ئێمە لە تۆرە کۆمەڵایەتیەکان

کوردستان

هەپەگە؛ڕاگەیەنراوێكی لەسەر شەڕەكەی چەلێ و خواكورك بڵاوكردەوە

خەڵك – بەشی هەواڵ
ناوەندی ڕاگەیاندنی هێزەكانی پاراستنی گەل-هەپەگە ڕایدەگەیەنێت ، لە چالاكیەكی گەریلاكانی هەپەگە و یەژاستار لە چەلێ و خواكورك لە دژی سوپای توركیا سەربازێك كوژراو یەكێكی دیكە بریندار كرا .

ناوەندی ڕاگەیاندنی هێزەكانی پاراستنی گەل- هەپەگە لە ڕاگەیەنراوێكدا، كە وێنەیەكی بۆ (خەڵك) نێراوە ڕایگەیاندووە، لە چوارچێوەی هەڵمەتی شۆرشگێڕی شەهید باگەر و ڕوونیا هێزەكانمان لە ڕۆژی ١٢ی ئاب لەدژی سوپای توركیا چالاكییان ئەنجامدا.

ڕاشیگەیاندووە، لە چالاكیەكەدا، كە لە چەلێ و خواكورك ئەنجامدراوە سەربازێكی سوپا كوژراو یەكێكی دیكەش بریندار بوو.

دەقی ڕاگەیەندراوەكەی هەپەگە:
گەریلاكانی ئێمە لەچوارچێوەی هەڵمەتی شۆرشگێڕی شەهید باگەرو شەهید ڕوونیا لە ڕۆژی ١٢ی ئاب لەدژی سوپای داگیركەری تورك چالاكییان ئەنجامداوە، زانیاری ورد دەربارەی چالاكییەكانی هەپەگە بەم شێوەیە:
(لە لیجە ئۆتۆمبیلێكی سەربازی كرایەئامانج، كوژراو بریندارهەیە)
هێزەكانی ئێمە كاتژمێر ١٥:٠٠لەدژی ئۆتۆمبیلێكی سەربازی سوپای تورك كە لەناوچەی چەلێ-ی جولەمێرگ بەرەو بارەگای سەربازی شێكرێ دەچوو لەڕێگەی تاكتیكی تەقاندنەوەدا كرایە ئامانج، لەو چالاكییەدا ئەو ئۆتۆمبیلە زیانی قورسی بەركەوت، ژمارەی كوژراو و بریندارانی دوژمن نەزانراوە، دوای چالاكییەكە سوپای توركیا بە زرێپۆشی سەربازی كوژراو و بریندارەكانی خۆی گواستەوە.
(لەگردی شەكێف سەربازێكی تورك كوژرا)
كاتژمێر ٢٠:٠٠ هێزەكانی ئێمە لەدژی یەكینەیەكی ئۆپەراسیۆن كە لە گردی شەكێف-ی ناوچەی خواكوركی سەر بە هەرێمەكانی پاراستنی مەدیا جێگیرببوون زنجیرە چالاكییان ئەنجامدا، لەو چالاكییەدا سەربازێك كوژرا و سەربازێكی تریش برینداربوو، دوای ئەو چالاكییە سوپای داگیركەری تورك لەڕێگەی هەلیكۆپتەرەوە كوژراو و بریندارەكانی خۆی گواستەوە.

(لەگەڤەر ئۆپەراسیۆن)
ڕۆژی ١١ی ئاب، دەمەو ئێوارە سوپای داگیركەری تورك لە ناوچەی كرێ كۆری هەرێمی چارچەلای ناوچەی گەڤەر-ی جولەمێرگ ئۆپەراسیۆنیان دەستپێكرد، لەو ئۆپەراسیۆنەدا لەنێوان هێزەكانی ئێمە و سوپای داگیركەری تورك شەڕێكی دژوار هاتە ئاراوە، ئۆپەراسیۆنەكە بەردەوامە و زانیاری ورد دەربارەی ئۆپەراسیۆنەكە دواتر بڵاودەكەینەوە.

