ئێمە لە تۆرە کۆمەڵایەتیەکان

ڕاپۆرت و شیکاری

ڕیکۆرده‌کان چین؟ له‌ وه‌رزی نوێی خولی ئینگلته‌را ڕه‌نگه‌(١٠) ڕیکۆردی مێژوویی تۆمار بکرێت

خه‌ڵک سپۆرت

بڕیاره‌ سبه‌ینێ ململانێکانی وه‌رزی ٢٠١٩/٢٠١٠ی خولی ئینگلته‌را به‌ یاریی نێوان لیڤه‌رپوڵ و نۆریچ سیتی له‌ یاریگای ئه‌نفێڵد ڕۆدز ده‌ستپێبکاته‌وه‌.

ناودارانی خوله‌که‌ و یانه‌کان له‌به‌رده‌م تاقیکاری به‌هێزدان و له‌هه‌مان کاتدا به‌درێژایی وه‌رز ده‌توانن چه‌ندین ڕیکۆرد و ژماره‌ی پێوانه‌یی مێژوویی تۆمار بکه‌ن، که‌ گرنگترینیان ئه‌مانه‌ن:

  • ئه‌گه‌ر موحه‌مه‌د سه‌ڵاحی میسڕی بۆ جاری سێیه‌م له‌سه‌ریه‌ک نازناوی گۆڵکاری خوله‌که‌ به‌ده‌ست بهێنێت، ده‌چێته‌ ڕیزی ئه‌فسانه‌کانی ئالان شیره‌ر و تێری هێنرییه‌وه‌.
  • ئه‌گه‌ر سێرجیۆ ئه‌گوێرۆی ئه‌رجه‌نتینی یه‌ک هاتریک تۆمار بکات، ده‌چێته‌ لوتکه‌ی ڕیزبه‌ندی ئه‌و هێرشبه‌رانه‌ی به‌درێژایی خوله‌که‌ زۆرترین هاتریکیان تۆمار کردووه‌ (١٢ هاتریک) و پێش ئالان شیره‌ری ئه‌فسانه‌ ده‌که‌وێت (شیره‌ر ١١ هاتریکی تۆمار کردووه‌).
  • ئه‌گه‌ر ئه‌گوێرۆ (١٤) گۆڵ تۆمار بکات، ئه‌وا له‌ پله‌ی شه‌شه‌می گۆڵکاره‌ مێژوویه‌کانی پریمه‌رلیگه‌وه‌ بۆ پله‌ی چواره‌م باز ده‌دات (١٦٤ گۆڵی تۆمات کردووه‌).
  • سێرجیۆ ئه‌گوێرۆ و هاری که‌ین هه‌ریه‌که‌یان هاوشانی ستیفن جێرارد خاوه‌نی شه‌ش خه‌ڵاتی هه‌فتانه‌ی پریمه‌رلیگن، هه‌ر یه‌کێک له‌م دوو هێرشبه‌ره‌ خه‌ڵاتی هه‌فتانه‌ وه‌ک باشترین یاریزان به‌ده‌ست بهێنێت ده‌چێته‌ پله‌ی یه‌که‌می ڕیزبه‌ندیه‌که‌وه‌.

  • به‌تۆمارکردنی (٢٠) گۆڵ ئه‌گوێرۆ ده‌بێته‌ گۆڵکاری تاک یانه‌ی مێژووی خولی ئینگلیزی (به‌درێسی یه‌ک یانه‌وه‌)، له‌کاتێکدا واین ڕونی به‌درێسی مان یونایتده‌وه‌ ١٨٣ گۆڵی تۆمار کردووه‌.

