ئێمە لە تۆرە کۆمەڵایەتیەکان

ئابوری

كەی مووچەی پاشەكەوتكراو دەدەنەوە؟
شاسوار عەبدولواحید “موزایەدەیەكی” دیكەی ڕاگەیاند


خەڵك- بەشی هەواڵ
بەهۆی بوونی چاڵ و چۆڵی لە تونێلی دەربەندیخان و نیگەرانییەكی زۆری هاووڵاتیان لەسەر خراپی ڕێگاكە، سەرۆكی جوڵانەوەی نەوەی نوێ‌ “موزایەدەیەك” بۆ چاككردنەوەی بە 5 ڕۆژ ڕادەگەیەنێت، بەڵام بەرپرسانی ئەو شارۆچكەیە دەڵێن: “لە چەند ڕۆژی داهاتوودا چاكی دەكەین” و لای خۆشیەوە شاسوار عەبدولواحید “موزایەدەیەكی” دیكەی بۆ بۆیاخ كردن و ئینارەی تونێلەكە ڕاگەیاند.

شاسوار عەبدولواحید، سەرۆكی جوڵانەوەی نەوەی نوێ‌ لە هەژماری خۆی لە فەیسبووك نووسیویەتی، “تیمی ئەندازیاری نەوەی نوێ بڕیاریداوە، كە لە ماوەی تەنها یەك هەفتەدا چاكسازی پێویست لەو تونێلەدا بكات و نۆژەنی بكاتەوە (شەو و ڕۆژ بۆ ماوەی ئەو هەفتەیە) تیمەكەمان كاری تێدا دەكەن”.

ڕاشیگەیاندووە، هیوادارم حكومەتی هەرێم و ئیدارەی ناوچەكە وەك ئەوەی ٢٨ ساڵە نەیانتوانیوە وەك پێویست خزمەتی ئەو تونێلە بكەن و چاكسازی پێویستی تێدا بكەن، ئەوا هیوادارم ڕێگری لە تیمی ئەندازیاری ئێمەش نەكەن و بهێڵن ئەو تونێلە چاك بكەین.

دەشڵێت: “كاری ئێمە وەك جوڵانەوەی نەوەی نوێ خزمەتكردنی خەڵكە، دروستكردنی ململانێی شەریفانەیە لە پێناو خزمەتی خەڵكدا، دروستكردنی كێبڕكێیەكی جوانە تاوەكو بزانین كام هێز و كام حیزب زیاتر خزمەتی خەلكی خۆی و ناوچەكانی كوردستان دەكات، چونكە حیزبایەتی لای ئێمە واتە خزمەتكاری خەڵك، حیزبایەتی لای نەوەی نوێ واتە مەشغوڵبون بە كێشەی هاووڵاتییان و كاركردن بۆ هاووڵاتییان، نەك مەشغوڵكردنی خەڵك بە كێشەی حیزبەوە”.

ئاماژەی بەوەشكردووە، دەمانەوێت حیزبایەتی لە جنێودان و بوختان و ڕقەبەرایەتی و شەڕی براكوژی و بانگەشەی ناشیرینی گەرمی میدیایی، بگۆڕین بۆ خزمەتكردنی خەڵك و دروستكردنی كێبڕكێ لەو مەجالەدا، كە دڵنیام براوەی یەكەم هاووڵاتییانی ئاسایین.

شاسوار عەبدولواحید دەڵێت: “هەندێك بەرپرسی حكومی و حیزبیش، لە بری خۆمەشغوڵكردن و درۆی بەر كامێرا و خۆنمایشكردن و خۆخەریك كردن بە نەمامێكەوە، ئەوا هیوادارم لە باخەكانی خۆیان بێنەنە دەرەوە و سەردانی گەڕەك و كوچەی ئاساییەكانی هاووڵاتییان بكەن و خزمەتی ڕاستەقینەی ئەوان بكەن.، چونكە خەلك چاوەڕوانی ئەمانەیە، نەك چاوەڕوانی نەمامێكی ٢،٠٠٠ دیناری بێت”.

