ئێمە لە تۆرە کۆمەڵایەتیەکان

عێراق

بەوێنە، تاوانێكی قێزەون لە كەركوك ڕویدا


خەڵك- بەشی هەواڵ
ژنێك بە یارمەتی دۆستەكەی لە پارێزگەی كەركوك مێردەكەی خۆی دەكوژێت.

ئەمڕۆ سێ‌ شەممە، ماڵپەڕی (الفرات)ی عیراقی لە زاری سەرچاوەیەكی ئەمنییەوە بڵاویكردەوە”ژنێكی تەمەن 20 ساڵان سێ‌ ڕۆژ لەمەوبەر لەگەڵ دۆستەكەی پیلانی بۆ جێبەجێكردنی تاوانێك لە گەڕەكی نەسر لە كەركوك داناوە”.

بە وتەی سەرچاوەكە”دۆستی ژنەكە سێ‌ گوللـەی ناوە بە قوربانییەكەوە لە ماڵەكەیدا، بەڵام نەمردووە، بۆیە لەگەڵ ژنەكەدا خنكاندوویانە”.

سەرچاوەكە دەڵێت”ئەوەی بووەتە مایەی ئاشكرابوونی وردەكاریی تاوانەكە، ئەوەبووە كە ژنەكە منداڵەكەی بۆ مەبەستی چارەسەر بردووە بۆ نەخۆشخانە دوای ئەوەی لەكاتی تەقەكردنەكەدا برینداربووە”.

سەرچاوەكە ئاماژەی بە دەستگیرگیركردنی ژنەكە و هەڵاتنی دۆستەكەی كردووە بەرەو جێگەیەكی نادیار.

 

عێراق

لە عیراق و هەرێم ژمارەیەكی زۆری تووشبوون و مردن بە كۆرۆنا تۆماركرا


خەڵك- بەشی هەواڵ
وەزارەتی تەندروستی عیراق ئاشكرای دەكات، 519 حاڵەتی نوێی تووشبوون بە ڤایرۆسی كۆرۆنا تۆماركراوە و 233 كەسیش چاكبوونەتەوە و 20 كەسیش مردوون.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 13 هەزار و 463 پشكنینی تایبەت بە كۆرۆنا ئەنجام دراوە و دەركەوتووە 519 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، كە 350 كەس بوون و لە بەسرە 25 حاڵەت و سلێمانی 28 و دهۆك 6 و هەولێر 1 حاڵەت تۆماركراوە.

ڕوونیشی كردۆتەوە، كە 233 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات 20 كەسیش بە پەتاكە گیانیان لەدەستداوە.

ڕاشیگەیاندووە، كۆی گشتی تووشبووان گەیشتۆتە 7 هەزار و 387 كەس و لەو ژمارەیەش 3 هەزار و 508 كەس چاكبوونەوە و 235 كەسیش مردوون و ئێستا 3 هەزار و 644 كەس لەژێر چاودێری پزیشكیدا ماون، كە 46 كەسیان لەژێر چاودێری چڕدان.

بەردەوام بە لە خوێندنەوە

عێراق

ژمارەیەك لە ئەندامانی پەرلەمانی عیراق تووشی كۆرۆنا بوون


خەڵك- بەشی هەواڵ
شانەی قەیرانی پەرلەمانی عیراق، توشبوونی ژمارەیەك لە ئەندامانی پەرلەمان بە ڤایرۆسی كۆرۆنا ڕادەگەیەنێت،  جەختیش لەسەر گرتنەبەری ڕێكارەكانی خۆپارێزی دەكاتەوە بەر لە سازدانی دانیشتنی سبەینێی پەرلەمان.

عەباس علێوی ئەندامی شانەی قەیران لە پەرلەمانی عیراق لە لێدوانێكی ڕۆژنامەوانیدا ڕایگەیاند”ژمارەیەك لە ئەندامانی پەرلەمان و ئەندامانی خێزانەكانیان توشی ڤایرۆسی كۆرۆنا بوون، هەندێك لەوانەش بە بەركەوتەی تووشبوانی ڤایرۆسەكە دادەنرێن”.

بە وتەی علێوی”توشبوونی ئەندامانی پەرلەمان یان بەرپرسان ئاساییە، چونكە ڤایرۆسەكە كەس بەدەر ناكات و جیاوازیی لەنێوان بەرپرس و هاووڵاتیدا ناكات”.

ئەو ئەندامەی شانەی قەیرانی پەرلەمانی عیراق دەڵێت”پەرلەمان چەند ڕێكارێك بۆ خۆپاراستن و سەلامەتی تەندروستی دەگرێتەبەر، پێش سازدانی دانیشتنى‌ سبەینێ‌ چوار شەممە”.

بەردەوام بە لە خوێندنەوە

عێراق

سیڤی کاندیدانی حەوت وەزارەت دەخرێتە بەردەم ئەنجومەنی نوێنەرانی عیراق


 

خەڵک – بەشی هەواڵ

وابڕیارە ئەمڕۆ سەرۆک وەزیرانی عیراق، سیڤی کاندیدانی چەند وەزارەتێک بخاتە بەردەم ئەنجوومەنی نوێنەران بۆ بڕیاردان لەسەریان.

بەدر زیاد، ئەندامی ئەنجوومەنی نوێنەرانی عیراق، سەر بەهاوپەیمانی سائیرون ڕایگەیاند، بڕیارە ئەمڕۆ، که، ، ناو و زانیاریی کاندیدانی حەوت وەزیر بۆ كابینەکەی مستەفا کازمی بخرێنە بەردەم ئەنجوومەنی نوێنەران، تا لەکۆبوونەوەی رۆژی چوارشەممەی داهاتوودا، بخرێنە دەنگدانەوە.

تا ئێستا هەریەکە لەوەزارەتەکانی بازرگانی، داد، کۆچ، دەرەوە، نەوت، رۆشنبیری، کشتوکاڵ لە کابینەکای کازمیدا پڕ نەکراونەتەوە.

ڕەوانەکردنی سیڤی ئەو ژمارە وەزیرە بۆ پڕکردنەوەی کابینەکەی کازمی لەکاتێکدایە کە سەرۆک وەزیرانی عیراق وەک فەرماندەی گشتی هێزە چەکدارەکانی عیراق ئەمڕۆ بە سەردانێک لەپارێزگای کەرکوکە و لەگەڵ ژووری عەمەلیاتی شارەکە تاوتوێی ڕەوشی ئەمنی دەکات.

بەردەوام بە لە خوێندنەوە

کوردستان