ئێمە لە تۆرە کۆمەڵایەتیەکان

کوردستان

ڕوداوێكی هاتووچۆ لە دهۆك ژمارەیەك قوربانی لێكەوتەوە


خەڵك – بەشی هەواڵ
وتەبێژی بەڕێوەبەرایەتی هاتووچۆی پارێزگای دهۆك ڕایدەگەیەنێت، شەوی ڕابردوو لە ڕوداووێكی هاتووچۆدا هاووڵاتیەك گیانی لەدەستدا و 10 هاووڵاتی دیكە بریندار بوون، دەشڵێت،”برینی بەشێكیان سەختە و ڕەوانەی نەخۆشخانەكراون”.

ئازاد تەها، وتەبێژی بەڕێوەبەرایەتی هاتووچۆی پارێزگای دهۆك لە هەژماری خۆی لە تۆڕی كۆمەڵایەتی فەیسبوك بڵاویكردەوە، شەوی سێهمی جەژن لە كاتژمێر 10 لە نزیك گوندی مێرا لە سەر ڕێگای خەرا بابكێ، سێ ئۆتۆمبێلی جۆری ئۆپڵ ڤیكترا و كیا ئۆپتیما و نیسان سەنی تاكسی پێكیاندادا.

ڕاشیگەیاندووە، بەهۆی ڕوداووەكەوە، هاووڵاتیەك گیانی لەدەستداوە و 10 كەسی دیكە برینداربوون و برینی هەندێكیان سەختە.

دوێنێ سێشەممە لە سنوری پارێزگای دهۆك ، لە سێ ڕوداوی هاتوچۆی دیكەدا، دوو كەس گیانیان لەدەستدا و 11 كەسی دیكەش برینداربوون.

وێنەی ‏ازاد طه  azad taha‏.وێنەی ‏ازاد طه  azad taha‏.وێنەی ‏ازاد طه  azad taha‏.وێنەی ‏ازاد طه  azad taha‏.

ژینگە

كەشناسی هەرێم ڕاگەیەنراوێكی بڵاوكردەوە


خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت ، ئەمڕۆ ئاسمانی شارەكانی هەرێم ساماڵ دەبێـت و پلەكانی گەرما 34 بۆ 42 پلەدەبێت ، دەشڵێت،” نزمترین پلەی گەرما 19 پلە لە سلێمانی و دهۆك تۆماردەكرێت”.

بەڕێوەبەرایەتی گشتی كەشناسی و بومەلەرزەزانی هەرێمی كوردستان پێشبینیەكانی بۆ ئەمڕۆ هەینی 5ی حوزەیرانی 2020 بڵاوكردەوە و بە پێی پێشبینیەكان ئەمڕۆ ئاسمانی شارەكانی هەرێم تەواو سامان دەبێت.

ڕاشیگەیاندووە ، پلەكانی گەرما لە پارێزگای هەولێر 36 پلە و سلێمانی 34 پلە و دهۆك 35 پلە و كەركوك 42 پلە تۆمار دەكرێت، هەروەها خێرایی باش لەنێوان (5-10) كم دا دەبێت.

بەردەوام بە لە خوێندنەوە

کوردستان

بەڤیدیۆ؛ هەلیكۆپتەرەكانی توركیا كشتوكاڵی گوندنشینان لە سنوری برادۆست دەسوتێنن


خەڵك – بەشی هەواڵ

هەلیكۆپتەرەكانی سوپای توركیا شەوی ڕابردوو بۆردومانی سنوری برادۆستیان لە پارێزگای هەولێر كرد و ڕەز و باخی گوندنشینان و هاووڵاتیانی سنورەكەیان كردە ئامانج و ئاگریان تێبەردان.

لە تۆمارێكی ڤیدیۆیدا، كە ماڵپەری ڕۆژنیوز بڵاویكردۆتەوە، هەلیكۆپتەرەكانی سوپای توركیا ڕەز و باخی گوندنشینانی سنورەكە دەكەنە ئامانج و لەڕێگەی بۆردومانەوە دەیانسوتێنن و زیان بە كشتوكاڵ و ژینگەی ناوچەكە دەگەیەنن.

بەردەوام بە لە خوێندنەوە

کوردستان

تونێلی پێشڕەو بەڕووی هاووڵاتیان و شۆفێراندا كرایەوە


خەڵك – بەشی هەواڵ

دوای ئەوەی بەسەرپەرشتی قائمقامی شارۆچكەی شارباژێڕ هەڵمەتی پاككردنەوە شوشتن و نۆژەنكردنەوەی تونێلی پێشڕەو دەستی پێكرد، بەیانی ئەمڕۆ هەینی ڕێكەوتی 5ی حوزەیران تونێلی پێشڕەو بەڕووی هاووڵاتیان و شۆفێراندا كرایەوە.

بەڕێوەبەرایەتی گشت هاتووچۆی سلێمانی لە ئاگادارییەكدا بڵاویكردەوە، ئەمڕۆ هەینی 5ی حوزەیرانی 2020 تونێلی پێشڕەو بەڕووی هاووڵاتیان و شۆفێراندا كرایەوە و دەتوانن ئەو ڕێگایە بۆ هاتووچۆ بەكار بهێنن .

ئەمە لەكاتێكدایە ، هەڵمەتی پاككردنەوەو شوشتن و نۆژەنكردنەوەی تونێڵی پێشڕەو ماوەی دوو ڕۆژی خایاند و شوفێران بۆ هاتووچۆكردن ڕێگای سەرشاخی ئەزمڕیان بەكار دەهێنا .

بەردەوام بە لە خوێندنەوە

کوردستان