ئێمە لە تۆرە کۆمەڵایەتیەکان

عێراق

حەشدی شەعبی: بانگەشەی ئەمریكییەكان بۆ گەڕانەوەی داعش پڕوپاگەندەی میدیاییە

خەڵك-بەشی هەواڵ

 

فەرماندەیەكی باڵای حەشدی شەعبی ڕایدەگەیەنێت، هیچ پاساوێك بۆ مانەوەی هێزەكانی ئەمریكا لە عیراقدا بوونی نییە.

دوای هاتنی سوپای ئەمریكا بۆ عیراق لە ساڵی 2003 تا ئیستا هێزەكانی لە عیراق ماوەنەتەوە و وەك خۆشیان ئاماژەی بۆ دەكەن، ئەوان وڵاتەكەیان داگیركردووە، ئەمەش لەكاتێكدایە لە ئیستادا بە بیانووی بوونی چەكدارانی داعش، ئەمریكا دەیەوێت هێزەكانی لە عیراق زیاتر بكات.

ئاژانسەكانی ئێران بڵاویان كردەوە، موعین كازمی فەرماندەی باڵای حەشدی شەعبی ڕایگەیاند، هێزەكانی عیراق لە سوپا و حەشدی شەعبی دەتوانن ئاسایش و سەقامگیری وڵات دابین بكەن و پێویست بە بوونی هێزی بێگانە ناكات.

وتیشی”ئەوەی ئەمریكییەكان بانگەشەی هەڕەشەی گەڕانەوەی داعش دەكەن تەنیا پڕوپاگەندەی میدیاییە و دوورە لە ڕاستییەوە”.

ئاشكراشیكرد، هیچ پاساوێك ناتوانێت درێژە بە مانەوەی هێزەكانی ئەمریكا لە عیراق بدات.

چەند پەڕلەمانتارێكی پەڕلەمانی عیراق بەتایبەت لایەنە شیعییەكان، دەیانەوێت بە دەركردنی یاسایەك سەرجەم هێزە بیانییەكان لە عیراق وەدەرنێن و لای خۆشییەوە جەمال ئەحمەد ئەندامی پەڕلەمانی عیراق بە (خەڵك)ی ڕاگەیاند، ئەمریكا بە یاسا نەهاتووەتە خاكی عیراقەوە تاكو بە یاسای پەڕلەمانی عیراق دەرچێت.

وتیشی”مانەوەی هێزەكانی ئەمریكا لە عیراق پێویستە بۆ مانەوەی ئاسایش لە ناوچەكەدا”.

عێراق

پنتاگۆن هۆشداری دەداتە عیراق

خەڵك – بەشی هەواڵ

فەرماندەی هێزی ناوەندی ئەمریكا هۆشداری دەدات بە بەغداد، لە بارەی بە ئامانجگرتنی هێزەكانی ئەمریكا لەناو خاكی عیراقدا.

لە بارەی ئاڕاستەكردنی چەند مووشەكێك بۆ سەر سەربازگەی “عەین ئەسەد” لە ئەنبار، كە سوپای ئەمریكای لێ جێگیركراوە، فەرماندەی هێزی ناوەندی ئەمریكا ڕایگەیاند: سەرەڕای پابەندبوونیان بە هاوكاری سوپا و هێزە ئەمنییەكانی عیراق لە جەنگی ڕووبەڕووبوونەوەی تیرۆریستانی داعشدا، پنتاگۆن لە هەردۆخێكدا كە ڕاوێژكارە سەربازییەكانی ئەمریكا و هاوپەیمانان و جبەخانە سەربازییەكانیان بكرێتە ئامانج، وەڵامی بەرگری كردنیان دەبێت.

فەرماندەی هێزی ناوەندی ئەمریكا ئاماژەی بۆ ئەوەشكردووە، لەو دۆخەی ئێستا عیراقی تێكەوتووە هێزەكانی ئەمریكا و هاوپەیمانی نێودەوڵەتی پابەند دەبن بە ڕێزگرتن لە سەروەری عیراق و پاراستنی سەقامگیرییەكەی.

