ئێمە لە تۆرە کۆمەڵایەتیەکان

کوردستان

دوای جەژن بەڕێدەكەوێت
شاندی هەرێم لە بەغدا ئەم دۆسێیانە تاوتوێ‌ دەكات

خەڵك- بەشی هەواڵ
لە دوای پشووەكانی جەژن، شاندێكی باڵای حكومەتی هەرێمی كوردستان بۆ چارەسەركردنی كێشە هەڵپەسێردراوەكان، بەرەو بەغدا بەڕێدەكەوێت.

میدیاكانی عیراق، لە زاری سەرچاوەیەكی ئاگادارەوە بڵاویانكردەوە”شاندەكەی هەرێمی كوردستان لەگەڵ بەرپرسانی بەغدا، بودجەی دارایی ساڵی 2020 و دۆسێی نەوت و ڕەوشی ئەمنی ناوچە كێشەلەسەرەكان تاوتوێ‌ دەكات”.

بە وتەی سەرچاوەكە”هەردوو حكومەتی فیدراڵ و هەرێمی كوردستان، نیازپاكیان هەیە بۆ چارەسەركردنی تەواوی كێشەهەڵپەسێردراوەكان، و بۆ مەبەستی یەكلاكردنەوەی ناكۆكییەكانیش، چەند لیژنەیەك پێكهێناوە”.

سەرچاوەكە دەڵێت”شاندەكە هەماهەنگی نێوان سوپا و پێشمەرگە تاوتوێ‌ دەكات لەپێناو ڕێگرتن لە دزەكردنی تیرۆریستان و بە تایبەتیش لە ناوچە كێشەلەسەرەكان”، ئاماژەی بەو كەشە ئەرێنییەش كردووە كە باڵی بەسەر كۆبوونەوەی پێشووی نێوان هەردوو حكومەتی فیدراڵ و هەرێمدا كێشابوو بۆ چارەسەركردنی كێشەكانی نێوانیان.

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان