ئێمە لە تۆرە کۆمەڵایەتیەکان

کوردستان

بەوێنە..گەشتیارێكی زۆر لە چاوەڕوانیدان
خاڵی سنوری باشماخ دوو داواكاری لەگەشتیاران دەكات

خەڵك-بەشی هەواڵ

 

بەڕێوەبەرایەتی كۆمەڵگای دەروازەی نێودەوڵەتی باشماخ ڕایدەگەیەنێت، 24 كاتژمێر كارمەندەكانمان لە خزمەت گەشتیاراندان و ئەركەكانیان جێبەجێ دەكەن.

بەڕێوەبەرایەتی كۆمەڵگای دەروازەی نێودەوڵەتی باشماخ لە ڕاگەیەندراوێكدا ئاماژە بۆ ئەوە دەكات، لەگەڵ ئەوەی ڕۆژانە ژمارەیەكی زۆر لەگەشتیاران لەڕێگەی دەروازەی نێودەوڵەتی باشماخەوە ھاتووچۆدەكەن، كارمەندانی بنكەی نشینگەی باشماخ بەشێوەی ٢٤ كاتژمێریی لەخزمەت گەشتیاراندان و بێ ماندوبوون ئەركەكانیان جێبەجێ دەكەن.

 

ئاشكراشیدەكات، لەڕووی دڵسۆزیمان بۆ خزمەتی گشتی و دابینكردنی كەشێكی ھێور و سیمایەكی جوانتر بەڕووی گەشتیاراندا دو داواكاری لە گەشتیاران دەكەین كە لەڕووی ئارام گرتنەوە، ھەركەس بەنۆرەی خۆی لەڕیزبەندی و سەرەگرتن چاوەڕێ بكات تا دێتەسەرەی خۆی بۆ ئەوەی خەڵكی تر بێزار نەكات، هەروەها لەڕووی پاك ڕاگرتنی ژینگەوە، بەداخەوە ڕۆژانە بڕێكی زۆر لەبوتڵی ئاو و دایبی مناڵ و پاشماوەی خۆراك لەشوێن خۆیان جێدەھێڵن، ئەمەش جگەلەوەی دیمەنێكی ناشارستانی بەو شوێنە دەبەخشێ، دەشبێتە مایەی ھیلاكردنی كرێكارانی ژینگەپارێز و پاككەرەوەكان كە دواجار ئەوانیش برا و كەسوكاری خۆمانن.

کوردستان

وێنە.. لەڕۆژئاوای كوردستانەوە داوای هاوكاری تەندروستی لە باشوور دەكرێت

خەڵك – بەشی هەواڵ

خۆبەڕێوەبەری دیموكراتی داوا لە گەلی باشووری كوردستان دەكات هاوكاری تەندروستی پێشكەش بە ڕۆژئاوا بكەن.

لە نووسراوێكدا بەڕێوەبەرایەتی تەندروستی حەسەكە كە سەر بە خۆبەڕێوەبەرێوەبەری دیموكراتییە و ڕۆژی 13/11/2019 واژۆ كراوە داوا لە كوردانی باشووری كوردستان دەكرێت، هاوكاری تەندروستییان بۆ ڕەوانە بكەن.

لە نووسراوەكەدا ئاماژە بەوەكراوە:”ئاگاداری گەلەكەمان لە باشووری كوردستان دەكەین، خزمەتگوزارییە تەندروستییەكان لەلایەن نەخۆشخانەی حەسەكە بێ بەرامبەر پێشكەش بە هاوڵاتییانی ناوچەكە دەكرێت، بەڵام لە ئێستادا ئەو نەخۆشخانەیە پێويستییەكی زۆری بە دەرمان و پێداویستی پزیشكی و ئامێرە پزیشكییەكان هەیە، ئەگەر دەتوانن هاوكاریمان بكەن بۆ دابینكردنی ئەو پێداویستییانە”.

بەردەوام بە لە خوێندنەوە

عێراق

“دەركردنی یاسا بە پەلە هەڵەیەكی گەورەیە”

خەڵك – بەشی هەواڵ

ئەندامێكی یەكێتی لە ئەنجومەنی نوێنەرانی عیراق ڕایدەگەیەنێت، “ھەڵەی گەورەیە ئەگەر لەژێر فشار و بۆ ڕازیكردن، یاسای بەپەلە و باش دراسە نەكراو دەربكرێت”.

بڵێسە جەبار فەرمان ئەندامی ئەنجومەنی نوێنەرانی عیراق لە فڕاكسیۆنی یەكێتیی نیشتمانیی كوردستان لە لاپەڕەی تایبەتی خۆی لە تۆڕی كۆمەڵایەتی فەیسبوك نووسیویەتی:”ھەڵەی گەورەیە ئەگەر لەژێر فشار و بۆ ڕازیكردن، یاسای بەپەلە و باش دراسە نەكراو دەربكرێت جا چ لەلایەن ئەنجومەنی وەزیرانەوە بێت یا لەلایەن ئەنجومەنی نوێنەرانەوە”.

ئەمەش لەكاتێكدایە، لە ماوەی ڕابردوودا بەهۆی خۆپیشاندانەكانی بەغدا و چەند پارێزگایەكی ناوەڕاست و باشووری عیراقەوە چەند پڕۆژە یاسایەك ئامادەكراوە لە ناویشیاندا هەمواركردنەوەی دەستووری هەمیشەیی عیرا و ژمارەیەكیش لەو پڕۆژە یاسایانە ڕەوانەی ئەنجومەنی نوێنەران كراون بۆ دەنگدان لەسەری و پەسندكردنی.

 

بەردەوام بە لە خوێندنەوە

کوردستان

ژمارەیەك گومانلێكراو لە باكووری كەركوك دەستگیركران

خەڵك – بەشی هەواڵ

شانەی ڕاگەیاندنی ئەمنی عیراق بڵاویكردەوە: لە هەڵمەتێكی هێزە ئەمنییەكاندا لەزنجیرە چیاكانی كانی دومەڵان لەباكوری كەركوك ژمارەیەك تیرۆریست دەستگیركران و چەند بۆمبێكیش پووچەڵكرانەوە.

شانەی ڕاگەیاندنی ئەمنی عیراق لە ڕاگەیەنراوێكدا ڕایگەیاند، ئەمڕۆ 14/11/2019 مەفرەزەكانی تیپی شەشی پۆلیسی فیدڕاڵی و هێزەكانی حەشدی شەعبی و عەشایەری، بەپشتیوانی فڕۆكە جەنگییەكانی سوپای عیراق هەڵمەتێكی گەڕان و پشكنینیان لە ناوچەكانی باكووری كەركوك دەستپێكردووە و بە تایبەت لە زنجیرە چیاكانی كانی دومەڵان، لەو هەڵمەتەشدا هێزە ئەمنییەكان توانیویانە سێ گومانلێكراو دەستگیربكەن و سەرجەم مۆڵگەكانی تیرۆریستان لەو ناوچەیە خاپوور بكەن.

شانەی ڕاگەیاندنی ئەمنی عیراق ئەوەشیخستووەتەڕوو، هەر لەو هەڵمەتەدا هێزە ئەمنییەكان لەقوڵایی زنجیرە چیاكانی كانی دومەڵان تونێلێكیان دۆزیوەتەوە كە لەشێوەی ئەشكەوتدا بووە و درێژییەكەی 75 مەتر بووە و بە تەواوەتی خاپووریان كردووە.

بەردەوام بە لە خوێندنەوە

کوردستان