ئێمە لە تۆرە کۆمەڵایەتیەکان

کوردستان

ڤیدیۆیەكی نوێی بڵاوكردەوە
داعش هەڕەشە لە كورد دەكات

خەڵك- بەشی هەواڵ
ڕێكخراوی داعش هەڕەشە بە چڕكردنەوەی پەلامارەكانی دەكات بۆسەر هاوپەیمانی نێودەوڵەتی بەسەركردایەتی ئەمریكا و هاوپەیمانە كوردەكانی لە سوریا، ئەمەش لەڕێی تۆمارێكی ڤیدیۆیی كە لەلایەن یەكێك لە كەناڵەكانی ڕیكخراوەكە لەسەر ئەپڵیكەیشنی (تلیگرام) بڵاویكردەوە كە بە دووەم ڤیدیۆی لەو جۆرە دادەنرێت لەدوای تێكشكاندنی مەیدانی لە ئاداری ڕابردوو.

بەپێی ڤیدیۆیەك كە لەلایەن ڕێكخراوی داعشەوە لەسەر ئەپڵیكەیشنی (تیلگرام) بڵاوكرایەوە، داعش داوای لە شوێنكەوتوانی لە شام و ڕەقە و دیمەشق و ئیدلیب و حەلەب پشتیوانی دەكات و دەڵێت”شەڕی نێوان ئێمە و ئەوان ئاگرەكەی بڵێسەی سەند و زیاتر تەشەنە دەكات”.

داعش، هاوپەیمانی نێودەوڵەتی تۆمەتباردەكات بە هەڵخەڵەتاندنی نەیارانی و بە تایبەتیش كورد كە هەڕەشەی لێدەكات و دەڵێت”ئەوان كەوتنە نێو جەنگێكی قورسەوە كە نە سەرو نەپاشیان نامێنێت”، ڕەتیشیكردووەتەوە ڕێگە بدات خوێنی چەكدارەكانی بەهەدەر بڕوات.

لەم چەند مانگەی دوایی، ڕێكخراوی داعش زنجیرەیەك هێرش و پەلاماری ئەنجامدا بە تایبەت بۆسەر هێزە كوردییەكان لەو ناوچانەی پێشتر لە باكوور و باكووری خۆرهەڵاتی سوریا بە مۆڵگەی ڕێكخراوەكە دادەنران.

دوایین پەلاماری ڕێكخراوی داعش لە 7ی ئەم مانگەدا بوو كە لەڕێی تەقینەوەی ئۆتۆمبێلێكی بۆمڕێژكراوەوە لە قەحتانیەی پارێزگەی حەسەكە ئەنجامدرا و تێیدا پێنج كەس كوژران كە سیانیان منداڵ بوون، لە تۆمارە ڤیدیۆییەكەشدا كە ماوەكەی 10 خولەكە، دیمەنی سەربڕین و كوشتنی شەڕڤانانی كورد كە پێشتر لەلایەن چەكدارانی داعشەوە ڕفێنرابوون، خراونەتەڕوو.

هەفتەی ڕابردوو، وەزارەتی بەرگری ئەمریكا ڕایگەیاندبوو”ڕێكخراوی داعش، بەهۆی پاشەكشەكردنی هێزەكانی ئەمریكا لە سوریا دەستیكردووەتەوە بە خۆدەرخستن، بە هەمان شێوە خەریكی ڕێكخستنەوەی تواناكانیەتی لە عیراق”.

وەزارەتی بەرگری ئەمریكا دەڵێت”داعش دەستیكردووە بە یەكخستن و پاڵپشتی هێرش و پەلامارەكانی لە سوریا و عیراق، هۆكاریی ئەمەش تا ئەندازەیەك پەیوەندی بە كەمی توانای هێزەكانی ئەو دوو وڵاتەوە هەیە لەڕووی ئەنجامدانی ئۆپەراسیۆنی درێژخایەن، یان ئەنجامدانی چەندان ئۆپەراسیۆن لە یەك كاتدا، یان پارێزگاریكردن لەو ناوچانەی لەژێر چنگی ڕێكخراوەكە ئازادكراون”.

کوردستان

هەرێم.. سزای لە سێدارەدان بۆ بكوژی پێنج ئەندامی خێزانێك دەركرا

خەڵك – بەشی هەواڵ

دادگای تاوانەكان لە شاری هەولێر، سزای لەسێدارەدانی بۆ بكوژی خێزانە كوردە پێنج كەسییەكەی ڕۆژئاوای كوردستان دەركرد.

