ئێمە لە تۆرە کۆمەڵایەتیەکان

جیهان

سوپای سوریا گەمارۆی گروپە توندڕەوەكانی سەر بە توركیا دەدات

خەڵك- بەشی هەواڵ
سوپای سوریا ناوچەی “كفر عین” لە ڕیفی باشوووری ئیدلب كۆنتڕۆڵ دەكات و بەوەش چەند ناوچەیەك لە میحوەری خان شەیخون لە گروپە چەكدارەكانی سەر بە توركیا دەستێنێتەوە.

بەپێی هەواڵێك، كە میدیا ڕوسییەكان بڵاویانكردۆتەوە، سوپای سوریای بەشار ئەسەد لە چوارچێوەی پڕۆسە سەربازییەكان لە میحوەری شاری (هەبیت) توانیویەتی ڕێگای گەیشتن بە خان شەیخون بە نزیكەی 7 كیلۆمەتر كەمبكاتەوە ئەوەش بەهۆی كۆنتڕۆڵ كردنی ناوچەی (كفر عین) لە ڕۆژهەڵاتی شارەكە دوای شەڕێكی قورس لەگەڵ گروپە چەكدارەكان.

سەرچاوە مەیدانیەكان لە سوریا ئاماژەیان بەوەكردووە، كە یەكەكانی سوپای سوریا هەوڵی پاوانخوازی لە كۆنتڕۆڵ كردنی ناوچەكانی شاری (هەبیت) دەدەن، كە ناوچەیەكی ستراتیجیە لە ڕیفی باشووری ئیدلب، ئەوەش لەپێناو گەمارۆدانی چەكدارانی توندڕەو لە ڕیفی باكوری حەما و ڕێگری كردن لە گەیشتنی كۆمەك و هاوكاری پێیان.

لە ئێستادا بەشێكی ئەو ناوچانەی خان شەیخون كفر عین لەلایەن گروپە چەكدارەكانی (بەرەی نوسرە) و هاوپەیمانەكانی كۆنتڕۆڵ كراون، كە لەلایەن توركیاوە پشتیوانی دەكرێن.

جیهان

ئیتاڵیا لەبڕیارێكی خۆی سەبارەت بە كۆچبەران پاشگەزدەبێتەوە

خەڵك- بەشی هەواڵ
حكومەتی ئیتاڵیا لە بڕیارەكەی بۆ قەدەغەكردنی لەنگەرگرتنی كەشتی كۆچبەران لە كەناراوەكانی وڵاتەكەی پاشگەزدەبێتەوە و بڕیاریدا كەشتی بەهاناوەچوونی كۆچبەران بۆی هەبێت لەنگەر بگرێت.

دەزگای لوتكە بۆ كاروباری ئاوارە و پەنابەران لە هەواڵێكدا ئاماژەی بەوەكردووە، هەرچەندە وڵاتی ئیتاڵیا بریاریدابوو، كە هیچ كەشتییەكی هەڵگری كۆچبەر بۆی نییە لە كەنارە ئاوەییەكانی سنوری وڵاتەكەی لەنگەربگرێت، بەڵام دوای چەند كۆبوونەوەیەكی لەگەڵ وڵاتانی ئەڵمانیا و فەرەنسا لەسەر دۆزینەوەی ڕێگا چارەیەكی گونجاو بۆ مەسەلەی كۆچبەران، داواكاری گشتی ئیتاڵیا فەرمانیداوە، كە ڕێگە بە كەشتی بە هاناوەچونی پەنابەران “ئۆپن ئارم”ی هەڵگری كۆچبەر بدا لە سنورە ئاوییەكانی لەنگەر بگرێت.

ئاماژەی بەوەشكردووە، لەو كەشتییەدا ئەو (80) كۆچبەرەی تێدا بوو، كە لەئیسپانیا گیریانخواردبوو دواجار ئیتاڵیا ڕێگەیدا لە كەناراوەكانی لامپیدواسادا لەنگە ربگرێت و لەكەشتییەكە دابەزن.

داواكاری گشتی ئیتاڵیا جەختی كردۆتەوە، ئەم بڕیارەیان بەهۆی خراپی و سەختی ئەو بارودۆخەی پەنابەرانی سەر كەشتیەكەوە بووە.

