ئێمە لە تۆرە کۆمەڵایەتیەکان

جیهانی

کریستیانۆ به‌شانو باڵی زێداندا هه‌ڵده‌دات: له‌به‌رئه‌وه‌یه‌ که‌ زۆر ڕێزیم ده‌گرت

خه‌ڵک سپۆرت

کریستیانۆ ڕۆناڵدۆی پورتوگالی ئه‌ستێره‌ی یانه‌ی یوڤانتۆس ئاماژه‌ به‌ ڕۆڵی زینه‌دین زێدانی ڕاهێنه‌ری فه‌ره‌نسی ده‌کات له‌ ژیانیدا و دووپاتیده‌کاته‌وه‌، که‌ ڕاهێنه‌ری ناوبراو زۆر یاریده‌ی داوه‌.

له‌چاوپێکه‌وتنێکی تایبه‌ت له‌ژێر ناونیشانی “مه‌یک ئۆف”، کریستیانۆ به‌ تۆڕی (دی ئه‌ی زێد ئێن)ی ڕاگه‌یاندووه‌ :” ئه‌و متمانه‌یه‌ی یاریزانێک به‌ده‌ستی ده‌هێنێت له‌خۆیه‌وه‌ دروست نابێت، به‌ڵکو به‌ کاریگه‌ری یاریزانانی هاوڕێ و ڕاهێنه‌ر له‌گه‌ڵ تێپه‌ڕینی کاتدا دروست ده‌بێت، پێویسته‌ وا هه‌ست بکه‌یت که‌ به‌شێکیت له‌ کۆمه‌ڵه‌ یاریزانێک، زێدانیش وایکرد که‌ له‌پێکهاته‌ی یانه‌ی ڕیاڵ مه‌درید هه‌ست به‌ تایبه‌تمه‌ندی خۆم بکه‌م”.

ئه‌فسانه‌ پورتوگالیه‌که‌ زیاتر له‌باره‌ی ڕاهێنه‌ری یانه‌ی ڕیاڵ مه‌دریده‌وه‌‌ ده‌دوێت و ده‌ڵێت :” زێدان زۆر یاریده‌ی ده‌دام، به‌هۆی ئه‌و مێژووه‌ گه‌وره‌یه‌ی له‌بواری تۆپی پێدا تۆماری کردووه‌ ڕێزی زۆرم لێده‌گرت، له‌گه‌ڵ تێپه‌ڕبوونی کات و کارکردنی به‌رده‌وام به‌یه‌که‌وه‌ زیاتر سه‌رسامی کردم، که‌سایه‌تیه‌کی ناوازه‌ی هه‌یه‌، چۆنیه‌تی ئاخاوتن و سه‌رکردایه‌تیکردنی پێکهاته‌که‌ و چۆنیه‌تی مامه‌ڵه‌کردنی له‌گه‌ڵ من هۆکاربوون بۆ ئه‌وه‌ی زیاتر ڕێزی بگرم”.

کریس ده‌ڵێت :” ڕاهێنه‌ره‌ فه‌ره‌نسیه‌که‌ پێی وتم: بحه‌وێره‌وه‌ و دواتر یاریی خۆت بکه‌، به‌وشێوه‌یه‌ جیاوازی دروست ده‌که‌یت، هه‌میشه‌ ڕاستگۆ بوو له‌گه‌ڵم، ئه‌وه‌ش وای له‌من ده‌کرد ڕۆژ به‌ڕۆژ سۆز و خۆشه‌ویستیم بۆی زیاد بکات”.

کریستیانۆ له‌ گواستنه‌وه‌کانی هاوینه‌ی ڕابردوو و دوای وازهێنانی زینه‌دین زێدان ڕیزه‌کانی یانه‌ی شاهانه‌ی به‌ره‌و یانه‌ی یوڤانتۆس به‌جێهێشت، هه‌ندێک له‌سه‌رچاوه‌کان پێیان وابوو ته‌نانه‌ت وازهێنانی ڕاهێنه‌ره‌ فه‌ره‌نسیه‌که‌ش په‌یوه‌ندی به‌ ئه‌گه‌ره‌کانی فرۆشتنی کریستیانۆوه‌ هه‌بووه‌.

