ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

بەوێنە ؛گەنجێكی هەڵەبجەیی؛ لەلایەن كۆمپانیای گوگڵەوە سوپاس كرا

خەڵك – بەشی هەواڵ
تیمی پەرەپێدەری كۆمپانیای گوگڵ بڕوانامەی سوپاسگوزاریان بەخشیە گەنجێكی كوردی خەڵكی هەڵەبجە بەهۆی كاركردنی بۆ ماوەی 8 ساڵ و چەسپاندنی زمانی كوردی و وەرگێڕانی نزیكەی 100 هەزار داتای وەرگێڕان، كە زمانی كوردی لە كۆمەڵگەی گوگڵ دەبێتە خاوەن داتابەیسێكی پارێزراو و پڕ لە داتا.

بۆكان حەسەن، خاوەنی بڕوانامەی سوپاسگوزاری لە كۆمپانیای گوگڵ لە لێدوانێكی ڕۆژنامەوانیدا ڕایگەیاندووە، دوای نزیكەی ۸ ساڵ كاركردنم بۆ چەسپاندنی زمانی كوردی و وەرگێڕانی نزیكەی 100 هەزار داتای وەرگێڕان، توانیم ئەو كارە بە كۆتا بگەیەنم و لە ئێستا زمانی كوردی لە كۆمەڵگەی گوگڵ خاوەن داتابەیسێكی پارێزراو و پڕ لە داتایە.

ڕاشیگەیاندووە، لەپای ئەو كارە تیمی پەرەپێدەری كۆمپانیای گوگڵ بڕوانامەی سوپاسگوزاریان پێ بەخشیم، كە ئەم بڕوانامەیە دەبێتە قەڵغانێك بۆ پاراستنی زمانی كوردی لە هەموو پێگەكانی گوگڵدا، كە ساتێكی مێژوویە بۆ هەموو كوردێك لەهەر كونجێكی ئەم زەمینەدا بێت.

ئاماژەی بۆ ئەوەشكردووە، لەلایەن تیمی پەرەپێدەری كۆمپانیای گوگڵ لە نووسینگەی گوگڵ لە ئەمریكا و هیندستان لە ڕێگەی google hangout بانگێشت كراوم بۆ قسەكردن لەسەر كیبۆردی كوردی لە Gboard بۆ ئایفۆن و ڕازی بوون بە دانانی لە ئایندەیەكی نزیكدا.

وێنەی ‏‎Halabja news‎‏.وێنەی ‏‎Halabja news‎‏.

ئۆتۆمبێل و تەکنەلۆژیا

تایبەتمەندییەكانی ئایفۆن 12 ئاشكرادەكرێن

خەڵك- بەشی هەواڵ
ماڵپەڕی (فۆربس) ڕایدەگەیەنێت، (ئایفۆنی 12) لەسەر ئاستی دیزایین گۆڕانكاریی بەخۆوە دەبینێت، هۆكاریی ئەمەش بۆ تەیاركردنی ئامێرەكە بە تۆڕێكی تری جگە لە نەوەی پێنجەمی پەیوەندییەكان دەگەڕێتەوە.

سەرچاوەیەك ڕایگەیاندووە، (ئەپڵ) دەستبەرداریی هەوایی “antenna”بووە كە بەرپرسی تۆڕی نەوەی پێنجەمە و لەلایەن كۆمپانیای (كۆلكۆم)ەوە پێشكەشكراوە، بەهۆی گەورەیی قەبارەكەی كە لەگەڵ دیزاینە نوێیەكەدا ناگونجێنێت، پێشبینیش دەكرێت ئامێرەكە بەچەند قەبارەیەكی جیاجیاوە نمایش بكرێت كە بچوكترینیان لە سنوری 6.1 بۆسەدا دەبێت، وێڕای پشتبەستن بە شاشەی (ئۆڵید) لە جۆری (ئێڵ سی دی)، بەڵام باشترین كۆبایل قەبارەكەی دەگاتە 6.7 بۆسە و شاشەكەشی (ئۆڵید) دەبێت.

واچاوەڕوان دەكرێت كامێرای مۆبایلی (ئایفۆن 12) بە كامێراكانی “ToF” ی پەرەسەندوو تەیاربكرێن، بەڵام ئەوە هەموو مۆدێلەكان ناگرێتەوە.

