ئێمە لە تۆرە کۆمەڵایەتیەکان

کوردستان

قائیمقامێتی سلێمانی، لەسەر سەربڕێنی ئاژەڵ لەنێو ماڵەكان ڕوونكردنەوە دەدات

خەڵك – بەشی هەواڵ

بەپێی یاسا دەبێت هەر ئاژەڵێك، كە سەردەبڕدرێت ببرێتە سەربڕخانەكان و لەژێر چاودێری پزیشكی ڤێتەرنەری سەرببڕدرێت.

گۆران قادر، سەرۆكی لیژنە هاوبەشەكانی قائیمقامیەتی سلێمانی بە(خەڵك)ی ڕاگەیاند، ڕێنماییان نییە، بەڵام بەپێی یاسا، هەر ئاژەڵێك كە سەردەبڕدرێت، دەبێت لەژێر چاودێری پزیشكی ڤێتەرنەری و سەربڕخانەكاندا بێت، چونكە لەوێ دڵنیایی تەواو لەخاوێنی و تەندروستی ئەو ئاژەڵە دەدرێت.

باسی لەئەوەشكرد، ناتوانن ڕێگری لەو هاوڵاتییانە بكەن كە دەیانەوێت لەماڵەكانی خۆیان ئاژەڵەكە سەرببڕن، چونكە ئەمە بابەتێكی ئاینییە.

کوردستان

پۆلیسێك كۆتایی بە ژیانی خۆی هێنا

خەڵك-بەشیهەواڵ

بەڕێوەبەرایەتی پۆلیسی دهۆك ڕایدەگەیەنێت، لە دهۆك گەنجێكی تەمەن 38 ساڵ كۆتایی بە ژیانی خۆی هێنا.

بەڕێوەبەرایەتی پۆلیسی دهۆك لە ڕاگەیەنراوێكدا ئاماژە بۆ ئەوە دەكات، دوێنێ هەینی 13-12-2019 گەنجێكی تەمەن 38 ساڵان كە دانیشتووی شاری دهۆكە لە ماڵەكەی خۆیدا خۆی هەڵواسی و گیانی لەدەستدا.

ئاشكرایدەكات، ئەو گەنجە ناوی (حسێن قادر)ە و پیشەی پۆلیسە، هاوكات پۆلیسی دهۆكیش لێكۆڵینەوە لە هۆكاری خۆكوژی ئەو پۆلیسە دەكات.

بەردەوام بە لە خوێندنەوە

کوردستان

سەرۆكی پەڕلەمان، داوا دەكات پەرە بە كەرتەكانی كشتوكاڵ و پیشەسازی و بازرگانی و گەشتوگوزار بدرێت

سلێمانی ـ نزار جەزا

سەرۆكی پەڕلەمانى كوردستان باس لەپشتبەستنی تەواو بەكەرتی نەوت دەكات، كە ڕۆژێك دێت ئەم كەرتە وێران دەبێت، بۆیە پێویستە كەرتەكانی گەشتوگوزار و كشتوكاڵ و پیشەسازی و بازرگانی بەهێزبكرێن.

ڕێواز فایەق سەرۆكی پەڕلەمانی كوردستان لەكۆنفڕانسێكی ڕۆژنامەوانیدا ڕایگەیاند، پەسەندكردنی پڕۆژەیاسای پاراستنی بەرهەمی خۆماڵی یەكێكە لەستراتیژەكانی ئەم خولەی پەڕلەمانی كوردستان، بۆیە هەر هەوڵێك بۆ پاراستنی بەرهەمی خۆماڵی هەبێت پاڵپشتی دەكەین.

ئاماژەی بەئەوەشدا، پاراستنی بەرهەمی خۆماڵی پەیوەندی بە ئاسایشی نەتەوەیی و ئابووری و مانەوەی كیانی كوردەوە هەیە، هەروەها پەیوەندی بە توانایەكی ئابوورییەوە هەیە، كە بەدەربێت لەنەوت.

باسی لەئەوەشكرد، دەتوانرێت كەرتەكانی دیكەی وەك كشتوكاڵ و پیشەسازی و بازرگانی و گەشتوگوزار پەرەپێبدرێت و بەهێزبكرێت.

ئەوەشی خستەڕوو، پشتبەستنی تەواو بە كەرتی نەوت، بەمانای ئەوەدێت كە ڕۆژێك دێت كۆتایی دێت و ئەم كەرتە وێران دەبێت، یان نرخی زۆر دادەبەزێت وەك ئەوەی لەساڵی 2014 ڕوویدا.

