ئێمە لە تۆرە کۆمەڵایەتیەکان

کوردستان

ئومێد خۆشناو: پارتیش بێ كەموكورتی نیە

خەڵك – بەشی هەواڵ
سەرۆكی فراكسیۆنی پارتی دیموكراتی كوردستان ڕایدەگەیەنێت، كادیر و سەركردە و كاربەدەستانی پارتی بەدروستی تەرجەمەی ڕێبازی بارزانی و سیاسەت و ڕوانگای بارزانی بكەن هێز و گەورەیی پارتی ئەوەی ئێستا هەیەتی چەند بەرامبەر دەبێ و باشتر و بەگوڕوتینتر و بەهێزتر دەبێ، دەشڵێت: “با ئەو ١٦ی ئابە بكەینە ١٦ی ئابی بەخۆداچوونەوە و كەمكردنەوەی كەموكوڕیەكان و زیادكردنی كار و گوفتاری باش و باشتر”.

ئومێد خۆشناو، سەرۆكی فراكسیۆنی پارتی لە پەڕلەمانی كوردستان لە وتارێكدا بەبۆنەی یادی 16ی ئاب و ڕۆژی دامەزراندنی حزبەكەی لەهەژماری خۆی لە فەیسبووك ڕایگەیاندووە، بۆ ناسینی ئارمانج و ناسنامەی هەر حزب و گروپێكی سیاسی، زۆر جار دەربڕین و هەڵسوكەوت و كار و كردارەكانی تاك و كۆی كارەكتەرەكانی ئەو حزبە دەبنە هێمای ناسینەوە.

دەشڵێت: “هەر بەرپرسێك یان كاربەدەستێكت بینی كەم قسەی كرد و زۆر كاری كرد، باش بزانە ئەو كەسە دەروێشێكی حەقیقی و شوێنكەوتووی ڕێبازی بارزانی یە”.

ڕاشیگەیاندووە، خاسیەتەكانی خەڵكی پارتی زۆرن، بەڵام ئەوە بەو مانایە نیە، كە پارتی بێ كەم و كوڕیش بێت، چوونكە ئەگەر كادیر و سەركردە و كاربەدەستانی پارتی بەدروستی تەرجەمەی ڕێبازی بارزانی و سیاسەت و ڕوانگای بارزانی بكەن، هێز و گەورەیی پارتی ئەوەی ئێستا هەیەتی چەند بەرامبەر دەبێ و باشتر و بەگوڕوتینتر و بەهێزتر دەبێت.

جیاوازتر قسان ‌دەكەم…. پارتیەكان بەچی دەناسرێنەوە؟
بۆ ناسینی ئارمانج و ناسنامەی هەر حزب و گروپێكی سیاسی، زۆر جار دەربڕین و هەڵسوكەوت و كارو كردارەكانی تاك و كۆی كارەكتەرەكانی ئەو حزبە دەبنە هێمای ناسینەوە.

بۆیه لە هەر گردبوونەوەیەكی جەماوەری و كوڕۆ كۆبونەوەكان، ئاڵای كوردستان زێتر بوو لە ئاڵای حزب، ئەوا بێ یەك و دوو دەزانی ئەو گردبوونەوەیە پارتیەكانن.
لەهەر شوێنێك گوێبیسـتی ووشەكانی سەربەخۆیی و هەنگاو و ئاراستەی بیری سەربەخۆیی بووی، یەك ڕاست دەزانی ئەوەی قسان دەكات پارتیە.

هەركاتێك بینیت لەسەر پیرۆزی ئاڵاو نیشتمان و خەڵك و خاكی كوردستان و پرسەنەتەوییەكان، كەسێك بەجواب هات، بزانە ئەو كەسە پارتیە.

لەهەر مەجلیسێك بینیت كەسێك بەرگری لە كەسێكی سیاسی یان سەركردەیەكی لایەنێكی سیاسی بكات، باش دەزانی ئەو كەسەی قسان دەكات پارتیەو ئەو كەسەی بەرگرییشی لێدەكرێ، قسەی بە ئاراستەی نیشتمانی و نەتەوەیی كردوە.

پارتیەكان توڕە دەبن دڵیان دەڕەنجێ بەڵام باوەڕیان بەڕێ و ڕێبازی بارزانی ناگۆڕێ و حەز بەسەنگەر گواستنەوه ناكەن و سەنگەری خۆیان لا پیرۆزە.

