ئێمە لە تۆرە کۆمەڵایەتیەکان

جیهان

ئەمریكا هاوكاری كۆچبەران دەبڕێت و ڕەوانەی وڵاتەكانیان دەكاتەوە

خەڵك-بەشی هەواڵ

حكومەتی ئەمریكا هاوكاری كۆچبەران دەبڕێت و مۆڵەتی مانەوەیان پێنادات.

ئاژانسی ئانادۆڵ بڵاویكردەوە، كۆشكی سپی لە ڕاگەیەندراوێكدا ئاماژە بۆ ئەوە دەكات، حكومەتی ئەمریكا هەمواری یاسای كۆچبەران دەكاتەوە و بەپێی هەموارەكە، هاوكاریی حكومەت بۆ كۆچبەرانی كەم دەرامەت دەبڕدرێت و مۆڵەتی مانەوەش بە كۆچبەران نادرێت.

 

ئاشكراشیدەكات، ئەم هەنگاوە وادەكات ئەو كۆچبەرانەی دێنە ئەمریكا لەسەر پێی خۆیان بوەستن و پشت بە هاوكاریی كۆمەڵایەتی دەوڵەت نەبەستن.

ڕوونیشیدەكاتەوە، چیتر دەستەبەری تەندروستی و هاوكاریی خۆراك و شوێنی مانەوە بۆ كۆچبەرانی كەم دەرامەت دەستەبەر ناكرێت لەلایەن دەوڵەتی ئەمریكاوە و مامەڵەی بەهاووڵاتیبوونیش بۆ ئەو كۆچبەرانە ناكرێت كە لەئێستادا مۆڵەتی مانەوەیان هەیە و ئەگەری هەیە بنێردرێنەوە بۆ وڵاتەكانیان.

جیهان

لە بەریتانیا نزیكەی 40 تەرم لە بارهەڵگرێكدا دۆزرانەوە

خەڵك –بەشی هەواڵ

لە ناوچەی ئیسێخی لەندەنی پایتەختی بەریتانیا لە ناو ئۆتۆمۆبیلێكی بارهەڵگردا تەرمی 39 كەس دۆزرانەوە.

پۆلیسی بریتانیا ڕایگەیاند، لە 19 ئەم مانگەدا ئەو ئۆتۆمۆبێلە بارهەڵگرە لە بولگاریاوە لە بەندەری هۆلیهێد لە كەناراوەكانی رۆژهەڵاتی بەریتانیاوە هاتووەتە ناو خاكی ئەو وڵاتە.

شۆفێری بارهەڵگرەكە كە تەمەنی 25 ساڵە و خەڵكی ئیرلەندای باكورە دەستگیر كراوە و لەبارەی ئاشكراكردنی ناسنامەی قوربانیەكانیش پۆلیسی بەریتانیا رایگەیاند ناسنامەی قوربانیان ئاشكرا دەكرێت بەڵام كاتێكی زۆری دەوێت بۆ ئەوەی ئەم كارە تەواو بكەن و ئەویش بەهۆی زۆری ژمارەی قوربانیەكان. لەم بارەیەوە لێكۆڵینەوەی پۆلیس بەردەوامە.

بەپێی هەواڵەكان 38 كەسیان بەتەمەنن و یەكێكیان منداڵە.

وەزیرێكی حكومەتی بەریتانیا بە ناوی براندۆن لۆییس لە تویتێكدا لەبارەی رووداوەكەوە نوسیویەتی (تراژێدیا) و سەرەخۆشی خۆی ئاڕاستەی كەس و كاری قوربانیان كردووە.
سەرچاوە/ANF

بەردەوام بە لە خوێندنەوە

جیهان

دۆناڵد تۆسك: هێرشەكانی توركیا داعش زیندوودەكاتەوە

خەڵك – بەشی هەواڵ

سەرۆكی یەكێتی ئەورپا ڕایدەگەیەنێت، هێرشەكانی توركیا بۆسەر ڕۆژئاوای كوردستان (باكووری ڕۆژهەڵاتی سوریا) داعش زیندوودەكاتەوە و مەترسی گەورە دەبێت بۆسەر ئاسایشی وڵاتانی ئەوروپا.

دۆناڵد تۆسك سەرۆكی یەكێتی ئەوروپا ڕایگەیاند، یەكێتی ئەوروپا بە توندی ئیدانەی هێرشی سەربازی توركیا دەكات بۆسەر ڕۆژئاوای كوردستان (باكووری ڕۆژهەڵاتی سوریا) و پێویستە توركیا ڕێز لە یاسا نێودەوڵەتییەكانی بگرێت و بكشێتەوە.

