ئێمە لە تۆرە کۆمەڵایەتیەکان

ئابوری

نرخی ئەمپێرێك دیاری كرا
بەهۆی گەرماوە بڕیارێكی نوێ‌ بۆ كارپێكردنی مۆلیدە ئەهلیەكان درا

خەڵك – بەشی هەواڵ
لیژنەی مۆلیدە ئەهلیەكانی هەڵەبجە كۆبوەوە و بڕیار درا لەكاتی كوژانەوەی كارەبای نیشتیمانی مۆلیدە ئەهلیەكان كارەبا دابین بكەن بۆ هاوڵاتیان، هاوكات بڕیاردرا پێویستە مۆلیدەكان پێنج كاتژمێر ئیش بكەن و 45 خولەك مۆلیدەكان بكوژێننەوە.

لیژنەی مۆلیدە ئەهلیەكانی هەڵەبجە لە دوای كۆبونەوەی ئەمڕۆ لە كۆنووسێكدا، كە وێنەیەكی دەست (خەڵك) كەوتووە چەند بڕیارێكی دەركردووە، كە “لەبەر بەرژەوەندیی گشتی هاوڵاتیان و خاوەن مۆلیدەكانیشە”.

بەگوێرەی كۆنووسی كۆبوونەوەكە، لیژنەی مۆلیدە ئەهلیەكانی هەڵەبجە بڕیاریداوە، لەكاتی كوژانەوەی كارەبای نیشتیمانی پێویستە مۆلیدە ئەهلیەكان كارەبا دابین بكەن بۆ هاوڵاتیان.

جەختیشی كردۆتەوە، لەبەر بەرژەوەندیی گشتی هاوڵاتیان و خاوەن مۆلیدەكانیش، پێویستە مۆلیدەكان پێنج كاتژمێر ئیش بكەن و 45 خولەك مۆلیدەكان بكوژێننەوە، لەبەرئەوەی مۆلیدەكان توشی گرفت نەبن و هاوڵاتیانیش لەم وەرزی گەرمایەدا بێ كارەبا نەبن.

ئەوەشخراوەتەڕوو ، لەكاتی بوونی گرفت لەمۆلیدەكاندا، پێویستە خاوەن مۆلیدە دەستبەجێ، یەكێك لە ئەندامانی لیژنەی لێ ئاگاداربكاتەوە و مۆبایل نەكوژێنێتەوە، بەرنامەكەش لەم مانگەوە جێبەجێ دەكرێت.

لیژنەی موەلیدەئەهلییەكانی هەڵەبجە، بۆ مانگی حوزەیران نرخی هەر ئەمپێرێك كاركردنی موەلیدە بە 12 هەزار تا 13 هەزار و 500 دینار دیاریكردووە، بەڵام نرخەكە لە گەڕەكێكەوە بۆ گەڕەكێكی دیكە گۆڕانكاری بەسەردا دێت.

ئابوری

تیکتۆک و ویچات قەدەغەدەکرێن

 

خەڵک – بەشی هەواڵ

تیکتۆک و ویچات لەڕۆژی یەک شەممەوە لەئەپ ستۆر و پلەی ستۆری ئەمریکا قەدەغەدەکرێن.

 

بەپێی بڕیارێکی ولایەتە یەکگرتووەکانی ئەمریکا، ڕێگری دەکرێت لەداونلۆدکردنی هەردوو ئەپلیکەیشنی تیکتۆک و ویچات لەئەپستۆر و پلەی ستۆری ئەمریکا.

 

بڕیارەکە لەیەک شەممەی داهاتووەوە دەچێتە بواری جێبەجێکردنەوە و بەتەواویش لەبەرواری ١٢/١١/٢٠٢٠ بەکارهێنانی قەدەغەدەکرێن.

 

ئەم بڕیارە  لەکاتێکدایە ئەمریکا پێیوایە ئەم ئەپلیکەشنانە هەڕەشەن بۆسەر ئاسایشی نیشتیمانی.