جەختیشی كردۆتەوە، “چاوەڕوانی ئەوەن تا بزانن حكومەتی هەریم و جوت حیزبی دەسەڵاتدار بەو هەموو پارە و بودجەیەی بەغداد و ئەو داهاتە زۆرەی هەرێم كە هەمانە، كەی پڕۆژەی زەبەلاح جێبەجێ دەكەن؟ كەی ٦٠٠ هەزار گەنجی بێ كار دەخەنە سەر ئیش، كەی مووچەی دزراوی (بە ناو پاشەكەوتكراوی) فەرمانبەران دەگێڕنەوە، كەی پڕۆژەی خزمەتگوزاری لە تەواوی شار و شارۆچكەكان جێبەجێ دەكەن؟”.

هاوكات شاسوار عەبدولواحید دەڵێت: هەر تایبەت بە موزایەدەكەی ئێمە و بەو ڕوونكردنەوەی بەرپرسانی حكومی لە دەربەندیخان، كە گوایە تونیلەكە چاك دەكەن،ئەوا:
١- خۆتان باش دەزانن، كە دوو ڕۆژە تیممان ناردوە، ئێوە ماوەیەكی زۆرە دەنگتان نیە، بەڵام ئێستا كتوپڕ دەڵێن چاكی دەكەن.
دووەم: تەحەداكەمان زیاد دەكەین و بۆیاخ و ڕووناكیش بۆ ناو تونێلەكە دادەنێین و هەمووی لەگەڵ چاككردنی شەقامەكەیشدا لە یەك هەفتەدا.

دووپاتیشی كردۆتەوە، هیوادارم ڕێ بدەن بە ئێمە، كە خزمەتی وڵاتی خۆمان و دەربەندیخان بكەین و ڕۆژی شەممە دەست بە كار دەكەین و هەوڵ دەدەین تا پێنچ شەممە هەمووی تەواو ببێت (واتە بە پێنج ڕۆژ، لە خراپترین حاڵەتدا بە ٧ ڕۆژ تەواوی دەكەین).

ئابوری

پەڕلەمانتارێكی پارتی: كەمكردنەوەی مووچەی فەرمانبەرانی عیراق هێڵی سوورەو قبوڵی ناكەین


خەڵك – بەشی هەواڵ
ئەندامێكی فراكسیۆنی پارتی دیموكراتی كوردستان لە پەڕلەمانی عیراق ڕایدەگەیەنێت كە ڕێگەنادەن بەوەی مووچەی فەرمانبەران كەمبكرێتەوە و بە هێڵی سوور وەسفی دەكات.

ئەحمەد سەفار پەڕلەمانتاری پارتی كە ئەندامی لیژنەی داراییە لە پەڕلەمانی عیراق لە گرتەیەكی ڤیدیۆییدا كە لەلایەن ڕۆژنامەنووسێكی عیراقییەوە بڵاوكراوەتەوە، دڵنیایی دەداتە مووچەخۆرانی ناوەڕاست و باشووری عیراق بەوەی ڕێگەنادەن دەستكاری مووچەكانیان بكرێت.

سەفار بۆ فەرمانبەرانی عیراق دەڵێت: “من لەگەڵتانم، من و زۆربەی ئەندامانی لیژنەی دارایی قبوڵی ناكەین دەستكاری مووچەكانتان بكرێت و ئەوەش هێڵی سوورە”.

بەردەوام بە لە خوێندنەوە

ئابوری

نەوت 40 دۆلاری تێپەڕاند و كاتی پێدانی مووچەش نادیارە


خەڵك- بەشی هەواڵ
ڕۆژ بەڕۆژ نرخی نەوت لە بازاڕەكانی جیهان ڕووی لە بەرزبوونەوە كردووە و بەهۆیەوە داهاتێكی زیاتر دەست عیراق و هەرێم دەكەوێت، بەڵام تا ئێستا كاتی دابەشكردنی مووچەی مانگی 2ی فەرمانبەران نادیارە.

بەگوێرەی ڕاپۆرتێك، كە ئاژانسی (ڕۆیتەرز) بڵاویكردۆتەوە، لە بۆرسەی جیهانی نرخی بەرمیلێك نەوتی خاوی برێنت لە ئێستادا 40 دۆلار و 53 سەنتە، ئەوەش لە كاتێكدایە دوێنێ ئێوارە یەك بەرمیل نەوتی برێنت بە 38 دۆلار و 15 سەنت بوو.

هاوكات ھەر ئەمڕۆ نرخی یەك بەرمیل نەوتی ئەمریكیش بە 38 دۆلار و 19 سەنت مامەڵەی پێوەكرا و بە ڕێژەی 12% بەهاكەی بەرزبۆتەوە .

