ئێمە لە تۆرە کۆمەڵایەتیەکان

عێراق

تۆمەتباردەكرێت
وەڵامی عەبدولمەهدی بۆ پشتیگریی لە هەرێمی كوردستان

خەڵك- بەشی هەواڵ
سەرۆك وەزیرانی عیراق، وەڵامی ئەو تۆمەتانە دەداتەوە كە لەبارەی پشتگیریكردنی لە هەرێمی كوردستان بە بەراورد لەگەڵ پارێزگەكانی تری عیراق، وەڵام دەداتەوە و تەئكید لەسەر جێبەجێكردنی یاسای بودجەی فیدراڵی دەكاتەوە بە هەموو بڕگەكانییەوە.

عادل عەبدولمەهدی سەرۆك وەزیرانی عیراق، لە دیمانەیەكی لەگەڵ ژمارەیەك لە میدیاكان ڕایگەیاند”هەموو پارێزگەكانی عیراق لە مافدا یەكسانن، دەمانەوێت هەموو عیراقییەكان بەشێوەیەكی باش بژین، بەرگریكردن لە هەموو گەلی عیراقیش بنەمای پێشوو و ئێستایەتی”.

عادل عەبدولمەهدی سەرۆك وەزیرانی عیراق دەڵێت”لێپێچینەوە لە هەرێمی كوردستان سەبارەت بە داهاتی نەوت، لەڕێی مووچەی فەرمانبەرانەوە نابێت، بەڵام دەبێت هەموو بڕگەكانی یاسای بودجە جێبەجێ‌ بكرێن كە دەڵێن، گەر هەرێم 250 هەزار بەرمیل نەوتەكەی ڕادەستنەكرد، پێویستە پشكەكەی ببڕدرێت”.

عەبدولمەهدی بەپێویستی دەزانێت، كێشەی هەناردەكردنی زیاتر لە 250 هەزار بەرمیل نەوت لەلایەن هەرێمی كوردستانەوە چارەسەربكرێت، لە بودجەشدا باس لەو حاڵەتەكراوە و پێویستە لەگەڵ هەرێمدا گفتوگۆى لەسەر بكەین”.

پێشتر عالیە نوسەیف، ئەندامی لیژنەی نەزاهە لە پەرلەرلەمانی عیراق، ئاماژەی بە بوونی سەختەكارییەكی مەترسیدار كردبوو لە بودجەی گشتی كە لەلایەن پەرلەمانەوە بەسەندكرا و ڕایگەیاندبوو”پەڕەیەكی كارەساتبار خراوەتە سەر بڕگەكانی یاسای بودجەی گشتی كە پەیوەندی بە كوردستانەوە هەیە، بەبێ‌ ئەوەی ئەندامانی پەرلەمان بیبینن”.

عێراق

وەزارەتی پەروەردە دامەزراندنی لە كەركوك ڕاگەیاند

خەڵك- بەشی هەواڵ

وەزارەتی پەروەردەی عیراق ڕایگەیاند، هەفتەی داهاتوو دامەزراندن لە پەروەدەی كەركوك دەستپێدەكات.

لە ڕاگەیەندراوێكدا وەزارەتی پەروەردەی عیراق ئاماژەی بەوەكردووە، زیاتر لە دوو هەزار پلەی دامەزراندنیان دەبێت بۆ پەروەردەی كەركوك و نیوەی ئەو ژمارەیەش بۆ ئەوانە دەبێت كە بە گرێبەست لەگەڵ پەروەردەدا كاردەكەن.

هەر لە ڕاگەیەندراوەكەدا ئاماژەی بەوەكرد، لە ڕێگەی ئەلكترۆنییەوە پێشتر فۆرم پڕكراوەتەوە و تەنها لەو ڕێگەیەوە دامەزراندن قبوڵ دەكرێت.

بەردەوام بە لە خوێندنەوە

عێراق

هێزە عیراقییەكان شەش چەكداری داعشیان كوشت

خەڵك- بەشی هەواڵ

نیوەڕۆی ئەمڕۆ پێنج شەممە شەش چەكداری داعش لە نزیك ناحیەی قەرەتەپە هێرشیانكردەسەر بنكەیەكی هێزەكانی عیراق، بەڵام سەركەوتوو نەبوون و هەموویان كوژران.

شانەی ڕاگەیاندنی هێزەكانی عیراق بڵاوی كردەوە، كە ئەو چەكدارانە هێرشیانكردووەتەسەر لیوای 74ی سەر بە فرقەی پێنجی سوپای عیراق، بەڵام هەموویان كوژراون.

هەر بەپێی ڕاگەیەندراوەكە چوار لەو چەكدارانە خۆكوژبوون و خۆیان تەقاندووەتەوە.

دوای شەڕەكە دۆخەكە ئاسایی بووەتەوە و هێزێكی زیاتری ئەمنی و سەربازی چوونە شوێنی ڕووداوەكە.

بەردەوام بە لە خوێندنەوە

عێراق

عەبدولمەهدی چاوەڕێی هەڵوێستێكی توندی مەرجەعیەتە

خەڵك- بەشی هەواڵ

حەسەن سنێد، سەركردە لە هاوپەیمانی نەسر، كە لەلایەن عەیدەر عەبادییەوە سەرۆكایەتی دەكرێت، پێیوایە بەهۆی ئەدای خراپی سەرۆك وەزیرانی عیراقەوە، مەرجەعیەتی باڵای شیعەكانی عیراق توشی”شەرمەزاری” بووە.

سنێد بۆ ماڵپەڕی”بغداد الیوم” ئاماژەی بەوەكردووە، مەرجەعی باڵای شیعەكانی عیراق پاڵپشتی خۆی بۆ عەبدولمەهدی ڕاگەیاند و پشتوانی زۆری كرد، بەڵام بەهۆی جێبەجێ‌ نەكردنی بەرنامەی حكومەتەوە، مەرجەعیەت توشی جۆرێك لە شەرمەزاری”ئیحراجی” بووە بەرامبەر خەڵكی عیراق.

ناوبراو هەر لە قسەكانیدا ئاماژەی بەوەكردووە، لە داهاتووێكی نزیكدا مەرجەعیەت هەڵوێستی توند بەرامبەر بە كابینەی عەبدولمەهدی ئاشكرا دەكات.

بەردەوام بە لە خوێندنەوە

کوردستان