ئێمە لە تۆرە کۆمەڵایەتیەکان

جیهان

بۆ یەكەمجار، سعودییە بڕیارێكی نوێی بۆ حاجیانی ئەمساڵ دەركرد


خەڵك-بەشی هەواڵ

لە هەنگاوێكی بێ وێنەدا و بۆ یەكەمجار، زیندانییەكانی سعودیە ڕێگایان پێدراوە بەشداری مەراسیمی حەج بكەن.
ئاژانسی ڕۆیتەرز بڵاویكردەوە، لە چوارچێوەی چاكسازییەكانی ئەو وڵاتەدا كە تا ئێستا بابەتی لەو شێوەیەی بەخۆیەوە نەبینیوە، سەرجەم زیندانیانی سعودیە ڕێگایان پێدراو و دەتوانن بەشداری مەراسیمی ئەنجامدانی حەج بكەن و بەهیچ شێوەیەكیش ڕێگری و ئازادی هاتوچۆیان لێنەكراوە لە كاتی ئەنجامدانی فەریزەی حەجدا.

بەندەر بن عەلی الخرمی بەڕێوەبەری كارگێڕی و پەیوەندییەكان لە بەڕێوەبەرایەتی گشتی گرتووخانەكان ڕایگەیاند، ئامانجی سەرەكی لەم هەنگاوە تێكەڵ بوون و هاتنەناوەوەی زیندانیانە بۆ نێو هاووڵاتیان.
وتیشی”باشترین بەرنامە بۆ ئامانجەكمان، ئەوەیە كە ڕوخسەتمان داوەتە زیندانیان كە ئەركەكانی حەج لەگەڵ خێزانەكانیان ئەنجام بدەن”.
ئاماژەی بۆ ئەوەش كرد، بەرنامەكەیان هەموو بابەتێكی قورئانی و ئیسلامی و فەرهەنگی و هونەری تێدایە كە لە ڕێگای كردنەوەی خولەكان بەو كەسانە دەوترێتەوە.

جیهان

دوای مه‌راسیمێكی ئیسلامی، 100 هه‌زار كه‌س، ترسیان لێ نیشتووه‌


خەڵک ـ لوقمان غه‌فوور

له‌ پاكستان 20 هه‌زار نوێژکەر، كەرەنتین كراون و تائێستاش ئه‌گه‌ڕێن به‌ شوێن سه‌دان هه‌زار نوێژكه‌ری تردا كه‌ به‌شداری مه‌راسیمێكی ته‌بشیری به‌كۆمه‌ڵیان كردووه‌ له‌لاهور له‌ناوه‌ڕاستی مانگی ئادار-دا، وێڕای ئه‌وه‌ی كه‌ نه‌خۆشیی كۆرۆنا ڤایرۆس بڵاوه‌ له‌پاكستان.

ده‌سه‌ڵاتدارانی پاكسان داوایان له‌و كه‌سانه‌ كردووه‌ كه‌ رۆژی 10-12 ئازار به‌شداری ئه‌و مه‌راسیمه‌ ته‌بشیرییه‌ ئاینییه‌یان كردووه‌ خۆیان ڕاده‌ست بكه‌ن بۆ پشكنین و كەره‌نتینه‌ كردن.

به‌پێی راپۆرتێكی ساوس چاینه‌ مۆرنین پۆست، له‌باكووری خۆرئاوای كه‌رتی خه‌یبه‌ر به‌ختۆنخوا، ده‌سه‌ڵاتداران كەره‌نتینه‌یان سه‌پاندووه‌ به‌سه‌ر 5 هه‌زار 300 نوێژكه‌ردا كه‌ له‌و مه‌راسیمه‌ ته‌بشیرییه‌دا له‌لاهور به‌شدار بوون.

هه‌روه‌ها كەره‌نتینی 8 هه‌زار ته‌بشیری تریان كردووه‌ له‌پارێزگای سه‌نده‌هـ-ی باشوری پاكستان، و ده‌یان-یش خۆیان كەره‌نتینه‌ كردووه‌ له‌كه‌رتی بلوشستان-ی باشووری خۆرئاوای پاكستان.

لاهور پایته‌ختی كه‌رتی بنجاب-ه‌ كه‌ دووه‌م گه‌وره‌ترین شاری پاكستانه‌و ژماره‌ی دانیشتوانه‌كه‌ی 6 ملیۆن و 926 هه‌زار و 600 كه‌سه‌.

ئه‌جمه‌ل وه‌زیر، وته‌بێژی شاره‌كه‌ ڕایگه‌یاندووه‌: كه‌ به‌شی زۆری به‌رپرسانی ته‌ندروستی شاره‌كه‌ پشكنینیان بۆ خۆیان كردووه‌ هه‌ڵگری كرۆنا ڤایرۆسن نه‌ك خه‌ڵكی ئاسایی.

وتیشی: “هه‌زاره‌ها ته‌بشیری له‌شاری لاهور گیریان خواردووه‌ به‌هۆی داخرانی ڕێگه‌ سه‌ره‌كییه‌كانی نێوان شاره‌كانی پاكستان”.

له‌ئێستادا ته‌واوی مزگه‌وت و شوێنه‌ په‌رستیاره‌كانی پاكستان داخراون ، به‌رپرسانی باڵای كه‌رتی بلوشستان ده‌ڵێن: “154 نوێژكه‌ری ناوچه‌كه‌ چوون بۆ ئه‌و مه‌راسیمه‌ ته‌بشیرییه‌ی 10-12ی ئازار له‌نێویاندا دوو كه‌س به‌هۆی ڤایرۆسه‌كه‌وه‌ مردوون و ئه‌وانی تریش خۆیان كەره‌نتینه‌ كردووه‌”.