لەگەڵ بەرزبوونەوەی نرخی نەوت داهاتی حكومەتی هەرێم، كە زۆرینەی پشت بە نەوت دەبەستێت زیاد دەكات، بەڵام تا ئێستا هیچ وادەیەك دیاری نەكراوە بۆ دابەشكردنی مووچەی مانگی 2ی فەرمانبەران، سەرەڕای ئەوەی بڕی 400 ملیار دیناریش لە بەغداوە هاتووە بۆ مووچەی فەرمانبەران.

لای خۆشیەوە، د. جوتیار عادل، وتەبێژی فەرمی حكومەتی هەرێم لە كۆنگرەیەكی ڕۆژنامەوانیدا ڕایگەیاند، حكومەت لەمساڵدا 4 مووچەی داوە نەك یەك مووچە و هەر داهاتێكیش بێتە بەردەستمان تەرخانی دەكەین بۆ مووچە، بەڵام لە ئێستادا داهات كەمبۆتەوە، هەرچەندە ماوەیەكە كەمێك نرخی نەوت بەرزبۆتەوە.

هاوكات، زیاد جەبار، سەرۆكی لیژنەی دارایی لە پەڕلەمانی كوردستان بۆ (خەڵك) ڕایگەیاند، كە لە چەند ڕۆژی ڕابردوودا پارەی مووچە لە بەغداوە هاتووە بۆ هەرێم و حكومەتی هەرێمیش لە كۆبوونەوەی خۆیدا بڕیاریدا، كە هەر پارەیەك بێتە دەستیان ئەولەویەت بۆ مووچە دەبێت.

ڕاشیگەیاند، كە بەدواداچوونمان بۆ پرسی مووچە كردووە و تا ئێستا وەزارەتی دارایی هیچ خشتەیەكی بۆ دابەشكردنی مووچە ڕانەگەیاندووە و هیچ كاتێكیشی دیاری نەكردووە بۆ دەستپێكردنی.

بەردەوام بە لە خوێندنەوە

ئابوری

پەڕلەمانتارێكی پارتی كاتی ڕێككەوتنی عیراق و هەرێم ئاشكرادەكات


خەڵك- بەشی هەواڵ

لە چەند مانگی ڕابردوودا دانوستانی ورد دەربارەی پرسی نەوت و مووچەی فەرمانبەرانی ھەرێمی كوردستان لە نێوان ھەرێمی كوردستان و بەغدا كراوە و پەڕلەمانتارێكی پارتی ئاشكرای كرد، لەم مانگەدا ڕێككەوتنی كۆتایی دەكرێت.

ڕێبوار ھادی، سەرۆكی لیژنەی یاسایی پەڕلەمانی عیراق بە ماڵپەڕی فەرمی پارتی ڕاگەیاندووە، دانوستانەكانی پێش جەژن لە نێوان ھەرێمی كوردستان و بەغدا تا ڕادەیەكی زۆر بەرەوپێشڤەچوونیان بە خۆیانەوە بینیوە و نزیكن لە ڕێككەوتنی كۆتایی.

ڕاشیگەیاندووە، بڕیارە پڕۆژە یاسای بودجەی گشتی عیراقیش لە ڕۆژانی داھاتوو ڕەوانەی پەڕلەمان بكرێت، ئەگەر بودجە لە پەڕلەمانەوە پەسەند بكرێت، بێگومان پشكی ھەرێمی كوردستانیش دیاری دەكرێت.

وتیشی، “ھەرێمی كوردستان ئامادەیە ڕۆژانە ٢٥٠ ھەزار بەرمیل نەوت ڕادەستی بەغدا بكات، بەڵام بەو مەرجەی شایستە داراییەكانی خەڵكی كوردستان بۆ ئەمساڵ زامن بكرێت”.

ڕێبوار ھادی، ڕوونیشی كردۆتەوە، ھەولێر و بەغدا لەسەر زۆربەی پرسەكان گەیشتوونەتە ڕێككەوتن، بەڵام ھێشتا ڕێككەوتنی كۆتایی ماوە و ئێمە گەشبینین لە ئایندەیەكی نزیكدا واژۆ بكرێت، كە من پێشبینی دەكەم لەم مانگەدا ڕێككەوتنی كۆتایی نێوان ھەرێمی كوردستان و حكومەتی فیدڕاڵ واژۆ بكرێت.

بەردەوام بە لە خوێندنەوە

کوردستان