جیهانی

مارکا: هه‌وڵه‌کانی به‌رشلۆنه‌ بۆ نایمار سنورداره‌ و ڕیاڵ قسه‌ی کۆتایی له‌گه‌ڵ قه‌ته‌ریه‌کان ده‌کات

خه‌ڵک سپۆرت

ڕۆژنامه‌یه‌کی ناوداری ئیسپانیا به‌پێچه‌وانه‌ی سه‌رچاوه‌ که‌ته‌لۆنیه‌کانه‌وه‌ دووپاتیده‌کاته‌وه‌، یانه‌ی ڕیاڵ مه‌درید له‌ گواستنه‌وه‌ی نایمار دا سیلڤای به‌رازیلیدا له‌ به‌رشلۆنه‌ به‌هێزتره‌ و قسه‌ی کۆتاییش بۆ یانه‌ مه‌دریدیه‌که‌ ده‌بێت.

به‌پێی ڕاپۆرتێک که‌ له‌لایه‌ن ڕۆژنامه‌ی “مارکا”ی مه‌دریدیه‌وه‌ بڵاوکراوه‌ته‌وه‌، یانه‌ی به‌رشلۆنه‌ له‌ڕووی داراییه‌وه‌ هه‌وڵه‌کانی بۆ نایمار سنورداره‌ به‌وپێیه‌ی یانه‌که‌ پاره‌ی ته‌واوی به‌شێوه‌ی سیوله‌ و کاش به‌رده‌ست نییه‌ و ته‌نها ده‌توانن به‌شێوه‌ی ئاڵوگۆڕی یاریزانان و بڕێک پاره‌ گواستنه‌وه‌که‌ به‌ ئه‌نجام بگه‌یه‌نن، له‌لایه‌کی تریشه‌وه‌ هه‌ندێک له‌سه‌رچاوه‌ فه‌ره‌نسیه‌کان پێیان وایه‌ هه‌وڵه‌کانی بارتومیۆ شه‌رمنانه‌یه‌ و وه‌ک ئه‌وه‌ ده‌رده‌که‌وێت ته‌نها بیانه‌وێت لیۆ مێسی به‌ هه‌وڵه‌کانیان قایل بکه‌ن.

کۆتا ئۆفه‌ری یانه‌ی به‌رشلۆنه‌ بۆ نایمار بریتی بووه‌ له‌ پێشنیاری گه‌ڕانه‌وه‌ی به‌شێوه‌ی خواستن بۆ وه‌رزێک و پێشکه‌شکردنی ١٦٠ ملیۆن یورۆ له‌ هاوینی داهاتوو (واتا له‌ هاوینی داهاتوو بۆنده‌که‌ی بکرێت به‌ هه‌میشه‌ییه‌)، ئه‌م پێشنیاره‌ش له‌لایه‌ن لیۆناردۆی به‌ڕێوه‌به‌ری وه‌رزشیی پاریس سانت جێرمانه‌وه‌ ڕه‌تکراوه‌ته‌وه‌.

ئه‌گه‌ر ئیداره‌ی ناسڕ خلێفی بیر له‌ خواستنی نایمار بکاته‌وه‌، ئه‌وا فلۆرنتینۆ پێریزی سه‌رۆکی ڕیاڵ په‌یوه‌ندیه‌کی توندوتۆڵتری له‌گه‌ڵیاندا هه‌یه‌ و ده‌توانێت ده‌رگای باشتر به‌ڕووی یانه‌ فه‌ره‌نسیه‌که‌دا بکاته‌وه‌، ئه‌وه‌ش بۆ چه‌ند هۆکارێک ده‌گه‌ڕێته‌وه‌ که‌ له‌ هه‌مووی به‌هێزتر توانای دارایی یانه‌ زه‌به‌لاحه‌که‌ی مه‌دریده‌ له‌ سه‌رفکردنی زیاتر له‌ ١٥٠ ملیۆن یورۆ له‌هه‌مان گواستنه‌وه‌دا، هه‌روه‌ها بونی چه‌ندین یاریزانی شێاو به‌ ئاڵوگۆڕ به‌پێچه‌وانه‌ی به‌رشلۆنه‌وه‌ که‌ کۆتینیۆیان ڕه‌وانه‌ی بایرن میونشن کردووه‌ و له‌ئێستادا ته‌نها دیمبیلی و سیمیدیۆیان له‌به‌رده‌ستدایه‌ و نایانه‌وێت به‌هۆی گه‌ڕانه‌وه‌ی به‌رازیلیه‌که‌وه‌ له‌ده‌ستیان بده‌ن.

“مارکا” نوسیویه‌تی، به‌پێی ئه‌و جموجۆڵانه‌ بێت که‌ هه‌ردوو یانه‌ زه‌به‌لاحه‌که‌ی ئیسپانیا ئه‌نجامیانداوه‌، یانه‌ی شاهانه‌ له‌ گفتوگۆکاندا پێشه‌نگی ده‌گرێت و له‌ چه‌ند ڕۆژی داهاتوودا پێرێز و هاوه‌ڵانی هه‌لی گونجاو بۆ لێدان له‌ بارسا ده‌دۆزنه‌وه‌ و قسه‌ی کۆتایی له‌م که‌یسه‌دا ده‌که‌ن.

