ئێمە لە تۆرە کۆمەڵایەتیەکان

کوردستان

هۆكاری خراپی شوێنی مانەوەی حاجیان لە مینا ئاشكرا دەكرێت

خەڵك- بەشی هەواڵ
ئەندامێكی تیمی ڕاگەیاندنی حاجیانی هەرێم لە سعودیە هۆكاری خراپی و بەرتەسكی شوێنی مانەوەی حاجیان لە مینا ئاشكرادەكات و دەڵێت: “بۆ هەموو حاجیانی عیراق بەوجۆرە بووە نەك تەنها بۆ حاجیانی هەرێم”.

كاروان ستونی، وتەبێژی بەڕێوەبەرایەتی گشتی حەج و عومرەی هەرێم و ئەندامی تیمی ڕاگەیاندنی حاجیان بۆ (خەڵك) ئاماژەی بەوەكرد، شوێنی مانەوەی حاجیانی عیراق لە مینا بەهەمان شێوەی شوێنی حاجی هەرێمی كوردستان بەرتەسك و بچووكە، بەڵام بە داخەوە لە هەندێك شوێن وا بڵاوكرایەوە، كە تەنها شوێنی حاجیانی كوردستان بەتەنگ بووە و شوێنی حاجیانی عیراق زۆر فراوان و خۆشبووە و غەدری لە حاجیانی هەرێمی كوردستان كردووە.

ڕوونیشی كردەوە، سعودیە ئەو ڕێژەی بۆ حاجیانی عیراق زیاد كرد، بەڵام دیارە دوای زیادكردنەكە هەر ئەوەندە جێگەی لە مینا بە دەستەی باڵای حەجی عیراقی داوە و ئەوانیش پشكی هەرێمی كوردستانی داوە و حسابی پشكی زیادەش درابوو، بەڵام هێشتا نە بۆ ئەوان و بۆ ئێمە وەكو پێویست نەبوو، ئەگەر شوێن هەبوایە بۆچی بە حاجییان نەدەدرا؟

دەشڵێت: “ئەوەی من زانیاریم هەبووە، كە دەستەی باڵای حەج و عومرەی عیراقی تا دواكات هەوڵەكانی خۆی داوە، بەڵام دواجار هەر ئەو شوێنە بۆ هەموو حاجیان دابینكرا لە مینا، بۆیە هیچ جیاوازییەك لە نێوان حاجیاندا نەكراوە تەنانەت بەسەدان حاجی وڵاتانی دیكە بەچاوی خۆم بینیون، كە لەسەر شەقامەكان پاڵ كەوتبوون.

‎ستونی ئاماژەی بەوەشكرد، لای هەموو ئەو كەسانەی حەجیان كردووە ئاشكرایە، كە شوێنی مانەوەی حاجی لە مینا هەمیشە شوێنێكی كلاسیكیە وئەگەرچی ساڵانەیش نوژەن دەكرێتەوە، بەڵام ناوچەی مینا سنووردارە و دیارە تاوەكو ئێستا هەر ئەوەندە كراوە .

جەختیشی كردەوە، ئەگەر دەستەی باڵای حەج وعومرەی عیراقی شوێنی زیاتری وەرگرتبوایە ئەوا بە دڵنیاییەوە بە هەرێمی كوردستانیشی دەدا و حەج و عومرەی هەرێمی كوردستانیش بە حاجی دەدا و وتیشی، “بە هەر جۆرێك بێت مانەوە لە مینا سێ ڕۆژە و توانرا بە هەوڵ و ماندووبوونی هەموو لایەك مەڕاسیمەكان بەكۆتا بهێنرێت”.

کوردستان

ئەمڕۆ پەرلەمان خوێندنەوەی دووهەم بۆ پرۆژەیاسای تاپۆكردنی زەوییە بێتاپۆكان دەكات

خەڵک-ئارام سەردار
بڕیارە لەدانیشتنی ئەمڕۆ چوارشەممە ۲۳ی ئۆکتۆبەری ۲۰۱۹ په‌ڕله‌مانی کوردستان
خوێندنەوەی دووەم دەكرێت بۆ پێشنیازی یاسای (بە خاوەنكردنی ئەو زەوییانەی زێدەڕۆییان لەسەركراوە لە سنووری شارەوانییەكان)، فڕاكسیۆنی پارتیش پێشنیاریەکانی خۆی لەسەر ئەو پێشنیازە یاسایە دەخاتەڕوو.
پێشه‌وا هه‌ورامی بڕیارده‌ری فراكسیۆنی پارتی له‌ کۆنفڕانسێکی ڕۆژنامەوانیدا ڕایگەیاند، پێشنیازی یاسای (بە خاوەنكردنی ئەو زەوییانەی زێدەڕۆییان لەسەركراوە لە سنووری شارەوانییەكان)، پرۆژه‌یه‌كی گرینگە ‌ بۆ گه‌شه‌پێدان و ڕێكخستنی شاره‌كان ، دیاری كردنی زێده‌ڕۆییه‌كان.

