ئێمە لە تۆرە کۆمەڵایەتیەکان

کوردستان

هەبەدەهە بەرپرسیارێتی چالاكیەكەی ئیزمیری گرتە ئەستۆ

خەڵك- بەشی هەواڵ
جەنگاوەرانی تۆڵەسێنی مەعسوم كۆركوماز لە بزووتنەوەی شۆڕشگێڕی یەكگرتووی گەلان (هەبەدەهە) بەرپرسیارێتی چالاكییەكەی ئیزمیریان گرتە ئەستۆ و ئاشكرای دەكەن، كە ئەوانەی لە شەڕی چەپەڵ سكی خۆیان تێر دەكەن، ئەوا دەبێت ڕاستیی شەڕیش ببینن.

بزووتنەوەی شۆڕشگێڕی یەكگرتووی گەلان (هەبەدەهە) لە ڕاگەیەندراوێكدا ئاماژەی بەوەكردووە، ئەو كارگەیە بۆ هێزەكانی سوپای توركی داگیركەر كۆنتێنەر و تەنكەری ئاوی دروست دەكرد، ئەو كەسانەی لەسەر ژان و ئازاری داگیركەری سەر ئەم گەلە پارە دەستدەخەن و پێداویستیی لۆجستی بۆ ئەو شەڕە دابین دەكەن، دەبێت باجی كارەكەیان بدەن.

دەقی ڕاگەیەندراوەكە:
“لە ١٢ی ئابی ٢٠١٩ لە ناوچەی بۆرنۆڤای ئیزمیر چالاكییەكمان لە دژی كارگەی دروستكردنی كۆنتێنەر و عەمبارەەكانی ئەنجامدا و كۆنتێرنەرەكانی كارگەكە تێكشكێنران.

ئەو كارگەیە بۆ هێزەكانی سوپای توركی داگیركەر كۆنتێنەر و تەنكەری ئاوی دروست دەكرد، ئەو كەسانەی لەسەر ژان و ئازاری داگیركەری سەر ئەم گەلە پارە دەستدەخەن و پێداویستیی لۆجستی بۆ ئەو شەڕە دابین دەكەن، دەبێت باجی كارەكەیان بدەن، ئەوانەی لە شەڕی چەپەڵ سكی خۆیان تێر دەكەن، ئەوا دەبێت ڕاستیی شەڕیش ببینن.

ئەو چالاكییەمان بۆ بەرز راگرتنی یادی گەریلاكانی هەڵمەتی ١٥ی تەباخ (ئاب)ی ١٩٨٤ ئەنجامدا. لە هەڵمەتی ١٥ی ئاب-دا ڕۆحی بەرخودانی ساڵی ١٩٧١ی ماهیر چایان، دەنیز گەزمیش و ئیبراهیم كایپاك كایا هەیە، هەڵمەتی گەریلایی ١٥ی ئاب لەسەر هێڵی تێكۆشانی یەكگرتووانەی گەلانە.

سڵاو لە هەڵمەتی ١٥ی ئاب دەكەین و هێڵە تێكۆشانەكەی بە هێڵی خۆمان دەزانین و قبوڵمانە، ئێستا كاتی ئەوەیە ئێمە تێكۆشانی ئازادیی گەش بكەین و فاشیزمی ئاكەپە ومەهەپە هەڵبوەشێنین، بە ئازایەتی، بڕوا و پێداگرییەوە هەڵمەتی ١٥ی ئاب و تێكۆشانی شۆڕشگێڕیی یەكگرتووی گەلان سەردەكەوێت.

ئێمە بانگەوازییمان بۆ هەموو گەنجانی توركیا و كوردستان ئەوەیە، كە بەو چالاكییانە ڕێگای ڕزگارییمان لە دژی فاشیزم كردووەتەوە و بەهێزی تێكۆشانی یەكگرتوانە فاشیزمی ئاكەپە و مەهەپە هەڵوەشێنین. ئێوەش لە هەر شوێنێك بن دەتوانن بە چەند كەسێك لە دژی دام و دەزگاكانی فاشیزم شەڕ بكەن، لە خوێندنگە و زانكۆ و گەڕەكانی خۆتاندا ڕێگایان پێنەدەن بە ئارامیی سەر بنێنەوە.

جێگای ئاماژەیە، ڕۆژی ١٠ی ئاب-یش جەنگاوەرانی تۆڵەسێنی سەڤدا سەرینییەلی بزوتنەوەی شۆڕشگێڕی یەكبوونی گەلان-هەبەدەهە لەدژی كارگەیەكی ڕۆن لە لە ناوچەی سانای سەر بە شارۆچكەی چگل لە ئیزمیر، چالاكیان ئەنجامدا، لە ئەنجامی چالاكییەكەدا كۆگاكە بەتەواوی سووتا.

ئابوری

ئینستیوتی پەی: بەپێی پڕۆژەی چاكسازی دەرماڵەی مامۆستایان و فەرمانبەران دەبڕدرێت

خەڵك-بەشی هەواڵ

 

سەرۆكی ئینستیوتی پەی بۆ پەروەردەو گەشەپێدان ڕایدەگەیەنێت، پڕۆژەی چاكسازی چاك (ساز) نەكراوە و موچەو دەرماڵەی خاوەن بڕوانامەكان كەمدەكرێتەوە.