 

ئەو دوو ئەپلیکەیشتە لەلایەن دوو کۆمپانیای چینییەوە بەرهەمهێنراون و بەڕێوەدەبرێن، بۆیە گرژییەکانی نێوان ئەمریکا و چین وایکردووە ئەم جۆرە بڕیارانە دەربکرێن.

 

بەردەوام بە لە خوێندنەوە

ئابوری

بازاڕچەكانی نێوان ڕۆژهەڵات و باشووری كوردستان ڕێكدەخرێنەوە

خەڵك – بەشی هەواڵ
بڕیارە بازاڕچەكانی سنووری پارێزگاكانی ورمێ و كرماشان و سنەی ڕۆژهەڵاتی كوردستان لەگەڵ هەرێمی كوردستان ڕێكبخرێنەوە.

نادر سادقی جێگری هەماهەنگی کاروباری ئابووری پارێزگاری ورمێ ڕایگەیاند: بە پێێ پەسەند کراوی ئەنجومەنی گەشە و ئاسایشی سەقامگیری ڕۆژهەڵات و ڕۆژئاوای ئێران و بە ڕاگەیاندنی گومروک، وەزارەتی پیشە، کانگا و بازرگانی و بانکی ناوەندی ئاییننامەی ڕێکخستنی هەناردە و هاوردەی کاڵا لە بازاڕچە سنوورییەکان ناسراو بە کۆڵبەری، لە سێ پارێزگای سنووری ورمێ، کرماشان و کوردستان بەڕێوە دەچێت.

سادقی وتیشی: وا بڕیار دراوە کە ئیدارەی پارێزگارییەکان و لیژنەی ناوەندی بەرەنگار بوونەوەی قاچاغی کاڵا و دراو، لە سەر ڕەوتی بەڕێوە چوونی ئەو پەسەند کراوە چاوەدێری بکەن و هیوادارین بەشێکی بەرچاو لە کێشەی کۆڵبەرەکانی پارێزگا چارەسەر ببێت.

بەردەوام بە لە خوێندنەوە

ئابوری

نرخی نەوتی ئۆپیك 41 دۆلاری تێپەڕاند

خەڵك- بەشی هەواڵ
بەر لە كۆبوونەوەی نیوەڕۆی ئەمڕۆی ڕێكخراوەكە، نرخی بەرمیلێك نەوتی ئۆپیك گەیشتە 41.29 دۆلار.

بەپێی بەیاننامەیەك كە لەلایەن ڕێكخراوی ئۆپیكەوە بڵاوكرایەوە”نرخی بەرچنەی ئۆپیك كە لە سیانزە بەرمیل نەوتی خاو پێكدێت، بۆ هەرمیلێكی 1.94 دۆلار زیادی كرد .

هەر لە بەیاننامەكەی ئۆپیكدا هاتووە”دوێنێ‌ چوار شەممە، نرخی بەرمیلێك نەوتی ئۆپیك لە 38.96 دۆلارەوە بۆ 39.35 دۆلار زیادی كرد”.

ئەمڕۆ پێنج شەممە، ئۆپیك و (هاوپەیمانەكانی) كە لەلایەن ڕوسیاوە سەركردایەتی دەكرێن، لەڕێی ئینتەرنێتەوە كۆبوونەوەیەكیان سازكرد بۆ تاوتوێكردنی مەودای پابەندبوون بە كەمكردنەوەی ئاستی بەرهەم كە بەهۆی دابەزینی نرخ و خاوبوونەوەی ئابوریی جیهانییەوە، ڕێكەوتنی لەسەر كرابوو.

بەرچنەی ڕێكخراوی وڵاتانی هەناردەكردنی نەوت (ئۆپیك) لەمانە پێكدێت:” تێكەڵەی بیابانی جەزائیر، جیراسۆڵی ئەنگۆلا، ئۆرێنت ئیكوادۆر، زاڤیرۆ گینیا، رابی لیت گابۆن، ئێران ئێران، بەسرە لیت عیراق، كوێت ئێكسپۆرت كوێت، ئێس سیدر لیبیا، بونی ڵایت نەیجیریا، تیشكی عەرەبی سعودیە، مۆربان ئیمارات، میری ڤەنزوێلا”.

بەردەوام بە لە خوێندنەوە

کوردستان