بەردەوام بە لە خوێندنەوە

ئابوری

یاسین مەحمود: داواكارین بە كەم سەیری پڕۆژەیاسای چاكسازی نەكرێت و لە گەورەیی و بایەخی كەم نەكرێتەوە

خەڵك-بەشی هەواڵ

 

وتەبێژی یەكێتی وەبەرهێنەرانی كوردستان ڕایدەگەیەنێت، پڕۆژە یاسای چاكسازی پڕۆژەیەكی گرنگ و پڕ بایەخە، ئەگەر حكومەت بتوانێت لە داهاتوودا جێبەجێی بكات.

یاسین مەحمود وتەبێژی یەكێتی وەبەرهێنەرانی كوردستان بە (خەڵك)ی ڕایگەیاند، ئەگەر ئەم پڕۆژەیە دوای ئەوەی ئاڕاستەی پەڕلەمان كراوە لەوێ جارێكی تر پێداچوونەوەی تێدابكرێت و چاكسازی لە خودی پڕۆژەكەدا بكرێت بەو ئاڕاستەیەی خەرجییەكانی هەرێمی كوردستان كەمبكاتەوە و ببێتە فاكتەری بەرزبوونەوەی داهاتی هەرێم، بە دڵنیاییەوە لە داهاتوودا سوودی گەورە لەو پڕۆژەیە دەبینین.

وتیشی”لەماوەی ڕابردوودا لە هەرێمی كوردستاندا ئیش بۆ ئەوە كراوە كە فەرمانبەران لە كەرتی گشتیدا دابمەزرێنرێن و ببێتە هۆی ئەوەی ئەو كەرتە زۆرترین مووچەخۆر و فەرمانبەر لەخۆی بگرێت، ئەمەش زیانی گەورەی لە كەرتی تایبەتداوە، هیوادارین لەدوای ئەو پڕۆژە چاكسازییەی بڕیارە پەڕلەمان خوێندنەوەی بۆ بكات و چاكسازی تر لەو پڕۆژەكەدا بكرێت، جارێكی تر پڕۆژەیەكی چاكسازی تر بۆ كەرتی تایبەت لە هەرێمی كوردستان بێتە كایەوە، بۆ ئەوەی ڕێگا خۆش بكات تا هەزاران هەلی كار لە كەرتی تایبەتدا دروست ببێت، چونكە ئەوەی گرنگە ئەوەیە ئێمە لەمەولا چۆن هەوڵ بدەین پڕۆژە چاكسازییەكان لەدوای ئەم پڕۆژەیە هێواش هێواش بێنە كایەوە، ئەگەر ئەم پڕۆژە چاكسازییەی ئێستا سەربگرێت بەدڵنیاییەوە مشتێك دەبێت لەو پڕۆژە چاكسازییانەی تر كە دەبێت هەرێم جێبەجێیان بكات، بەتایبەتی لەبواری بووژانەوەی ژێرخانی ئابووری كوردستاندا”.

ئاماژەی بۆ ئەوەش كرد، وەك یەكێتی وەبەرهێنەران داواكارین بە كەم سەیری ئەم پڕۆژەیە نەكرێت و لە گەورەیی و بایەخی كەم نەكرێتەوە، گرنگ ئەوەیە ئەم پڕۆژەیە ئەگەر بە ڕێژەی 50%یش ئامانجەكانی بپێكێت ئەوا كارێكی گەورەیە بۆ هەرێمی كوردستان، چونكە یەكەمجارە هەرێمی كوردستان بیر لەوە بكاتەوە بە واقعیی چاكسازی لە كەرتی گشتیدا بكات.
ناوبراو ئاشكراشیكرد، دوای ناردنی ئەم پڕۆژەیە بۆ پەڕلەمان، هەموو خەڵكی كوردستان دەزانێت كە پەڕلەمان بە وەرگرتنی ئەم پڕۆژەیە تووشی بەرپرسیارییەتییەكی مێژوویی گەورە دەبێتەوە، هیوادارین پەڕلەمانتارە بەڕێزەكان ئەم پڕۆژەی چاكسازییە بۆ بەرژەوەندی گشتی و دوور لە بیركردنەوەی تایبەتی حزبی بە ئاڕاستەیەكی باشدا ببەن، چونكە ئەم پڕۆژەیە هەموو ئەو خاڵانەی پەیوەستە بە چاكسازی لە دەرماڵە و مووچەی كەرتی گشتیدا و بە خۆشیانەوە كە پەڕلەمانتارن وایلێبكەن كە هاوشێوەی ئەو وڵاتانە بێت كە پێشكەوتنی گەورەیان بەخۆوە بینیوە.


