ئێمە لە تۆرە کۆمەڵایەتیەکان

ژیاندۆستی

بۆ کچان: کۆمەڵێک شت هەیە کە لە (شوو) گرنگترە و پێویستە سەرنجی بخەیتە سەر

خێزان


لەكاتێكدا زۆرینەی خەڵك بەختەوەری و خۆشبەختی تەنها لە هاوسەرگیری و شوكردن و مناڵ خستنەوەدا دەبینن بەڵام بەپێی لێكۆلینەوەكان دەركەوتوە كە بەختەوەری ناخ هیچ پەیوەندیەكی بەوەوە نیە بەڵكو لەم چەند خاڵەیایە كە لێرە باسی دەكەین:

 

-لەشساغی

-وەك دەڵێن بیركردنەوەی باش لە لەشێكی ساغەوەیە، گەورەترین هۆكاری بەختەوەریش لە لەش ساغی و جەستەیەكی بێ ئازاردایە بۆیە زۆر گرنگە هەمیشە گرنگی بە تەندروستیت بدەیت.

 

-پیشەی خەونەكانت

گەورەترین هۆكاری بەختەوەری ئەوەیە كە ئەو کارە بدۆزیتەوە كە حەزت لێیەتی نەك تەنها بۆ بەدەست هێنانی پارە بەڵكو لەبەر ئەوەی ڕۆژانە ئەو شتە بكەیت كە خۆشت دەوێت و دڵخۆشت دەكات.

 

-هاوڕێی ڕاستەقینە

-دۆزینەوەی هاوڕێی راستەقینە وەك دۆزینەوەی خۆشەویستی ڕاستەقینە سەختە بۆیە هەبونی هاوڕێی باش هۆكارێكی ترە بۆ خۆش بەختی كە پێكەوە خەون و هیواكانتان دەكەن بە ڕاستی.

 

-خولیا و ئامانج

-هەبونی خولیایەک و كار كردن لەسەری و گرنگی دان پێی جۆرێكی ترە لە بەختەوەری و هۆكارێكی ترە بۆ دڵخۆش بون و بەختەوەری وەك وێنە كێشان , گۆرانی وتن، مۆسیقا و هتد..

 

-هەبونی پارەی تایبەت بەخۆت

-كۆكردنەوەی پارە و خەرج كردنی لە داهاتودا لەو شتانەی كە حەزت پێیەتی.

 

-قەدری خۆت بزانە

-هەمیشە ڕێز لەخۆت بگرەو كەسایەتی خۆت بپارێزە و ڕێ‌ بە كەس مەیە بە چاوێكی كەم سەیرت بكەن و لە تواناكانت كەم بكەنەوە.

 

-خۆتت زۆر خۆشبوێت :

-هەمیشە لەپێش هەمو كەسەوە ئاشقی خۆت بە و ئەو شتانەت خۆشبوێت كە دەیكەیت و نازی خۆت زۆر هەڵبگرە و خواردنی خۆش و دیاری جوان پێشكەش بە خۆت بكە.

 

-دۆزینەوەی خۆشەویستی راستەقینە

-وەك لەسەرەوە باسمانكرد خۆشەویستی راستەقینە لە ناخی خۆتەوە دەست پێدەكات سەرەتا خۆت پاشان ئەوانی ترت خۆش بوێت و كەسێك هەڵبژێرە كە وەك خۆت قبوڵت بكات.

ژیاندۆستی

کۆمەڵێک شتی جیاواز لە ناو ماڵی چینیەکاندا کە سەیر و سەمەرەیە!

خێزان

چینیەکان کلتوری تایبەت بە خۆیان هەیە، کە بەشێکیان لە ئێمەی ڕۆژهەلاتیەوە نزیکە، ئەمەی خوارەوە کۆمەڵێک تایبەتمەندی ماڵی چیینە کە دڵنیاین ئەوانەی چوون بۆچین و لە ماڵی چینیەکاندا ماونەتەوە بینیویانە:

 

-چینیەکان بەهۆی بچوکی ماڵەکانیانەوە زۆر بە دەگمەن بانگێشت دەکەن بۆ ماڵەوە، زیاتر لە ڕیستۆرانتەکانی دەرەوە کۆدەبنەوە.

-زۆرێک لە ماڵەکان تەوالێت و حەمامی تایبەت بەخۆیان نییە، بەڵکوو هاوبەشە لەگەڵ ماڵەکانی دیکەدا.

-سستمی تەوالێت زەمینیە بە هەمان شێوەی وڵاتانی ڕۆژهەڵاتی و تەنانەت لە شوێنە فەرمیەکانیشدا بە دەگمەن تەوالێتی شێوە کورسی دەبینیت.

-نرخی کرێی مانگانەی شوقە لە چین بەپێی شوێن و ناوچە گۆڕانکاری زۆری بەسەردا دێت، لە کرێی مانگانەی ١٠٠$ وە تا ٦٠٠$ و ٣٠٠٠$ بۆ مانگێک هەیە.

-خانوە نوێکان شوشەی پێوە ناکرێت و کە کەسێک کڕی خۆی شوشە و محاجەرەی ئاسنی بۆ دادەنێت، ئەو محاجەرەیە وەک خۆیان دەڵێن بۆ پارێزگاری نییە لە دزی بەڵکوو بۆئەوەیە منداڵەکانیان بەرنەبێتەوە.