سەرۆكی یەكێتی ئەوروپا جەختیشدەكاتەوە، هێرشەكانی توركیا، داعش لەناوچەكە زیندوودەكاتەوە و ئەمەش مەترسی گەورە بۆسەر ئاسایشی وڵاتانی ئەوروپا دروست دەكات.

بەردەوام بە لە خوێندنەوە

جیهان

پۆتين بۆ ئەردۆغان: كورد بەشێكی سوریایە و نابێت پشتگوێ‌ بخرێن

خەڵك- بەشی هەواڵ
كۆبوونەوەی سەرۆكی ڕوسیا و توركیا لە سووچی كۆتایی هات و لە كۆنگرەیەكی ڕۆژنامەوانیدا ڤلادیمیر پۆتین ڕایگەیاند، كوردەكان بەشێكی گرنگی سوریان و نابێت پشتگوێ‌ بخرێ.

ڤلادیمیر پۆتین، سەرۆكی ڕوسیا لە كۆنفرانسێكی ڕۆژنامەوانی هاوبەش لەگەڵ ڕەجەب تەیب ئەردۆغان، سەرۆكی توركیا لە سووچی، ڕایگەیاند، “لەگەڵ سەرۆكی توركیا لە كۆبوونەوەكەمان ئۆپەراسیۆنە سەربازییەكەی ئەنقەرەمان لە باكووری سوریا تاوتوێ‌ كرد، لەگەڵ ئەوەشدا باسمان لەوەكرد، كە كوردەكان بەشێكن لە سوریا و نابێت پشتگوێ‌ بخرێن، دەبێت كوردەكان لە گفتووگۆكانیان لەگەڵ دیمەشق كار بۆ جێكردنەوەی مافەكانیان بكەن لە دەستوری وڵاتەكەدا”.

بە وتەی پۆتین، “نابێت هیچ تەگەرەیەك بخرێتە بەردەم كارەكانی لیژنەی دەستوری لە سوریا، لەگەڵ ئەمەشدا سەرۆكی توركیا باسی لە ئامانجی سەرەكی ئەنجامدانی ئۆپەراسیۆنەكەی كردووە لە سوریا، كە بۆ پاراستنی ئاسایشی وڵاتەكەیەتی”.

هەروەها دەڵێت: “پێویستە هێزە بیانییەكان لە سوریادا پاشەكشە بكەن و یەكپارچەیی خاكی سوریا بپارێزرێت”.

لەبەرانبەردا ڕەجەب تەیب ئەردۆغان، هەر لەو كۆنفرانسە ڕۆژنامەوانییەدا ڕایگەیاند، “لەگەڵ سەرۆكی ڕوسیا پرسی سەرەكی گفتوگۆكانمان لەبارەی سوریاوە بووە، ئێمە بەپێویستی دەزانین، كە نابێت ڕێكخراوەكانی پەكەكە و پەیەدە لەسەر سنورەكانمان بمێنن، ئامانجی سەرەكی ئۆپەراسیۆنەكەشمان لە باكووری خۆرهەڵاتی سوریا بۆ ئەو مەبەستەیە”، ڕەتیشیكردەوە چاویان لە خاكی سوریا بێت.

سەرۆكی توركیا دەڵێت: “ئەوان دەیانەوێت ئاسایش و سەقامگیری لە سوریا بەرقەرار بێت و پەنابەران لە ناوچەی ئارام نیشتەجێ‌ بكرێن، یەكەم هەنگاویشیان لەو بارەیەوە نیشتەجێكردنی یەك ملیۆن پەنابەر دەبێت لە ناوچەی ئارام لە باكووری خۆرهەڵاتی سوریا”.

ئەم قسانەی ڤلادیمیر پۆتی،ن سەرۆكی ڕوسیا و ڕەجەب تەیب ئەردۆغان، سەرۆكی توركیا، لە دوای كۆبوونەوەیەكی نێوانیان بوو، كە چەند كاتژمێرێكی خایەند و تێیدا پرسی سوریا و پەرسەندنی ڕووداوەكان لە باكووری خۆرهەڵاتی سوریا، پرسی سەرەكی بوو.

لای خۆشیانەوە هەردوو وەزیرانی دەرەوەی ڕوسیا و توركیا خاڵەكانی ڕێككەوتنەكەیان خوێندەوە و بەپێی ڕێككەوتنەكە، گرێ‌ سپی و سەرێ‌ كانی لەچوارچێوەی ناوچەی ئارام دەبن و هێزەكانی هەسەدەی لێ‌ نامێنن و دەوریەی هێزی هاوبەشی توركیا و ڕوسیای لێ‌ دەبن.

هەر بەپێی خاڵەكان، هێزە كوردیەكان لە مەنبج نامێنن.

بەردەوام بە لە خوێندنەوە

کوردستان