ئێمە لە تۆرە کۆمەڵایەتیەکان

ژینگە

داوا دەكرێت لە ڕۆژانی جەژندا پارێزگاری لە ژینگە بكرێت


خەڵك-ئارام سەردار

ئاسۆ شكاك بەڕێوەبەری ڕێكخراوی ئاڤیاری ژینگە لەكۆنفڕانسێكی ڕۆژنامەوانیدا ڕایگەیاند، بەمەبەستی پاراستنی ژینگە لە جەژنی قوربان و فڕێنەدانی پاشماوەی ئاژەڵی سەربڕاو، داوا لەهاوڵاتیان دەكەین ژینگە بپارێزن و ئاژڵەكانیان لە كوشتارگەی هاوچەرخی هەولێر سەرببڕن و گەشتیارانیش ناوچە گەشتیارییەكان لەپیسبوونیان بپارێزن.

لای خۆشیەوە فەرمان غەفوری بەڕێوەبەری خزمەتگوزاری و ژینگەپارێزی ڕایگەیاند، لەچەند ڕۆژی ڕابردوو هەڵمەتی پاككردنەوەی شار و شوێنە گشتی و گەشتیارییەكان دەستی پێكرد، بەڵام ئەوەی دەبێتە گرفت لە جەژن فڕێدانی پاشماوەی قوربانییەكانە، ئومێد دەكەین هاوڵاتیان پابەندی ڕێنماییەكان بن و لەكوشتارگەی هەولێر ئاژەڵەكانیان سەرببڕن نەوەك لەماڵەكان یاخود سەرشەقام.

دەشڵێت”بەفڕێدانی پاشماوەكان هاوڵاتیان لەجێگەی خێر گوناهێكی گەورە دەكەن، چونكە فڕێدانی پاشماوەكان دەبێتەهۆی بڵاوبوونەوەی چەندین نەخۆشی، بۆیە ئەگەر قوربانی لەماڵیش دەكەن، پاشماوەكان لەناو كیس هەڵبگڕن و بیبەن بۆ ئۆفیسی كۆمپانیاكانی پاككردنەوە یاخود پەیوەندی بكەن پێیان بۆ ئەوەی ئۆتۆمبێلی شارەوانی پاشماوەكانیان بۆ فڕێ بدات، هەركەسێك سەرپێچی بكات و پاشماوە فڕێ بدات، ئەوا لێپێچینەوەی توندی لەگەڵ دەكرێت.

ژینگە

لەگەڵ نزیكبوونەوەی هاوین نزمترین پلەی گەرما لە هەرێم تۆماركرا


خەڵك- بەشی هەواڵ
بەپێی ڕاپۆرتێكی كەشناسی هەرێم، ئەمڕۆ پلەكانی گەرما بەشێوەیەكی بەرچاو ڕوو لە نزمبوونەوە دەكەن و لە چەند ناوچەیەك پلەی گەرما بۆ 7 پلە دابەزی.

بەپێی ڕاپۆرتێكی كەشناسی هەرێم، “دوای ھاتنی بارستە ھەوایەكی فێنك بۆ سەر ناوچەكەمان كەوا پلەكانی گەرما بە نزیكەی ١١ تا ١٢ پلە نزم كردەوە بۆ سبەی بەیانی پێشبینی دەكەین نزمترین پلەكانی گەرما لە ھەندێ ناوچەی شاخاوی لە ژێر ١٠ پلەی سیلیزی بێت و سەنتەری پارێزگاكانیش لە ١٥ پلە نزیك دەبێتەوە”.

ئاشكراشی كردووە، كاریگەری ئەو بارستە ھەوایە فێنكەش سبەی كۆتای دێت و ڕۆژی چوار شەممە پلەكانی گەرما ڕوو لە بەرزبوونەوە دەكاتەوە .

جەختیشی كردۆتەوە، نزم بوونەوەی پلەکانی گەرما بەو ڕێژە زۆرە حالەتێکی دەگمەنە بە تایبەتی لەم وەرزە و مانگە.