دەشڵێت، میکانزمی جێبه‌جێكردنی ئه‌م پرۆژه‌یه‌ له‌ دوای ده‌رچونیه‌وە دەبێت، بەڵام لێمان ڕوونە سەرجەم ئەو زەویانەی کەوا بەشێوەی زێده‌ڕۆ خانوویان لەسەر دروست كراون خه‌ڵكی هه‌ژار و كه‌م ده‌رامه‌تن، بەپێی پێشنیازە یاساییەکە خەڵکەکە دەبن بەخاوەنی خانووی خۆیان و لەسەریان تاپۆ دەکرێت، ئامانجێکی تری پێشنیازە یاساییەکەش ڕێكخستنەوە و گه‌شه‌پێدانی شاره‌كان دەبێت بەشێوەیەک‌ داهاتی وەرگیراو بەپێی یاساکە کە دیاری كراوه‌ دەبێتە هۆی دابینکردنی خزمه‌تگوزاری بۆ ئه‌و شوێنانه‌، کە لەئێستادابەشێکی زۆری ئەو شوێنانە خزمەتگوزاریان نیە، بەتایبەت دروستکردنی ڕێگا و قووتابخانه‌ و نه‌خۆشخانه‌ .

سەبارەت بەپێشنیارەکانیشیان وتی “داوامان کردووە کەس و کاری شەهیدان و برینداران و پەککەوتوانی شەڕ لە باج و ڕسووماتی ئەو یاسایە ببەخشرێن و لەهەمان کاتدا یاساکە كه‌مترین بارگرانی مادی له‌سه‌ر هاوڵاتیان دروست بكات و ڕەچاوی گوزەرانی هاوڵاتیان بکرێت”.

بەردەوام بە لە خوێندنەوە

کوردستان

تەقینەوەیەك لە قامشلۆ ڕوویدا

خەڵك –بەشی هەواڵ

كەمێك لەمەوبەر تەقینەوەیەك لە شاری قامشلۆ ڕوویدا.

بەپێی سەرچاوەكان، تەقینەوەیەك لە شاری قامشلۆ ڕوویداوە كە خۆكوژی بووە بەهۆی ئۆتۆمبێلێكی بۆمبڕێژكراوەوە بووە.

تەقینەوەكە لە نێو بازاڕی شارەكە ڕوویداوە، بەڵام تاكو ئێستا هیچ ئامارێك لە بارەی زیانە گیانی و ماڵییەكانەوە بڵاونەكراوەتەوە.

بەردەوام بە لە خوێندنەوە

کوردستان

هەفتەی داهاتوو دەنگ لەسەر یاسای تاپۆكردنی زەویی و خانووە بێتاپۆكان دەدرێت

 

خەڵک-ئارام سەردار
پەڕلەمانتارێکی یەکێتی ڕایدەگەیەنێت، نابێ لەهەموو ئەو پڕۆژە یاسایانەی پەیوەندیان بەخەڵکی کوردستان هەیە بکەوینە ململانێ من کردم و ئەو نەیکرد، پێم وایە خزمەت بە خەڵکی کوردستان ناکات.

عەباس فەتاح، پەڕلەمانتاری یەکێتی لەکۆنفڕانسێکی ڕۆژنامەوانیدا ڕایگەیاند، ئومێد دەکەین لەهەفتەی داهاتوو پڕۆژە یاسای تایبەت تاپۆکردنی زەوی بێ تاپۆکان و ئەوانەی زێدەڕۆییان لەسەر کراوە، دەنگی لەسەر بدرێت و ببێت بەیاسا، بۆیە هیوادارم هیچ لایەن وفڕاکسیۆنێک و پەڕلەمانتارێک خۆی نەکات بەخاوەنی، هەموو لایەکمان خاوەنی پڕۆژەکەین و بۆ خزمەتی خەڵکی کوردستانە.

دەشڵێت، لەهەموو ئەو پڕۆژە یاسایانەی پەیوەندیان بەخەڵکی کوردستان هەیە بکەوینە ململانێ من کردم و ئەو نەیکرد، پێم وایە خزمەت بە خەڵکی کوردستان ناکات، ئومێد دەکەم گفتووگۆی باش لەسەر ئەو پڕۆژە یاسایە بکرێت.

بەردەوام بە لە خوێندنەوە

کوردستان