بەردەوام بە لە خوێندنەوە

ژیاندۆستی

یەکێک لەم دارانە بۆ باخەکەت هەڵبژێرە و لە ڕێگەیەوە نهێنیەکی کەسایەتی خۆت بناسە

خێزان

زۆرکەس حەز بە تاقیکردنەوە دەرووناسیەکان دەکات، لەم تاقیکردنەوەیەدا لە ژێر بنەامی هەڵبژاردنی ڕەنگ و شێوە دەریدەخەین کە کەسایەتی تۆ چۆنە:

 

تەماشیی ئەم وێنەیە بکە و درەختێک هەڵبژێرە بۆ باخەکەت، بەڵام بە گوێ لە ناخی خۆت بگرە بۆ هەڵبژاردنی:

 

دارەکەت هەڵبژارد؟ بچۆ خوارەوە و ئەنجامەکەی تەماشا بکە:

 

١-  داری بەڕوو

تۆ لە کەسە گەشبینەکانی، ئەوانەی کە بەردەوام نیوە پڕەکەی پەرداخەکە دەبینن، بۆ تۆ ژیان پرە لە تاقیکردنەوە و شتی نوێ.

 

٢- داری لاریس (درەختێکە لە توخمی سنەوبەر)

کەسێکی تەواو سەربەخۆیت، هیچ شتێک ناتوانێت ببێتە ڕێگر لەبەردەم بڕیارەکانتدا.

 

٣- داری ماڵپ

کەسێکی زۆر هەستیاریت و زۆر بیر لە هەستی خۆت و خەڵکی دەوروبەرت دەکەیتەوە.

 

٤- داری ئەڵدەر (لە شێوەی چنارە)

کەسێکی زۆر هاوسەنگیت لە ژیان و بڕیاردا، کەسانی دەوروبەر ئاسەدەن بە مامەڵەکردن لەگەڵت.

 

٥- داری ڕێحانە

کەسێکی زۆر متمانەت بەخۆتە و هەموو شتێک لە ژیاندا لە ژێر کۆنتڕۆڵی خۆتدایە، هیچکات پشت بە بەخت نابەستیت.

 

٦- داری هەڵوژە

کەسێکی زۆر متمانەپێکراویت و هەموان لە نزیکت ئاسودەن، کۆمەڵایەتیت و حەزدەکەیت خەڵکت لەدەور بێت.

 

٧- داری سنجو

کەسێکیت توانەیەکی باشت هەیە لە لێکدانەوەی هەموو شتێک، بۆیە لە بڕیارداندا باشیت و هەموو لایەنەکانی لێکدەدەیتەوە.

 

٨- داری کەستانە

هەموان وادەزانن تۆ کەسێکی خەیاڵاویی و ڕۆمانسیت، بەڵام لە ڕاستیدا زۆر واقع بینیت.

 

٩- داری چنار

کەسێکی کراوەیت و زۆر بەئاسانی لەگەڵ گۆرانکاریەکاندا هەڵدەکەیت و خۆت دەگونجێنیت.

بەردەوام بە لە خوێندنەوە

ژیاندۆستی

چەند زانیاریەک کە تا ئێستا بە تەواوەتی باوەڕت پێبووە، بەڵام هەڵەیە و وانییە

خێزان

ئەمەی خوارەوە چەند زانیاریەکی هەمەجۆرە کە زۆرێکمان تا ئێستا بەتەواوەتی باوەڕمان پێبووە، بەڵام لە ڕووی زانستیەوە وانیە و هەڵەیە:

 

– تاشین موو ڕەشتر و تیژتر دەکاتەوە:

ئەمە هەڵەیە، چونکە مووی تازە هەمان پێکهاتەیە و ناگۆڕێت، بەڵام لەسەرەتایی سەردەرهێنانی کەمێک ڕەقتر دەردەکەوێت و ئەم بۆچونەی دروستکردووە.

 

– پیاوان لە ٧ چرکەدا جارێک  بیر لە سێکس دەکەنەوە

ئەمەش زانیاریەکی تەواو هەڵەیە، توێژینەوەکان ئەوەشیان سەلماندووە کە بیرکردنەوە لە سێکس تەنها جیاوازی رەگەزی نیە و بەپێی کەسەکان دەگۆڕێت، بەڵام هیچکامیان بەو ڕێژە هەڵەیە نییە.

 

– ئەوەی بە خەوەوە دەڕوات نابێت هەڵی بستێنیت

ئەمەش راستنییە، چونکە کارە راستەکە ئەوەیە هەڵی بستێنیت، بەو پێیەی ئەگەر هەیە زیان بەخۆی بگەیەنێت.

 

– ڕەنگی مەریخ سورە

مەریخ بە هەسارەی سور ناسراوە، لەکاتێکدا ئەوە ڕاستنییە و ڕەنگی سور نییە و قاوەیەکی مەیلە و زەردە.

 

– جەستە لە سەرەوە سەرمای دەبێت

زۆرجار بیستومانە دەڵێن سەرت داپۆشە با سەرمات نەبێت، لە کاتێکدا سەرما بە جەستەدا بە هاوسەنگی دابەش بووە و گەر بۆنمونە سەرت داپۆشیت و جلی گەرمت لەبەر نەبێت بێسوودە.

بەردەوام بە لە خوێندنەوە

کوردستان