ئێمە لە تۆرە کۆمەڵایەتیەکان

کوردستان

پەڕلەمانی كوردستان: لە جەژندا هەرێمەكەمان لەهەموو كات زیاتر پێویستی بەیەكڕیزی هەیە

خەڵك – بەشی هەواڵ
سەرۆكایەتی پەڕلەمانی كوردستان بەبۆنەی هاتنەوەی جەژنی قوربانی پیرۆزەوە پەیامێكی پیرۆزبایی ئاڕاستەی موسڵمانان كرد و ڕایدەگەیەنێت، هەرێمەكەمان ئەمڕۆ لەهەموو كات زیاتر پێویستی بەیەكڕیزی و برایەتی و تەبایی و پێكەوەژیان و لێبووردەیی هەیە، هیوادارین جەژن ببێتە فاكتەرێك بۆ گەیشتن بەم ئامانجە پیرۆزە.

سەرۆكایەتی پەڕلەمانی كوردستان لە پەیامەكەیدا ڕایگەیاندووە، بەبۆنەی هاتنەوەی ئەم جەژنەوە گەرمترین پیرۆزبایی لە موسڵمانانی هەرێمی كوردستان بەتایبەتی و عیراق و جیهان بەگشتی دەكەین، پیرۆزباییش لە حاجیانی كوردستان دەكەین و لەخوای گەورە داواكارین عیبادەت و ئەنجامدانی فەریزەی حەجی ئەمساڵیان قبوڵ بكات.

ڕاشیگەیاندووە، بە ئومێدی ئەوەی ئەم جەژنە ببێتە مایەی خێر و خۆشی و بەختەوەری بۆ هەموولایەك و هەرێمی كوردستانیش لە پێشكەوتن و ئارامی و خۆشگوزەرانی بەردەوام بێت.

دەقی پەیامەكە:
بەبۆنەی هاتنەوەی جەژنی قوربانی پیرۆزەوە گەرمترین پیرۆزبایی لە موسڵمانانی هەرێمی كوردستان بەتایبەتی و عێراق و جیهان بەگشتی دەكەین، هەروەها پیرۆزبایی لە حاجیانی كوردستان دەكەین و لەخوای گەورە داواكارین عیبادەت و ئەنجامدانی فەریزەی حەجی ئەمساڵیان قبوڵ بكات.
بەئومێدی ئەوەی كە ئەم جەژنە ببێتەمایەی خێرو خۆشی و بەختەوەری بۆ هەموولایەك و هەرێمی كوردستانیش لە پێشكەوتن و ئارامی و خۆشگوزەرانی بەردەوام بێت.
هەرێمەكەمان ئەمڕۆ لەهەموو كات زیاتر پێویستیی بەیەكڕیزی و برایەتی و تەبایی و پێكەوەژیان و لێبووردەیی هەیە، هیوادارین جەژن ببێتە فاكتەرێك بۆ گەیشتن بەم ئامانجە پیرۆزە.
هەر بەم بۆنەیەوە پیرۆزباییەكی گەرم لە خانەوادەی سەربەرزی شەهیدان و پێشمەرگە و ئاسایش و پۆلیس و تەواوی كارمەندانی ناوخۆو تەندروستی و هەموو ئەو بەڕێزانە دەكەین كە لە رۆژانی جەژندا دوور لەخانەوادەو كەس و كاریان لە خزمەت ئاسوودەیی و پاراستنی ژیانی هاووڵاتییاندان.
دووبارە جەژن لەهەموو لایەك پیرۆزبێت و هەر لەخۆشی بەختەوەریدابن.
سەرۆكایەتیی پەرلەمانی كوردستان
10ی ئابی 2019

کوردستان

هاتووچۆی سۆران بۆ ماوەی یەك هەفتە دەوام و مامەڵە ڕادەگرێت

خەڵك – بەشی هەواڵ
بەڕێوەبەرایەتی هاتووچۆی سۆران لە سبەینێوە بۆ ماوەی یەك هەفتە دەوام ڕادەگرێت.

ئەمڕۆ شەممە، بەڕێوەبەرایەتی هاتووچۆی سۆران لە ڕاگەیەندراوێكدا داوای لە هاووڵاتییان كرد لە سبەینێوە سەردانی بەڕێوەبەرایەتییەكەیان نەكەن بۆ ڕاییكردنی مامەڵەكانیان، هۆكارەكەشی بۆ گواستنەوەی بەڕێوەبەرایەتییەكە بۆ بینای نوێ گەڕاندەوە.

دەقی راگەیەندراوکە:
ئاگاداری هاووڵاتییانی خۆشەویست دەکەینەوە کە لە بەیانی رۆژی یەکشەممە ڕێکەوتی ١٢ / ٧ / ٢٠٢٠ تاکو رۆژی یەکشەممەی داهاتوو ڕێکەوتی ١٩/ ٧ / ٢٠٢٠ بە هیچ شێوەیەک سەردانی بارەگای بەڕێوەبەرایەتی هاتووچۆی سۆران نەکەن چونکە بۆ ماوەی یەک هەفتە رایکردنی مامەلەی سەرجەم هاووڵاتییان لە بەرێوەبەرایەتیەکەمان رادەگیرێت بە هۆی گواستنەوەی بارەگای بەرێوەبەرایەتیەکەمان بۆ باڵەخانەی (بینای) نوێی، وەک دەرکردن و نوێکردنەوەی مۆڵەت ، پشکنینی ئۆتومبێل ، هتد… ، بۆیە داوا لەو هاووڵاتییانە دەکەین کە کاری مامەڵەی نوێکردنەوە و دەرهێنانی مۆڵەت ، پشکنینی ئۆتۆمبێل ، تاقیکردنەوەی میکانیک ـ تورای رەمپە ، گەراج ، ناوشار ـ خولی وانەگوتنەوەی مۆڵەت یان هەر مامەڵەیەکی تریان لە بەرێوەبەرایەتی هاتووچۆی سۆران بە سەرجەم بەش و هۆبەکان هەیە لە بەیانی رۆژی یەکشەممە ١٢ / ٧/ ۲۰۲۰ تاکورۆژی یەکشەممەی داهاتوو ١٩ / ٧ / ۲۰۲۰ بەڕێکردنی مامەڵەی هاووڵاتییان رادەگیرێت بە هەموو شێوەیەک بۆیە لەماوەی دیارکراو سەردانی بەرێوەبەرایەتیەکەمان نەکەن.

بەردەوام بە لە خوێندنەوە

کوردستان

تووشبوویەكی دیكەی كۆرۆنا لە گەرمیان گیانی لە دەست دا

خەڵك – بەشی هەواڵ
ئەمڕۆ شەممە، تووشبوویەكی پەتای كۆرۆنا لە گەرمیان گیانی لە دەست دا.

ئەو هاووڵاتییە ئەفسەر بوو لە پۆلیسی نەوت و گازی گەرمیان و تەمەنی 40 ساڵە.

لە ماوەی 12 كاتژمێری ڕابردوودا ئەمە سێیەم حاڵەتی مردنی تووشبووانی كۆرۆنایە كە لە گەرمیان تۆمار كرابێت.

شەویش ڕابردووش دوو تووشبوو كە تەمەنیان 40 و 50 ساڵ بوو، لە گەرمیان گیانیان لە دەست دا.

ئەمڕۆش قایمقامیەتی شارۆچكەی سەیدسادق گیانلەدەستدانی تووشبوویەكی كۆرۆنای ڕاگەیاند.

بەردەوام بە لە خوێندنەوە

کوردستان

ژووری ئۆپەراسیۆنی گەرمیان شەش بڕیاری دەركرد

خەڵك – بەشی هەواڵ
ئیدارەی گەرمیان بڕیاری دا لە سبەینێوە بە لەبەرچاوگرتنی ڕێكارە تەندروستییەكان، دەوامی فەرمانگە و دامودەزگا حكومییەكان دەستپێبكاتەوە.

ئەمڕۆ شەممە، ژووری ئۆپەراسیۆنی ئیدارەی گەرمیان كۆبووەوە و ئەم شەش بڕیاری دەربارەی ڕێخستنەوەی دەوام و كردنەوەی بازاڕەكان لە دۆخی كۆرۆنادا دەركرد :

1-ده‌وامی فه‌رمانگه‌ و داموده‌زگاكانی حكومه‌تی هه‌رێم له‌ سبه‌ینێ (12/7/2020) وه‌ به‌ له‌به‌رچاوگرتنی خۆپارێزی و شێوازی ته‌ناوبی ده‌وام به‌ڕێژه‌ی 30% ی فه‌رمانبه‌ران ده‌ستپێده‌كات و هه‌فتانه‌ له‌ رۆژی یه‌كشه‌مه‌ تا چوارشه‌ممه‌ ده‌وام ده‌كرێت، هه‌ر هاوڵاتیه‌كیش كه‌ سه‌ردانی فه‌رمانگه‌كان ده‌كات رێكاری خۆپارێزی نه‌گرێته‌به‌ر مامه‌ڵه‌كه‌ی راییناكرێت.

2-كردنه‌وه‌ی بازاڕ و شوێنه‌ گشتییه‌كان و ماركێت و كافتریا و چێشتخانه‌ و چایخانه‌ و هۆڵه‌كانی له‌شجوانی و مه‌له‌وانگه‌ و سه‌رجه‌م شوێنی كاره‌كان، به‌ گرتنه‌به‌ری رێكاری توندی خۆپارێزی، هه‌ر شوێنێكیش خۆپارێزی نه‌كات داده‌خرێت، بۆ ئه‌و مه‌به‌سته‌ش لیژنه‌كانی چاودێری ته‌ندروستی و قایمقامیه‌ته‌كان چاودێری ورد ده‌كه‌ن.

3-مزگه‌وت و شوێنه‌ ئاینییه‌كان و پرسه‌ و هۆڵ و جێگای بۆنه‌ی كۆمه‌ڵایه‌تی به‌ داخراوه‌یی ده‌مێننه‌وه‌.

4-هاتوچۆی هاوڵاتیان و گه‌شتیاران له‌ نێوان ئیداره‌ی گه‌رمیان و پارێزگاكانی عێراق و مه‌رزی په‌روێزخان، به‌ داخراوه‌یی ده‌مێنێته‌وه‌.

5-ده‌سه‌ڵاتی ته‌واو ده‌درێت به‌ قایمقامه‌كان به‌ له‌به‌رچاوگرتنی بارودۆخی سنوری یه‌كه‌ی ئیدارییان بڕیاری زیاتر ده‌ربكه‌ن.

6-ژووری ئۆپه‌راسیۆنی ئیداره‌ی گه‌رمیان داوا له‌ هاوڵاتیانی خۆشه‌ویستی سنوره‌كه‌ ده‌كات بارودۆخی مه‌ترسیداری گه‌رمیان له‌به‌رچاوبگرن و خۆپارێزی بكه‌ن، ئه‌وه‌ش له‌ پێناو پاراستنی ته‌ندروستی خۆیان و هاوڵاتیان.

بەردەوام بە لە خوێندنەوە

کوردستان