ئێمە لە تۆرە کۆمەڵایەتیەکان

هەواڵەکان

یەریڤان گۆرانی (یارانم)ی بڵاوکردەوە

خێزان

خانمە هونەرمەند یەریڤان نورەدین نوێترین ڤیدیۆ کلیپی خۆی بەناوی (یارانم) بڵاوکردەوە.

دیاری کوردۆ، دەرهێنەری کارە نوێکە لەو بارەیەوە بە ڕایگەیاندوە”بەرهەمە نوێکە هونەرمەند مەریوان سەفائەدین میوزیکی بۆ داناوە و مۆرکێکی هەڵەبجەیی پێوە دیارە و گۆرانییەکەش هەر بۆ ئەو شارە وتراوە.״

دیاری کوردۆ وتیشی: ״بەرهەمە نوێکە باس لە ساڵانی حەفتاکان و هەشتاکانی هەڵەبجە دەکات پێش ڕووداوی کیمیاباران و کلیپەکەش هەر لەو شارەدا وێنەی دەگیرێت، کاری بەرهەمهێنانی کارەکەش لە لایەن کۆمپانیای سومەیت پڕۆدەکشنەوە ئەنجام دراوە.״

هونه‌رمه‌ندی لاو یه‌ریڤان نووره‌دین له‌ ساڵی 1991 له‌ شاری سلێمانی له‌ دایك بووه‌ و سه‌ره‌تاش به ‌هۆی به‌شداریكردنی له‌ درامای گه‌رده‌لوول و گۆرانیوتنی له‌و درامایه‌دا ناسرا.

ریکلام

هەواڵەکان

بانە داوای جیابونەوە دەکات

خێزان

کچە گۆرانیبێژ بانە شیروان نوێترین بەرهەمی خۆی بەناوی (لێم جیابەرەوە) بڵاوکردەوە.

بەرهەمە نوێکەی بانە شیروان لە تێکستی بانەیە و  یەکەم کاریەتی کە خۆی هۆندراوەی بۆنوسیبێت، کاری موزیکەکەشی لەلایەن  سیامەندەوە ئەنجام دراوە و دارین ناسر کاری وێنەگرتنی بۆ کردووە.

بانە شیروان فاتح لە ساڵی 2001   لە شاری سلێمانی لەدایکبووە، یەکەم دەرکەوتنی بانە لە بەرنامەی تەلەڤیزیۆنی کورد ئایدڵ بوو کە لە کەناڵی کوردسات  پەخشکرا و توانی لەو بەرنامەیەدا بگاتە قۆناغی ڕاستەوخۆ و کۆتایییەکان و ناوبانگ پەیدا بکات.

بەردەوام بە لە خوێندنەوە

هەواڵەکان

کۆمسای لە بارەی دیمەنی ماچکردن لە کلیپە نوێکەیدا هاتە دەنگ: ئەوان هاوسەری یەکترن

خێزان

هونەرمەند کۆمسای لە بارەی دیمەنی ماچکردن لە کلیپە نوێکەیدا هاتە دەنگ و ئاماژە بەوە دەدات کە ئەوان هاوسەری یەکترن.

هونەرمەند کۆمسای نوێترین ڤیدیۆ کلیپی خۆی بڵاوکردەوە کە تێیدا دوو ئەکتەر ماچی یەکدی دەکەن و ئەوەش لە تۆڕە کۆمەڵایەتیەکان دەنگدانەوەی هەبوو.

هونەرمەند کۆمسای لەوبارەیەوە وتی”سەرم سوور ئەبێ ماچێکی خوشەویستی و عاشقانەی دوو ھاوسەر ئەوەندە ناپەسەندە ناوی بنن فەساد ئەو شتەی لە نێوان دوو خوشەویست و ھاوژین ڕۆژانە روو دەدا”

کۆمسای وتوشیەی”بەلام گورانی بە سەر و بالای حەساسی ژن ھەڵ کووتن و شەڕە بەند و جنێو و بێ ریزی پیس بە یەک تر لاتان پەسەندە و پێ خوشحال ئەبن و تەزبیحی بۆ دەسۆرێنن؟”

بەردەوام بە لە خوێندنەوە

هەواڵەکان

چیرۆکی نیان بخوێنەرەوە، ئەو کچە کوردەی بۆتە گەڕیدە و وڵاتانی جیهان دەگەڕێت

خێزان

نیان بابانی (٢٩ ساڵ) خانمێکی کوردە و وەک خۆی دەڵێت بۆتە گەڕیدە و وڵاتانی جیهان دەگەڕێت و دواتر چیرۆکی گەشتەکانی بڵاودەکاتەوە.

