠١٨)ی‌ شەبەنگی‌ ئۆتیزم خۆیان ڕێك بخەن و مۆڵەتی‌ فەرمی‌ وەربگرن، بە پێچەوانەوە ڕووبەڕووی‌ لێپێچینەوەی‌ یاسایی‌ دەبنەوە.

ئەم ئاگادارینامەیە لە كاتێكدایە، كە بەڕێوەبەرایەتی‌ گشتی‌ لە بەرواری‌ ١٣ی ٦ی ٢٠١٩، بە فەرمی‌ ئەو شوێنانەی‌ بانگهێشت كرد، كە بەناوی‌ سەنتەری‌ ئۆتیزم كاردەكەن و ئاگاداریكردنەوە، كە پێویستە مۆڵەتی‌ كاركردنیان هەبێت ‌و لە چوارچێوەی‌ یاسا و ڕێنماییەكان و بەچاودێری‌ حكومەت كارەكانیان ڕاپەڕێنن بۆ ئەوەی بەرژەوەندی منداڵانی ئۆتیزم و خانەوادەكانیان پارێزراوبێت، ئەم نووسراوەش دەبێتە دوا ئاگاداركردنەوە بۆیان.

بەردەوام بە لە خوێندنەوە

کوردستان

“پێویستە هەمووان پابەندبن”
ناونیشانی وتاری هەینی ئەمڕۆ بۆ مامۆستایانی ئایینی دیاریكرا

خەڵك- بەشی هەواڵ
وەزارەتی ئەوقاف و كاروباری ئایینی حكومەتی هەرێم ناونیشانی وتاری هەینی ئەمڕۆ بۆ مامۆستایانی ئایینی دیاری دەكات.

بەپێی ناونیشانە پێشنیاركراوەكانی وەزارەتی ئەوقاف، كە وێنەی دەست (خەڵك) كەوتووە، لە وتاری هەینی ئەمڕۆ 23ی ئاب مامۆستایانی ئایینی باسی دوو تەوەر دەكەن، كە بریتین لە (پاراستنی ئاشتی كۆمەڵگە و خۆبەدوورگرتن لە زمانی زبر و ناوزڕاندنی یەكتری، هەروەها ئادابی ئیسلام لە مامەڵەكردن لەگەڵ خزمەتكاری نێوماڵ و كرێكاری بیانی و ڕێگەگرتن لە بازرگانی بە مرۆڤ).

ئەوقاف داواشی كردووە، مامۆستایانی ئایینی ئاماژە بە بەخێرهاتنەوەی حاجییان و بەسەركردنەوەیان بكەن، كە نەریتێكی جوانی ئایینی و كۆمەڵایەتییە.

سەبارەت بەو بابەتە بەشێكی هاووڵاتیان و مامۆستایانی ئایینی داواكارن لە وەزارەتی ئەوقاف، كە لەسەر بابەتی ناونیشانی وتارە دەستنیشانكراوەكانیان سووربن لەسەر پابەند كردنی مامۆستایانی ئایینی تاوەكو میمبەر بەكارنەهێنن بۆ وەڵامدانەوەی یەكتری.

ئەمەش لەكاتێكدایە، كە لەماوەی ڕابردوودا كێشە و شەڕە قسە كەوتە نێوان دوو مامۆستای ئایینی (مەلا هەڵۆ و مەلا فاتیح شارستێنی) و دواتر لەڕێگەی یەكێتی زانایانەوە ئاشتكرانەوە.

بەردەوام بە لە خوێندنەوە

کوردستان

سەرۆكی هەرێمی كوردستان پەیامێكی بڵاوكردەوە

خەڵك – بەشی هەواڵ
سەرۆكی هەرێمی كوردستان ڕایدەگەیەنێت، بەردەوام دەبین لەسەر بەرەوپێشبردن و پاراستنی ئازادی ئایینی لە هەرێمی كوردستان، دەشڵێت: “هەرێمی كوردستان وەك پەناگەیەك دەمێنێتەوە بۆ ئەو كەسانەی لە دەستی زوڵم و توندوتیژی هەڵدێن”.

نێچیرڤان بارزانی، سەرۆكی هەرێمی كوردستان لە تۆڕی كۆمەڵایەتی فەیسبوك بەبۆنەی ڕۆژی جیهانیی قوربانیانی توندوتیژی ئایینی و هزری پەیامێكی بڵاوكردەوە و تیایدا ڕایگەیاندووە، كوردستان وەك پەناگەیەك دەمێنێتەوە بۆ ئەو كەسانەی لە دەست زوڵم و توندڕەوی هەڵدێن.

نێچیرڤان بارزانی هەروەها نووسیوویەتی، “بەردەوام دەبین لەسەر بەرەوپێشبردن و پاراستنی ئازادی ئایینی لە هەرێمی كوردستان”.

بەردەوام بە لە خوێندنەوە

کوردستان