  • گواردیۆلای ڕاهێنه‌ری ئیسپانی ئه‌گه‌ر بۆ جاری سێیه‌م له‌سه‌ریه‌ک نازناوی خولی ئینگلیزی به‌ده‌ست بهێنێت،هاوتای سێر ئه‌لێکس فێرگسۆنی ئه‌فسانه‌ی ڕاهێنه‌ری خوله‌که‌ ده‌بێته‌وه‌.
  • گواردیۆلا ده‌توانێت به‌کۆکردنه‌وه‌ی ١٠٠ خاڵ له‌ که‌مترین ماوه‌دا ڕیکۆردی سه‌رده‌می مۆرینیۆی چێڵسی بشکێنێت، که‌ له‌کۆی ١٤٢ ڕووبه‌ڕوبونه‌وه‌ توانیبووی ١٠٠ خاڵ کۆبکاته‌وه‌، گواردیۆلا خاوه‌نی ٨٧ خاڵه‌ له‌ ١١٣ ڕووبه‌ڕوبونه‌وه‌دا.
  • جه‌یمس میڵنه‌ری ئه‌ستێره‌ی لیڤه‌رپوڵ تائێستا ٥١٦ یاریی له‌ خولی شێره‌کان ئه‌نجامداوه‌ و له‌پله‌ی شه‌شه‌می ئه‌و یاریزانانه‌دایه‌ که‌ زۆرترین یارییان له‌ خوله‌که‌دا کردووه‌، به‌ ٢٠ ڕووبه‌ڕوبونه‌وه‌ی تر ده‌توانێت به‌سه‌ر گاری سپیدی ئه‌فسانه‌دا باز بدات و بچێته‌ پێنجه‌می ڕیزبه‌ندیه‌که‌وه‌.
  • جۆ هارتی گۆڵپارێزی بێرنڵی پێویستی به‌وه‌یه‌ له‌یه‌ک ڕووبه‌ڕوبونه‌وه‌دا گۆڵه‌که‌ی به‌ خاوێنی بهێڵێته‌وه‌، له‌و حاڵه‌ته‌دا به‌کۆی ١٢٧ یاریی کلین شیت ده‌چێته‌ ڕیزبه‌ندی ئه‌و (١٠) گۆڵپارێزه‌ی زۆرترین ماوه‌ پارێزگاریان له‌ گۆڵه‌که‌یان کردووه‌.
  • ده‌یڤید سیلڤای ئیسپانی به‌ دروستکردنی ١١ گۆڵ ڕیکۆرده‌که‌ی دینیس بێرکامپی هۆڵه‌ندی هاوتا ده‌کاته‌وه‌ و ده‌چێته‌ پێنجه‌می ڕیزبه‌ندی ئه‌و یاریزانانه‌ی زۆرترین ئه‌سیستیان له‌ خولی ئینگلیزیدا تۆمار کردووه‌ (سیلڤا ٨٣ ئه‌سیستی هه‌یه‌ و بێرکامپ گه‌یشتۆته‌ ٩٤).

ڕاپۆرت و شیکاری

ئەو (١٠) یاریزانەی لەبازاڕی گواستنەوەکاندا بەشێوەیەکی خەیاڵی نرخیان زیادی کردووە !

خەڵک سپۆرت

وادەی گواستنەوەکانی هاوینەی ٢٠١٩ لەزۆرینەی وڵاتانی ئەوروپا بەردەوامە و یاریزانان تا ئەم ساتە نرخیان لە هەڵکشان و داکشاندایە، بەڵام بەشێوەیەکی گشتی (١٠) یاریزان بەرزبونەوەی بەرچاو لە نرخیاندا ڕوویداوە.

نرخی یاریزانان بەپێی تەمەن و ڕەگەزنامە و ئەو یانایەی یاریی بۆ دەکات و ئاستی ئێستا و وەرزی ڕابردوو و گرنگی پێدانی لەلایەن میدیاکان و هێزی لە تۆڕە کۆمەڵایەتیەکان گۆڕانکاری بەسەردا دێت، هەر کاتێک ئەم فاکتەرانە بەهێزتر بوون ئەوا نرخەکانیش بەرزبونەوە و هەڵکشان بەخۆیانەوە دەبینن.

لەم وەرزەدا جواو فیلێکسی پورتوگالی ئەستێرەی یانەی ئەتلەتیکۆ مەدرید لە لوتکەی ئەو یاریزانانەدا بووە کە نرخیان زیادی کردووە، ناوبراو لەنێوان وەرزی ڕابردوو بۆ ئەم وەرزە نرخی ڕاستەقینەی لە (١٢) ملیۆنەوە بۆ (٧٠ ملیۆن) بەرزبۆتەوە، واتا بڕی ٥٨ ملیۆن زیادی کردووە، هەروەها سادیۆ مانێی سەنیگالی ئەستێرەی یانەی لیڤەرپوڵ یەکێکە لەو یاریزانانەی بەشێوەیەکی شێتانە نرخی بەبڕی (٤٥ ملیۆن) بەرزبونەوەی بەخۆیەوە بینیوە.

ئەمەش لیستی ئەو یاریزانانەن کە نرخیان زۆر زیادی کردووە (نرخەکان تایبەتن بە ترانسفێر مارکێت، ئەوەش نرخی ڕاستەقینەی یاریزانانە، بەڵام لە حاڵەتی گواستنەوەی بەرەو یانەیەکی تر نرخەکان زیاتر دەبن ئەوەش لەبەرئەوەی یانە کڕیارەکان زیاتر ململانێ دەکەن بۆ دابینکردنی و هاوشێوەی زیادکردنی ئاشکرا نرخەکان بەرز دەکەنەوە):

