ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

گرنگترین تایبەتمەندییەکانی لاپتۆپە نوێکەی سامسۆنگ

خەڵک-

یەکێکی دیکە لەو بەرهەمانەی کە کۆمپانیای سامسۆنگ لە کۆنگرەی (Unpacked) ی شەوی ٧ – ٨ دا ڕایگەیاند لاپتۆپێکی نوێ بوو بەناوی گالەکسی بووك ئێس، ڕاگەیاندنی ئەم لاپتۆپە هاوکات بوو لەگەڵ ڕاگەیاندنی هاوبەشی لەگەڵ کۆمپانیای مایکرۆسۆفت بە مەبەستی نزیک کردنەوەی هەردوو سیستەمی وەگەڕخەر (ویندۆوز و ئەندرۆید) لە یەکەوە، لاپتۆپە نوێیەکەی سامسۆنگ دەکرێت بە تەواوی ببەسترێتەوە بە گالەکسی نۆت١٠ و نۆت١٠ پڵەسەوە لە ڕێگای (سامسۆنگ دێکس)ـەوە، بەم جۆرەش دەتوانیت لەڕێگای لاپتۆپەکەتەوە کۆنترۆڵی نامەکان، ئاگادارکەرەوەکان و تەواوی گەلەری مۆبایلەکەت بکەیت و تەنانەت دەتوانی تەواوی ڕوونمای مۆبایلەکەت بگوازیتەوە بۆ سەر لاپتۆپەکەت و بەکاری بهێنیت.

تایبەتمەندی بەشێک لە ڕەقەکاڵایەکانی لاپتۆپەکە:

ڕوونما: ١٣.٣ ئینج بە ڕوونی FHD لەگەڵ تایبەتمەندی Touchscreen.
پڕۆسێسەر: کواڵکۆم سناپدراگۆن 8cx
ڕام: ٨ گێگابایت
بیرگەی ناوەکی: ٢٥٦ یان ٥١٢ گێگابایت، لەگەڵ توانای زیادکردنی لە ڕێگای Micro SD یەوە بۆ زیاتر لە ١ تێرابایت
باتری: خاڵی بەهێزی لاپتۆپەکەیە، هێزی 43Wh ی هەیە و توانای ٢٣ کاتژمێر لێدانی ڤیدیۆی هەیە.
کامێرا: ٧٢٠ پێکسڵ
ڕەنگەکان: زێڕی، ڕەساسی
دوریەکان: ٣٠٥.٢ × ٢٠٣.٢ × ٦.٢-١١.٨ ملم
کێش: ٩٦ گرام (نایابە)
نرخ: لە ٩٩٩ دۆلارەوە دەست پێ دەکات.

سەرچاوە:TechNews

ئۆتۆمبێل و تەکنەلۆژیا

چۆن بەبێ ئینتەرنێت وەرگێڕانی ڕستەیی ئەنجام دەدەیت؟

خەڵک-

خزمەتگوزاری وەرگێرانی ڕاستەوخۆی گوگڵ یەکێکە لە پێشکەوتووترین سیستەمەکانی وەرگێران کە دەیان زمانی جیهانی لە خۆگرتووەو بەردەوام لە پێشکەوتنی زیاتردایە و لەو میانەشدا هەوڵی بەردەوامی زیادکردنی زمانی کوردی دەدرێت بۆ ئەم سیستەمە و هاوکات زمانی کوردی کرمانجی تێیدا بەردەستە.
یەکێک لە بەشە گرنگەکانی ئەم ئەپە بەشی دەرهێڵ(ئۆفلاین)ـە کە ڕێگە بە بەکارهێنەران دەدات بە بێ بوونی هێڵی ئینتەرنێت و لە هەرکاتێکدا کە بیانەوێت وەرگێڕانەکانیان ئەنجام بدەن و کە ئەمەئاسانکارییەکەی زۆر باشە.
چۆن دەتوانیت سوود لەم خزمەتگوزارییەی ئەپی گوگڵ تڕانسلەیت وەربگریت:

بڕۆ بەشی Settings و دواتر کرتە بکە لە Offline Translation

لەوێوە زمانی دیاریکراو دیاری بکە و کرتە لە Download بکە و بۆ هەمیشەی دەتوانیت بە خۆڕایی و بێ ئینتەرنێت سوود ببینیت لە وەرگێڕانەکە.

