ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

ئەپڵ دیسانەوە لە پێشەنگدا مایەوە و بە جیاوازییەکی زۆر لە پێشەوەیە


خەڵک-

ستراتیجی ئەنەڵەتیک ڕاپۆرتی فرۆشی کاتژمێرە زیرەکەکانی بڵاوکردەوە بۆ چارەکی دووەمی ئەمساڵ و ژمارەکانیش سەرنجڕاکێش دەردەکەون و وا دیارە سامسۆنگیش دەیەوێت زیاتر بێتەوە نێو بازاڕەکە بە ڕاگەیاندنی کاتژمێری زیرەکی بنچینە کراو لەسەر سیستەمی ئەندرۆید، و هەروەها تێکڕای ڕێژەی فرۆشی کاتژمێرەکان ٨.٦ ملیۆن دانە بووە لە ساڵی پێشوودا و لەم چارەکەی ئەمساڵدا بە ڕێژەی سەدا ٤٤ زیادی کردووە و ڕێژەکە گەشتووەتە ١٢.٣ ملیۆن کاتژمێری زیرەک و وەکو دەردەکەوێت ئەپڵ بە جیاوازییەکی زۆرەوە لە پێش کۆمپانیاکانی دیکەیە بەهۆی سیستەمە پێشکەوتووەکەی و چەندین تایبەتمەندی گرنگی تەندرووستی کە لە کاتژمێرەکانی دیکەدا بەدی ناکرێت.

ئەمەی خوارەوەش ڕێژە و جیاوازی فرۆشی بازاڕی کاتژمێرە زیرەکەکانە لەم چارەکەدا بەراورد بە هەمان چارەک لە ساڵی ڕابردوودا:

بەراوردی فرۆشی کاتژمێرە زیرەکەکان بە ملیۆن.


جووڵەی بازاڕ بەپێی ڕێژەی سەدی لە بەراوردی هەردوو ساڵەکەدا

ریکلام

ئۆتۆمبێل و تەکنەلۆژیا

ئەو هەڵانەى نابێت لەگەڵ ئۆتۆمبێلی گێڕ ئۆتۆماتیک بکرێن


خەڵک – بەشی هەواڵ

 

پەڕەی فەرمی بەڕێوەبەرایەتی هاتوچۆی سلێمانى چه‌ند هه‌ڵه‌یه‌كی دیاریکردووە، كه‌ نابێت لە ئۆتۆمبێلی ‌گێڕ ئۆتۆماتیكدا ئه‌نجامبدرێن، له‌به‌رئه‌وه‌ی ده‌بنه‌ هۆی تێكدان و له‌كاركه‌وتنی گێڕەکە:

 

1- نابێت به‌ هیچ شێوه‌یه‌ك ئۆتۆمبێلی گێڕ ئۆتۆماتیك ڕابكێشرێت له‌ D یان له‌ R یان له‌ P جگه‌ له‌ N ئه‌ویش بۆ مه‌ودایه‌كی زۆر كورت.

2- نابێت به‌هیچ شێوه‌یه‌ك ئۆتۆمبێلی گێڕ ئۆتۆماتیك ئۆتۆمبێلێكی تر ابكێشرێت، چونكه‌ زیان به‌ كلاجه‌كانی ناو گێڕ ده‌گه‌یه‌نێت.

3- نابێت له‌ڕێگادا بیده‌ی به‌ N دواتر بیده‌یته‌وه‌ به‌ D ئه‌وه‌ش زیان ده‌گه‌یه‌نێت به‌ گێڕ.

4- نابێت گێڕ له‌ D بده‌ی به‌ R یان به‌ پێچه‌وانه‌ وه‌ تا ئه‌وكاته‌ی به‌ ته‌واوی ده‌وه‌ستێت.

5- هه‌ندێ له‌ ئۆتۆمبێله‌ نوێیه‌كان پله‌ی گه‌رمی رۆنی گێڕت پێ ده‌ڵێن، هه‌ركاتی ئاگاداری كردیه‌وه‌ كه‌ پله‌ی گه‌رمی ڕۆنی گێڕ به‌رزبۆته‌وه‌، ده‌بێت ڕایبگری تا سارد ده‌بێته‌وه‌ به‌ تایبه‌ت له‌ هه‌ورازی زۆر و پله‌ی گه‌رمی به‌رزی كه‌ش و هه‌وا.