برزۆ سەعید پارێزەری دۆسیەكە ڕایگەیاند، لە دادگای تاوانەكانی هەولێر، فەرمانی لەسێدارەدان بۆ تاوانباری سەرەكیی دۆسیەی كوشتنی خێزانەكەی گوندی (پیرڕەش)ی ڕۆژهەڵاتی شاری هەولێر دەركراوە.

برزۆ سەعید ڕوونیشیكردەوە، بڕیارەكە لە ماوەی 10 ڕۆژدا بەشێوەیەكی ئۆتۆماتیكی بۆ تەمیزكردنەوەی، ڕەوانەی دادگای تەمیزی هەرێمی كوردستان دەكرێت و ئەگەر لەوێوە پەسەند بكرێت، بۆ سەرۆكایەتیی هەرێمی كوردستان دەنێردرێت بە مەبەستی جێبەجێكردنی سزای لەسێدارەدانەكە.

جێی ئاماژەیە، ڕۆژی 3/10/2019 خێزانێكی پێنج كەسیی كوردی ڕۆژئاوای كوردستان، لە گوندی (پیرڕەش)ی ڕۆژهەڵاتی هەولێر تەرمەكانیان دۆزرایەوە كە دایك و باوك و سێ منداڵی بچوك بوون، دواتر هێزەكانی ئاسایشی هەولێر تاوانباری ڕووداوەكەیان دەستگیركرد كە ناوی (ف. ك. ڕ.)ە، دانی نا بە تاوانەكەیدا.

بەردەوام بە لە خوێندنەوە

کوردستان

تۆمەتبارێك لە هەولێر هەڵات و لە سلێمانی دەستگیر كرا

خەڵك- بەشی هەواڵ
بەڕێوەبەرایەتی پۆلیسی سلێمانی ئاشكرای دەكات، ئەو تۆمەتبارە دەستگیركرا، كە لەلایەن پۆلیسی‌ هەولێرەوە داواكراو بووە.

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، مەفرەزەكانی‌ بنكەی‌ پۆلیسی‌ بەردەقارەمان تۆمەتبارێكیان دەستگیركرد، كە لەلایەن دادگای‌ تاوانەكانی‌ هەولێر و بەڕێوەبەرایەتی‌ پۆلیسی‌ هەولێرەوە داواكراو بووە.

ڕاشیگەیاندووە، تۆمەتبار ناوی‌ (ع، ع، ف) بەڕەگەز كوردە و لەلایەن دادگای‌ تاوانەكانی‌ هەولێرەوە بەپێی‌ ماددەی‌ ٤٤٣ لەیاسای‌ سزادانی‌ عیراقی‌ داواكراو بووە.

پۆلیسی سلێمانی جەختیشی كردۆتەوە، پاش گرتنەبەری‌ ڕێكارە یاساییەكان، تۆمەتبار ڕەوانەی‌ پۆلیسی‌ هەولێر دەكرێتەوە.

بەردەوام بە لە خوێندنەوە

کوردستان

كچێك دوای ددان كێشان گیانی لەدەستدا

خەڵك- ئارام سەردار
ئەمڕۆ چوارشەممە ۱۱ی كانوونی یەكەمی ۲۰۱۹ كچێك دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی بەماوەیەك گیان لەدەست دەدات.

شەمال دێواری حامد، وتەبێژی پۆلیسی سۆران  بۆ (خەڵك) ئاماژە بۆ ئەوە دەكات، ئەمڕۆ دوای نیوەڕۆ كاتژمێر ۳:۳۰ خولەك ئاگادار كراینەوە بەبوونی ڕووداوێك، كەوا كچێك بەناوی (س.ع.ح ) دوای ئەوەی سەردانی نەخۆشخانەی سۆران دەكات بەمەبەستی ددان كێشان، بەڵام دوای دەرهێنانی ددانەكەی و گەڕانەوەی بۆ ماڵەوە، لەماڵەوە باری تەندروستی تێك دەچێت.

دەشڵێت: “دوای تێكچوونی دۆخی تەندروستی هێناویانەتەوە بۆ نەخۆشخانە، بەڵام بەداخەوە لەڕێگا گیانی لەدەست داوە”.

ئەوەش دەخاتەڕوو، كچەكە خەڵكی ناحیەی سیدەكانە و لەدایكبووی ساڵی ٢٠٠٤ە.

جەختیشی كردەوە، لەسەر فەرمانی دادوەری لێكۆڵینەوە تەرمەكە ڕەوانەی پزیشكی دادی سۆران كراوە و لێكۆڵێنەوە دەستی پێ كردوە.

بەردەوام بە لە خوێندنەوە

کوردستان