تێبینی: لە ئێستادا زمانی کوردی کرمانجی تەنها بە شێوازی سەرهێڵ بەردەستە و زمانی کوردی سۆرانی بەردەوام لە زیادکردنی وشە و ڕستەکانیدایە و چەند هەنگاوێکی کەمی ماوە بۆ بەردەست بوونی.

بەردەوام بە لە خوێندنەوە

ئۆتۆمبێل و تەکنەلۆژیا

دایکان و باوکان لەمەودوا دەتوانن مۆبایلی منداڵەکانیان کۆنترۆڵ بکەن!

خەڵک-

ئەپڵ نوێترین وەشانی سیستەمی ئای ئۆ ئێسی ڕەوانە کرد بۆ بەکارهێنەرانی ئایفۆن و ئایپۆد پێش کۆتایی هاتنی ساڵ و ئەم وەشانەی ژمارە 13.3 دەبێت کە دەتوانێت دەسەڵاتێکی زۆر زیاتر بدات بە دایک و باوکان بۆ کۆنتڕۆڵکردنی ئامێری منداڵەکانیان.

لە ڕێی تایبەتمەندی کۆنترۆڵکردنی پەیوەندییە کۆمەڵایەتییەکان Communication Limits کە ڕێ دەدات بە دایکان و باوکان کۆنترۆڵی ئامێری منداڵەکانیان بکەن کە کێ بتوانێت پەیوەندییان پێوە بکات.

ئەم تایبەتمەندییەی سەرەوە تەنها پەیوەندی ئاسایی ناگرێتەوە بەڵکو فەیس تایم و ئەپی مەسجیش دەگرێتەوە.

هەروەها دەتوانیت کلیلی پاراستنی USB دابنێیت کە پشتگیری ستانداردی FIDO2 بکات، کە لە ڕێی NFC و دەرچەی Lightningـەوەو لە یارمەتی وێبگەڕی سەفاری کۆنترۆڵ دەکرێت، هەروەها کۆمەڵێک ئیمۆجی نوێش بەردەست خراوە لە نوێکارییەکەدا.

ئەم ئەپدەیتانەی سەرەوە و زیاتریش بەردەستە بۆ سەرجەم ئامێرەکانی ئەپڵ وەکوو Apple TV OS و ماک و ئایپادیش و لە Settings ئەم هەڵبژاردەی کۆنترۆڵ کردنانە بەردەستە.

ئای ئۆ ئێس(iOS) سیستمێکی بەکارخەریی مۆبایلەکانی کۆمپانیای ئەپڵە وەک ئایفۆن، ئایپاد، ئایپۆد، کۆمپانیاکە پشت بەم سیستمە دەبەستێت لە ساڵی ٢٠٠٧ـەوە تاوەکوو ئێستا.

Image result for iOS 13.3"

بەردەوام بە لە خوێندنەوە

ئۆتۆمبێل و تەکنەلۆژیا

باشترین ڕێگە بۆ بینینی لایکی پۆستەکانی ئینستەگرام!

خەڵک-

وەکو ئاگادارین و لەماوەی پێشوودا ئینستەگرام ڕایگەیاندبوو کە هەڵدەستێت بە شاردنەوەی لایکی پۆستەکانی بە ئامانجی زیاتر پێشخستنی پێگەکەی.

ئێمە لێرەدا شێوازێکی نوێتان پێ ئاشنا دەکەین تاوەکوو ژمارەی لایکی پۆستی سەرجەم پەیجەکان ببینن، ئەویش لە ڕێی دابەزاندنی زیادکراوەیەکەوە بۆ گووگڵ کڕۆم کە هەڵدەستێت بە زیادکردنی لەیەرێک لە بەشی سەرەوەی پۆستەکەتدا.

زیادکراوەکە ناوی “The Return of the Likes” ـە و هیچ زانیارییەک نانێرێت بۆ بۆ سێرڤەرەکان لە ئەنجامی بەکارهێنانیدا.

سەرەتا کرتە لەم بەستەرە بکە بۆ دابەزاندنی زیادکراوەکە، و کرتە لەم دووگمەیەی خوارەوە بکە هاوشێوەی وێنەکە.

پاشان دەتوانیت سەردانی ئینستەگرام بکەیت، و وەک دەبینیت لەسەرەوەی پۆستەکان کە بەشێوازێکی زۆر دیارتر دەردەکەوێت کە ژمارەی لایک و کۆمێنتی سەر پۆستەکان چەندە.

بەردەوام بە لە خوێندنەوە

کوردستان