له‌پاكستان تا رۆژی 7ی نیسان، 3هه‌زار و 900 كه‌س تووشبوون به‌ كۆرۆنا ڤایرۆس و 54 مردوون.

هه‌رچه‌نده‌ تووشبوون و مردن له‌ پاكستان له‌ چاو ژماره‌ی دانیشتوانه‌كه‌یدا كه‌مه‌ به‌ڵام به‌رپرسانی ناوچه‌كه‌ ترسی بڵاوبوونه‌وه‌ی ڤایرۆسه‌كه‌یان هه‌یه‌ له‌ناوچه‌ی ئاسیای ناوه‌ڕاست.

تائێستا 1500 كه‌سی بیانیش له‌پاكستان ماونه‌ته‌وه‌ و له‌ناو كەره‌نتینه‌ی پاكستان دان و به‌شێكیش ناوچه‌كه‌یان جێهێشتووه‌.

هه‌روه‌ها فوئاد شۆده‌ری وه‌زیری زانستی پاكستان له‌لێدوانێكدا نیگه‌رانی خۆی ده‌ربڕی و به‌سه‌رزه‌نشتكردنه‌وه‌ وتی: “پیاوانی ئاینی عینادی ئه‌كه‌ن”.

بەردەوام بە لە خوێندنەوە

جیهان

ئێران، تووشبووانی كۆرۆنا شەست و دوو هەزار كەسی تێپەڕاند


خەڵك-بەشی هەواڵ

وتەبێژی وەزارەتی تەندروستی ئێران ڕایدەگەیەنێت، تاكو نیوەڕۆی ئەمڕۆ سێ شەممە ژمارەی تووشبوانی كۆرۆنا لە ئێران شەست و دوو هەزار و پێنج سەد و هەشتاو نۆ.
ئاژانسی تەسنیم بڵاویكردەوە، كیانووش جیهانپوور وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە دوێنێ دوو شەممەوە تاكو ئەمڕۆ دوو هەزار و هەشتا و نۆ كەس تووشی ڤایرۆسی كۆرۆنا بوون.

وتیشی”ژمارەی ئەو كەسانەی تووشی ڤایرۆسی كۆرۆنا بون گەیشتە شەست و دوو هەزار و پێنج سەد و هەشتا و نۆ كەس و ئەوانەشی ڕزگاریان بووە سی و سێ هەزار و نۆ سەد و هەشتا و حەوت كەسن”.

ئاشكراشیكرد، بەداخەوە لە ماوەی شەو و ڕۆژی ڕابردوودا 139 كەسی دیكە گیانیان لەدەستداوە و تا ئێستاش سێ هەزار و هەشت سەد و حەفتا و دوو كەس بە هۆی كۆرۆناوە گیانیان لەدەستداوە.

بەردەوام بە لە خوێندنەوە

جیهان

تڕەمپ: هاوكاری پزیشكی بۆ چارەسەری سەرۆك وەزیرانی بەریتانیا ڕەوانە دەكەین


خەڵك-بەشی هەواڵ

سەرۆك كۆماری ئەمریكا ڕایدەگەیەنێت، گواستنەوەی بوریس جۆنسۆن سەرۆك وەزیرانی بەریتانیا بۆ بەشی تابیەت چاودێری تووشبووانی ڤایرۆسی كۆرۆنا مەترسیدارە و ئاشكرایكرد، ئەمریكا لە حاڵەتی هەماهەنگی خێرادایە بۆ ئەوەی پزیشك ڕەوانەی بەریتانیا بكەن تاكو هاوكاری تیمی پزیشكی جۆنسۆن بكەن.
دۆناڵد تڕەمپ لە كۆنفڕانسێكی ڕۆژنامەنووسیدا ئاماژەی بۆ ئەوەش كرد، پەیوەندی بە تیمی چارەسەری جۆنسۆن لە بەریتانیا كردووە و داوای لێكردوون چارەسەری خێرای بكەن.
حكومەتی بەریتانیا لە ڕاگەیەنراوێكدا ئاشكرایكرد، بارودۆخی سەرۆك وەزیرانی بەریتانیا بەهۆی ڤایرۆسی كۆرۆناوە خراپ بووە و لە ئێستادا ڕەوانەی بەشی تایبەت بە چارەسەركردنی ئەو ڤایرۆسە كراوە.
سەرۆك كۆماری ئەمریكا ووتیشی”لە ئەمریكا ڕۆژانە 125 هەزار هاووڵاتی پشكنینی ڤایرۆسەكەیان بۆ دەكرێت ئەم ژمارەیەش بەراورد بە وڵاتانی جیهان زۆر زیاترە، هاوكات 22 نەخۆشخانەی تایبەتیشمان لە 18 ویلایەتی ئەمریكا دروست كردووە بۆ چارەسەركردنی ڤایرسی كۆرۆنا”.

ئەمەش لەكاتێكدایە ئەمریكا یەكەمین وڵاتە لە ڕێزبەندی وڵاتانی جیهان كە زۆرترین تووشبووی بە ڤایرۆسی كۆرۆنا تێدایە.

بەردەوام بە لە خوێندنەوە

کوردستان