بەردەوام بە لە خوێندنەوە

جیهانی

(ڤیدیۆ) پاسێک له‌ زێدانه‌وه‌ بۆ جه‌یمس گۆڵێکی ناوازه‌ی لێدروست ده‌بێت، جه‌یمس هه‌مووانی سه‌رسام کردووه‌ !

بەردەوام بە لە خوێندنەوە

جیهانی

داهات و خه‌رجیاتیان چه‌ند بووه‌؟ یوڤانتۆس هاوسه‌نگی دارایی ڕاگرتووه‌ و ئیمزاکردنی یه‌ک بۆندیان ماوه‌

خه‌ڵک سپۆرت

ئیداره‌ی یانه‌ی یوڤانتۆسی ئیتاڵی به‌ جوانترین شێوه‌ مامه‌ڵه‌ی له‌گه‌ڵ بازاڕی گواستنه‌وه‌ی یاریزانان و ڕێساکانی یاریی خاوێندا کردووه‌ و ده‌رگای میریکاتۆیان به‌ کراوه‌یی جێهێشتووه‌.

ڕۆژنامه‌ی “توتۆ سپۆرت”ی ئیتاڵی به‌ داتا و ئامار ئاشکرای کردووه‌، له‌ گواستنه‌وه‌کانی هاوینه‌ی ٢٠١٩دا سه‌رۆکایه‌تی یانه‌ی یوڤانتۆس فابیۆ پاراتیچی وه‌ک ئه‌ندازیاری ئیمزاکردنی بۆنده‌ داواکراوه‌کان ڕاسپاردووه‌، ئه‌م که‌سایه‌تیه‌ش به‌ جوانترین شێوه‌ مامه‌ڵه‌ی له‌گه‌ڵ خواسته‌کانی ماوریزیۆ ساری ڕاهێنه‌ردا کردووه‌ و توانیویه‌تی له‌ ماوه‌ی دوو مانگا هاوسه‌نگی دارایی مسۆگه‌ر بکات.

به‌پێی سه‌رچاوه‌که‌، ئیداره‌ی بیانکۆنێری له‌ فرۆشی یاریزاناندا بڕی ١٣٠ ملیۆن یورۆی به‌ده‌ستهێناوه‌ و سودی له‌ ته‌واوی له‌ ٨٢.٧ ملیۆن یورۆ وه‌رگرتووه‌، له‌به‌رامبه‌ردا بڕی ١٧٢ ملیۆنی له‌ کڕینی یاریزاناندا به‌کارخستووه‌، ئه‌گه‌ر له‌ماوه‌ی داهاتوودا (زۆر نزیکه‌) بتوانن ڕوگانی ئاڕاسته‌ی یانه‌ی ڕۆما بکه‌ن ئه‌وا تا ٣٠ی ئه‌م مانگه‌ هاوسه‌نگی دارایی به‌ته‌واوی ڕێساکانی یاریی خاوێنه‌وه‌ جێبه‌جێ ده‌که‌ن.

یاریزانه‌ فرۆشراوه‌کان:

  • لیۆناردۆ سپینازۆلا: ٢٩.٥ ملیۆن یورۆ، بڕی ٢٦.٦ ملیۆن سودی به‌ده‌ستهێناوه‌
  • مۆیس کین: ٢٧.٥ ملیۆن یورۆ، سودی ٢٢.٥ ملیۆنی به‌ده‌ستهێناوه‌
  • جواو کانسێلۆ: ٦٥ ملیۆن یورۆ، بڕی ٢٨.٦ ملیۆن سودی به‌ده‌ستهێناوه‌
  • ڕۆجێریۆ: چوار ملیۆن یورۆ، سودی سێ ملیۆنی به‌ده‌ستهێناوه‌
  • لیۆناردۆ مانکوسۆ: چوار ملیۆن یورۆ، سودی دوو ملیۆنی به‌ده‌ستهێناوه‌

یاریزانه‌ کڕدراوه‌کان:

  • ماتیاس دی لێخت: ٨٥ ملیۆن یورۆ
  • دانێلۆ: ٣٧ ملیۆن
  • میری دیمیڕاڵ: ١٨ ملیۆن
  • کریستیان ڕۆمێرۆ: ٣٠ ملیۆن
  • ئه‌دریان ڕابیۆ، جیانلویجی بوفۆن، ئارحن ڕامسی: بێبه‌رامبه‌ر
بەردەوام بە لە خوێندنەوە

کوردستان