بەردەوام بە لە خوێندنەوە

جیهان

ڕۆژنامەیەكی ئەمریكی: ئیسڕائیل جبەخانەكانی حەشدی شەعبی بۆردومان كردووە

خەڵك- بەشی هەواڵ
ڕۆژنامەیەكی ئەمریكی ئاشكرای دەكات، كە ئیسڕائیل هێرشی بۆ سەر بارەگا و كۆگاكانی ژەك و تەقەمەنی سەر بە حەشدی شەعبی لە عیراق ئەنجام داوە.

ڕۆژنامەی (نیویۆرك تایمز)ی ئەمریكی لە زاری بەرپرسێكی باڵای هەواڵگری لە ڕۆژهەڵاتی ناوەڕاست بڵاویكردۆتەوە، كە ئیسڕائیل لە مانگی تەمموزی ڕابردوو بۆردومانی ئەو بنكەیەی حەشدی شەعبی كردووە، كە دەكەوێتە باكوری بەغدا.

هەر ڕۆژنامەكە لە زاری دوو بەرپرسی ئەمریكییەوە بڵاویكردۆتەوە، كە دەوڵەتی ئیسڕائیل چەندین هێرشی دیكەی كردۆتە سەر بنكە و جبەخانەكانی حەشدی شەعبی لە عیراق لە ڕۆژانی ڕابردوودا.
لە ماوەی مانگی ڕابردووەوە لە عیراق 4 بارەگا و جبەخانەی حەشدی شەعبی، كە (لەلایەن ئەمریكا و ئیسڕائیلەوە بە گروپی سەر بە ئێران دادەنرێن) لە ڕووداوی نادیاردا تەقیونەتەوە.

لای خۆشیەوە، ئەبو مەهدی موهەندیش، جێگری سەرۆكی دەستەی حەشدی شەعبی، كە “لەلایەن ئەمریكاوە خراوەتە لیسی ڕەشەوە” ڕۆژی چوار شەممەی ڕابردوو هێزەكانی ئەمریكای تۆمەتبار كرد بەوەی، كە “بەرپرسی یەكەمە لە هێرشەكانی سەر بارەگاكانیان ئەویش لەڕێگەی بەكرێگیراوەكانی یان لەڕێگەی فڕۆكەی پێشكەوتووەوە”.

ڕاشیگەیاند، كە ئەمریكا چوار فڕۆكەی ئیسڕائیلی خستۆتە ناو تیمی فڕۆكەكانی و لەو ڕێگەیەوە سەربازگە عیراقیەكان بۆردومان دەكات” و هەڕەشەی وەڵامدانەوەی ئەو هێرشانەشی كرد.

بەردەوام بە لە خوێندنەوە

جیهان

ڕاپۆرتێكی خۆرئاوایی خوێندنەوە بۆ بڕيارەكەى ئەبو بەكر بەغدادی دەكات

خەڵك- بەشی هەواڵ
ڕاپۆرتێكی تۆڕی (ئینتەرناشیوناڵ پۆلیسی دایجست) بۆ شكارییە سیاسییەكان، وردەكاریی بڕیارەكەی ئەم دواییەی ئەبو بەكر بەغدادی سەركردەی ڕێكخراوی داعش ئاشكرا دەكات، سەبارەت بە ڕادەستكردنی دەسەڵاتەكانی بە كەسێكی تر.

ڕاپۆرتەكەی تۆڕی (ئینتەرناشیوناڵ پۆلیسی دایجست) دەڵێت”بەغدادی بڕیاریداوە سەركردایەتی داعش ڕادەستی جێگرەوەكەی بكات، بەڵام خۆی پارێزگاریی لە نازناوی خەلیفە دەكات، بەو پێیەی پێگەیەكی ئاینییە، بە تایبەتیش لەگەڵ خراپبوونی باری تەندروستی سەركردەی ڕێكخراوەكە، دوای ئەوەی تەئكید لەسەر ئیفلیجبوونی یەكێك لە لاقەكانی كرایەوە لەپاش برینداربوونی لە شەڕەكانی سوریا”.

(ئینتەرناشیوناڵ پۆلیسی دایجست) پێیوایە”زۆرێك لە میدیاكان و سیاسەتوانان بە هەڵە لە وازهێنانی سەركردەی داعش تێگەیشتوون، چونكە ئەو هەر لە دەسەڵاتدا دەمێنێتەوە، بەڵام سەركردایەتی ڕێكخراوەكە دەداتە عەبدوڵڵا قەرداشی جێگرەوەی كە توركمانێكی خەڵكی تەلەعفەرە.

بەردەوام بە لە خوێندنەوە

کوردستان