ئێمە لە تۆرە کۆمەڵایەتیەکان

ئابوری

لە سلێمانی لیژنەكان لێپێچینەوە لە گرانكردنی نرخ دەكەن

خەڵك – بەشی هەواڵ
سەرۆكی لیژنە هاوبەشەكانی قائیمقامیەتی سلێمانی ڕایدەگەیەنێت، بەدرێژایی ڕۆژانی جەژنی پیرۆزی قوربان بەردەوام دەبین لەگەڕان و بەسەركردنەوەكان و ڕێگری دەكەین لە هەر جۆرە سەرپێچیەك، كە زیان بە هاووڵاتیان بگەیەنێت، دەشڵێت: “سەردانی هەموو ئەو شوێنانە دەكەین، كە بەر لە جەژن لە ژێر چاودێریدا بوون”.

گۆران قادر، سەرۆكی لیژنە هاوبەشەكانی قائیمقامیەتی سلێمانی ڕایگەیاند، لە رۆژانی جەژندا هاوشێوەی ڕۆژانی ئاسایی لیژنە هاوبەشەكان بە ئامانجی پاراستنی تەندروستی هاووڵاتیان و ڕێگری كردن لە هەر جۆرە سەرپێچیەك بەردەوام دەبن لەگەڕان و بەسەركردنەوەكانیان.

ڕاشیگەیاند، لەماوەی چوار ڕۆژی جەژندا لیژنەكان سەردانی هەموو ئەو شوێنانە دەكەن، كە بەر لە ڕۆژانی جەژن لە ژێر چاودێریدا بوون و ڕێگە بەوەنادەن هیچ شوێنێك جەژن بە دەرفەت بزانێت بۆ زیادكردنی نرخ و ساغكردنەوەی كاڵاو شتومەكی زیانبەخش.

ئاماژەی بۆ ئەوەشكرد، چاوەڕێ دەكرێت لە پشووی جەژندا ژمارەیەكی بەرچاو لە گەشتیاران ڕوو بكەنە سلێمانی لەبەر ئەوە چاودێرییەكانیان بۆ ڕێستۆرانت و چێستخانە و ئوتێلەكان زیاتر دەكەن و هەر شوێنێك پابەند نەبێت بە مەرج و ڕێنماییە تەندروستیەكان ڕووبەڕووی سزای یاسایی دەكرێتەوە.

ئابوری

حكومەتی هەرێم بڕیارێكی دەربارەی فەرمانبەرانی گرێبەست دەركرد

خەڵك – بەشی هەواڵ
ئەنجوومەنی وەزیرانی هەرێمی كوردستان ڕایدەگەیەنێت، پشتیوانی لە پڕۆژەی چاكسازی وەزارەتی پێشمەرگە دەكات و دەشڵێت: “هەرێم سازش لە ماف و دەسەڵاتە دەستوورییەكان ناكات”، هاوكات بڕیاریدا بە پێكهڵنانی لیژنەیەك بۆ بەدواداچوونی بابەتی كارمەندانی گرێبەست.

ئەنجومەنی وەزیرانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ چوار شەممە 13-11-2019 ئەنجوومەنی وەزیران بە سەرپەرشتی مەسرور بارزانی، سەرۆكی ئەنجوومەنی وەزیران و ئامادەبوونی قوباد تاڵەبانی، جێگری سەرۆكی ئەنجوومەن كۆبووەوە.

ڕاشیگەیاندووە، شۆڕش ئیسماعیل وەزیری كاروباری پێشمەرگە ڕاپۆرتێكی دەربارەی پێكهاتەی وەزارەت و میلاك و خەرجییەكان و هەنگاوەكانی پڕۆژەی چاكسازی لە بواری كاروباری پێشمەرگە خستەڕوو، ئەنجومەنی وەزیران بڕیاریدا لیژنەیەك بە سەرۆكایەتی سەرۆكی ئەنجوومەنی وەزیران و ئەندامێتی جێگری سەرۆك وەزیران و وەزیرانی ناوخۆ و كاروباری پێشمەرگە و دارایی و ئابووری بۆ بەدواداچوونی بڕگەكانی ڕاپۆرتەكەی وەزارەتی پێشمەرگە پێكبهێنرێت و دواتر بڕیاری پێویستی لەبارەوە بدرێت.

لە سەر پاراستنی دەسەڵات و مافە دەستوورییەكانی هەرێمی كوردستان ئاماژە بۆ ئەوەشكراوە، كە بە هیچ شێوەیەك سازشیان لە سەر ناكرێت.

ئەنجوومەنی وەزیران بڕیاریدا لیژنەیەك بۆ بەدواداچوونی بارودۆخی كارمەندانی گرێبەست پێكبهێنێت، بۆ ئەوەی دواتر دەرئەنجامی بەدواداچوونەكە بخاتە بەردەم ئەنجوومەنی وەزیران.