6- هه‌وڵ بده‌ن له‌كاتێك كه‌ ئۆتۆمبێل ڕاده‌گرن سه‌ره‌تا بیكه‌نه‌ N ، پاشان برێك ڕابكێشن، دواتر بیكه‌نه‌ P، بۆئه‌وه‌ی دوایی كه‌ داتانه‌وه‌ به‌گێڕ D به‌ زه‌حمه‌ت نه‌چێته‌ گێڕ و كرته‌ی نه‌یات به‌ تایبه‌تی له‌ شوێنی به‌رز و نزم.

 

بەردەوام بە لە خوێندنەوە

ئۆتۆمبێل و تەکنەلۆژیا

كۆمپانیای (Huami) چین، دەمامكێكی زیرەكی بەرهەمهێنا


خەڵك

پاش بڵاوبوونەوەی پەتای كۆرۆنا لە جیهاندا و بەكارهێنانی دەمامك بۆ خۆپارێزی، یەكێك لە گرفتەكانی ئەو بەكارهێنانە ئەوە بوو، كە كەسی بەرامبەرت بە ئاستەم بۆ دەناسرایەوە، پاش خستنەڕووی چەندین جۆری دەمامك سەرەنجام چینییەكان توانیان دەمامكێكی زیرەك بۆ ناسینەوەی بەرامبەر بەرهەمبهێنن.

ئەم بەرهەمەی چینییەكان، لەرێگای تەكنەلۆجیای(Face Recognition)، كەسی بەرامبەر تۆمار دەكات و دەیناسێتەوە، كە دەتوانرێت لەسەر سەرجەم مۆبایلە زیرەكەكان تەكنەلۆجیاكە بەگەڕ بخرێت، بەمەش گرفتی نەناسینەوەی بەرامبەر لە كاتی بەكارهێنانی دەمامكدا چارەسەر كرا.

كۆمپانیای هوامی(Huami) چینی خاوەنی داهێنانی ئەم دەمامكە نوێیەیە كەناوی (Aeri)ە و فلتەری دەمامكی N95ی لەسەرە.

بەردەوام بە لە خوێندنەوە

ئابوری

“كاتێكی گونجاوە بۆ كۆمپانیاكان تا ستراتیژیی بەبازاڕكردنی دیجیتاڵیی تایبەت بە خۆیان دابڕێژن”


خەڵک

سەرەڕای كاریگەرییەكانی ڤایرۆسی كۆرۆنا، كۆمپانیاكانی دیجیتاڵ ماركێتینگ تا دێت كار و چالاكییەكانیان بەشێوەیەكی بەرچاو زیاد دەكات، لەم بارەیەوە بەڕێوەبەری جێبەجێكاری ئاژانسی ئەپۆسترۆفی، دەڵیت؛ پێویستە خۆمان بۆ قۆناغی بەبازاڕكردنی تۆڵەسەندنەوە ئامادە بكەین.

ئاژانسی “ئەپۆسترۆفی-Apostrophe”ی پێشەنگ و تایبەتمەند لەبواری ڕێكلام و دیجیتاڵ ماركێتینگ ڕایگدەگەیەنێت: ئەمڕۆ لە هەموو كات زیاتر كاتێكی نموونەیی و گونجاوە بۆ كۆمپانیاكان تا ستراتیژییەتی بەبازاڕكردنی دیجیتاڵیی تایبەت بە خۆیان دابڕێژن، بەتایبەتیش دوای ئەوەی هەموو شتێك گۆڕاوە و سەودا و مامەڵەكان زیاتر بە جۆری “سەودا و مامەڵەی لەدوورەوە” پەیڕەو دەكرێن، لە دۆخێكی لەم شێوەیەشدا بازاڕكردنی دیجیتاڵی، كلیلی چارەسەرە، بەم هۆیەشەوە زۆربەی كۆمپانیاكان، بەتایبەتیش كۆمپانیا بچووك و مامناوەندەكان بەرەو بەبازاڕكردنی ئەلیكترۆنی و دانانی ستراتیژییەتی تایبەت بۆ ئەم جۆرە بازاڕە دەڕۆن، بە مەبەستی خۆپاراستن و دووربوونیان لە توشبوون بەڤایرۆسی كۆرۆنا.

