ئێمە لە تۆرە کۆمەڵایەتیەکان

عێراق

تەقینەوەی كۆگایەكی چەك و تەقەمەنی حەشدی شەعبی لە بەغدا قوربانی لێكەوتەوە

خەڵك – بەشی هەواڵ

پاش نیوەڕۆی ئەمڕۆ بەهۆی تەقینەوەی كۆگایەكی چەك و تەقەمەنی هێزەكانی حەشدی شەعبی لە بەغدا 13 كەس بوونە قوربانی.

سەرچاوەیەكی ئەمنی عیراقی ئاشكرایكرد، كۆگایەكی چەك و تەقەمەنی لە سەربازگەی سەقەری ناوچەی عوێریجی باشووری بەغدا نزیك لە عەلوەی ڕەشید ئاگری گرتووە و بووەتە هۆی تەقینەوەی چەندین مووشەك.

دوابەدوای ڕووداوەكە، سەیف بەدر وتەبێژی وەزارەتی تەندروستی عیراق ڕایگەیاند، حەوت برینداری ئەو ڕووداوە گەیەندراونەتە نەخۆشخانەی یەرموك و شەش برینداری تریش بۆ نەخۆشخانەی مەحمودیە ڕەوانە كراون.

وتەبێژی وەزارەتی تەندروستی عیراق ئەوەشی خستەڕوو، برینی سەرجەم بریندارەكان سووكە و هەندێكیان دوای چارەسەركردن نەخۆشخانەیان جێهێشتووە.

جیهان

عیراق و فەڕەنسا جەخت لەسەر ڕاگرتنی هێرشەكانی توركیا بۆ سەر سوریا دەكەنەوە

خەڵك – بەشی هەواڵ

د. بەرهەم ساڵح سەرۆك كۆماری عیراق ئەمڕۆ دوو شەممە 14/10/2019 لە پەیوەندییەكی تەلەفۆنیدا لەگەڵ ئیمانوێل ماكرۆن سەرۆكی فەڕەنسا جەختی لە سەر ڕاگرتنی لەشكركێشی توركیا بۆ سەر سوریا كردەوە.

لەو پەیوەندییە تەلەفۆنییەدا پەیوەندی دوو قۆڵی نێوان هەردوو وڵات و چۆنیەتی پتەوكردنی ئەو پەیوەندییانە لە هەموو بوارەكاندا گفتوگۆی لەبارەوە كرا، ھاوكات جەختكرایەوە لە پێویستی پاراستنی ئاسایش و ئارامی عیراق و پەرەپێدانی ئەزموونی دیموكراسی، بە جۆریك كە داواكاری گەلی عیراق بەدی بێنێت.

سەبارەت بە دۆخی ناوچەكە هەردوو سەرۆك جەختیانكردەوە لە سەر ڕاگرتنی لەشكركێشی توركیا بۆ سەر سوریا و دەستپێكردنی دیالۆگی بنیادنەرانە بۆ یەكلاكردنەوەی ئاڕاستەی سیاسی گشتگیر.

هەردوو سەرۆك نیگەرانی خۆیان نیشاندا لە بەرامبەر پێشهاتەكانی ناوچەكە و دۆخی مرۆیی و ناكۆكییەكانی سوریا، ھەروەھا جەختكرایەوە لە گرنگی ڕێگەنەدان بە گروپە تیرۆریستییەكان بۆ دەست پێكردنەوەی تاوانكاری دژ بە هاووڵاتیان لە عیراق و سوریادا.

بەردەوام بە لە خوێندنەوە

عێراق

ژاپۆن بەشداری ئاوەدانكردنەوەی عیراق دەكات

خەڵك – بەشی هەواڵ

د. بەرھەم ساڵح سەرۆك كۆماری عیراق ئەمڕۆ دووشەممە ٢٠١٩/١٠/١٤ لە كۆشكی سەلام لە بەغدا پێشوازیكرد لە ناوفۆمی ھاشیمۆتۆ باڵیۆزی ژاپۆن لە عیراق.

لە دیدارەكەدا سەرۆك كۆمار جەختی لە گرنگی ڕۆڵی ژاپۆن كردەوە لە دووبارە ئاوەدانكردنەوە و بەشداری لە باشتركردنی دۆخی ئابووری و سەقامگیری لە عیراقدا.

ھەر لە دیدارەكەدا گفتوگۆكرا لە بارەی چۆنیەتی بەرزكردنەوەی ئاستی پەیوەندییەكانی نێوان عیراق و ژاپۆن، بەجۆرێك كە خزمەت بە بەرژەوەندییە ھاوبەشەكانی نێوان ھەردوو گەلی دۆست بكات.

بەردەوام بە لە خوێندنەوە

عێراق

بەرهەم ساڵح و پۆمپیۆ پەیوەندییەكی تەلەفۆنیان ئەنجامدا

خەڵك – بەشی هەواڵ
وەزیری دەرەوەی ئەمریكا بە تەلەفۆن پەیوەندی بە سەرۆك كۆماری عیراقەوە دەكات و گفتوگۆ لەسەر داگیركاری توركیا لە ڕۆژئاوای كوردستان دەكەن.

مایك پۆمپیۆ، وەزیری دەرەوەی ئەمریكا لە پەیوەندییەكی تەلەفۆنیدا، لەگەڵ بەرهەم ساڵح، سەرۆك كۆماری عیراق، تاوتوێی پەیوەندییەكانی هەردوو وڵات و سەقامگیری عیراق و كاركردن لەسەر ئەو تەحەدیاتانەی عیراقی پێدا تێدەپەڕێت و مافی هاونیشتیمانیان و گەشەسەندنی ئەزموونی دیموكراسی عیراق كرد.

لە پەیوەندییە تەلەفۆنیەكەدا هەردوولا داوای وەستاندنی ئۆپەراسیۆنەكەیان كرد، كە ماوەی چەند ڕۆژێكە لە لایەن سوپای توركیاوە كراوەتەسەر ڕۆژئاوای كوردستان و بەوهۆیە بەدەیان هەزار خێزان ئاوارەبوون.

بەردەوام بە لە خوێندنەوە

کوردستان