كامێرای “ToF”بۆ مۆبایلە زیرەكەكان، هەموو گیاندارەكان و تەنە زیندووەكان دیاریی دەكات، لەڕێی لێدانی تیشكی هەڵسەنگاندنی ئەو كاتەی كە بۆ گەڕانەوە پێویستی پێیدەبێت، ئەم پرۆسەیەش كاریگەریی بۆسەر خستنەڕووی باشترین ڕوخسار دەبێت، وێڕای توانای جوانكردنی وێنەكان و خستنەڕووی تەنەكان نزیكتر لە واقیع.

بەردەوام بە لە خوێندنەوە

ئۆتۆمبێل و تەکنەلۆژیا

ئەپە نوێکان: Net Speed ​​Indicator بۆ چاودێریکردنی وردی بەکارهێنانی ئینتەرنێتەکەت

خەڵک-سەلمان خالید

ئەپی Net Speed ​​Indicator یەکێکە لە ئەپە نوێکان کە هەڵدەستێت بە هەژمارکردنی توانای ئینتەرنێتەکەت بە شێوەیەکی گشتی و بەردەوام.

ئەپەکە خاوەنی کۆمەڵێک تایبەتمەندی گرنگ و زۆر پێویستە تاوەکوو بەکارهێنەر بتوانێت ئاگاداری کار و چالاکییەکانی ئینتەرنێتەکەی بێت وەکو ڕێژەکانی داگرتن و ئەپڵۆد کردنی پەڕگەکان و بەکارهێنانی جا لە ڕێی ئەپەکانی دیکەوە بێت یاخوود بە شێوەیەکی ئاسایی باربکرێنە ناو ئینتەرنێت.


هەروەها تایبەتمەندییەکی دیکەی گرنگی ئەوەیە بە شێوازی پەیوەست بوون بە وایفای و مۆبایل داتاش پیشانت دەدات کە چەندت بەکارهێناوە، بە ڕۆژانە و مانگانەش کە ئەمە بۆ هێڵە سنوردارەکان تەواو بەسوودە و شایەنی بەکارهێنانە.

ئەپەکە قەبارەی زۆر کەمە و تەنها ٣ مێگابایتە و بۆ وەشانی ئەندرۆید ٦ بەرەو سەر کاردەکات و ١٦ی ئەم مانگە ڕاگەیەنراوە لە گووگڵ پلەی، بۆ داگرتنی کرتە لێرە بکەن.

بەردەوام بە لە خوێندنەوە

ئابوری

هێڵی ئینتەرنێتی چەند كۆمپانیایەك خاوبووەتەوە

خەڵك- بەشی هەواڵ

چەند كۆمپانیایەكی بواری ئینتەرنێت هێڵەكانیان خاوكردووەتەوە و ئەوەش نیگەرانی بەشێك لە هاووڵاتیانی لێكەوتوەتەوە، وتەبێژی وەزارەتی گواستنەوە و گەیاندنیش دەڵێت”هەر كەسێك گلەی هەبوو با پەیوەندیمان پێكەوەبكات”.

ئومێد محەمەد ساڵح، وتەبێژی وەزارەتی گواستنەوە و گەیاندن بە (خەڵك)ی ڕایگەیاند، لیژنەی چاودێری هێڵەكانی ئینتەرنێت لە وەزارەتی چاودێری تەواوی كۆمپانیاكان دەكات و لە شوێنێك كۆمپانیاكان هێڵەكانیان خاوبكەنەوە، بەپێی یاسا مامەڵەیان لەگەڵ دەكرێت.

وتیشی”هەر هاووڵاتیەك گلەی هەیە لە ڕێگەی هێڵی گەرمەوە دەتوانێت نوسینگەی وەزیر و وەزارەتی گواستنەوە ئاگادار بكاتەوە بۆ ئەوەی بەدواداچوون بۆ كێشەكان بكرێت”.

بەشێكی هاووڵاتیان گلەی لە چەند كۆمپانیایەك دەكەن كە هێڵی ئینتەرنێتەكەیان خاوكردووەتەوە و وەك پێویست كارناكەن.

بەردەوام بە لە خوێندنەوە

کوردستان