ئێمە لە تۆرە کۆمەڵایەتیەکان

کوردستان

ئاكرێ‌، بەهۆی ناكۆكی لەسەر زەوی كەسێك كوژرا و شەش كەسی تر برینداربوون

خەڵك- بەشی هەواڵ
سەرچاوەیەكی ئەمنی، ئاماژە بە كوژران و برينداربوونى شەش كەس دەكات بەهۆی ناكۆكی لەسەر زەوی لە قەزای ئاكرێی سەر بە پارێزگەی دهۆك،  بە وتەی سەرچاوەكەش، هێزەكانی ئاسایش ناوچەی پێكداهەڵپژانەكەیان گەمارۆداوە.

ئەمڕۆ شەممە، سەرچاوەیەكی ئەمنی بە میدیاكانی ڕاگەیاندووە”لە پێكداهەڵپژانێكدا لەسەر زەوی لە قەزای ئاكرێی سەر بە پارێزگەی دهۆك،كەسێك كوژرا و شەش كەسی تر برینداربوون، ناوچەی پێكداهەڵپژانەكەش لەلایەن هێزەكانی ئاسایشەوە گەمارۆدراوە”.

هەمان سەرچاوە، لە چوار شەممەی ڕابردوو ئاماژەی بە پێكداهەڵپژانی نێوان هێزەكانی ئاسایش و هاووڵاتیان كردبوو لە دهۆك.

بە وتەی سەرچاوەكە”پێكداهەڵپژان لەنێوان هێزەكانی پۆلیس و هاووڵاتیانی دانیشتووی گوندی كۆجاری سەر بە قەزای ئاكرێ‌ لە دهۆك، ڕویدا و بەو هۆیەوە دوو كەس لە هەردوولا برینداربوون، هۆكاریی پێكداهەڵپژانەكەش لەئەنجامی ناكۆكی بووە لەسەر بیرە نەوتێك لە گوندەكەدا”.

کوردستان

 

خەڵک-بەشی هەواڵ

حکومەتی هەرێم بڕیارە لە مانگی تشرینی یەکەمی ئەمساڵ، پڕۆژە یاسای بودجە ڕەوانەی پەڕلەمانی کوردستان بکات.

بەپێی زانیاریيەکانی (خەڵک)، حکومەتی هەرێمی کوردستان پڕۆژە یاسای بودجەی ئامادەکردووە و چاوەڕوان دەکرێ لە مانگی تشرینی یەکەمی ۲۰۱۹ واتە مانگی ۱۰ی ئەمساڵ پڕۆژە یاساکە ڕەوانەی پەڕلەمانی کوردستانی بکات.

پڕۆژە یاسای بودجەی هەرێمی پشتی بەستووە بە داهاتی نەوتی هەرێم و بەشە بودجەی هەرێم لەبەغدا، پێشتریش سەرچاوەیەک لەوەزارەتی دارایی و ئابوری هەرێم بە(خەڵک)ی ڕاگەیاند، ئەگەر پڕۆژە یاسای بودجە پەسەند بکرێت، پلە بەرزکردنەوەی فەرمانبەران دەست پێ دەکاتەوە.

لەئێستادا حکومەتی هەرێم و حکومەتی ناوەند پەیوەندييەکانیان لەئاستێکی زۆر باشدایە و چاوەڕوانیش دەکرێ ڕێککەوتنەکانی نێوانیان بەرەو قۆناغی باشتریش هەنگاوبنێ، بەتایبەت ڕێککەوتن لەسەر مەلەفی نەوت.

لەدوای قەیرانی دارایی و شەڕی تیرۆرستانی داعش لە ساڵی ۲۰۱٤ەوە، حکومەت نەیتوانی هیچ پڕۆژە یاسایەکی بودجە ئامادە بکات، دەسپێکی کابینەی نۆیەم حکومەت بڕیارە جارێکی تر حکومەت ببێتەوە بەخاوەنی یاسای بوودجە.

