ئێمە لە تۆرە کۆمەڵایەتیەکان

کوردستان

دۆسیەی هێرشكردنە سەر ماڵی سەرۆكی پێشووی شارەوانی درایە دەستی ئاسایش

خەڵك – بەشی هەواڵ
وتەبێژی بەڕێوەبەرایەتی پۆلیسی ڕاپەڕین ڕایدەگەیەنێت، شەوی ڕابردوو ماڵی سەرۆكی پێشووی شارەوانی قەڵادزێ لە ڕێگەی بۆمبێكەوە كراوەتە ئامانج، كە هێشتا ڕوون نیە ئەو بۆمبە نارنجۆكە یان بۆمبی دیكە، دەشڵێت: “لە ئێستادا لەلایەن ئاسایشی پشدەرەوە دەست بە لێكۆڵینەوە كراوە”.

شۆڕش ئیسماعیل، وتەبێژی بەڕێوەبەرایەتی پۆلیسی ڕاپەڕین بە (خەڵك)ی ڕاگەیاند، لە لایەن سەرۆكی پێشووی شارەوانی ئاگاداركراین بە ڕووداوێك، كە وەك خۆی دەڵێت لە ڕێگەی نارنجۆكەوە هێرش كراوەتە سەری لە ماڵەكەی خۆیدا.

وتیشی، “هێشتا نازانرێت هێرشەكە لە ڕێگەی نارنجۆكەوە بووە یان بۆمبی دیكە، بەڵام ئاسەواری تەقینەوە بە ماڵەكەیانەوەیە و لە لایەن ئاسایشی پشدەرەوە دۆسیەی بۆ كراوەتەوە و دەست بە لێكۆڵینەوە كراوە”.

ڕاشیگەیاند، نابراو وەك خۆی دەڵێت هیچ كێشەیەكی شەخسی لەگەڵ كەس نیە و گومانی لە كەسیش نیە، تا ئێستاش بەوهۆیەوە كەس دەستگیر نەكراوە، كارەكەش لە لایەن كەسێكی نادیارەوە ئەنجام دراوە.

ئاشكراشیكرد، خۆشبەختانە سەرۆكی پێشووی شارەوانی قەڵادزێ و خێزانەكەی سەملاتن، بەهۆی ڕووداوەكەوە زیانیان پێ نەگەیشتووە.

جەختیشی كردۆتەوە، كە ئێستا دۆسیەكە ڕادەستی ئاسایش كراوە و لێكۆڵینەوەی تێدا دەكرێت.

کوردستان

چاودێری كۆمەڵایەتی سلێمانی بۆ سەنتەرەكانی ئۆتیزم بڕیارێكی دەركرد

خەڵك- بەشی هەواڵ
بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی‌ لە پارێزگای‌ سلێمانی‌ دوا مۆڵەت دەداتە ئەو شوێنانەی بەناوی سەنتەری ئۆتیزم كاردەكەن و مۆڵەتیان نییە و دەڵێت: “لە 15 ڕۆژدا سەردانیان بكەن”.

بە پێی‌ نووسراوێك، كە بە ژمارە (٣٤٤٨) لە (٢٢ی‌ 8ی‌ ٢٠١٩) لە بەشی‌ یاسای بەڕێوەبەرایەتی‌ گشتی‌ چاودێری ‌‌و گەشەپێدانی‌ كۆمەڵایەتی‌ لە پارێزگای‌ سلێمانی‌ دەرچووە، دوا مۆڵەت دراوەتە ئەو شوێنانەی،‌ كە بەناوی‌ سەنتەری‌ ئۆتیزم لە سنوری‌ پارێزگای‌ سلێمانی‌ كاردەكەن.

بە پێی‌ ئەو ئاگادارینامەیە، بەڕێوەبەرایەتی‌ گشتی‌ مۆڵەتی‌ تەنها (١٥) ڕۆژی‌ داناوە بۆ ئەو شوێنانەی‌ لە سنوری‌ پارێزگای‌ سلێمانی‌ بەناوی‌ سەنتەری‌ ئۆتیزم كاردەكەن بۆ ئەوەی‌ سەردانی بەشی یاسای بەڕێوەبەرایەتی گشتی بكەن و لە چوارچێوەی‌ ڕێنمایی‌ ژمارە (٣)ی‌ ساڵی‌ (٢٠١٨)ی‌ شەبەنگی‌ ئۆتیزم خۆیان ڕێك بخەن و مۆڵەتی‌ فەرمی‌ وەربگرن، بە پێچەوانەوە ڕووبەڕووی‌ لێپێچینەوەی‌ یاسایی‌ دەبنەوە.

