ئێمە لە تۆرە کۆمەڵایەتیەکان

هەواڵەکان

شەیدا قەوامی داوای خۆشەویستیەکەی مەم و زین و ئاهورا دەکات

خێزان

هونەرمەند  شەیدا قەوامی بەرهەمێکی نوێی بەناوی (خۆشەویستی) بڵاوکردەوە.

شەیدا قەوامی لەبارەی بەرهەمەکەیەوە ڕایگەیاندووە”״بەرهەمەکە بەراوردکاریی خۆشەویستیی ئێستا و جارانە، باس لەوە دەکات کە ئەو خۆشەویستییانەی ئێستا هەیە وەک مەم و زین یاخود وەک ئاهورا نییە و زیاتر بەرژەوەندیی تاکەکەسییە”

شەیدا وتیشی”کارە نوێکە  شیعری سیمین چایچییە و ئاوازەکەشی لە لایەن ڕۆزبێ موسڵیح کراوە و کاری دەرهێنان و ڤیدیۆکلیپەکەش بابەک مورادی بە ئەنجامی گەیاندووە و دوو ئەکتەری بیانییش وەک مۆدێل لە ڤیدیۆکلیپەکەدا بە جلی کوردییەوە ڕۆڵ دەبینن.״

شەیدا قەوامی لە شاری سنە لە دایک بووە و ئێستاش لە ئەڵمانیا ژیان بەسەر دەبات و لە ساڵی ٢٠١٣ـەوە کاری هونەری دەکات و چالاکوانێکی سیاسیشە.

هەواڵەکان

یارجان چەند وێنەیەکی خۆی بڵاودەکاتەوە و دەڵێت : خۆی شەلاتی کردووە!

خێزان

خانمە مۆدێل یارجان چەند وێنەیەکی نوێی خۆی بڵاوکردەوە و ئاماژەی بەوە داوە کە وێنەکەی بەو جۆرەیە کە بیەوێت خۆی شەلاتی بکات.

یارجان لەسەر ستایلی جلوبەرگەکەی نوسیویەتی”ئەو کاتەی بەحساب خۆو شەلاتی دەکەیت”

یارجان ناوی “شنیار ئەحمەدە”، ساڵی 1996 لە سلێمانی لە دایک بوە و پێشتر وەک شاجوانی سلێمانی هەڵبژێردراوە و خانمە مۆدێلێکی بەناوبانگە.

 

بەردەوام بە لە خوێندنەوە

هەواڵەکان

سەنا بەرزنجی: “ئەم وێنەیە منم”

خێزان

خانمە هونەرمەند سەنا بەرزنجی دواجار وێنەی خۆی بڵاوکردەوە و ڕایگەیاند، کە ئەمەیان  وێنەی خۆیەتی.

سەنا بەرزنجی ڕایگەیاندووە”لە ماوەی ئەم چەند ساڵەدا کە بە شێوازی خۆم، یان پرۆفشناڵ کارم کردووە ھەموو ھەوڵێکی خۆمم داوە تا زیاتر لە گرینگی پێدان بە ڕووخسارم و بە شێوازی ژیانم، ھونەرەکەم پەرە پێبدەم و  بە جوانترین شێوە پێشانی خەڵکی کوردستانی بدەم.

من لە ناو بنەماڵەیەکدام و لە شوێنێک ژیان دەکەم لەوەیە زۆر  ئاسان نەبێ کە بە بەردەوامی دەرکەوم و لە ناو کلیپەکانم دا بەشدار بم، دەمەوێ سەرنجم لەسەر دەنگ و شیعر و میلۆدییەکەن بێ کە ھەڵیدەبژێرم، تا من کەی و چۆن دەردەکەوم.