 

نیان لەبارەی خۆیەوە وتویەتی”من لە شاری سلێمانی و لە گەڕەکی سابونکەران لە دایک بووم، ئێستا لە ئەمەریکا دەژیم و لە تەمەنی ٨ ساڵییەوە هاتوومەتە ئەم وڵاتە، بە هۆی ئەوەی خۆم زۆر حەزم بە گەشتکردن و گەڕانی وڵاتان بوو بڕیارم دا ئەو ئەزموونەی خۆم لە ڕێگەی ڤلۆگی تایبەتی خۆمەوە بۆ خەڵکیش بگوازمەوە، بۆیە لە زۆرێک لەو وڵاتانەی گەشتی بۆ دەکەم دیمەنە سەیر و جیاوازەکان تۆمار دەکەم و لە یوتیوب و فەیسبووک و ئینستاگرام بڵاویان دەکەمەوە و بینەرێکی زۆریان هەیە، تا ئێستاش گەشتم بۆ ٢٠ وڵاتی جیاواز کرد و هەریەکە و جوانی و تایبەتمەندیی جیاوازی خۆی هەبووە، بەڵام بە ڕای من لەناو ئەو وڵاتانەی گەشتم بۆ کردووە تایلەند خۆشترینینا بووە، چونکە کەشوهەوایەکی جیاواز و سروشتێکی ئێجگار جوانی هەیە”

نیان  لەبارەی کوردستانەوە دەڵێت”بە دڵنیاییەوە هەمیشە وڵات و نیشتیمان خۆشەویستیی تایبەتی هەیە و زۆر حەز دەکەم لە ئاییندەیەکی نزیکدا بگەڕێمەوە کوردستان بە تایبەت کە من خزم و کەسم لێرە زۆرە، بەو هیوایەم لەمساڵدا ئەو دەرفەتەم بۆ بڕەخسێت و بتوانم بگەڕێمەوە، دەشمەوێت ئەم جارە کە گەڕامەوە کوردستان زیاتر کار لەسەر نیشاندانی شار و شارۆچکە و لایەنە جوان و سەرنجڕاکێشەکانی بکەم و ڤلۆگیان لەسەر درووست بکەم”

ئەو لەبارەی قورسی کارەکەیەوە وەک کچێک دەڵێت”بە داخەوە ئەوەی سەرنجم داوە لە کۆمەڵگەی ئێمەدا زۆر شت عەیبەیە بۆ خانمان و ڕێگرن لە زۆر شت، بەڵام من هەم بە کاری فۆتۆگرافیی خۆم هەم بە کاری ڤلۆگ و گەشتەکانم دەمەوێت پیشانی بدەم کە هیچ جیاوازییەکی جێندەری بوونی نییە و ئەوەی پیاو دەیکات خانمانیش دەتوانن ئەنجامی بدەن”

نیان ئامۆژگاری خانمانی کوردیش دەکات و دەڵێت”من تاکە ئامۆژگاریم بۆیان ئەوەیە کە بڕوا و متمانەیان بە خۆیان هەبێت و ئەوەی لە مێشکیاندایە هەوڵی بۆ بدەن و دڵنیا بن ڕۆژێک هەر دەتوانن پێی بگەن، خۆشبەختانە ئێستا دەبینم خانمانێکی زۆریش توانیویانە ئەو کارە بکەن و وەک پیاوان سەرکەوتوو بن لە بوارە جیاوازەکانی ژیانیاندا، ئەوەی گرنگە ئەوەیە ئەمە ببێتە کولتوورێک و تەنها لەبەر جیاکاریی ڕەگەزی ڕێگری نەکرێت لە هاتنەپێشەوەی خانمان”

بەردەوام بە لە خوێندنەوە

کوردستان