پارتیەكان لە شەڕوو وەستانەوە بەرامبەر بە دووژمن و نەیار خۆنەچەمێنن، بەرامبەر بەگەل و خاك ویستانیش ملكەچ و دەست لەسەرسینگن.

پارتیەكان لەسەر تا خوار لە ڕێبەر تا كاركەر، یەك باوەڕو یەك ئامانجیان هەیەو یەك تیم و تێفكرینن، بۆیە زۆرجار نەیارەكانیان قەڵس دەبن بەو یەك ئاوازی خوێندنە.

پارتیەكان لەسەركەوتن غروورنابن لە شكستیش نا ئومێدنابن، لەوپەڕی ناخۆشیەوە بەهیواو ئاواتن و دواجار هەر پێدەكەنن.

پارتیەكان ئەگەر بڕیاریان داوە سەبری ئەیبویان هەبێ، بڕیاریشیان داوە تەمەنی نوحیان هەبێ و حزبی هەموو كوردستان بن نەك ناوچەیەك و جوگرافیایەك.

لەهەر دانیشتنێك كەسێك دژی كەسێك قسان دەكات و بەكەسێكی شۆڤینی و دژە كوردی وەسف دەكات، باش دەزانی ئەوەی قسە دەكات پارتیەو ئەوەی دژیشی قسە دەكرێ دژە سەربەخۆیە.

لەهەر جێگایەك كەسێكت بینی بەگەشبینی و مۆڕاڵ و وورەی بەرزو ئایندەی باش و بەپیرۆزی باسی سەنگەرو مەتەرێز قسەی كردن باش دەزانی ئەوەی قسان دەكات پارتیە.

لەهەر شوێنێك كەسێكت بینی ئاخی بۆ خیانەتكارانی ناوخۆیی هەڵكێشا، باش بزانە ئەوەی ئاخ هەڵدەكێشێ پارتیەكی كەم بەركەوتووی ماندووی ناسوودمەندە،
لەهەر دانیشتنێك كەباسی ١٦ی ئۆكتۆبەر كراو كەسێك غەم و پەژارە دایگرت، بزانە ئەوە پارتیێكی هیلاكە لە شۆڕش و خەونی سەربەخۆی زڕاوە و تا ئێستا لەدوای ئەو كارەسات و خیانەتە، هەر لە پرسەی نیشتمانە.

لە هەر مەجلیس و كۆڕێك ژنێك یان پیاوێكت بینی لەگەڵ باسكردنی كەم و كوڕی، باسی دەسكەوت و بەرهەمەكانیشی كرد، باش بزانە ئەوە ویژدانی زیندووی پارتیەكەو دەجوڵێ.

لەهەر شوێنێك كەسێكت بینی زۆر بەرگری لە دەسكەوت و باوەڕو كوردستان كرد، باش بزانە ئەوە پارتیەكی ڕەخنە گرەو لە شوێنی پێویست و كوڕو كۆبونەوەی حزبی پەنجە لەسەر كەم و كوڕیەكان دادەنێت و زۆر ئازایانە قسان دەكات.

لەهەر مەجلیسێكی سیاسی یان كۆمەڵایەتی، ناوەكانی پێشمەرگە، شەهید، زیندانی سیاسی، كوردستان، شاخ و چیا، ئەشكەوت و مێژوو، خەبات و بەردەوامی، بەڕێزو تەقدیرەوە هاتن باش بزانە ئەوەی قسان دەكات پارتیەكی بەباوەڕە.

هەر بەرپرسێك یان كاربەدەستێكت بینی كەم قسەی كردو زۆر كاری كرد، باش بزانە ئەو كەسە دەروێشێكی حەقیقی و شوێنكەوتووی ڕێبازی بارزانی نەمرە.

لەهەر جێگایەك بینیت ڕەخنە مانا دروستەكەی خۆی لەدەست نەدابوو، ڕەخنە نەببوو بەجوێن هەر ڕەخنە بوو، بزانە ڕەخنەگر پارتیە.

ئیتر ئەوانە و سەدان دەربڕین و كاریتر خاسیەتەكانی خەڵكی پارتین، بەڵام ئەوە بەو مانایە نیە كە، پارتی بێ كەم و كوڕیش بێت، چوونكە ئەگەر كادیرو سەركردەو كاربەدەستانی پارتی بەدروستی تەرجەمەی ڕێبازی بارزانی نەمرو سیاسەت و ڕوانگای سەرۆك بارزانی بكەن، هێزو گەورەیی پارتی ئەوەی ئێستا هەیەتی چەند بەرامبەر دەبێ و باشتر و بەگوڕوتین ترو بەهێزتر دەبێ.

