ئێمە لە تۆرە کۆمەڵایەتیەکان

ی.سلایدەر

حكومەتی هەرێم ڕۆژێك پشووی فەڕمی ڕاگەیاند

خەڵك-بەشی هەواڵ

 

حكومەتی هەرێمی كوردستان بڕیاری دا ڕۆژی پێنج شەممەی داهاتووش تەواوكەری پشووی جەژنی قوربانی پیرۆز بێت.

جوتیار عادل وتەبێژی‌ حكومەتی‌ هەرێمی كوردستان ڕایگەیاند، ڕۆژی‌ پێنج شەممە 15ی ئابی 2019 ، لەتەواوی دامودەزگاكانی‌ حكومەتی‌ هەرێمی كوردستان پشووی فەرمی دەبێت.
وتیشی”ئەو ڕۆژەش لەگەڵ پشووەكانی‌ جەژنی‌ قوربان دەبێت و لەهەفتەی‌ داهاتووەوە دەوام لەتەواوی دامودەزگاكانی حكومەتدا دەست پێدەكاتەوە”.

پێشتر حكومەتی هەرێم لە ڕاگەیەندراوێكدا ئاسكرایكرد، تاكو ڕۆژی چوار شەممە كە دەكاتە سبەینێ پشوو دەبێت.

عێراق

جوتیارانی هەرێمیش دەگرێتەوە
عیراق، جوتیاران شایستە داراییەكانیان وەردەگرن

خەڵك- بەشی هەواڵ
وەزارەتی كتشوكاڵی حكومەتی فیدراڵ ڕایدەگەیەنێت، شایستە داراییەكانی جوتیاران دابەش دەكرێن، هەموو ئەوانەش كە بەروبومەكانیان ڕادەستكردووە، بە جوتیارانی هەرێمیشەوە، شایستە داراییەكانیان وەردەگرن.

ئەمڕۆ دوو شەممە، حەمید نایف وتەبێژی وەزارەتی كشتوكاڵی عیراق لە لێدوانێكی ڕۆژنامەوانیدا ڕایگەیاند”وەزارەتی دارایی بڕی 483 ملیار دیناری بۆ دابەشكردنی شایتە داراییەكان بۆ ئەو جوتیارانە تەرخانكردووە كە بەرهەمی گەنم و مەرەزەیان لە وەرزی بەرهەمی ئەمساڵدا ڕادەستكردووە، وەزارەتی داراییش بڕە پارەكەی بۆ وەزارەتی بازرگانی رەوانەكردووە، تا لای خۆیەوە بەچەند قۆناغێك بەسەر جوتیاراندا دابەشی بكات”.

وتەبێژی وەزارەتی كشتوكاڵی عیراق دەڵێت”پارەكە دابەشكراوە بەسەر دوو بەشدا، بەجۆرێك كە 130 ملیار دیناری بۆ ئەو جوتیارانەیە كە بەرهەمی مەرەزەیان هەبووە و 353 ملیار دینارەكەی تریش بۆ پارەی گەنمی جوتیارانە”.

بە وتەی حەمید نایف”ئەو جوتیارانەی بەرهەمی گەنم و مەرەزەیان ڕادەستكردووە، شایستە داراییەكانی خۆیان وەردەگرن، بە جوتیارانی هەرێمی كوردستانیشەوە”.

لە 21ی حوزەیرانی ڕابردوو، وەزارەتی كشتوكاڵی عیراق ڕایگەیاندبوو، شایستە داراییەكانی جوتیاران لە بودجەی ساڵی 2020 زامنكراوە، بەڵام تائێستا بوجە پەسەند نەكراوە، ئاماژەی بە كڕینی تۆنێك گەنميش كردبوو لە جوتیاران بە 400 دۆلار.

بەردەوام بە لە خوێندنەوە

کوردستان

پارە و زێڕی ماڵانیان بردووە
هەولێر، دوو كەس بە تۆمەتی دزى دەستگیركران

خەڵك- بلەشی هەواڵ
بەڕێوەبەرایەتیی پۆلیسی پارێزگای هەولێر دەستگیركردنی دوو كەس ڕادەگەیەنێت كە تۆمەتبارن بە دزینی بڕێك پارە و زێڕ لە شوقەكانی (MRF) ، ئاماژە بە دادگایی كردنی دوو تۆمەتبارەكەش دەكات بەپێی مادەی (446) لە یاسای سزادان.

بەپێی ڕاگەیەندراوێك كە ئەمڕۆ دوو شەممە لەلایەن بەڕێوەبەرایەتیی پۆلیسی پارێزگای هەولێرەوە بڵاوكرایەوە” تیمەكانی بەڕێوەبەرایەتیی پۆلیسی پارێزگای هەولێر، لە شوقەكانی (MRF) بە كەمتر لە 14 كاتژمێر دو تۆمەتباریان بە ناوەكانی (ع.ح.م) و (ر.و.ر) بە تۆمەتی “دزینی بڕی 3 ملیۆن دینار، 7 هەزار و 500 دۆلاری یٔەمەریكی و بڕێك زێڕ، دەستگیر كرد”.

هەر لە ڕاگەیەندراوەكەدا هاتووە” تۆمەتباران دانیان نا بە تاوانەكەیاندا، بۆیە بەپێی ماددە (446) لە یاسای سزادان، بەند كراون و دراونەتە دادگا”.

بەردەوام بە لە خوێندنەوە

کوردستان

فرسەت سۆفی ڕوونکردنەوە لەسەر ٥٠ هەزار دیناری پشکنینی بازگەکان دەدات

خەڵک – بەشی هەواڵ

 

نوسینگەى پارێزگاری هەولێر ڕایگەیاند، لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.

نوسینگەی پارێزگاری هەولێر لەڕاگەیەندراوێکدا ڕایگەیاند، پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”.

 

ئەوەش خراوەتەڕوو، بۆیە هەرچی دیکەی دەگوترێ بێجگە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

 

ڕوونکردنەوەیەک لە نووسینگەی پارێزگاری هەولێر

 

لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.
پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”، بۆیە هەرچی دیکەی دەگوترێ بێجە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

نوسینگەی پارێزگاری هەولێر
2020.7.13

بەردەوام بە لە خوێندنەوە

کوردستان