ئێمە لە تۆرە کۆمەڵایەتیەکان

عێراق

پەسەندكردنی بودجەی 2020 وابەستەی ڕێككەوتنی نێوان هەرێم و بەغدا دەكرێت

خەڵك- بەشی هەواڵ
لیژنەی دارایی پەرلەمانی عیراق دەڵێت، بودجەی ساڵی داهاتوو تێناپەڕێنرێت، تا ئەو كاتەی بەغدا و هەولێر ڕێككەوتن لەسەر بڕگەكانی دەكەن، ئاماژە بەو توێژینەوە زانستیانەش دەكات كە لەلایەن وەزارەتی نەوت و ڕاوێژكارە پسپۆڕەكانەوە ئەنجام دەدرێن، تا نرخی بەرمیلێك نەوت بۆ بودجەی 2020، دیاریی بكەن.

جەمال ئەحمەد، ئەندامی لیژنەی دارایی لە پەرلەمانی عیراق لە لێدوانێكی ڕۆژنامەوانیدا ڕایگەیاندووە”بودجەی ساڵی داهاتوو بەبێ‌ ڕێككەوتنی نێوان بەغدا و هەولێر تێناپەڕێنرێت، دەبێت لەمجارەشدا ڕێكەوتنەكە ڕاستەقینە بێت و هەریەك لە ناوەند و هەرێم پێوەی پابەندبن”.

بە وتەی ئەو ئەندامەی لیژنەی دارایی”ڕێنەكەوتنی بەغدا و هەولێر لەسەر بودجەی ساڵی داهاتوو، وا لە پەرلەمان دەكات متمانەی بە هەردوو حكومەتی ناوەند و هەرێم نەمێنێت، بۆیە پێویستە هەموو لایەك پابەندی یاسابن لە پاشماوەی ئەمساڵ بۆ ڕێككەوتن لەسەر بودجەی 2020″.

جەمال ئەحمەد دەڵێت”بودجەی ساڵی داهاتوو لە دوای توێژینەوەیەكی زانستی لەلایەن وەزارەتی نەوت و ڕاوێژكارانی پسپۆڕ لەو بوارەدا دادەنرێت، بە تایبەت كە نرخی بەرمیلێك نەوت لەنێوان 55-65 دۆلاردایە”.

پێشتر لیژنەی دارایی ڕایگەیاندبوو”كورتهێنان لە بودجەی ساڵی 2020 دەگاتە 72 ترلیۆن دینار، ئەمەش پێویستی بە توێژینەوەیەكی زانستییە بۆ ئەژماركردنی نرخی بەرمیلێك نەوت لە بودجەی ساڵی داهاتوو”.

عێراق

ئەمڕۆ دوو خۆپیشاندەر لە بەغدا كوژران

خەڵك- بەشی هەواڵ

ئاژانسی هەواڵی ڕۆیتەرز بڵاوی كردەوە، دوانیوەڕۆی ئەمڕۆ هەینی بەهۆی دەستڕێژی كولەوە دوو خۆپیشاندەر لە بەغدا كوژران و 22 خۆپیشاندەری دیكەش برینداربوون.

بەپێی زانیارییەكانی ئاژانسەكە خۆپیشاندەران لە چەند شوێنێكی بەغدا بڵاوبوونەتەوە و داوای هەلی كار و خزمەتگوزاری و هەڵوەشانەوەی سەرۆكایەتییەكانیان كردووە.

ئەمڕۆ بۆ ڕۆژی 29 هەمین ڕۆژ خۆپیشاندانی فراوان لە بەغدا و شارەكانی باشوری عیراق بەڕێوەچوو.

بەردەوام بە لە خوێندنەوە

عێراق

بەرپرسێكی داعش لە ڕومادی دەستگیركرا

خەڵك- بەشی هەواڵ

بەشی هەواڵگری سەربازی سوپای عیراق بڵاوی كردەوە، كە بەرپرسی پاڵپشتی لۆجستی داعشیان لە ناوچەی تاشی ڕومای دەستگیركردووە.

هەواڵگری سوپای عیراق لە ڕاگەیەنراوێكدا ئاماژەی بەوەكردووە، لەسەر بنەمای وردی هەواڵگری ئەو كەسە دەستگیركراوە و دانی بە تاوانەكەیدا ناوە.

هەر لە ڕاگەیەنراوەكەدا هاتووە، كە چەندین بەڵگە دەست هەواڵگری عیراق كەوتوون، دوای دەستگیركردنی ئەو كەسە.

بەردەوام بە لە خوێندنەوە

عێراق

یەكەیەكی حەشدی شەعبی تەقەیان لە فڕۆكەیەك كرد

خەڵك- بەشی هەواڵ

یەكەیەكی سەربازی كوردانی شەبەك كە سەر بە حەشدی شەعبە ئەمڕۆ هەینی لە نزیك شارۆچكەی تلكێف تەقەیان لە فڕۆكەیەكی نەناسراو كرد.

میدیاكانی عیراق بڵاویانكردەوە، ئەو فڕۆكەیە نەناسراو بووە و بە ئاسمانی ناوچەكەدا سوڕاوەتەوە و ئەوانیش تەقەیان لێكردووە.

بەپێی زانیاری میدیاكان فڕۆكە نەناسراوەكە ناوچەكەی جێهێشتووە و تائێستاش لایەنی فەرمی حكومەتی عیراق ڕونكردنەوەی لەوبارەوە بڵاونەكردووەتەوە.

بەردەوام بە لە خوێندنەوە

کوردستان