دەبا ئەو ١٦ی ئابە بكەینە ١٦ی ئابی بەخۆ داچوونەوە و كەمكردنەوەی كەم و كوڕیەكان و زیادكردنی كارو گوفتاری باش و باشتر.
پیرۆزبێت ١٦ی ئاب ڕۆژی هەڵاتنی خۆری كوردستان….
(ئومێد خۆشناو)

ژینگە

بەهۆی دابەشنەکردنی نەوتەوە مەترسی لەناوچوونی دارستانەکان هەیە

خەڵک – بەشی هەواڵ

دارستانەکانی هەرێمی کوردستان مەترسی لەناوچوونیان لەسەرە، بەتایبەت لەئێستادا کە حکومەتى هەرێم سوتەمەنی بۆ هاوڵاتییان دابینناکات، بەشێک لەهاوڵاتییان بۆ خۆگەرمکردنەوە لەوەرزی زستاندا داری دارستانەکان دەبڕنەوە.

 

ڕێبوار کەمال بەرپرسی  ڕێکخراوی ملەکەوە بۆ پاراستنی ژینگە بە(خەڵک)ی ڕاگەیاند، بڕینەوەی داری دارستانەکان بەمەبەستی سوتەمەنی، یەکێکە لەمەترسییەکانی سەر کەمبوونەوەى ڕێژەى سەوزایی، بۆ نمونە بەپێی ڕووپێوییەکی ساڵی ٢٠١٨ی وەزارەتی کشتوکاڵ، لەسەدا ٥٠ی دارستانەکانی هەرێم لەناوچوون، کە یەکێک لەهۆکارەکان بڕینەوەی دارەکانە.

 

وتیشی: بەداخەوە حکومەتى هەرێم چەندین ساڵە نەیتوانیوە سوتەمەنی پێویست بۆ هاوڵاتییان دابینبکات، تەنانەت لەوڵاتان گازی سروشتى لەجێگەی نەوت بەکاردێت، بەڵام ئەم کە گازە سروشتییەکە دابینناکات، نەوتەکەش دابەشناکات.

 

ئەوەشی خستەڕوو، بەشێک لەگوندنشینەکان خۆیان دەزانن چۆن دار ببڕنەوە و شێوەیەکی زانستییانە پەل وپۆ و دارە وشکەکان دەبڕنەوە، بەڵام ئەوەی کێشەیە هەندێک کەس بەمەبەستی بازرگانی کە ڕوودەکاتە دارستانێک هەموو دارەکان لەبنەوە بەسەوز و بەوشکەوە هەمووی دەبڕێتەوە، کە حکومەتیش نەیتوانییوە وەک پێویست ئەم کەسانە دەستگیربکات و سزایانبدات.

 

ئاماژەى بەئەوەشدا، خەڵک هەیە بە دە تاکو ٢٠ گەڵابە دار لەناوچەیەکی دیاریکراو دەبڕێتەوە، ئەمەش کاریگەری زۆر خراپ لەسەر ئەو ناوچەیە دروستدەکات.

 

باسی لەئەوەشکرد، بەداخەوە ئەو کەسانەى بەشێوەیەکی زۆر نامرۆڤانە ئەو دارانە بەڕیز هەمووی دەبڕنەوە، وادەکەن ناوچەکە ببێتە نیمچە بیابان.

 

ناوبراو لەبارەى مەترسییەکانی دیکەی سەر دارستانەکانی هەرێمی کوردستان وتی: سوتانی دارستانەکان یەکێکی دیکەیە لەهۆکاری لەناوچونی دارستانەکان، چونکە درەختە بچوکەکان بەتەواوی لەناودەبات، گەورەکانیش تووشی نەخۆشی و لاوازی دەبن، بەهۆی دووبارەبوونەوەی دارستانەکانیش ئەوە بەتەواوی دارستانەکە لەناودەچێت.

