ئێمە لە تۆرە کۆمەڵایەتیەکان

جیهانی

ماڵکۆم وه‌ڵامی پڕوپاگه‌نده‌کان ده‌داته‌وه‌: لێره‌ خۆشحاڵم و ڕه‌نگه‌ بۆ ڕوسیا یاریی بکه‌م !

خه‌ڵک سپۆرت

ماڵکۆمی به‌رازیلی ئه‌ستێره‌ی پێشووی یانه‌ی به‌رشلۆنه‌ هه‌موو ئه‌و هه‌واڵانه‌ به‌درۆ ده‌خاته‌وه،‌ که‌ ئاماژه‌ به‌ بێزاری و وازهێنانی ده‌که‌ن له‌ یانه‌ی زینیتی ڕوسی.

ئه‌ستێره‌ به‌رازیلیه‌که‌ له‌گواستنه‌وه‌کانی هاوینه‌دا به‌بڕی ٤٠ ملیۆن یورۆ له‌ یانه‌ی به‌رشلۆنه‌وه‌ ڕوویکرده‌ یانه‌ی زینیت سانت پترسبۆرگی ڕوسی، له‌سه‌ره‌تاکانیه‌وه‌ هانده‌رانی یانه‌ ڕوسیه‌که‌ دژایه‌تیان کرد به‌وپێیه‌ی که‌سایه‌تیه‌ی ڕه‌ش ئه‌سمه‌ره‌ و مه‌سه‌له‌ی ڕه‌گه‌زپه‌رستیش له‌ڕوسیا بابه‌تێکی کراوه‌ی ڕۆژانه‌یه‌، سه‌رچاوه‌کان له‌ به‌رازیل و جیهانه‌وه‌ وایان بڵاوده‌کرده‌وه‌ که‌ یاریزانه‌که‌ بێزاربووه‌ و بڕیاری وازهێنانی یه‌کجاره‌کی داوه‌.

بۆ ئه‌م مه‌به‌سته‌ “سپۆرت ٢٤”ی ڕوسی چاوپێکه‌وتنێکی له‌گه‌ڵ یاریزانه‌ به‌رازیلیه‌که‌ ئه‌نجامدا، ناوبراو له‌وه‌ڵامی پرسیارێکدا ده‌ڵێت :” من لێره‌ زۆر به‌خته‌وه‌رم، ئه‌وه‌ی میدیاکانی به‌رازیل بڵاویده‌که‌نه‌وه‌ دوورن‌ له‌ڕاستیه‌وه‌، ده‌مه‌وێت له‌ یانه‌ی زینیت کارێکی باش و مێژوویه‌کی گه‌وره‌ تۆمار بکه‌م، که‌شو هه‌وای ئێره‌ سارده‌ و چیتر ئێمه‌ ماڵی نوێمه‌ پێویسته‌ خۆم بگونجێنم، له‌ڕاستیدا خه‌ڵکانێک له‌سه‌ر شه‌قامه‌کان داوای وێنه‌گرتم له‌گه‌ڵ ده‌که‌ن، منیش د‌ڵی که‌سیان ناشکێنم و داواکانیان جێبه‌جێ ده‌که‌م، ئه‌وه‌ش ده‌ریده‌خات که‌ زۆرینه‌ من ده‌ناسن و ده‌زانن کێم”.

هه‌روه‌ها ده‌ڵێت :” نازانم له‌داهاتوودا چی ڕووده‌دات، ئه‌گه‌ر هه‌ڵبژارده‌ی به‌رازیل بانگهێشتم نه‌که‌ن و له‌به‌رامبه‌ردا هه‌ڵبژارده‌ی ڕوسیا گرنگیم پێبده‌ن، ڕه‌نگه‌ هه‌موو شتێک ڕووبدات و بۆ ڕوسیا یاریی بکه‌م”.

ئه‌م لێدوانانه‌ی یاریزانه‌ ڕه‌ش ئه‌سمه‌ره‌که‌ دووپاتیده‌که‌نه‌وه‌، ئه‌وه‌ی له‌باره‌ی وازهێنان و بێزاریه‌کانیه‌وه‌ ده‌وترێت دوورن له‌ڕاستیه‌وه‌ و له‌ خولی ڕوسیا هه‌ست به‌ به‌خته‌وه‌ری ده‌کات.