  • جواو فیلێکس (ئەتلەتیکۆ مەدرید): لە ١٢ ملیۆنەوە نرخی بووە بە ٧٠ ملیۆن، بڕی ٥٨ ملیۆن زیادی کردووە
  • سادیۆ مانێ (لیڤەرپوڵ): نرخی لە ٧٥ ملیۆنەوە بووە بە ١٢٠ ملیۆن، واتا ٤٥ ملیۆن زیادی کردووە
  • بێرناردۆ سیلڤا (مانچستەر سیتی): نرخی لە ٦٥ ملیۆنووە بووە بە ١٠٠ ملیۆن، واتا ٣٥ ملیۆن زیادی کردووە
  • ئەلیکساندەر ئاڕنۆڵد (لیڤەرپوڵ): نرخی لە ٤٥ ملیۆنەوە بووە بە ٨٠ ملیۆن، واتا ٣٥ ملیۆن زیادی کردووە
  • ڤینیسیۆز جونیۆر (ڕیاڵ مەدرید): نرخی لە ٣٥ ملیۆنەوە بووە بە ٧٠ ملیۆن، واتا ٣٥ ملیۆن زیادی کردووە
  • هۆدسۆن ئۆدۆی (چێڵسی): نرخی پێشووی سفر یورۆ بووە و ئێستا نرخەەی ٣٥ ملیۆنە، واتا ٣٥ ملیۆن نرخی زیادی کردووە
  • ئێڤەرتۆن: نرخی پێشووی حەوت ملیۆن بووە و ئێستا نرخەکەی ٤٠ ملیۆنە، واتا ٣٣ ملیۆن زیادی کردووە
  • جادۆن سانچۆ (دۆرتمۆند): نرخی پێشووی ٧٠ ملیۆن بووە و ئێستا نرخەکەی ١٠٠ ملیۆنە، واتا ٣٠ ملیۆن زیادی کردووە
  • ڕۆدری (مانچستەر سیتی): نرخی پێشووی ٥٠ ملیۆن بووە و ئێستا بایی ٨٠ ملیۆنە، واتا ٣٠ ملیۆن زیادی کردووە
  • هۆنگ مین سۆن (تۆتنهام): نرخی پێشووی ٥٠ ملیۆن بووە و ئێستا نرخەکەی ٨٠ ملیۆنە، واتا ٣٠ ملیۆن زیادی کردووە.
بەردەوام بە لە خوێندنەوە

ڕاپۆرت و شیکاری

(تۆپ ١٠) به‌پێی نوێترین لێکۆڵینه‌وه‌ مباپێ گرانبه‌هاترینی جیهانه‌ و مێسی هاتۆته‌ پله‌ی چواره‌م !

خه‌ڵک سپۆرت

سه‌نته‌ری لێکۆڵینه‌وه‌ نێوده‌وڵه‌تیه‌ وه‌رزشییه‌کانی سه‌ر به‌ یه‌کێتی تۆپی پێی جیهان (FIFA)، له‌ نوێترین لێکۆڵینه‌وه‌دا ده‌ریخستووه‌ که‌ کیلیان مباپێی فه‌ره‌نسی و موحه‌مه‌د سه‌ڵاحی میسڕی دوو گرانبه‌هاترین یاریزانن له‌ جیهانی تۆپی پێدا.

لێکۆڵینه‌وه‌ فه‌رمییه‌کانی (CIES Football Observatory) پشتبه‌ست به‌ داتا به‌ده‌ستهاتووه‌کان له‌ بازاڕی گواستنه‌وه‌کان و ئاست و ته‌مه‌ن و ده‌ستکه‌وتی یاریزانان ده‌ریخستووه‌، که‌ له‌ئێستای میریکاتۆدا کیلیان مباپێی فه‌ره‌نسی گرانبه‌هاترین یاریزانی جیهانه‌.

سه‌یر له‌وه‌دایه‌، نرخی یاریزانان هه‌ڵکشان و داکشانی زۆری به‌خۆیه‌وه‌ بینیوه‌ و له‌نێوان ئه‌ستێره‌کاندا لیۆ مێسی ئه‌فسانه‌ که‌وتۆته‌ پله‌ی چواره‌مه‌وه‌ که‌ نرخه‌که‌ی به‌ (١٥٠ بۆ ٢٠٠) ملیۆن خه‌مڵێنراوه‌، هه‌روه‌ها کریستیانۆ ڕۆناڵدۆی پورتوگالی له‌ ڕیزبه‌ندی (٢٠) گرانبه‌هاترینه‌که‌ی جیهاندا ده‌که‌وێته‌ پله‌ی بیسته‌وه‌ و نرخه‌که‌ی به‌ (١١٨ ملیۆن یورۆ) هه‌ژمار ده‌کرێت.

یه‌کێکی تر له‌ گۆڕانکارییه‌ گه‌وره‌کان به‌سه‌ر نرخی محه‌مه‌د سه‌ڵاح و ڕه‌حیم ستێرلینگدا هاتووه‌ و دوای هه‌ڵکشانێکی دارایی گه‌وره‌ نرخیان گه‌یشتۆته‌ سه‌رو (٢٠٠ ملیۆن).

