ئێمە لە تۆرە کۆمەڵایەتیەکان

ی.سلایدەر

سێ‌ شاندی هەرێم دەچنە بەغدا
هەرێم داوای زیادكردنی پشكی لە بودجەی عیراق دەكات

خەڵك- بەشی هەواڵ
بڕیارە لە دوای جەژنی قوربانی پیرۆز سێ‌ شاندی هەرێم تایبەت بە نەوت و بودجە و پێشمەرگە و ناوچە جێناكۆكەكان بچێتە بەغدا و سەرچاوەیەكیش دەڵێت: “هەرێم داوای زیادكردنی پشكی لە بودجە بۆ 17% دەكات”.

بەپێی زانیارییەكانی (خەڵك) بڕیارە دوای جەژنی قوربانی پیرۆز سێ‌ شاندی حكومەتی هەرێمی كوردستان لە وەزارەتە پەیوەندیدارەكانی پلاندانان و دارایی و نەوت و پێشمەرگە و دەستەی ناوچە كوردستانیەكان سەردانی بەغدا بكات بۆ گفتوگۆ كردن لەسەر دۆسیە هەڵپەسێردراوەكانی نێوان هەولێر و بەغدا.

هەر بەپێی زانیارییەكان، هەرێم مەرجی هەیە بۆ ڕادەستكردنی نەوتەكەی بەبەغدا و داوای زیادكردنەوەی پشكی بودجەی هەرێم دەكات لە بودجەی فیدڕاڵی بۆ 17%، كە ماوەی دوو ساڵە عیراق ئەو پشكەی كەمكردۆتەوە.

هاوكات میدیا عیراقییەكان لە زاری سەرچاوەیەكی ئاگادارەوە لە حكومەتی هەرێم بڵاویانكردۆتەوە، كە شاندی هەرێم دەیەوێت دۆسیە هەڵپەسێردراوەكان لەگەڵ عیراق بەتەواوی یەكلایی بكاتەوە و كۆتایی بە كێشمەكێشمی نەوت و بودجە بهێنێت، كە هەموو ساڵێك لەكاتی ئامادەكردنی پڕۆژە یاسای بودجە دووبارە دەبێتەوە.

ئەو سەرچاوەیە وتوشیەتی، “هەرێم داوا دەكات بە دووبارە پێكهێنانەوەی ژووری ئۆپراسیۆنی هاوبەشی نێوان پێشمەرگە و سوپای عیراق لە ناوچە جێناكۆكەكان”.

سەرچاوەكە ئاشكراشی كردووە، كە دوای پشوووەكانی جەژن گفتوگۆكانی نێوان هەولێر و بەغدا دەستپێدەكەنەوە و چەند شاندێكی باڵای هەرێم دەچنە بەغدا.

بۆ بەدواداچوونی زیاتر (خەڵك) پەیوەندی كرد بە جوتیار عادل، وتەبێژی‌ حكومەتی‌ هەرێمی كوردستان و ئاوات شێخ جەناب، وەزیری دارایی و ئابووری هەرێمەوە كرد، بەڵام پەیوەندییەكانیان بەردەست نەبوون.

کوردستان

خالید شوانی: هەندێ لایەنی عیراق خۆیان دژی ڕێككەوتنی هەولێر و بەغدان

 

خەڵك- ئارام سەردار

ئەمڕۆ سێ شەممە ۱۰ی كانوونی یەكەمی ۲۰۱۹ وەزیری هەرێم بۆ كاروباری نێوان هەولێر و بەغدا سەردانی پەڕلەمانی كوردستانی كرد و لەگەڵ لێژنەی ناوچە كوردستانیەكانی دەرەوەی هەرێم كۆبوونەوە و ڕایگەیاند، ئەو دەستەواژانە ڕاست نین، كە دەڵێن حكومەتی كاربەڕێكەر دەسەڵاتی نیە پڕۆژە یاسای بوودجە ڕەوانەی پەڕلەمان بكات.