جیهانی

مارکا: هه‌وڵه‌کانی به‌رشلۆنه‌ بۆ نایمار سنورداره‌ و ڕیاڵ قسه‌ی کۆتایی له‌گه‌ڵ قه‌ته‌ریه‌کان ده‌کات

خه‌ڵک سپۆرت

ڕۆژنامه‌یه‌کی ناوداری ئیسپانیا به‌پێچه‌وانه‌ی سه‌رچاوه‌ که‌ته‌لۆنیه‌کانه‌وه‌ دووپاتیده‌کاته‌وه‌، یانه‌ی ڕیاڵ مه‌درید له‌ گواستنه‌وه‌ی نایمار دا سیلڤای به‌رازیلیدا له‌ به‌رشلۆنه‌ به‌هێزتره‌ و قسه‌ی کۆتاییش بۆ یانه‌ مه‌دریدیه‌که‌ ده‌بێت.

به‌پێی ڕاپۆرتێک که‌ له‌لایه‌ن ڕۆژنامه‌ی “مارکا”ی مه‌دریدیه‌وه‌ بڵاوکراوه‌ته‌وه‌، یانه‌ی به‌رشلۆنه‌ له‌ڕووی داراییه‌وه‌ هه‌وڵه‌کانی بۆ نایمار سنورداره‌ به‌وپێیه‌ی یانه‌که‌ پاره‌ی ته‌واوی به‌شێوه‌ی سیوله‌ و کاش به‌رده‌ست نییه‌ و ته‌نها ده‌توانن به‌شێوه‌ی ئاڵوگۆڕی یاریزانان و بڕێک پاره‌ گواستنه‌وه‌که‌ به‌ ئه‌نجام بگه‌یه‌نن، له‌لایه‌کی تریشه‌وه‌ هه‌ندێک له‌سه‌رچاوه‌ فه‌ره‌نسیه‌کان پێیان وایه‌ هه‌وڵه‌کانی بارتومیۆ شه‌رمنانه‌یه‌ و وه‌ک ئه‌وه‌ ده‌رده‌که‌وێت ته‌نها بیانه‌وێت لیۆ مێسی به‌ هه‌وڵه‌کانیان قایل بکه‌ن.

کۆتا ئۆفه‌ری یانه‌ی به‌رشلۆنه‌ بۆ نایمار بریتی بووه‌ له‌ پێشنیاری گه‌ڕانه‌وه‌ی به‌شێوه‌ی خواستن بۆ وه‌رزێک و پێشکه‌شکردنی ١٦٠ ملیۆن یورۆ له‌ هاوینی داهاتوو (واتا له‌ هاوینی داهاتوو بۆنده‌که‌ی بکرێت به‌ هه‌میشه‌ییه‌)، ئه‌م پێشنیاره‌ش له‌لایه‌ن لیۆناردۆی به‌ڕێوه‌به‌ری وه‌رزشیی پاریس سانت جێرمانه‌وه‌ ڕه‌تکراوه‌ته‌وه‌.

ئه‌گه‌ر ئیداره‌ی ناسڕ خلێفی بیر له‌ خواستنی نایمار بکاته‌وه‌، ئه‌وا فلۆرنتینۆ پێریزی سه‌رۆکی ڕیاڵ په‌یوه‌ندیه‌کی توندوتۆڵتری له‌گه‌ڵیاندا هه‌یه‌ و ده‌توانێت ده‌رگای باشتر به‌ڕووی یانه‌ فه‌ره‌نسیه‌که‌دا بکاته‌وه‌، ئه‌وه‌ش بۆ چه‌ند هۆکارێک ده‌گه‌ڕێته‌وه‌ که‌ له‌ هه‌مووی به‌هێزتر توانای دارایی یانه‌ زه‌به‌لاحه‌که‌ی مه‌دریده‌ له‌ سه‌رفکردنی زیاتر له‌ ١٥٠ ملیۆن یورۆ له‌هه‌مان گواستنه‌وه‌دا، هه‌روه‌ها بونی چه‌ندین یاریزانی شێاو به‌ ئاڵوگۆڕ به‌پێچه‌وانه‌ی به‌رشلۆنه‌وه‌ که‌ کۆتینیۆیان ڕه‌وانه‌ی بایرن میونشن کردووه‌ و له‌ئێستادا ته‌نها دیمبیلی و سیمیدیۆیان له‌به‌رده‌ستدایه‌ و نایانه‌وێت به‌هۆی گه‌ڕانه‌وه‌ی به‌رازیلیه‌که‌وه‌ له‌ده‌ستیان بده‌ن.

“مارکا” نوسیویه‌تی، به‌پێی ئه‌و جموجۆڵانه‌ بێت که‌ هه‌ردوو یانه‌ زه‌به‌لاحه‌که‌ی ئیسپانیا ئه‌نجامیانداوه‌، یانه‌ی شاهانه‌ له‌ گفتوگۆکاندا پێشه‌نگی ده‌گرێت و له‌ چه‌ند ڕۆژی داهاتوودا پێرێز و هاوه‌ڵانی هه‌لی گونجاو بۆ لێدان له‌ بارسا ده‌دۆزنه‌وه‌ و قسه‌ی کۆتایی له‌م که‌یسه‌دا ده‌که‌ن.