سەروەر عەبدولڕەحمان سەرۆكی ئینستیوتی پەی بۆ پەروەردەو گەشەپێدان لە هەژماری خۆی بڵاویكردەوە، پڕۆژە یاسای بەناو چاكسازی، كە بانگەشەیەكی زۆری بۆ دەكرێت، چەند خاڵێكی باشی تێدایە، وەك كەمكردنەوەی موچەی پلە باڵاكان لەپێناو دادی كۆمەڵایەتی، بڕینی موچە نایاساییەكان، یەكخستنی پلە وەزیفییەكان، لادانی بن دیوارەكان و پاككردنەوەی لیستی موچەی شەهیدان و پێشمەرگەی دێرین و كەمئەندامی سەنگەر و چاودێری كۆمەڵایەتی لە كەسانی ناشایستە. گەڕانەوەی ئارەزومەندانەی پەڕلەمانتارانی خانەنشین بۆسەر وەزیفەی پێشوتریان.

دەشڵێت “لەگەڵ ئەوەشدا یاساكە ناوی چاكسازییە دەستی بۆ بابەتە سەرەكییەكان و جومگە هەستیارەكان نەبردووە كە هۆكاری سەرەكیی گەندەڵی و بەهەدەردانی سامانی گشتین، وەك كەرتی نەوت و گاز، وەبەرهێنان، دیارنەمانی داهاتە ناوخۆییەكان، قەرز و دەستێكەڵكردنی كۆمپانیاكانی كەرتی تایبەت، كاراكردنی دامەزراوەكانی دیوانی چاودێری و دەستەی دەستپاكی كە دەستیان بەستراوە، كێشانەوەی دەستی حزب لە بازرگانی و دەستێخستنی لە كاروباری گشتی و حكومی و چەندانی تر”.
ئاشكراشیدەكات، ئەوەی جێگای سەرسوڕمانە تێیدا مووچەی فەرمانبەران كەمدەكرێتەوە بەوەی بەشێكیان دەرماڵەكانیان دەبڕدرێت و بەشەكەی تریشیان كەمدەكرێتەوە، بۆ نمونە دەرماڵەی بڕوانامەكانی دبلۆم لە (35%)ەوە دەبێت بە (5%)، بەكالۆریۆس لە (45%)ەوە دەبێت بە (10%).، دبلۆمی باڵا لە (55%)ەوە دەبێت بە (15%).، ماستەر لە (75%)ەوە دەبێت بە (15%)، دكتۆرا لە (100%)ەوە دەبێت بە (20%)، جگە لەمانە چارەنووسی دەرماڵەكانی نازناوی زانستیش دیار نیە، وەك مامۆستای یاریدەدەر (15%)، مامۆستا (25%)، پڕۆفیسۆری یاریدەدەر (35%)، پڕۆفیسۆر (50%)..

دەشنووسێت، لە دواهەمواری یاسای خزمەتی شارستانیی عیراقیدا كە لەم دواییانە پەسەندكراوە لە پەڕلەمانی عیراقدا نەك كەم نەكرایەوە، بەڵكو زیادیش كراوە.

ڕوونیشیدەكاتەوە، جگە لەمە ئەوەی لەم پڕۆژە یاسایەدا باسی لێوە نەكراوە زیادكردنی موچەی خانەنشینیی پلە نزمەكانە، لەكاتێكدا لە پەڕلەمانی عیراقدا هەمواركرا كە كەمترین موچەی خانەنشینی (500.000) پێنج سەد هەزار دینارە، كەچی لە هەرێمدا خانەنشین هەیە تەنها (150.000) سەدوپەنجا هەزار دینار وەردەگرێت، ئەمە جگە لەوەی دەرماڵەی بەشێكی زۆر لە فەرمانبەرانی وەزارەتەكانی پەروەردە، كارەبا، تەندروستی و هتد دەبڕێت، پڕۆژە یاساكە كەموكوڕی زۆری تێدایە، ناكرێت بۆ پەردەپۆشكردن بەناوی چاكسازییەوە هێزە سیاسیەكان بەخەڵكی بفرۆشنەوە.

جەخت لەوەش دەكاتەوە، پێویستە فەرمانبەران و مامۆستایان دژی بووەستنەوە بەم شێوازەی ئێستای، چونكە ئەگەر پێشتر بەناوی پاشەكەوتەوە موچەیان پێنەدەدرا، كەچی ئێستا خەریكە بەناوی چاكسازییەوە بە یاسایی لێیان دەبڕدرێت.

بەردەوام بە لە خوێندنەوە

کوردستان

كۆبوونەوەی ئەنجومەنی وەزیران دەستیپێكرد

خەڵك –بەشی هەواڵ

كۆبوونەوەی ئەنجومەنی وەزیرانی هەرێمی كوردستان دەستیپێكرد.

بەپێی زانیارییەكان لە كۆبوونەوەی ئەمڕۆدا پرۆژەی چاكسازی پەسەنددەكرێت و ڕەوانەی پەرلەمانی كوردستان دەكرێت.

لەوبارەیەوە سەروەر عەبدولڕەحمان پەرلەمانتاری پێشووی كوردستان ئاشكرایكردووە لە پرۆژەكەدا دەرماڵەی مامۆستایان و فەرمانبەران دەبڕدرێت و مووچە كەمدەكرێتەوە.

هاوكات لە پرۆژەكەدا مووچەخۆری بندیوار و نایاسایی و مووچەی پلەباڵاكانیش كەمدەكرێتەوە.

 

بەردەوام بە لە خوێندنەوە

ژینگە

زۆرترین بڕی باران لە چوارتاو قەرەداغ باریوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە ناوچەی چوارتا سەر بە پارێزگای سلێمانی بە بڕی29 ملم باریوە.
هەر بەپێی زانیارییەكانی كەشناسی هەرێم زۆرترین باران بۆ ئەمساڵ لە ناوچەی قەرەداغ سەر بە پارێزگای سلێمانی باریوە و بڕی 317 ملم باران باریوە.

بەردەوام بە لە خوێندنەوە

کوردستان