ئەمە لەكاتێكدایە، كە ئەمڕۆ پەڕلەمانی كوردستان كۆبووەوە و خوێندنەوە بۆ پڕۆژە بڕیاری تایبەت بە هەمیشەیی كردنی فەرمانبەرانی گرێبەست كرا و لە ڕاگەیەنراوێكیشدا دەڵێت: “وەڵامی حكومەت ئەرێنی بووە لەبارەی لەئەستۆگرتنی پاشخانی دارایی و دوو هەفتە دەدرێتە حكومەت بۆ وەڵامدانەوەی”.

بەردەوام بە لە خوێندنەوە

ئابوری

خەڵك؛ دەقی بڕیارێكی پەڕلەمان تایبەت بە فەرمانبەران بڵاودەكاتەوە

خەڵك- بەشی هەواڵ
پەڕلەمانی كوردستان پڕۆژە بڕیارێك بۆ بە هەمیشەیی كردنی فەرمانبەرانی گرێبەست لە دامودەزگاكانی حكومەتی هەرێم ئامادە دەكات و بە پەسەند كردنی ئەو فەرمانبەرانە دەبن بە هەمیشەیی.

بەپێی زانیارییەكانی (خەڵك) لە هەرێمی كوردستان زیاتر لە 30 هەزار فەرمانبەری گرێبەست هەیە و لەو ژمارەیەش 6 هەزاریان مامۆستای گرێبەستن، كە بەپێی بڕیاری هەفتەی پێشووی ئەنجوومەنی وەزیرانی هەرێم دەبن بە هەمیشەیی.

بەپێی پڕۆژە بڕیارەكەی پەڕلەمانی كوردستان، كە دەست (خەڵك) كەوتووە، فەرمانبەرانی گرێبەست لە دامودەزگاكانی حكومەتی هەرێم ئەگەر 3 ساڵ خزمەتی گرێبەستییان تەواو كردبێت دەبن بە هەمیشەیی و دەبێت وەزارەتی دارایی ڕێنمایی پێویست لەوبارەیەوە دەربكات.

هەر بەپێی پڕۆژە بڕیارەكە، ئەو فەرمانبەرە گرێبەستانە ماوەی خزمەتی گرێبەستیەكەیان بە خزمەت بۆ هەژمار دەكرێت بۆ سەرەمووچە و پلەبەرزكردنەوە و خانەنشینی.

سەرچاوەیەك لە پەڕلەمانی كوردستان بۆ (خەڵك) ڕایگەیاند، كە لە ئێستادا نایانەوێت قسە لەسەر پڕۆژە بڕیارەكە بكەن، بۆ ئەوەی هیچ حزبێك نەیكات بە دەستكەوتی خۆی، چونكە پڕۆژەی هەموو فراكسیۆنەكانە و هەمووان پشتیوانی دەكەن.

وتیشی، “دوای خوێندنەوەی لە پەڕلەمان دەنێردرێت بۆ حكومەتی هەرێم تاوەكو بۆچوونی خۆی لەسەر بدات، چونكە پڕۆژەكە باكگراوندی دارایی هەیە، دوای وەڵامی حكومەت، پەسەند دەكرێت.

هەر فەرمانبەرێكی گرێبەست دوای ئەوەی دەبێت بە هەمیشەیی، چەند ساڵ خزمەتی گرێبەستی هەبێت دەبێت بۆ سەرجەم مانگەكانی ئەو ساڵانە لێبڕینی خانەنشینی بدات و بەوجۆرەش خزمەتەكەی بەتەواوی بۆ هەژمار دەكرێت. 

بەردەوام بە لە خوێندنەوە

ئابوری

نرخی نەوتی سپی دابەزینێكی گەورەی تۆماركرد

سلێمانی – نزار جەزا

نرخی نەوتی سپی لەهەرێمی كوردستان دابەزینی بەرچاوی بەخۆیەوە بینی، بەهۆی ئەو بارودۆخەی لەعیراق دروستبووە و هەروەها ناردنی نەوت لە بەغداوە بۆ هەرێم.

بەپێی بەدواداچوونەكانی (خەڵك)، لەئێستادا نرخی نەوتی سپی ماڵان دابەزیوە، بەجۆرێك نەوتی بەغدا بە 120 هەزار دینارە، نەوتی كەركوك بە 117 هەزار دینارە، نەوتی بازیان بە 115 هەزار دینارە.

ئەمە لەكاتێكدایە، پێشتر نرخی نەوتی سپی بەرز بوو، بەجۆرێك نرخی نەوتی بەغدا بە 135 هەزار دینار بۆ 140 هەزار دینار بوو، نەوتی كەركوك بە 125 هەزار دینار بوو، نەوتی بازیان بە 130 هەزار دینار بوو.

دروستبوونی خۆپیشاندانەكانی عیراق و ناردنی نەوت لە بەغداوە بۆ هەرێم، كاریگەری زۆری لەسەر دۆخی سیاسی و ئابووری وڵات هەبوو، لەو چوارچێوەیەشدا كاریگەری لەسەر دابەزینی نرخی نەوت بووە.

بەردەوام بە لە خوێندنەوە

کوردستان