ئەم ئاگادارینامەیە لە كاتێكدایە، كە بەڕێوەبەرایەتی‌ گشتی‌ لە بەرواری‌ ١٣ی ٦ی ٢٠١٩، بە فەرمی‌ ئەو شوێنانەی‌ بانگهێشت كرد، كە بەناوی‌ سەنتەری‌ ئۆتیزم كاردەكەن و ئاگاداریكردنەوە، كە پێویستە مۆڵەتی‌ كاركردنیان هەبێت ‌و لە چوارچێوەی‌ یاسا و ڕێنماییەكان و بەچاودێری‌ حكومەت كارەكانیان ڕاپەڕێنن بۆ ئەوەی بەرژەوەندی منداڵانی ئۆتیزم و خانەوادەكانیان پارێزراوبێت، ئەم نووسراوەش دەبێتە دوا ئاگاداركردنەوە بۆیان.

بەردەوام بە لە خوێندنەوە

کوردستان

“پێویستە هەمووان پابەندبن”
ناونیشانی وتاری هەینی ئەمڕۆ بۆ مامۆستایانی ئایینی دیاریكرا

خەڵك- بەشی هەواڵ
وەزارەتی ئەوقاف و كاروباری ئایینی حكومەتی هەرێم ناونیشانی وتاری هەینی ئەمڕۆ بۆ مامۆستایانی ئایینی دیاری دەكات.

بەپێی ناونیشانە پێشنیاركراوەكانی وەزارەتی ئەوقاف، كە وێنەی دەست (خەڵك) كەوتووە، لە وتاری هەینی ئەمڕۆ 23ی ئاب مامۆستایانی ئایینی باسی دوو تەوەر دەكەن، كە بریتین لە (پاراستنی ئاشتی كۆمەڵگە و خۆبەدوورگرتن لە زمانی زبر و ناوزڕاندنی یەكتری، هەروەها ئادابی ئیسلام لە مامەڵەكردن لەگەڵ خزمەتكاری نێوماڵ و كرێكاری بیانی و ڕێگەگرتن لە بازرگانی بە مرۆڤ).

ئەوقاف داواشی كردووە، مامۆستایانی ئایینی ئاماژە بە بەخێرهاتنەوەی حاجییان و بەسەركردنەوەیان بكەن، كە نەریتێكی جوانی ئایینی و كۆمەڵایەتییە.

سەبارەت بەو بابەتە بەشێكی هاووڵاتیان و مامۆستایانی ئایینی داواكارن لە وەزارەتی ئەوقاف، كە لەسەر بابەتی ناونیشانی وتارە دەستنیشانكراوەكانیان سووربن لەسەر پابەند كردنی مامۆستایانی ئایینی تاوەكو میمبەر بەكارنەهێنن بۆ وەڵامدانەوەی یەكتری.

ئەمەش لەكاتێكدایە، كە لەماوەی ڕابردوودا كێشە و شەڕە قسە كەوتە نێوان دوو مامۆستای ئایینی (مەلا هەڵۆ و مەلا فاتیح شارستێنی) و دواتر لەڕێگەی یەكێتی زانایانەوە ئاشتكرانەوە.

بەردەوام بە لە خوێندنەوە

کوردستان

سەرۆكی هەرێمی كوردستان پەیامێكی بڵاوكردەوە

خەڵك – بەشی هەواڵ
سەرۆكی هەرێمی كوردستان ڕایدەگەیەنێت، بەردەوام دەبین لەسەر بەرەوپێشبردن و پاراستنی ئازادی ئایینی لە هەرێمی كوردستان، دەشڵێت: “هەرێمی كوردستان وەك پەناگەیەك دەمێنێتەوە بۆ ئەو كەسانەی لە دەستی زوڵم و توندوتیژی هەڵدێن”.

نێچیرڤان بارزانی، سەرۆكی هەرێمی كوردستان لە تۆڕی كۆمەڵایەتی فەیسبوك بەبۆنەی ڕۆژی جیهانیی قوربانیانی توندوتیژی ئایینی و هزری پەیامێكی بڵاوكردەوە و تیایدا ڕایگەیاندووە، كوردستان وەك پەناگەیەك دەمێنێتەوە بۆ ئەو كەسانەی لە دەست زوڵم و توندڕەوی هەڵدێن.

نێچیرڤان بارزانی هەروەها نووسیوویەتی، “بەردەوام دەبین لەسەر بەرەوپێشبردن و پاراستنی ئازادی ئایینی لە هەرێمی كوردستان”.

بەردەوام بە لە خوێندنەوە

کوردستان