(ئۆپەراسیۆن لە ناوچەی ئیلكێ-ی شرناخ كۆتایی هات)

سوپای داگیركەری تورك ڕۆژی ٩ی ئاب لە ناوچەی لیلكێ-ی شرناخ ئۆپەراسیۆنێكی سەربازییان دەستپێكرد، سوپای تورك دوای یەك ڕۆژ گەڕان لەناو دەشتاییەكاندا كۆتایی بە ئۆپەراسیۆنەكەی هێنا.

(هێرشی ئاسمانی)

فڕۆكە جەنگییەكانی سوپای داگیركەری تورك كاتژمێر ٢٣:٠٠ دەور و بەری گوندی شكەفتان-ی هەرێمی گارێ-ی سەربە هەرێمەكانی پاراستنی مەدیایان بۆردوومانكرد، لەو بۆردوومانانەدا هیچ زیانێك بەرهێزەكانمان نەكەوتووە.

کوردستان

كاروانێكی دیكەی هاوكارییەكان لەسلێمانییەوە گەیشتە ڕۆژئاوای كوردستان

خەڵك – بەشی هەواڵ

ئەمڕۆ هەینی كاروانێكی دیكەی هاوكارییەكانی باشووری كوردستان گەیشتە ڕۆژئاوای كوردستان.

پاشئەوەی هەڵمەتێكی فراوانی كۆكردنەوەی هاوكاری بۆ ڕۆژئاوای كوردستان لەمۆزەخانەی نیشتیمانی ئەمنەسوورەكە لە شاری سلێمانی ڕاگەیەندرا، هاوڵاتییان بەشێوەیەكی بەرچاو بەشدارییان تێیدا كرد و هاوكارییەكی زۆری جۆراوجۆر كۆكرایەوە.

كاروانی دووەمی هاوكارییەكانی هەڵمەتی “هەموومان ڕۆژئاڤاین” خۆیدەبینییەوە لە ٢٦ بارهەڵگر خۆراك و پێداویستی جۆراوجۆری وەك ( ١٤ هەزار بەتانی، ٣٨ تۆن برنج، ٢٢ تۆن ئارد، ٧٠٠ كارتۆن پێلاو).

بەردەوام بە لە خوێندنەوە

کوردستان

تائێستا زانیوتە گەرمكردنی ئۆتۆمبێل پەیوەندی بەمۆدێلەكەیەوە هەیە؟

خەڵك – بەشی هەواڵ

زۆرێك لەشۆفێران پرسیار ئەكەن‌و بەتەواوی دڵنیانین كە ئایا لەگەڵ كارپێكردنی ئۆتۆمبێلەكانیان، بەتایبەتی لەوەزرەكانی پایز‌و زستاندا پێویست دەكات چەند خولەكێك چاوەڕێ بكەن‌و دواتر جوڵە بەئۆتۆمبێلەكە بكەن یاخود نا.

لەوەڵامدا بەڵێ‌ بۆ ئۆتۆمبێلە كۆنەكان، مەبەستمان ئەوانەی ساڵانی هەشتای سەدەی ڕابردوو دروستكراون پێویست دەكات، بەڵام بۆ ئۆتۆمبێلە مۆدێرن‌و نوێیەكان پێویست ناكات وەك ڕابردوو لەزستاناندا بۆ ماوەی هەشت خولەك كار بەئۆتۆمبێلەكەت بكەیت‌و دواتر جوڵەی پێ بكەیت.

ئێمە زانیاریەكەمان خستەڕوو، كە بۆ ئۆتۆمبێلە كۆنەكان پێوست دەكات، بەڵام ئۆتۆمبێلە مۆدێرنەكان پێویست ناكات، بەڵكو تەنها دوای (30) چركە دەتوانی جوڵە بەئۆتۆمبێلەكەت بكەیت، ئەوەی ماوە كە بەشێوەیەكی زانستیانە‌و پشت بەستن بەزانیاری میكانیكی ئۆتۆمبێل، هۆكارەكەتان بۆ بخەینەڕوو.

