ئێمە لە تۆرە کۆمەڵایەتیەکان

عێراق

كەسێك كوژراوە و 37ى تر بریندارن
بەوێنە، تەقینەوەی كۆگایەكی تەقەمەنی لە بەغدا

خەڵك- بەشی هەواڵ
سەرچاوەیەكی ئەمنی ڕایدەگەیەنێت، 31 گوللـە هاوەن و موشەك لە كۆگایەكی هەڵگرتنی تەقەمەنی لە سەربازگەی سەقەر لە بەغدا، بەسەر ناوچە جیاجیاكانی پایتەختدا كەوتوونەتەوە خوارەوە.

ئەمڕۆ سێ‌ شەممە، سەرچاوەیەكی ئەمنی بە میدیا عیراقییەكانی ڕاگەیاندووە”31 گوللـە هاوەن و موشەك، لە دوای تەقینەوەی كۆگای هەڵگرتنی تەقەمەنی لە سەربازگەی سەقەر لە بەغدا، بەسەر ناوچەكانی باشوور و ناوەڕاستی پایتەختدا كەوتوونەتە خوارەوە، بەو هۆیەشەوە كەسێك كوژراوە و 37ی تر بریندارن، وێڕای كەوتنەوەی زیانێكی زۆری ماددی بەهۆی ڕووداوەكەوە”.

بە وتەی سەرچاوەكە”پێنج ئۆتۆمبێلی مەدەنی و ژمارەیەك لە ئۆتۆمبێلەكانی حەشدی شەعبی و پۆلیسی فیدراڵی زیانی زۆریان پێگەیشتووە، دوو ستونی كارەباش كەوتوون”، ئاماژەی بە كۆنترۆڵكردنی تەواوەتی ئاگرەكەش كردووە لەلایەن تیمەكانی بەرگری مەدەنییەوە.

بەهۆی كەوتنەوەی ئاگر لە كۆگای هەڵگرتنی تەقەمەنی سەربازگەی سەقەر كە سەر بە حەشدی شەعبیە لە ناوچەی دۆرەی باشووری بەغدا، گوللـە هاوەن و ژمارەیەك موشەك لە ناوچە جیاجیاكانی بەغدا كەوتنەخوارەوە و وێڕای زیانە ماددییەكانيش، كەسێك كوژراو و 37ی تر برینداربوون.

پێشتر لیوا سەعد معەن وتەبێژی‌ وەزارەتی‌ ناوخۆی‌ عیراق لە بەیاننامەیەكدا ڕایگەیاندبوو”تەقینەوەیەك لە كۆگایەكی‌ چەك و تەقەمەنی‌ پۆلیسی‌ فیدڕاڵی‌ و حەشدی‌ شەعبی‌ لە سەربازگەی‌ سەقەر لە‌ باشووری‌ بەغدا ڕوویدا،  لە ئەنجانی‌ تەقینەوەكەش 13 كەس برینداربوون كە دووانیان پۆلیسی‌ فیدراڵین و چواریان سەر بە حەشدی‌ شەعبین”.

عێراق

پەیامنێری كەناڵی عیراقیە لە تاران تووشی كۆرۆنا بوو

خەڵك- بەشی هەواڵ
سەرچاوەیەكی ئاگادار ڕایدەگەیەنێت، پەیامنێری كەناڵی عیراقیە لە تاران توشی كۆرۆنا بوو.

ئەمڕۆ شەممە، سەرچاویەكی ئاگادار بە ماڵپەڕی ئەلئیخباریەی ڕاگەیاند “دورەید زوهێر، پەیامنێری كەناڵی عیراقیە لە تاران تووشی ڤایرۆسی كۆرۆنا بووە”.

پێشتر وەزارەتی تەندروستی ئێران ڕایگەیاندبوو، لەماوەی 24 كاتژمێری ڕابردوودا 205 كەسی نوێ‌ تووشی ڤایرۆسی كۆرۆنا بوون.

لە دوای چین، لەئێستادا ئێران لەڕووی تووشبوون بە ڤایرۆسی كۆرۆنا بە وڵاتێكی زۆر مەترسیدار دادەنرێت و بەپێی دوایین ئامار 43 كەس لە ئێران بەهۆی نەخۆشییەكەوە گیانیان لەدەستداوە.

بەردەوام بە لە خوێندنەوە

عێراق

فەتح: زۆرینە ئامادەیە و سبەینێ‌ كابینەكەی عەللاوی پەسەند دەكرێت

خەڵك- بەشی هەواڵ
هاوپەیمانی فەتح كە لەلایەن هادی عامرییەوە سەرۆكایەتی دەكرێت پێیوایە پەرلەمانی عیراق لە دانیشتنی سبەینێ‌ یەك شەممە، دەنگ بۆ متمانە بەخشین بە كابینە وەزارییەكەی محەمەد تۆفیق عەللاوی دەدات.

