ئێمە لە تۆرە کۆمەڵایەتیەکان

کوردستان

هەولێر چەندین دوكانی گۆشتفرۆش داخران

خەڵك – بەشی هەواڵ
قایمقامیەتی ناوەندی هەولێر ڕایدەگەیەنێت ، دوای ئەوەی سەرجەم گۆشت فرۆشەكان ئاگادار كران، كە سەربڕینی ئاژەڵ جگە لە كوشتارگەی هاوچەرخی هەولێر قەدەغەیە، لەچەند گەڕەكێك و سەرشەقامێك دیاردەی سەربڕینی ئاژەڵ بەدی كرا بەو هۆیەوە چەندین دوكانی گۆشتفرۆش داخران.

قایمقامیەتی ناوەندی هەولێر لە ڕاگەیەنراوێكدا، كەوێنەیەكی بۆ (خەڵك) نێراوە ڕایگەیاندووە ، دوای ئەوەی بۆ چەندین جار لە ڕاگەیاندنەكان ئاگاداری سەرجەم گۆشت فرۆشەكانی شاری هەولێر كراوەتەوە سەربڕینی ئاژەڵ جگە لەبەڕێوەبەرایەتی كوشتارگەی هاوچەرخی هەولێرقەدەغەیە ، بەڵام تێبینی كرا لە چەند گەڕەكێك و سەرشەقامێك دیاردەی سەر بڕینی ئاژەڵ هەبووە.

دەشڵێت،” سەربڕینی ئاژەڵەكان بەدەر لە ڕێنماییەكانی ڤێتێرنەری و تەندروستیەكان ئەنجام دەدرێت ئەمەش جگە لە دیاردەی ناشارستانی و پیسكردنی ژینگە پێچەوانەی ڕێنماییەكانە”.

ڕاشیگەیاندووە، قایمقامیەتی ناوەندیی هەولێریش لەڕێگای بەشی پۆلیسی شارەوانی لەهەڵمەتێكی بەرفراواندا توانرا چەندین دوكانی گۆشتفرۆش دابخەن لەگەڵ دەست بەسەرداگرتنی چەندین ئۆتۆمبێل لەسەر شەقامەكان، ڕێكاری یاسایی بەرامبەر خاوەنەكانیان دەگیرێتەبەر هەڵمەتەكەش بەردەوام دەبێت، هەركەسێك پابەند نەبێ بەڕێنماییەكان شوێنەكەی دادەخرێت ڕووبەڕووی یاسا دەكرێنەوە.

وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.

کوردستان

وێنە.. لەڕۆژئاوای كوردستانەوە داوای هاوكاری تەندروستی لە باشوور دەكرێت

خەڵك – بەشی هەواڵ

خۆبەڕێوەبەری دیموكراتی داوا لە گەلی باشووری كوردستان دەكات هاوكاری تەندروستی پێشكەش بە ڕۆژئاوا بكەن.

لە نووسراوێكدا بەڕێوەبەرایەتی تەندروستی حەسەكە كە سەر بە خۆبەڕێوەبەرێوەبەری دیموكراتییە و ڕۆژی 13/11/2019 واژۆ كراوە داوا لە كوردانی باشووری كوردستان دەكرێت، هاوكاری تەندروستییان بۆ ڕەوانە بكەن.

لە نووسراوەكەدا ئاماژە بەوەكراوە:”ئاگاداری گەلەكەمان لە باشووری كوردستان دەكەین، خزمەتگوزارییە تەندروستییەكان لەلایەن نەخۆشخانەی حەسەكە بێ بەرامبەر پێشكەش بە هاوڵاتییانی ناوچەكە دەكرێت، بەڵام لە ئێستادا ئەو نەخۆشخانەیە پێويستییەكی زۆری بە دەرمان و پێداویستی پزیشكی و ئامێرە پزیشكییەكان هەیە، ئەگەر دەتوانن هاوكاریمان بكەن بۆ دابینكردنی ئەو پێداویستییانە”.

بەردەوام بە لە خوێندنەوە

عێراق

“دەركردنی یاسا بە پەلە هەڵەیەكی گەورەیە”

خەڵك – بەشی هەواڵ

ئەندامێكی یەكێتی لە ئەنجومەنی نوێنەرانی عیراق ڕایدەگەیەنێت، “ھەڵەی گەورەیە ئەگەر لەژێر فشار و بۆ ڕازیكردن، یاسای بەپەلە و باش دراسە نەكراو دەربكرێت”.

بڵێسە جەبار فەرمان ئەندامی ئەنجومەنی نوێنەرانی عیراق لە فڕاكسیۆنی یەكێتیی نیشتمانیی كوردستان لە لاپەڕەی تایبەتی خۆی لە تۆڕی كۆمەڵایەتی فەیسبوك نووسیویەتی:”ھەڵەی گەورەیە ئەگەر لەژێر فشار و بۆ ڕازیكردن، یاسای بەپەلە و باش دراسە نەكراو دەربكرێت جا چ لەلایەن ئەنجومەنی وەزیرانەوە بێت یا لەلایەن ئەنجومەنی نوێنەرانەوە”.

ئەمەش لەكاتێكدایە، لە ماوەی ڕابردوودا بەهۆی خۆپیشاندانەكانی بەغدا و چەند پارێزگایەكی ناوەڕاست و باشووری عیراقەوە چەند پڕۆژە یاسایەك ئامادەكراوە لە ناویشیاندا هەمواركردنەوەی دەستووری هەمیشەیی عیرا و ژمارەیەكیش لەو پڕۆژە یاسایانە ڕەوانەی ئەنجومەنی نوێنەران كراون بۆ دەنگدان لەسەری و پەسندكردنی.

 

بەردەوام بە لە خوێندنەوە

کوردستان

ژمارەیەك گومانلێكراو لە باكووری كەركوك دەستگیركران

خەڵك – بەشی هەواڵ

شانەی ڕاگەیاندنی ئەمنی عیراق بڵاویكردەوە: لە هەڵمەتێكی هێزە ئەمنییەكاندا لەزنجیرە چیاكانی كانی دومەڵان لەباكوری كەركوك ژمارەیەك تیرۆریست دەستگیركران و چەند بۆمبێكیش پووچەڵكرانەوە.

شانەی ڕاگەیاندنی ئەمنی عیراق لە ڕاگەیەنراوێكدا ڕایگەیاند، ئەمڕۆ 14/11/2019 مەفرەزەكانی تیپی شەشی پۆلیسی فیدڕاڵی و هێزەكانی حەشدی شەعبی و عەشایەری، بەپشتیوانی فڕۆكە جەنگییەكانی سوپای عیراق هەڵمەتێكی گەڕان و پشكنینیان لە ناوچەكانی باكووری كەركوك دەستپێكردووە و بە تایبەت لە زنجیرە چیاكانی كانی دومەڵان، لەو هەڵمەتەشدا هێزە ئەمنییەكان توانیویانە سێ گومانلێكراو دەستگیربكەن و سەرجەم مۆڵگەكانی تیرۆریستان لەو ناوچەیە خاپوور بكەن.

شانەی ڕاگەیاندنی ئەمنی عیراق ئەوەشیخستووەتەڕوو، هەر لەو هەڵمەتەدا هێزە ئەمنییەكان لەقوڵایی زنجیرە چیاكانی كانی دومەڵان تونێلێكیان دۆزیوەتەوە كە لەشێوەی ئەشكەوتدا بووە و درێژییەكەی 75 مەتر بووە و بە تەواوەتی خاپووریان كردووە.

بەردەوام بە لە خوێندنەوە

کوردستان