خالید شوانی، وەزیری هەرێم بۆ كاروباری نێوان هەولێر و بەغدا، لەكۆنفڕانسێكی ڕۆژنامەوانیدا ڕایگەیاند، ئێمە چەند تەوەرێكمان باسكرد لەبارەی دۆخی ناوچە كوردستانیەكانی دەرەوەی ئیدارەی هەرێم، هەروەها باسمان لەهەنگاو و بەرنامەی هاوبەشكرد بۆ چارەسەركردنی كێشە ڕۆژانەییەكانی ئەو ناوچانە كە دێنە پێشمان، هەروەها دەست پێكردنەوەی دانووستان لەگەڵ حكومەتی عیراق.

دەشڵێت: “دەزانن حكومەتی ئێستا حكومەتی كاربەڕێكەرە و هێزە سیاسیەكان بەنیازی دروستكردنی حكومەتێكی نوێن، جارێكی تر هەر حكومەتێك دروست ببێت ئەولەویەتی حكومەتی هەرێم لەدانووستانەكان چارەسەكردنی كێشەی ئەو ناوچانە دەبێت”.

لەبارەی پڕۆژەكەی لەلایەن هەرێم دراوە بەعیراق وتی، “پڕۆژەكەی ئێمە لەسەر دوو ئاستە، یەكەمیان ئاسایی كردنی بارودۆخی كەركوك و ناوچەكانی تری ماددەی ۱٤۰، هەروەها چارەسەر كردنی كێشەی سیاسی و ئیداری و ئەمنی و سەربازی، هەروەها قۆناغی دووەمیش جێبەجێكرنی ماددەی ۱٤۰ە، بۆیە پڕۆژەكەیان وردەكاری زۆری تێدایە و چاوەڕوانن حكومەت دروست ببێت و گفتووگۆی لەگەڵ بكەین و بگەین بەڕێككەوتن”.

لەبارەی ڕێككەوتنی هەولێر و بەغدا لەسەر‌ یاسای بودجە وتی، “ڕۆژی یەك شەممە حكومەت دەستی لەكاركێشایەوە و هەر ئەو ڕۆژەش دەسەڵات درایە سەرۆك وەزیران بۆ ئەوەی مسادەقەی پڕۆژەكەن بكەن و داڕشتنەوەی كۆتایی بۆ بكەن، لەسەر ئەو بنەمایەش ئێمە ڕۆژێك دوواتر ڕێككەوتنمان كرد، بۆیە ئەو دەستەواژانە ڕاست نین، كە دەڵێن حكومەتی كاربەڕێكەر دەسەڵاتی نیە پڕۆژە یاسای بودجە ڕەوانەی پەڕلەمان بكات، بەڵكو تەنها لەپەیڕەوی ناوخۆی ئەنجوومەن باسی لەوەكردووه، بەڵام بەپێی یاسای ئیدارەی دارایی كە بۆ ئەمساڵ بەركار دەبێت، ئەوە بەڕوونی باسكراوە، كە حكومەت كاربەڕێكەر بێت یان نا دەتوانێ یاسای بودجە ڕەوانەی پەڕلەمان بكات، چوونكە پەیوەندی بە خەڵك و دامەزراوەكان هەیە پێشتریش لەسەردەمی مالكی ئەوە كراوە، هیوادارین هیچ لایەنێك ئەوە نەكاتە بیانوو”.

ئاماژەی بۆ ئەوەشكرد، پێم وانیە ڕێككەوتنەكە بگەڕێتەوە خاڵی سفڕ، چونكە ڕێككەوتنەكە لەبەرژەوەندی هەردوولایە، هەندێ لایەنی عیراق خۆیان دژی ڕێككەوتنی هەولێر و بەغدان، ئەمەش شتێكی ترە.

بەردەوام بە لە خوێندنەوە

عێراق

كارنامەی دانیشتنی سبەینێی پەڕلەمانی عیراق بڵاودەكرێتەوە

خەڵك- بەشی هەواڵ
سەرۆكایەتی پەرلەمانی عیراق، كارنامەی دانیشتنی داهاتووی خۆی بڵاودەكاتەوە، كە بڕیارە سبەینێ‌ چوار شەممە سازبكرێت.