یاسن مەحمود ڕاشیگەیاند، چەند ڕۆژێكە ئەو پڕۆژەیە دەخوێنمەوە و بۆم دەركەوتووە كە هەڵقوڵاوی یەكێك لە پڕۆژە چاكسازییەكانی وڵاتانی كەنداوە كە ئەویش (قەتەڕ)ە، ئەگەر پەڕلەمان ئەو پڕۆژەیە بەو واتایەی باسمان كردووە خوێندنەوەی بۆ بكات و بیكاتە پڕۆژە یاسایەكی واقعی و چاكسازی ڕاستەقینەی تێدابێت، دواجار لەلایەن سەرۆكی هەرێمەوە پەسەند كرا، بەدڵنیاییەوە كە كەوتە بواری جێبەجێكردنەوە بۆ حكومەتی هەرێمی كوردستان موجازەفەیەكی گەورە دەبێت، بەڵام لە هەمانكاتدا ئەگەر حكومەت بتوانێت ئەم پڕۆژەیە جێبەجێ بكات دەبێتە مێژوویەكی پڕ سەروەریی و مێژووییەكی سپی بۆ ئەم كابینەیەی حكومەتی هەرێمی كوردستان.

جەخت لەوەش دەكاتەوە، وەك وەبەرهێنەران خاڵە گرنگەكانی ئەم پڕۆژەیە كە دركمان پێكردووە ئەوەیە كە لەمەولا هەموو كەسێك خواستی نابێت بڕوات لەكەرتی گشتیدا كار بكات، خاڵیكی تریش جێگای دڵخۆشییە، ئەوەیە ئەگەر وەزارەتی كار و دەستەبەركردنی كۆمەڵایەتی لەگەڵ هەندێك لە وەزارەتەكان پێداچوونەوە بە یاسای كار و دەستەبەركردنی كاردا بكەن و یاسایەكی باش بهێننە كایەوە، كارمەند و كرێكار و كەسانی تریش ئەگەر بیانەوێت لە كەرتی تایبەتدا كاربكەن گرەنتییان بكرێت، ئەوكاتە ئەو پڕۆژەیە شانبەشانی پڕۆژەیەكی تر وادەكات كەرتی تایبەت لە هەرێمی كوردستان پێشكەوتنی گەورە بە خۆیەوە ببینێت.

              “جێبەجێكردنی یاسای چاكسازی موجازەفەیەكی گەورە دەبێت بۆ حكومەتی هەرێم”

ڕوونیشیكردەوە، خاڵیكی تری گرنگ ئەوەیە، لەمەولا لە هەرێمی كوردستان دەتوانین لەدوای ئەم پڕۆژەیەوە چەندین پڕۆژەی چاكسازی تر بهێنینە كایەوە و ئەم ترسە دەشكێت كە پێشتر هەبووە و نەماندەوێرا دەست بۆ پڕۆژەكانی چاكسازی ببەین، بەتایبەت لە سێكتەرەكانی گەشەكردنی ئابووری لە هەرێمی كوردستاندا، چونكە لە ئێستادا بەهۆی ئەوەی پڕۆژەكانمان لە سەردەمی ڕژێمی پێشوودا دەرچووێنراون یان دەیان كرچ و كاڵیان تێدایە و بووەتە هۆی بوونی گەندەڵی لە بواری ئابووریدا، ئەمەش وایكردووە ئابووری هەرێمی كوردستان نەچێتە پێشەوە.

وتەبێژی یەكێتی وەبەرهێنەرانی كوردستان دەشڵێت”پێشتر لە ترسی ڕازینەكردنی لایەنە سیاسییەكان نەماندەتوانی پڕۆژە یاسای لەو شێوەیەیە تێبپەڕێنین، بەڵام لە ئێستادا ئەگەر حكومەت و لایەنە سیاسییەكان و پەڕلەمان هاودەنگبن لەسەر ئەوەی پڕۆژە یاسای چاكسازی تێبپەڕێت، ئەوكاتە دەتوانین چەندین پڕۆژەی تر هەیە كە لەترسی وڵاتانی دراوسێ ناتوانین جێبەجێی بكەین كە تایبەتە بە ژێرخانی ئابووری هەرێمی كوردستان، بەتایبەتی پڕۆژە یاسای پاراستنی بەرهەمە خۆماڵییەكان، پڕۆژە یاساكانی بەكاربەر و پڕۆژە یاساكانی ئیستهلاك و پڕۆژە یاسای فلێزی و لا فلێزی و چەندینی تر هەیە كە ئێمە گومانمان نییە كە لەسەر داواكاری وڵاتانی درواسێ و ئەو وڵاتانەی هەرێمیان كردووەتە پێگەیەكی ئابووری بەهێز بۆ خۆیان، ئەم پڕۆژانە دەرنەچوون، لەدوای ئەم پڕۆژە یاسایەوە دەتوانین ئەو پڕۆژە یاسایانە هەمووی بهێنینە كایەوە، بۆ ئەوەی هەرێم سەرەڕای كەرتی گشتی دەست بۆ كەرتی تایبەتیش بەرێت.

بەردەوام بە لە خوێندنەوە

کوردستان