كلدۆ ڕەمزی، بەڕێوەبەری جێبەجێكاری ئاژانسی ئەپۆسترۆفی، كە زیاتر لە15 ساڵ ئەزموونی كاركردنی لە بواری ڕێكلام هەیە، ڕایگەیاند: “بەهۆی بڵاوبوونەوەی ڤایرۆسی كۆرۆنا و گرتنەبەری ڕێوشوێنی پێویست و ڕاگەیاندنی قەدەغەی هاتوچۆ لەلایەن حكومەت، لە سەرەتای مانگی ئادارەوە بەبازاڕكردن لە عیراق و هەرێمی كوردستان سست بوو، چالاكییەكانی بەبازاڕكردن و ڕێكلامی كۆمپانیاكان لە ناوەڕاستی ئادار ڕاوەستان، هەروەها ئەمە كاریگەری كردە سەر كۆمپانیاكانی دیجیتاڵ ماركێتینگی پەیوەست بە كۆمپانیاكانی تر و چالاكییەكانیان، بەڵام كاریگەریی ئەم قەیرانە بۆ سەر كۆمپانیاكانی تایبەت بە دیجیتاڵ ماركێتینگ كەمتر بوو، ئەویش بەهۆی ئەوەی ئێستا خەڵك و كڕیاران بەهای بازاڕكردنی ئۆنلاین online زیاتر دەزانن، بەڵام هاوكات ئەو كۆمپانیا بچووكانەی start up كە كاریگەربوون بە ڕووداوەكان و بەهۆیەوە ڕاوەستان، ژمارەیان كەم نەبوو”.

كلدۆ ڕەمزی، كە پیشتر كۆمپانیا گەورەكانی ڕێكلامی وەكو BBD و Ogilvy بەڕێوەبردووە، پێی وایە كاتێكی وەكو ئێستا گونجاوترین كاتە بۆ وەبەرهێنانی داهێنانكاری Creativity و كۆمپانیا سەركەوتووەكان زیاتر لەكاتەكانی سستی ئابووریدا داهێنانكاری دەكەن، بەڵام كۆمپانیاكانی تر تووشی چەقبەستوویی دەبن.

هەروەها وتی: “ئێستا كاتی ئەوەیە جۆرێكی نوێی كڕیار بۆ خۆت ڕابكێشی، ئەمانیش ئەوانەن كە ئەزموونی پێشتریان لەگەڵ بەبازاڕكردنی دیجیتاڵیدا نەبووە و بەگوێرەی ڕووداوەكانی ئێستا خزمەتگوزارییان پێشكەش دەكرێت، لەوانەش خزمەتگوزارییەكانی ڕاوێژكاری و چۆنییەتی بەڕێوەبردنی كار لەدوورەوە و بەكارهێنانی ئەپڵیكەیشنی گونجاو بەگوێرەی جۆری كۆمپانیاكان و سروشتی چالاكییەكانیان”.

كلدۆ ڕەمزی جەختی لەوەكردەوە كە دوای كۆتایهاتنی ئەم قۆناغە زەحمەتە، كار و چالاكییەكانی كۆمپانیای بەبازاڕكردنی دیجیتاڵی بەشێوەیەكی بەرچاو زیاد دەكەن و وەكو ئەو وتی: “دەبێ خۆمان بۆ بەبازاڕكردنی تۆڵەسەندنەوە ئامادە بكەین، كە چارەسەری بازاڕكردن دەكات، بەتایبەتیش بۆ ئەو كڕیار و بەكاربەرانەی، بەهۆی قەدەغەی هاتوچۆوە دەرفەتی ئەوەیان لەدەستچووە ڕاستەوخۆ بازاڕیی بكەن”.

كلدۆ ڕەمزی وتیشی: “لەگەڵ چوونەدەرەوەی زیاتری خەڵك لەدوای قەدەغەی هاتووچۆ و كەرەنتینە، سەرەڕای بارودۆخی خراپی ئابووری هەرێمی كوردستان، بەڵام ئەگەری ئەوە هەیە كەشەپۆڵێكی گەورەی (خەرجیی تۆڵەسەندنەوە) ڕووبدات، بەلایەنی كەم لەلایەن ئەو كەسانەی توانای ئابوورییان باشە”.

ئەو، وڵاتی چین بە نموونە دەهێنێتەوە و دەڵێت: لەوڵاتی چین، لەیەكەم ڕۆژی كردنەوەی بازاڕدا لەمانگی ئەپڕیل، لقی سەرەكی هێمای بازرگانیی فەڕەنسی هیرمیس ئاستیی فرۆشی گەیشتە 2،7 ملیۆن دۆلار، ئەوەش گەورەترین ڕێژەی فرۆشتنە لە ڕۆژێكدا”.

كلدۆ دەشڵێت: “بۆیە لەهەرێمی كوردستانیشدا پێویستە دوكاندار و خاوەنكار و هێمای بازرگانی، خۆیان بەباشی بۆ شەپۆلی بازاڕكردنی تۆڵەسەندنەوە ئامادە بكەن”.

بەردەوام بە لە خوێندنەوە

کوردستان