 

زیاتر ڕوونیکردەوە، بڕینەوەی داری دارستانەکان بۆ مەبەستی تایبەت، بۆ نمونە بۆ پڕۆژەیەکی وەبەرهێنان یان کشتوکاڵی یان ماڵ و ڤیلا دارەکان دەبڕدرێنەوە، ئەمەش مەترسییەکە تازە سەریهەڵداوە، بەشێوەیەک کەس هەیە سێ هەزار دار بەڕووی بڕیوەتەوە بۆئەوەی زەوییەکە بکاتە زەوی کشتوکاڵی.

بەردەوام بە لە خوێندنەوە

عێراق

پێویستە لەپاڵ وەفدە حکومییەکە، وەفدێکی سیاسی بچێتە بەغداد

خەڵک-ئارام سەردار

 

بڕیاردەری لیژنەی دارایی و ئابووری ڕایدەگەیەنێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا.

 

محەمەد سەعدەدین، بڕیاردەری لیژنەی دارایی و ئابووری لەپەڕلەمانی کوردستان بە (خەڵک)ی ڕاگەیاند، پێشتر دانوستان لەنێوان هەولێر و بەغداد بەردەوام بوو و سەرکەوتووش بوون لەچارەسەرکردنی کێشەکان، هەروەها بۆ پلانی ستراتیژی بوودجەی ساڵەکانی ٢٠٢١ و ٢٠٢٢ و ٢٠٢٣ ڕێککەوتنیان هەبوو، بەڵام لەبابەتی یاسای قەرز هەندێ فڕاکسیۆن ڕای جیاوازیان هەبوو لەچوارچێوەی هەنگاوەکانی حکومەت بۆ چارەسەری کێشەکان کاریان نەکرد، ئەمەش جێگای نیگەرانی خەڵکی کوردستان و سەرکردایەتی سیاسی کورد بوو.

 

دەشڵێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا، بۆ ئەوەی چۆن هەردوو حکومەت دەگەنە ڕێککەوتن بۆ چارەسەری کێشەکان، کوتلە جیاوازەکانیش لەحزبەکان هەمان ڕایان هەبێت و جارێکی تر ئەوەی ڕوویدا لەپەڕلەمان دووبارە نەبێتەوە.

 

لەبارەی ناردنی ٣٢٠ ملیار دینارەکە وتی، دەبێت تا ٢٠٢١ مانگانە ٣٢٠ ملیار دینارەکە ڕەوانە بکرێت، هۆکاری دواکەوتنەکەی بەهۆی کێشەی سیولە بوو لەبەغداد، ئێستا چارەسەربووە و عیراق دوای دابەشکردنی مووچەی خۆیان پشکی هەرێم لەمووچەی فەرمانبەران دەنێرێت.

بەردەوام بە لە خوێندنەوە

کوردستان

قائیمقامیەتی سلێمانی: ڕۆژانە ژیانی ژمارەیەكی زۆری هاووڵاتی دەپارێزین

خەڵك-بەشی هەواڵ

 

سەرۆكی لیژنەی یەك لەلیژنە هاوبەشەكانی قائیمقامیەتی سلێمانی ڕایدەگەیەنێت، ڕۆژانە لەلایەن لیژنەكانی قائیمقامیەتی سلێمانی ژیانی ژمارەیەكی زۆری هاووڵاتیان لە مواد و خۆراكی خراپ و بەسەرچوو دەپارێزین.

سامان حمید سەرۆكی لیژنەی یەك لەلیژنە هاوبەشەكانی قائیمقامیەتی سلێمانی كەتایبەتە بەچاودێری كردنی ماركێت و چێشتخانەكان لە ڕاگەیەنراوێكدا ئاماژە بۆ ئەوە دەكات، ڕۆژانە لەلایەن لیژنەكەوە سەردانی ماركێت و چێشتخانەكانی سلێمانی دەكرێت چاودێری ووردیان دەكرێت لەڕووی تەندروستی و كوالێتی خواردنەكانیانەوە.
وتیشی”لەكاتی ئەنجامدانی گەڕان و پشكنینەكاندا دەست بەسەر ژمارەیەكی زۆر مواد و خۆراكی ماوە بەسەرچوو دەگیرێت كە كاریگەری خراپیان بۆسەر تەندروستی هاووڵاتیان هەیە”.

ئاشكراشیكرد، هەر خاوەن ماركێت و چێشتخانەیەك پابەندی ڕێنماییەكانی كاركردن نەبێت ڕووبەڕووی ڕێكاری یاسایی دەكرێتەوە.

بەردەوام بە لە خوێندنەوە

کوردستان