بەردەوام بە لە خوێندنەوە

کوردستان

سەرۆك شارەوانییەكانی ئامەد و مێردین و وان دوورخرانەوە

خەڵك –بەشی هەواڵ

پۆلیس بینای شارەوانییەكانی ئامەد، وان و مێردینی گەمارۆ داوە. وەزارەتی ناوخۆی دەوڵەتی توركیا ڕایگەیاند، ئەو ٣ هاوسەرۆك شارەوانەی لەسەر كارەكانیان دوورخستووەتەوە.

سەلجوق مزراكلی هاوسەرۆك شارەوانیی هەدەپەی گەورە شاری ئامەد، ئەحمەد تورك هاوسەرۆك شارەوانیی هەدەپەی گەورە شاری مێردین و بەدیعە ئۆزگۆكچە ئەرتان هاوسەرۆك شارەوانیی هەدەپەی گەورە شاری وان لە كارەكانیان دوورخراونەتەوە.

دوای ئەوەی مزراكلی هاوسەرۆك شارەوانیی ئامەد لە كارەكەی دوورخرایەوە، پۆلیس دەرگای بینای شارەوانیی گەورە شاری ئامەد-یان شكاند.

مزراكلی رایگەیاند، لەبارەی دوورخستنەوەی لەسەر كار هیچ ئاگاداركردنەوەیەكی بۆ ڕەوانە نەكراوە. ڕاشیگەیاند “كاتژمێر ٦ی ئەم بیانییە ١٩ی ئابی ٢٠١٩ دەرگای بینای شارەوانیی ئامەد-یان شكاندووە و چوونەتە ناو بیناكە. من تۆزێكیتر دەچم بۆ شارەوانی. ئەو دۆخە و ئەو كارە لە دژی مافەكان و یاساكانە. دەبێت مرۆڤ ئەو هەڵوێستە لە دژی شارەوانییەكانی هەدەپە وەك هەڵوێست لە دژی ئۆپۆزسیۆنی دیموكراتیك لێكبداتەوە. ئیرادەی گەل دەستی بەسەردا گیراوە”.
سەرچاوە/ANF

بەردەوام بە لە خوێندنەوە

کوردستان

پۆلیسی هەولێر دەستگیركردنی تۆمەتبارێكی هەڵاتووی ڕاگەیاند

خەڵك – بەشی هەواڵ

بەڕێوەبەرایەتی پۆلیسی هەولێر ڕایدەگەیەنێت، دوای هەڵاتنی تۆمەتبارێك لە كەركوكەوە بۆ هەولێر توانیویانە دەستگیری بكەن و ڕادەستی پۆلیسی ئەو پارێزگایەی بكەنەوە.

بەڕێوەبەرایەتی پۆلیسی هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، دوای هەڵاتنی تۆمەتبارێك لە پارێزگای كەركوك، كە بۆ ماوەی 15 ساڵ سزای زیندانی بۆ بڕابووەوە بەپێی ماددەكانی (٤٥٦، ٤٤۳، ۲٦۷)، ڕایكردبوو بۆ سنوری پارێزگای هەولێر، ئەمڕۆ یەكشەممە 18/8/2019 لەلایەن هێزەكانی بەڕێوەبەرایەتییەكەیانەوە تۆمەتبار دەستگیر كراوە.

ئاماژە بەوەشدراوە، دوای ئاگاداركردنەوەی پۆلیسی هەولێر لە ڕاكردنی ئەم تۆمەتبارە، تیمێك لە بەڕێوەبەرایەتی پۆلیسی هەولێر بەسەرپەرشتی (مقەدەم/ سالار ساڵح ئەحمەد) توانیویانە تۆمەتبارەكە دەستگیر بكەن و دواتر ڕادەستی پۆلیسی پارێزگای كەركوك بكەنەوە و نێردراوەتەوە بۆ پارێزگای كەركوك.

بەردەوام بە لە خوێندنەوە

کوردستان