ئێمە لە تۆرە کۆمەڵایەتیەکان

ئابوری

“كاتی چاكسازی ڕاستەقینەیە”
وەبەرهێنەران: كابینەی نوێ‌ واتای جەژن و خۆشگوزەرانی بۆ خەڵك بگەڕێنێتەوە

خەڵك – بەشی هەواڵ
وتەبێژی یەكێتی وەبەرهێنەرانی كوردستان ڕایدەگەیەنێت، ئەم جەژنە لە چاو ساڵانی ڕابردوو جیاواز دەردەكەوێت بەهۆی هێواش توانەوەی بەستەڵەكی قەیرانی دارایی و هاووڵاتیان دڵخۆشترن لە جەژنەكانی چەند ساڵی پێشوو، دەشڵێت: “ئومێدێكی زۆمان هەیە لەداوی جەژن هیمەتی كابینەی نوێی حكومەت لە بواری چاكسازی بگاتە ئەو ئاستەی خۆشگوزەرانی بۆ هاووڵاتیان بگەڕێتەوە”.

یاسین مەحمود، وتەبێژی یەكێتی وەبەرهێنەرانی كوردستان لە لێدوانێكیدا بۆ (خەڵك) ڕایگەیاند، لەگەڵ هاتنەوەی جەژنی پیرۆزی قوربان، پیرۆزبایی لە خانەوادەی سەربەزی شەهیدان و گەلی كوردستان و عیراق و جیهان دەكەین، هەست بەوە دەكەین ئەم جەژنە بەهۆی هێواش توانەوەی بەستەڵەكی قەیرانی دارایی هاووڵاتیان دڵخۆشترن لە جەژنەكانی چەند ساڵی پێشوو.

وتیشی، “ئێمە لە وەبەرهێنەران پەیاممان بۆ حكومەت و وەزارەتەكانی پەیوەندیدار ئەوەیە، كە كاتی ئەوە هاتووە چاكسازی ڕاستەقینە بێتە كایەوە و ئەو چاكسازیەی ماوەیەكە حكومەت كاری لەسەر دەكات ئومێدێكی زۆر لەسەر دەستی ئەم كابینەیە دروست بووە بەوەی چاكسازی تەواو بكات و خۆشگوزەرانی بۆ هاووڵاتیان بگێرێتەوە”.

ڕاشیگەیاند، ئەگەر بەهاكانی واقیعی بۆ كەرتی تایبەت بگەڕێتەوە، وەك ئەوەی لە هەموو دونیادا هەیە ئەوا بێگومان بار و گوزەرانی هاووڵاتیان باشتر دەبێت، چونكە ئەوەی ئێستا خەڵكی لەم هەرێمە چاوەڕێی دەكات چارەسەركردنی بێكارییە.

ئاماژەی بۆ ئەوەشكرد، ئەو بێكاریەی لەهەرێم دروستبووە و زیادبوونی بەو ڕێژەیە پێویستە كۆتایی پێ بهێنرێت، چونكە زۆرن ئەو هاووڵاتیانەی بەهۆی قەیرانەكانەوە بێكار بوون، ڕاستە كەمێك كێشەی مووچە چارەسەر بووە، بەڵام بێكاری زۆر زۆر بووە.

ئاشكراشیكرد، ئومێدێكی مەزن و گەورەمان هەیە، كە لە دوای جەژنەوە هیمەتی كابینەی نوێی حكومەتی هەرێمی كوردستان بگاتە ئەو ئاستەی بە تەواوی واتاكانی جەژن و خۆشگوزەرانی و خزمەتگوزاری بۆ خەڵكی بگەڕێتەوە.

مەلا یاسین داوای لە وەبەرهێنەرانەكان كرد ، دەستی هاوكاری بۆ ئەو كەسانە درێژ بكەن، وەك چۆن ساڵانی پێشوو بەشێكی زۆر لە وەبەرهێنەران پشكی شێران هەبووە لە دابین كردنی هاوكاریبەردەوام و پێدایستی جەژن بۆ هەژران وكەمدەرامەتەكانی هەرێمەكەمان ، لێرەوە ئەوەش دەڵێن ڕاستە هەندێك كێشەی مووچە چارەسەر بووە بەڵام ماون ئەوانەی پێویستیان بە هاوكاری وەبەرهێنەران هەیە بۆیە وەك چۆن ڕووی بەبەرهێنەران سوور بوون لە هاوكاری ئاواش بەردەوام بن لەگەڵ بێ دەرامەتەكان تا ئەو كاتەی ژیانێكی شایستەیان بۆ دەرەخسێنرێت .