ئه‌مه‌ش ڕیزبه‌ندی (١٠٠) گرانبه‌هاترین یاریزانی بواری تۆپی پێی جیهانه‌ به‌پێی لێکۆڵینه‌وه‌ و داتاکانی (CIES):

بەردەوام بە لە خوێندنەوە

ڕاپۆرت و شیکاری

(شاره‌زایان چاودێریان ده‌که‌ن) وه‌رزی نوێی خولی ئیسپانیا وه‌رزی شه‌ش یاریزانی به‌هره‌مه‌ند ده‌بێت

خه‌ڵک سپۆرت

وه‌رزی نوێی خولی ئیسپانیا ده‌ستی پێکردووه‌ و شاره‌زایانی بواری تۆپی پێ پێیان وایه‌ له‌م وه‌رزه‌دا شه‌ش ئه‌ستێره‌ی لاوی به‌هره‌مه‌ند جێده‌ستی خۆیان به‌سه‌ر ئه‌نجامه‌کانه‌وه‌ به‌جێده‌هێڵن.

به‌پێی ڕاپۆرتێکی تایبه‌تی ماڵپه‌ڕی “یورۆ”، شه‌ش یاریزانی به‌هره‌مه‌ند له‌م وه‌رزه‌دا چاوه‌ڕوانی ئاستێکی خه‌یاڵییان لێده‌کرێت، ئه‌و یاریزانانه‌ش پێکهاتوون له‌:

  • جواو فیلێکس: به‌بڕی ١٢٨ ملیۆن له‌یانه‌ی به‌نفیکای پورتوگالیه‌وه‌ په‌یوه‌ندی به‌ یانه‌ی ئه‌تله‌تیکۆ مه‌دریده‌وه‌ کردووه‌ و چاوه‌ڕوان ده‌کرێت ئاستێکی خه‌یاڵی پێشکه‌ش بکات.

  • لوکا یوڤیچ: به‌بڕی ٦٠ ملیۆن یورۆ له‌ یانه‌ی ئینتراخت فرانکفۆرتی ئه‌ڵمانیه‌وه‌ په‌یوه‌ندی به‌ یانه‌ی ڕیاڵ مه‌دریده‌وه‌ کردووه‌، شاره‌زایان پێیان وایه‌ ئه‌گه‌ر ئاستی ئاسایی خۆی پێشکه‌ش بکات ده‌بێته‌ ڕکابه‌رێکی به‌هێزی که‌ریم بنزیمه‌.

  • کارلیس ئالینیا: لاویکی به‌هره‌مه‌ندی یانه‌ی به‌رشلۆنه‌یه‌ و چه‌ند وه‌رزێکه‌ له‌گه‌ڵ پێکهاته‌ی یه‌که‌مدا یاریی ده‌کات، له‌گواستنه‌وه‌ی تۆپدا ناوازه‌یه‌ و چاوه‌ڕوان ده‌کرێت له‌ وه‌رزی نوێدا گرنگی و چانسی زیاتری پێبدرێت.

  • ڤینیسیۆز جونیۆر: گه‌وهه‌ره‌که‌ی سیلیساو له‌م وه‌رزه‌دا له‌پێکان گه‌ڕاوه‌ته‌وه‌ و به‌هۆی پێکانی مارکۆ ئاسینسیۆوه‌ چاوه‌روان ده‌کرێت چانسی یاریکردنی ته‌واوی پێبدرێت، ئه‌وه‌ش ڕێخۆشکه‌ر ده‌بێت بۆ زیاتر ده‌رکه‌وتنی له‌نێوان یاریگا ئه‌وروپیه‌کاندا.

  • دیێگۆ لاینز: له‌یانه‌ی ئه‌مریکای مه‌کسیکیه‌وه‌ په‌یوه‌ندی به‌ یانه‌ی ڕیاڵ بیتیسه‌وه‌ کردووه‌، گواستنه‌وه‌ی ته‌نها ١٢ ملیۆنی تێچووه‌، به‌ڵام چاوه‌ڕوان ده‌کرێت ئاستێکی ناوازه‌ پێشکه‌ش بکات.

  • ساموێل چوکویزی: ئه‌ستێره‌ لاوه‌که‌ی نایجیریا به‌درێسی ڤیاڕیاڵه‌وه‌ وه‌رزی ڕابردوو تواناکانی نیشانی ئیسپانیا دا، له‌م وه‌رزه‌دا چاوه‌روان ده‌کرێت له‌پێکهاته‌ی سه‌ره‌کیدا ده‌ربکه‌وێت و ئه‌وه‌ش چانسی ناوداربوونی پێده‌دات.

بەردەوام بە لە خوێندنەوە

کوردستان