ئێمە لە تۆرە کۆمەڵایەتیەکان

جیهان

بەوێنە..كوژرانی باشترین ئەفسەری هێزەكانی ئەمریكا لە عیراق

خەڵك-بەشی هەواڵ

چەكدارانی داعش باشترین ئەفسەری ئەمریكایان كوشت.

تۆڕی سبوتنیك بڵاویكردەوە، یەكێك لە سەرباز و ئەفسەرە تایبەتەكانی ئەمریكا لە عیراق كە سەرقاڵی خزمەتكردن بوو كوژرا.
“اسكوت كوپنهاوەر” فەرماندەی تەمەن 35 ساڵەی ئەمریكایی چەند ڕۆژێك لەمەوپیش لەلایەن چەكدارانی داعشەوە كوژرا.
ناوبراو یەكێك بوو لە قەناس بەدەستەكانی هێزەكانی ئەمریكا و بەهۆی ئازایەتی و خزمەتی دووبارە، دووجار مەدالیای ئەستێرەی برۆنزیی پێدەبەخشرێت.
لە ساڵی 2018 بە باشترین ئەفسەری تایبەتی هێزەكانی ئەمریكا دەستنیشان دەكرێت لە عیراق كە لە ئۆپەراسیۆنەكاندا بە كەسێكی مەترسیدار دەناسرا لەلایەن چەكدارانی داعشەوە.

 

جیهان

189 كەس گیانلەدەستداوە
ئێران ژمارەی تووشبوانی كۆرۆنای 24 كاتژمێری ڕابردووی ڕاگەیاند

خەڵك-بەشی هەواڵ
وتەبێژی وەزارەتی تەندروستی ئێران ڕایدەگەیەنێت، لە ماوەی 24 كاتژمێری ڕابردوودا 2132 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لەماوەی 24 كاتژمێری ڕابردوودا 2132 كەس لە ئێران تووشی ڤایرۆسی كۆرۆنا بوون و 189 كەسیش گیانیان لە دەستداوە، بەمشێوەیە ژمارەی ئەوانەی بەهۆی ڤایرۆسەكەوە گیانیالەدەستداوە، بۆ 18616 كەس بەرزبۆوە”.

بە وتەی سادات لەلاری””لە سەرەتای دەركەوتنی ڤایرۆسەكە تا ئەمڕۆ 328 هەزار و 844 كەس لە ئێران تووشی كۆرۆنا بوون”.
وتەبێژی وەزارەتی تەندروستی ئێران، ئاماژەی بە بەرزبوونەوەی كۆی گشتی چاكبوونەوەش كردووە بۆ 286 هەزار و 642 كەس كردووە”.

سیما سادات لاری دەڵێت، لەئێستادا 26 هەرێم لە وڵاتدا لە ڕەوشێكی تەندروستی مەترسیداردان، 15 هەرێمیش ڕەوشی تەندرستی تێیاندا سورە سەبارەت بە بڵاوبوونەوەی ڤایرۆسی كۆرۆنا كە لە: تاران، قوم، مازندەران، گڵستان، خوراسانی شیمالی، ئەردەبیل، ئەسفەهان، ئەلبورز، خوراسان ڕەجەوی، كرمان، سمنان، ئازربایجانی شەرقی، مەركەزی، یەزد، جیلان، پێكدێن.

بەردەوام بە لە خوێندنەوە

جیهان

چوارەم وەزیرە
وەزیری دارایی لوبنان دەستیلەكاركێشایەوە

 

خەڵك- بەشی هەواڵ

بەهۆی تەقینەوە گەورەكەی هەفتەی ڕابردووی بەندەری لوبنان، غازی وەزنی وەزیری دارایی لوبنان دەستلەكاركێشانەوەی خۆی پێشكەش بە حكومەت كرد.

ئەمڕۆ دوو شەممە، میدیاكانی لوبنان بڵاویانكردەوە كە وەزیری دارایی دەستلەكاركێشانەوەی خۆی پێشكەش بە حەسان دیاب سەرۆكی حكومەت كردووە، ئەمەش لەكاتێكدایە كە پێشتر ماری كلود نەجم وەزیری داد و دمیانۆس قەتار وەزیری ژینگە و گەشەپێدانی ئیداریی و مەنال عەبدولسەمەد وەزیری ڕاگەیاندن دەستلەكاركێشانەوەی خۆیان پێشكەش بە سەرۆك وەزیران كردبوو.

هەر لەو چوارچێوەیەدا، ژمارەیەك لە پەرلەمانتارانیش كە نوێنەرایەتی فراكسیۆنە جیاجیاكانی پەرلەمانی لوبنانی دەكەن لەگەڵ چەند پەرلەمانتارێكی سەربەخۆ، بەهۆی تەقینەوە كاولكارییەكەی بەندەری بەیروتی پایتەخت، دەستییان لەكاركێشایەوە.

وێڕای تەقینەوەكەی بەندەری بەیروت كە تەنگژەكانی وڵاتەكەی ئاڵۆزتر كرد، لەئێستادا لوبنان بە تەنگژەیەكی ئابوری و دارایی و گوزەرانی خراپدا تێدەپەڕێت.

بەردەوام بە لە خوێندنەوە

جیهان

سەرۆك وەزیرانی لوبنان دەستلەكاردەكێشێتەوە

خەڵك – بەشی هەواڵ
بە هۆی بەردەوامبوونی ناڕەزاییە جەماوەرییەكان حەسان دیاب سەرۆك وەزیرانی لوبنان دەستلەكاردەكێشێتەوە.

كەناڵی سكانیوزی عەرەبی بڵاویكردەوە كە ئەمڕۆ حەسان دیاب سەرۆك وەزیرانی لوبنان پێش كۆبوونەوەی ئەنجومەنی وەزیران دەستلەكاركێشانەوەی خۆی ڕادەگەیەنێت.

چاوەڕوان دەكرێت وتەیەكیش لەوبارەیەوە پێشكەش بكات.

دەستلەكاركێشانەوەی سەرۆك وەزیرانی لوبنان دوای ئەو خۆپیشاندانە ناڕەزاییە دێت كە چەند ڕۆژێكە بەیروتی پایتەختی گرتووەتەوە.

هەرچەندە پێشتریش هاووڵاتییانی لوبنان نیگەران بوون لە ئەدای حزبە سیاسییەكانی دەسەڵات، بەڵام ناڕەزاییەكان دوای تەقینەوەكەی بەندەری بەیروت لە كۆنترۆڵ دەرچوو كە كوژرانی زیاتر لە 150 كەسی لێكەوتەوە.

بەردەوام بە لە خوێندنەوە

کوردستان