ئەمڕۆ سێ‌ شەممە، سەرۆكایەتی پەڕلەمانی عیراق، كارنامەی دانیشتنی سبەینێ‌ چوار شەممەی پەڕلەمانی بڵاوكردەوە، كە تێیدا دەنگدان لەسەر پڕۆژە یاسای هەڵًبژاردنی ئەنجوومەنی نوێنەران لەخۆدەگرێت.

بەپێی كارنامەكە، كە وێنەیەكی دەست (خەڵك) كەوتووە، لە بڕگەی یەكەمی دانیشتنەكەی سبەینێی پەڕلەمانی عیراق دا، دەنگدانە لەسەر هەمواری دووەمی یاسای قەربووكردنەوەی زیانلێكەوتووانی جەنگ و هەڵە سەربازییەكان و كردەوە تیرۆریستییەكان.

لە بڕگەی دووەمی كارنامەكەشدا، دەنگدان لەسەر پڕۆژە یاسای هەڵبژاردنی پەڕلەمانی عیراقە و لە بڕگەی سێیەمیشدا گفتووگۆیەكی گشتی دەكرێت، كە 15 خولەكی بۆ تەرخان كراوە.

وابڕیارە سبەینێ‌ چوار شەممە، پەڕلەمانی عیراق لە كاتژمێر 12ی نیوەڕۆ كۆببێتەوە.

بەردەوام بە لە خوێندنەوە

کوردستان

فەرمانگەی تەندروستی كەركوك هەواڵێك ڕەتدەكاتەوە

خەڵك- بەشی هەواڵ
بەڕێوەبەری تەندروستی كەركوك، دەستگیركردنی ژمارەیەك لە بەڕێوەبەرەكانی بەشەكانی فەرمانگەكە ڕەتدەكاتەوە، تەئكید لەسەر ناڕاستی دەستگیركردنیان دەكاتەوە.

ئەمڕۆ سێ‌ شەممە، فەرمانگەی تەندروستی كەركوك لە بەیاننامەیەكیدا ڕایگەیاندووە، “هەندێك لە پەیجەكان باسیان لە دەستگیركردنی ژمارەیەك لە بەڕێوەبەرانی بەشەكان كردبوو لە لیژنەی دامەزراندنەكان لە فەرمانگەی تەندروستی پارێزگاكە، ئەو هەواڵانە درۆن و دوورن لە ڕاستییەوە”.

هەر لە بەیاننامەكەدا هاتووە، “هەندێك تانەیان هەبوو، بۆیە لەئێستادا وردبینی لە سیڤییەكانیاندا دەكرێت و چاوەڕوانی دروستی دەرچوونی سیڤی هەندێكی تریش دەكرێت، هەندێك لەوانی ناویان بڵاوكراوەتەوە وەك عەقیل جومعە، بەڕێوەبەری بەشی پلان و دەرمانسازی و یاساناس سەدام دەحام،لە لیژنەی دامەزراندنەكاندا نیین، بۆیە فەرمانگەكە مافی وەڵامدانەوەی هەیە، لەكاتێكدا ئەو لیستەی لەلایەن ئێمەوە ڕاگەیەندراوە، كاندیدن بۆ دامەزراندن و فەرمانی كارگێڕییان بۆ دامەزراندن بۆ دەرنەچووە”.

پێشتر هەندێك لە پەیجەكانی سەر تۆڕە كۆمەڵایەتییەكان، هەواڵێكیان سەبارەت بە دەستگیركردنی ژمارەیەك لە بەڕێوەبەرانی بەشەكان لە فەرمانگەی تەندروستی كەركوك بڵاوكردبووەوە و هۆكاری دەستگیركردنەكانیشیان بۆ گەندەڵیكردن لە پرسی دامەزراندنەكان لە فەرمانگەی تەندروستی كەركوكدا گێڕابووەوە.

بەردەوام بە لە خوێندنەوە

کوردستان