ئێمە لە تۆرە کۆمەڵایەتیەکان

ژینگە

بە وێنە.. پۆلیسی شارەوانی قەڵادزێ ڕێگری لە سەڕبڕین ئاژەڵ لە نزیك زێی بچوك دەكات

خەڵك- بەشی هەواڵ

ساڵانە و لە جەژنی قوربانی پیرۆزدا ژمارەیەك هاووڵاتی ئاژەڵەكانیان دەبەنە سەر زێی بچوك بەمەستی سەربڕین و پاككردنەوەی گۆشتەكەی، لە كۆتایشدا پاشماوەكەی فڕێ دەدەنە ناو ئاوەكە و بەمەش ژینگەی ئاوەكە پیس دەكات، لەكاتێكدا ئاوی خواردنەوەی دانیشتوانی قەڵادزێ و چەندین شوێنی دیكە و ئەمساڵیش پۆلیسی شارەوانی قەڵادزێی ڕێگری لەو كارە كرد.

پۆلیسی ڕاپەڕین لە ڕاگەیەندراوێكدا نوسیویەتی”بۆ ئەم مەبەستەش هێزەكانمان لە بنكەی پۆلیسی شارەوانی قەڵادزێ گەیشتە سەر زێی بچوك و بڵاوەیان پێكرا تا ڕێگە لەو كەسانە بگرن كە ئاژەڵەكانیان دێنن بەمەبەستی سەربڕین و پاككردنی تا ڕێگە بگرن لە پیس بوونی ئاوەكە لە پێناو دەستبەركردنی ئاوێكی تەندروست بۆ هاووڵاتیان.”

هەر لە ڕاگەیەندراوێكدا نوسراوە”داوا لە هاووڵاتیان دەكەین بەهیچ شێوەیەك ئاژەڵەكانیان نەبەنە سەر زێی بچوك بۆ ئەوەی ئاوەكە دوچاری پیس بوون نەبێتەوە، چونكە دواجار هەموان تیایدا زەرەرمەند دەبن و دەبێتە هۆی بڵاو بوونەوەی جۆرەها نەخۆشی.”

ژینگە

كەشناسی هەرێم: پلەی گەرما دادەبەزێت

خەڵك- بەشی هەواڵ
كەشناسی هەرێم پێشبینییەكانی بۆ دۆخی كەشوهەوای سبەینێ‌ یەك شەممە بڵاودەكاتەوە و ئاشكرای دەكات، كە پلەكانی گەرما دادەبەزن.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاپۆرتێكدا رەوشی كەشوهەوا و پلەكانی گەرمای ئەمڕۆ شەممە و سبەینێ یەك شەممەی پارێزگاكانی باشووری كوردستانی بڵاوكردۆتەوە و ڕاگەیاند، بەپێی پێشبینییەكان سبەینێ پلەكانی گەرما دادەبەزن.

هەر بەپێی ڕاپۆرتەكە، سبەینێ‌ لە هەولێر بەرزترین پلەی گەرما 37 پلە و لە سلێمانی و دهۆك 35 پلە و كەركوك 39 پلە دەبێت و خێرایی با مامناوەند دەبێت لە 10- 20 كیلۆمەتر/ كاتژمێر دەبێت و ئاستی بینین نزیكەی 8- 10 كیلۆمەتر دەبێت.

بەردەوام بە لە خوێندنەوە

ژیاندۆستی

وەرزی پاییز دەستپێدەكات
سبەینێ‌ 21-9 پاییزە .. بۆچی پێی دەڵێن هاوسەنگی پاییزە؟

سبەینێ‌ شەممە 21-9-2019 یەكەم ڕۆژی (وەرزی پاییز)ە لە نیوەگۆی باكووری زەوی و یەكەم ڕۆژی (وەرزی بەهار)ە لەنیوەگۆی باشووردا.

ڕۆژی شەممە بەرواری 21-9-2019 كاتژمێر 12ی شەو بەكاتی هەرێمی كوردستانی عیراق، ماوەی شەو و ڕۆژ لەنیوە گۆی باكووری زەوی بە تەواوی یەكسان دەبێت بۆ 12 كاتژمێر ڕۆژ و 12 كاتژمێریش شەو، بەمەش لە ڕووی فەلەكییەوە رۆژی شەممە دەبێتە یەكەم ڕۆژ و دەستپێكی وەرزی (پاییز) لەنیوە گۆی باكووری زەوی كە بە (هاوسەنگ بوونی پاییزی) ناسراوە و بە پێچەوانەوە، دەبێتە یەكەم ڕۆژی (وەرزی بەهار) لەنیوەگۆی باشووری زەوی، كە بە (هاوسەنگ بوونی بەهاری)ی ناسراوە و تیایدا خۆر ڕێك لە ڕۆژهەڵات هەڵدێت و لە ڕۆژئاوادا ئاوادەبێت.

لەگەڵ یەكەم ڕۆژی پاییز گۆڕانكاری لە ئاست و ڕێژە و ماوەی بەركەوتنی تیشكی خۆر لەسەر زەوی ڕوودەدات، هەر ئەمەشە دەبێتە هۆی سەرهەڵدانی گۆڕانكاری بەرچاو لە پلەكانی گەرما لەسەر ڕووی هەسارەكەماندا.

 

بەردەوام بە لە خوێندنەوە

ئابوری

ڕێژەی وەبەرهێنانی گەشتیاری لە هەرێم بۆ 50% بەرزدەبێتەوە

خەڵك – بەشی هەواڵ
وتەبێژی دەستەی گشتی گەشتوگوزاری هەرێم ڕایدەگەیەنێت، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و ژمارەیەكی پێوانەی تۆماركرد و لەتێكرای وەبەرهێنانی هەرێم كەرتی گەشتی گەشتیاری گەیشتە ٣٨% و بووە یەكەم كەرت لە وەبەرهێنان.

نادر ڕۆستی، وتەبێژی دەستەی گشتی گەشتوگوزاری هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و لەتێكرای وەبەرهێنانی هەرێم، كەرتی گەشتی گەشتیاری لە ٣٨%ی تۆمار كرد.

ڕاشیگەیاندووە، كۆی خەرجی وەبەرهێنانی گەشتیاریش بڕی پارەكەی گەیشتە نزیكەی یەك ملیار دۆلار، ئەمەش ژمارەیەكی پێوانەیی زۆر گرنگە، سەرەڕای ئەوەی ژمارەیەكی زۆریش پڕۆژە هەیە، كە لە سەر زەوی گەشتوگوزار و شارەوانی كراون و لە دەستەی وەبەرهێنانی هەرێمی كوردستان تۆمار نەكراون، هەندێك پڕۆژەی دیكەش هەیە لە مامەڵەدان و تۆمار نەكراون، كاتێك سەرجەمیان تۆمار دەكرێن، ڕێژەی وەبەرهێنانی گەشتیاری بۆ زیاتر لە ٥٠% بەرزدەبێتەوە.

ئاماژەی بۆ ئەوەشكردووە، هەموو ئەمانە ئاماژەی زۆر گرنگن بۆ پێشكەوتنی كەرتی گەشتیاری بە شێوەیەكی خێرا و پێشبینی نەكراو، ئەمەش بەرەنجامی بەرقراربوونی ئاسایشی هەرێم و ئەو پلانەیە، كە لە دەستەی گەشتوگوزار بۆ پێشوەبردنی كەرتی گەشتیاری هەرێم داڕێژراوە.

بەردەوام بە لە خوێندنەوە

کوردستان