فازڵ فەتلاوی پەرلەمانتاری هاوپەیمانی فەتح، لە لێدوانێكی ڕۆژنامەوانیدا ڕایگەیاند “گفتوگۆ سیاسییەكان بەردەوامن بۆ گەیشتن بە ڕێككەوتن و پێكهاتنی سیاسی لەپێناو دەنگدان بۆ متمانە بەخشین بە حكومەتەكەی محەمەد تۆفیق عەللاوی، بە بەشداریی هەموو هێزە سیاسییەكان و پێكهاتەكان”.

بە وتەی فەتلاوی “لە دانیشتنی ڕۆژی پێنج شەممەی ڕابردووەوە زۆرینە ئامادەیە بۆ دەنگدان لەسەر حكومەتەكەی عەللاوی، بەڵام ئێمە دەمانەوێت دانیشتنەكە بە بەشداریی هەموو هێزە سیاسییەكان بێت، بۆیە دانیشتنی سبەینێ‌ یەك شەممە، دەنگدان لەسەر حكومەتەكەی عەللاوی بەخۆوەدەبینێت”.

وتیشی: “تەنانەت ئەگەر هەندێك لە فراكسیۆنە سیاسییەكانیش بایكۆتی دانیشتنەكە بكەن، زۆرینە ئامادەیە بۆ دەنگدان”.

دوێنێ‌ هەینی، محەمەد تۆفیق عەللاوی سەرۆك وەزیرانی ڕاسپێردراو داوای لە سەرۆكی پەڕلەمان كرد دانیشتنەكەی كە بڕیار بوو ئەمڕۆ بۆ متمانەبەخشین بە حكومەتەكەی بەڕێوەبچێت، بۆ سبەینێ یەك شەممە دوابخات، داواكەی عەللاوی لەلایەن سەرۆكایەتی پەرلەمانەوە قبوڵ كرا.

بەردەوام بە لە خوێندنەوە

عێراق

لەسەر بەشداریكردنی كورد لە كۆبوونەوەكەی سبەینێی پەڕلەمان ڕوونكردنەوە دەدرێت

خەڵك-بەشی هەواڵ

 

پەرلەمانتارێكی كورد ڕایدەگەیەنێت، بڕیارە سبەی یەك شەممە 1-3-2020 پەڕلەمانی عیراق كۆببێتەوە بۆ متمانەدان بە كابینەی حكومەتەكەی عەللاوی.

شیروان میرزا ئەندامی فراكسیۆنی یەكێتی لە پەڕلەمانی عیراق بە (خەڵك)ی ڕاگەیاند، شەوی ڕابردوو محەمەد تۆفیق عەللاوی، سەرۆكوەزیرانی ڕاسپێردراو بۆ پێكهێنانی كابینەی نوێی حكومەتی عیراق نووسراوێكی ئاڕاستەی پەڕلەمان كردو داوای كرد بۆ تەواوكردنی پێكهێنانی كابینەی وەزاری، دانیشتنی نائاسایی بۆ سبەی یەكشەممە دوابخرێت.

سەرۆكایەتی پەڕلەمانی عێراقیش لە نووسراوێكدا ڕەزامەندی لەسەر دواخستنی دانیشتنەكە بۆ یەك شەممە دەربڕی.
سەبارەت بە چارەسەركردنی ئەو گرفتانەی بوونە هۆی دواخستنی متمانەدان بە حكومەتەكەی عەللاوی، شیروان میرزا وتی”تا ئێستا لەگەڵ لایەنە ناڕازییەكان نەگەیشتوونەتە هیچ ڕێككەوتنێك و ئەمڕۆ گفتوگۆی زیاتر دەكرێت لەسەر ئەو بابەتە”.
ئاماژەشیدا بەوەی تا ئێستا ڕوون نییە كورد بەشداری دانیشتنەكەی سبەینێ دەكات یاخود نا.
ڕۆژی پێنجشەممە 27-2-2020 پەڕلەمانی عیراق بە مەبەستی دەنگدان لەسەر كابینەكەی ‏محەمەد تۆفیق عەللاوی كۆبووەوە، بەڵام بەهۆی تەواونەبوونی ڕێژەی یاسایی پەڕلەمانتاران، كۆبوونەوەكە بۆ شەممە دواخرا و دواتریش لەسەر داوای عەلاوی دانیشتنەكە خرایە ڕۆژی یەك شەممە.

بەردەوام بە لە خوێندنەوە

کوردستان