هاوكات بەپێی خشتەیەك، كە كەشناسی بڵاویكردۆتەوە، ئەمڕۆ پلەی گەرما لە پێنجوێن لە سلێمانی و كانی ماسی لە دهۆك بۆ 7 پلە دابەزیوە.

بەردەوام بە لە خوێندنەوە

ژینگە

پلەکانی گەرما بەرز دەبنەوە


خەڵک ـ بەشی هەواڵ

تا سبەی کاریگەریی ئەو بارستە هەوا فێنکەی ناوچەکەی گرتووەتەوە دەمێنێ و لەڕۆژی چوارشەنەوە پلەکانی گەرما گۆڕانکاریی بەسەردا دێت و ڕوو لەبەرزبوونەوە دەکات.

بەپێی ڕاگەیەنراوی بەڕێوەبەرایەتی گشتی کەشناسی و بوومەلەرزەزانی هەرێم، دوای ھاتنی بارستە ھەوایەکی فێنک بۆ سەر ناوچەکە، کەوا پلەکانی گەرما بە نزیکەی 11 تا 12 پلە نزمکردەوە بۆ سبەی بەیانی پێشبینی دەکەن نزمترین پلەکانی گەرما لە ھەندێ ناوچەی شاخاوی لە ژێر 10 پلەی سیلیزی بێت .

ڕاگەیەنراوەکە، ئەوەی خستووەتەڕوو، سەنتەری پارێزگاکانیش پلەکانی گەرما لە 15 نزیک دەبێتەوە و کاریگەری ئەو بارستە ھەوا فێنکەش سبەی کۆتای دێت و ڕۆژی چوارشەممە پلەکانی گەرما ڕوو لە بەرزبوونەوە دەکاتەوە .

 

بەردەوام بە لە خوێندنەوە

ژینگە

گەشتوگوزاری هەرێم ؛ مەترسی كۆرۆنا زیاد نەكات دوای جەژن جوڵەی گەشتیاری دەست پێ دەكاتەوە


خەڵك – بەشی هەواڵ

وتەبێژی دەستەی گشتی گەشتوگوزاری هەرێم ڕایدەگەیەنێت ، دوو جەژنە كوردستان بێ گەشتیارە، چاوەرێین دەروازەی شارەكان بكرێنەوە ، تا بە شەپۆل گەشتیار بۆ كوردستان بێنەوە ، دەشڵێت،”ئەگەر مەترسی كۆرۆنا زیاد نەكات، مەزندە دەكرێت لە دوای جەژن جوڵەی گەشتیاری دەست پێ بكاتەوە”.

نادر ڕۆستی، وتەبێژی دەستەی گشتی گەشتوگوزاری هەرێم بە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، دەستەكە ئامادەكاری كردوە بۆ هێنانی گەشتیاری ناوخۆی عیراق بە ژمارەیەكی زیاتر لە ساڵەكانی ڕابردوو، چونكە ئەو گەشتیارانەی پارساڵ بۆ وڵاتانی بیانی گەشتیان دەكرد، ئەمساڵ ڕوو لەهەرێمی كوردستان دەكەن، بۆیە شەپۆلی هاتنی گەشتیاران زیاتر دەبێت.

ڕاشیگەیاندووە، دوو جەژنە كوردستان بێ گەشتیارە، چاوەرێین دەروازەی شارەكان بكرێنەوە، تا وەك پار بە شەپۆل گەشتیار بۆ كوردستان بێنەوە، بۆیە دەستەی گشتی گەشتوگوزار بەردەوامە لە هەوڵەكانی بۆ ئاسایی كردنەوەی جوڵەی گەشتیاری، ئەگەر مەترسی كۆرۆنا زیاد نەكات، مەزندە دەكرێ لە دوای جەژن جوڵەی گەشتیاری دەست پێ بكاتەوە.

بەردەوام بە لە خوێندنەوە

کوردستان