سەنا ئەوەشی وتووە: بڕوا ناکەم ڕووخسار و دەرکەوتنی من گرینگێکی زۆری ھەبێت، بەڵام ئەوەی زۆر لەلام گرینگە کە دەبێ بە دڵنیایی دەنگم زیاتر لە جاران پەروەردە بکەم بۆ ئەوەی بتوانم خزمەتی  موسیقای کوردی پێبکەم و ئەو ڕێگایەی کە ھونەرمەندە گەورەکانی ڕابردوو درووستیان کردووە من درێژەی پێبدەم”

سەنا بەرزنجی وتوشیەتی”ماوەیەک پێش ئێستا زۆربەی ئێوە خۆشەویستان، واتان ھەست دەکرد کە ئەو وێنەی کە بڵاو ببووەوە کە وێنەی کەسێک بوو لە کلیپەکانم، منم، ئێمەش ھیچ ڕوونکردنەوەیەکمان لەسەر نەدا لەبەر ئەوەی کە چ بۆ من و چ کۆمپانیای فەیمس پڕۆداکشن بابەتێکی گرینگ نەبوو، بۆ ئێمە زۆرترین شتێک کە دەبوو سەرنجی بدەینێ و گرنگ بێ، ئەلبومی ڕاز بوو، کە بۆ ئێوە خۆشەویستان حازرمان کردبا و تەواوی ئەو بابەتانەی کە لەسەر تۆڕە کۆمەڵایەتیەکان ڕووی دا نەبوو بە ھۆی ئەوە کە پێویست بێ ڕوونکردنەوەی لەسەر بدەین.

ئەگەر ئەو کەسانەی ھەواداری ڕاستەقینەی منن چێژ دەبیین لە دەنگی من، ئەوا ئەمڕۆ یان سبەی یان ھەر کاتێک کە پێویست بزانم لە کۆنسێرت یان کلیپ بیت دەردەکەوم و یەکتر دەبینینەوە بە دڵنیایی، بۆ خۆم پێم .خۆشە بە سۆزی دەنگم لە یادی ئێوە بمینمەوە”

 

 

View this post on Instagram

 

A post shared by SANA BARZANJE🌺 (@sanabarzanje) on

بەردەوام بە لە خوێندنەوە

هەواڵەکان

هانی سەڵاح بە گۆرانی ئینگلیزی دەستپێدەکات، یەکەم بەرهەمی خۆی بڵاوکردەوە

خێزان

کچە گۆرانیبێژ هانی سەڵاح، یەکەم بەرهەمی خۆی بە زمانی ئینگلیزی بڵاو کردەوە و بە وتەی خۆشی بە نیازە دواتر کارێک بە زمانی کوردیی بکات.

هانی سەڵاح لە بارەی بەرهەمە نوێکەیەوە ڕایگەیاندووە «یەکەم بەرهەمم گۆرانییەکی ئینگلیزییە بە ناوی Some Times، گۆرانییەکی سۆزدارییە و لە تێکست و میوزیکی خۆمە، بەرهەمەکەش لە ستۆدیۆی میترۆنیۆم پڕۆدەکشن تۆمار کراوە و ئەفشین شوکری سەرجەم کارەکانی بۆ کردووم.»

هانی سەڵاح وتوشیەتی: «من بەو پێیەی لە وڵاتی سوید دەژیم، پێم خۆش بوو یەکەم کارم بە زمانی ئینگلیزی بێت تا لێرەش گوێگری هەبێت و دەستپێکێک بێت بۆ کارکردنم، هونەرمەند ئەفشین شوکری کارێکی دیکەی بۆ داناوم کە بە زمانی کوردییە و بە نیازم لە داهاتوودا کار لەسەر ئەو بەرهەمەش بکەم.»

هانی سەڵاح ١٥ ساڵ، کچێکی کوردە و لە وڵاتی سوید ژیان بەسەر دەبات و لەو وڵاتە سەرقاڵی خوێندنی میوزیکە و دەستی کردووە بە کاری هونەری.

 

بەردەوام بە لە خوێندنەوە

کوردستان