بەردەوام بە لە خوێندنەوە

جیهانی

(ڤیدیۆ) پاسێک له‌ زێدانه‌وه‌ بۆ جه‌یمس گۆڵێکی ناوازه‌ی لێدروست ده‌بێت، جه‌یمس هه‌مووانی سه‌رسام کردووه‌ !

بەردەوام بە لە خوێندنەوە

جیهانی

داهات و خه‌رجیاتیان چه‌ند بووه‌؟ یوڤانتۆس هاوسه‌نگی دارایی ڕاگرتووه‌ و ئیمزاکردنی یه‌ک بۆندیان ماوه‌

خه‌ڵک سپۆرت

ئیداره‌ی یانه‌ی یوڤانتۆسی ئیتاڵی به‌ جوانترین شێوه‌ مامه‌ڵه‌ی له‌گه‌ڵ بازاڕی گواستنه‌وه‌ی یاریزانان و ڕێساکانی یاریی خاوێندا کردووه‌ و ده‌رگای میریکاتۆیان به‌ کراوه‌یی جێهێشتووه‌.

ڕۆژنامه‌ی “توتۆ سپۆرت”ی ئیتاڵی به‌ داتا و ئامار ئاشکرای کردووه‌، له‌ گواستنه‌وه‌کانی هاوینه‌ی ٢٠١٩دا سه‌رۆکایه‌تی یانه‌ی یوڤانتۆس فابیۆ پاراتیچی وه‌ک ئه‌ندازیاری ئیمزاکردنی بۆنده‌ داواکراوه‌کان ڕاسپاردووه‌، ئه‌م که‌سایه‌تیه‌ش به‌ جوانترین شێوه‌ مامه‌ڵه‌ی له‌گه‌ڵ خواسته‌کانی ماوریزیۆ ساری ڕاهێنه‌ردا کردووه‌ و توانیویه‌تی له‌ ماوه‌ی دوو مانگا هاوسه‌نگی دارایی مسۆگه‌ر بکات.

به‌پێی سه‌رچاوه‌که‌، ئیداره‌ی بیانکۆنێری له‌ فرۆشی یاریزاناندا بڕی ١٣٠ ملیۆن یورۆی به‌ده‌ستهێناوه‌ و سودی له‌ ته‌واوی له‌ ٨٢.٧ ملیۆن یورۆ وه‌رگرتووه‌، له‌به‌رامبه‌ردا بڕی ١٧٢ ملیۆنی له‌ کڕینی یاریزاناندا به‌کارخستووه‌، ئه‌گه‌ر له‌ماوه‌ی داهاتوودا (زۆر نزیکه‌) بتوانن ڕوگانی ئاڕاسته‌ی یانه‌ی ڕۆما بکه‌ن ئه‌وا تا ٣٠ی ئه‌م مانگه‌ هاوسه‌نگی دارایی به‌ته‌واوی ڕێساکانی یاریی خاوێنه‌وه‌ جێبه‌جێ ده‌که‌ن.

یاریزانه‌ فرۆشراوه‌کان:

  • لیۆناردۆ سپینازۆلا: ٢٩.٥ ملیۆن یورۆ، بڕی ٢٦.٦ ملیۆن سودی به‌ده‌ستهێناوه‌
  • مۆیس کین: ٢٧.٥ ملیۆن یورۆ، سودی ٢٢.٥ ملیۆنی به‌ده‌ستهێناوه‌
  • جواو کانسێلۆ: ٦٥ ملیۆن یورۆ، بڕی ٢٨.٦ ملیۆن سودی به‌ده‌ستهێناوه‌
  • ڕۆجێریۆ: چوار ملیۆن یورۆ، سودی سێ ملیۆنی به‌ده‌ستهێناوه‌
  • لیۆناردۆ مانکوسۆ: چوار ملیۆن یورۆ، سودی دوو ملیۆنی به‌ده‌ستهێناوه‌

یاریزانه‌ کڕدراوه‌کان:

  • ماتیاس دی لێخت: ٨٥ ملیۆن یورۆ
  • دانێلۆ: ٣٧ ملیۆن
  • میری دیمیڕاڵ: ١٨ ملیۆن
  • کریستیان ڕۆمێرۆ: ٣٠ ملیۆن
  • ئه‌دریان ڕابیۆ، جیانلویجی بوفۆن، ئارحن ڕامسی: بێبه‌رامبه‌ر
بەردەوام بە لە خوێندنەوە

کوردستان