ئابوری

ڕووداوێكی هاتوچۆ لە سلێمانی ڕوویدا

خەڵك- بەشی هەواڵ

هاتوچۆی سلێمانی ڕایگەیاند، ڕوداوێكی پێكدادان لەچوارڕیانی زانكۆی جیھان، لەنێوان ئۆتۆمبێلێكی تایبەت لەجۆری لێگززو ئۆتۆمبێلێكی كرێ تەكسی كرۆلادا ڕوویدا.

هاتوچۆی سلێمانی لە ڕاگەیەندراوەكەدا ڕونیكردووەتەوە، زیانی گیانی لە ڕووداوەكە كەوتووەتەوە، بەڵام هیچ زیانێكی گیانی نەبووە.

ڕووداوەكەی ئەمڕۆ لەكاتێكدایە دوێنێ‌ بەهۆی ڕووداوێكی هاتوچۆوە لە نێوان سلێمانی و دەربەندیخاندا كەسێك گیانی لەدەستدا و 11 كەسی دیكەش برینداربوون.

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ‌ دوو شەممە، مووچەی مانگی 10ی چوار شوێن دابەش بكرێت.

بەپێی خشتەیەك، كە وەزارەتی دارایی بڵاویكردۆتەوە، ئەمڕۆ مووچەی هەریەك لە ئەنجوومەنی دادوەری، كەمئەندامان، وەزارەتی كار و كاروباری كۆمەڵایەتی و وەزارەتی داد دابەش دەكرێت.

دابەشكردنی مووچەی مانگی 10 لەكاتێكدایە، كە چارەنووسی مووچەی دوو مانگی ساڵی ڕابردوو نادیارە و تائێستا هیچ زانیارییەك لەسەر مووچەی ئەمساڵ ئاشكرانەكراوە.

بەردەوام بە لە خوێندنەوە

ئابوری

گرێبەستی مامۆستایان بۆ ئەمساڵ نوێ‌ دەكرێتەوە

خەڵك- بەشی هەواڵ
سەرەڕای بڕیاری حكومەتی هەرێم بۆ بە هەمیشەیی كردنی مامۆستایانی گرێبەست، بەڵام تا ئێستا بڕیارەكە نەگەیشتۆتە پەروەردەكان و بەوهۆیەوە گرێبەستی مامۆستایان نوێ‌ دەكرێتەوە.

بەپێی بەدواداچوونێكی (خەڵك) لە مانگی 11ی ساڵی ڕابردووەوە ئەنجوومەنی وەزیرانی هەرێم لە كۆبوونەوەی ئاسایی خۆیدا لە 6-11-2019 بڕیاری بە هەمیشەیی كردنی مامۆستایانی گرێبەستی داوە و بڕیار بوو لە 1-1-2020ەوە بكەوێتە بواری جێبەجێ‌ كردنەوە، بەڵام تا ئێستا ئەوە نەبۆتە بڕیاری فەرمی بۆ پەروەردەكان.

هەر بەپێی بەدواداچوونەكان، زۆربەی بەڕێوەبەرایەتییەكانی پەروەردە داوایان لە مامۆستایانی گرێبەست كردووە، كە بەهۆی ئەوەی تا ئێستا هیچ بڕیارێكیان بۆ نەهاتووە سەبارەت بە هەمیشەیی كردنیان، بۆیە گرێبەستەكانیان نوێ‌ بكەنەوە.

لای خۆیەوە، بەڕێوەبەرایەتی پەروەردەی ڕانیە هەفتەی ڕابردوو لە ڕاگەیەنراوێكدا ئاماژەی بەوەكردبوو، كە مامۆستایانی گرێبەست سەردانی بەشی یاسا بکەن بەمەبەستی نوێ کردنەوەی گرێبەستەکانیان، کە مەرجە نوێ بکریتەوە تەنانەت ئەگەر بشکرێن بە فەرمی بۆ ئەو مەبەستە مامۆستای گرێبەست خۆی ئامادەبێت و ناسنامە و کۆپییەک لە ناسنامەکەی پێ بێت.

هاوكات، سۆران عومەر، بەڕێوەبەری گشتی پەروەردەی هەڵەبجە بە (خەڵك)ی ڕاگەیاند، بڕیاری بە هەمیشەیی كردنی گڕێبەستەكان، كە لە لایەن ئەنجوومەنی وەزیرانەوە بڕیاری لەسەر دراوە، وەك خۆی جێبەجێ دەكرێت.

وتیشی، “تا ئەم ساتە هیچ بڕیارێكمان بە فەرمی بەدەست نەگەیشتووە، بۆ ئەوەی گرێبەستەكان بە هەمیشەیی بكرێن، چونكە كاروباری گارگێڕی بە نووسراوی فەرمی دەكرێت، بۆیە هێشتا بەدەستمان نەگەیشتووە”.

بەردەوام بە لە خوێندنەوە

کوردستان