لەئۆتۆمبێلە مۆدێل كۆنەكاندا، واتە سەردەمی هەشتاكان‌و پێشتر، كاری بزوێنەر جیاواز بوو لەگەڵ ئۆتۆمبێلی مۆدێرندا، بەشێوەیەك لەئۆتۆمبێلە مۆدێل كۆنەكاندا، بۆ ئاوێتەكردنی سوتەمەنی‌و هەوا پشت دەبەسترا بە”كاربرێتەر”‌و دواتر لەڕێگەی بۆریەكەوە بۆ بزوێنەر دەگوازرایەوە، بەڵام ئەگەر كاربرێتەرەكە ساردبووایە، ڕێژەی هەوای گوازراوە كۆنترۆڵ نەدەكرا‌و كەم‌و زیادی دەكرد، ئەمەش وای دەكرد بزوێنەرەكە بوەستێت‌و كارنەكات یان دوكەڵێكی زۆر لەئەكزۆزی ئۆتۆمبێلەكەوە بێتە دەرەوە.

خۆشبەختانە ئەم شێوازی كاركردنی ئۆتۆمبێلە گۆڕانی بەسەردا هاتوو و لەساڵی (1990)ەوە چیتر ئەمریكا بەرهەمهێنانی ئەو جۆرە ئۆتۆمبێلانەی ڕاگرت.
دەربارەی شێوازی كاركردنی بزوێنەری ئۆتۆمبێلە نوێیەكانیش، سیستمێكی ئەلكترۆنی دانرا، كە سیستمەكە پشت بەهەستەوەر دەبەستێت بۆ كۆنترۆڵكردنی ڕێژەی سوتەمەنی‌و هەوا‌و ئەم هەستەوەرانەش كەشی سارد بەهیچ شێوەیەك كاریگەریی لەسەریان دروستناكات‌و كاری خۆیان بەباشی دەكەن لەهەموو كەشە جیاوازەكاندا.

لەگەڵ ئەوەشدا نابێت شۆفێری ئۆتۆمبێلە مۆدێرنەكان لەگەڵ ئیشپێكردنی ئۆتۆمبێلدا ڕاستەوخۆ جوڵەی پێبكەن، بەڵكو وەزارەتی وزە‌و ئاژانسی پاراستنی ژینگەی ئەمریكا ئامۆژگاری شۆفێران دەكات، كە دوای (30) چركە لەئیشپێكردنی ئۆتۆمبێلەكانیان لەسەرخۆ جوڵەی پێ بكەن.

سەرچاوە: ڕادیۆی فەرمی بەڕێوەبەرایەتی هاتوچۆی سلێمانی

بەردەوام بە لە خوێندنەوە

کوردستان

مەسعود بارزانی پرسەنامەیەكی بۆ بنەماڵەی شێخ عوسمانی سیرێ نارد

 

خەڵك- بەشی هەواڵ

مەسعود بارزانی سەرۆكی پارتی دیموكراتی كوردستان بەبۆنەی كۆچی دوایی شێخ عوسمانی سیرێ پرسەنامەیەكی بۆ كەسوكار و بنەماڵەكەی نارد.

دەقی پرسەنامەكە:

بەناوی خوای گەورە و میھرەبان

خانەوادەی بەڕێزی شێخ عوسمانی سیرێ

بە داخەوە ھەواڵی كۆچی دوایی كەسایەتیی نیشتمانپەروەر و ناوداری ئایینی و كۆمەڵایەتی، جەنابی حاجی شێخ عوسمانی شێخ عبدولقادری بابە شێخی سیرێ – م پێ گەیشت.

لەم بۆنە خەمناكەدا، پرسە و سەرەخۆشی ئاراستەی ئێوەی بەڕێز و سەرجەم خزمان و ئاشنایان و دۆستانتان دەكەم و خۆم بە ھاوبەشی خەمتان دەزانم.

لە خوای گەورە دەپاڕێمەوە گیانی جەنابی شێخ عوسمان بخاتە بەر دلۆڤانیی خۆی و دڵنەوایی ھەموولایەك بدات.

انا للە وانا الیە راجعون

مسعود بارزانی

٢٢ـی ١١ـی ٢٠١٩

بەردەوام بە لە خوێندنەوە

کوردستان