بەردەوام بە لە خوێندنەوە

عێراق

وەزارەتی بەرگری عیراق دڵنیایی دەدات

خەڵك – بەشی هەواڵ

وتەبێژی وەزارەتی بەرگری عیراق ڕایدەگەیەنێت، سنووری نێوان سوریا و عیراق پارێزراوە.

عەمید یەحیا ڕەسوڵ وتەبێژی وەزارەتی بەرگری عیراق ڕایگەیاند، بەمەبەستی پاراستنی ئەمن و ئاسایشی ناوچە سنوورییەكان، هەماهەنگی لەسەر ئاستێكی باڵا بۆ ئۆپراسیۆنی هاوبەش لەنێوان سوپای عیراق و حەشدی شەعبیدا هەیە.

عەمید یەحیا ڕەسوڵ ئاماژەی بەوەشكرد هێزە ئەمنییەكان بەردەوام دەبن لەڕاوەدونانی پاشماوەكانی تیرۆریستانی داعش لەناوچەی بیابانییەكان و ناوچە شاخاوییەكانی سنووری نێوان عیراق و سوریا و بەپشت بەستن بەزانیاری هەواڵگری و هەر ئۆپراسیۆنێك پێویست بكات ئەنجامی دەدەن.

وتەبێژی وەزارەتی بەرگری عیراق ئەوەشی خستەڕوو، هێزە ئەمنییەكان لەسەر سنووری سوریا چەندین ڕێوشوێنی ئەمنی توندیان گرتووەتەبەر، بەتایبەت لەدانانی كامێرای چاودێری و ئامێری تایبەت بەچاودێریكردنی هەر جموجۆڵێك كە ئەنجام بدرێن.

بەردەوام بە لە خوێندنەوە

عێراق

سێ‌ كەسایەتی ڕەتیانكردەوە جێگەی عەبدولمەهدی بگرنەوە

خەڵك- بەشی هەواڵ
ئەندامێكی بەرەی ڕزگاری و گەشەپێدانی عیراقی، ناوی سێ‌ كەس ئاشكرا دەكات، كە بە وتەی ئەو، “ڕەتیانكردۆتەوە سەرۆكایەتی حكومەتی كاتی بكەن و جێگەی عادل عەبدولمەهدی، سەرۆك وەزیرانی دەستلەكاركێشاوە بگرنەوە”.

مشعان جبوری، ئەندامی بەرەی ڕزگاری و گەشەپێدانی عیراقی لە تویتێكیدا لەسەر تۆڕی كۆمەڵایەتی (تویتەر) نووسیویەتی، “فراكسیۆنە گەورەكانی پەڕلەمان، چەند ناوێكیان بۆ جێگرتنەوەی عادل عەبدولمەهدی، سەرۆك وەزیرانی دەستلەكاركێشاوە پێشكەش كردووە”.

بە وتەی جبوری، “لەنێوان ئەوانەی ناوەكانیان بۆ سەرۆك كۆمار بەرزكراوەتەوە، دادوەر فایەق زێدان، سەرۆكی ئەنجوومەنی باڵای دادوەری و فەریق تاڵب شەغاتی، فەرماندەی دەزگای بنبڕكردنی تیرۆر و فەریقی خانەنشین عەبدولغەنی ئەسەدییە، تا سەرۆكایەتی حكومەت بكەن و كاروباری عیراق بەڕێوەبەرن تا ئەو كاتەی هەڵبژاردن دەكرێت”.

مشعان جبوری دەڵێت: “كاتێك وتووێژیان لەگەڵدا كراوە، هەرسێكییان ڕەتیانكردۆتەوە پۆستەكە وەربگرن”.

لە سەرەتای مانگی تشرینی یەكەمی ڕابرددووەوە، عیراقییەكان خۆپیشاندان دەكەن و دەیانەوێت سیستمی سیاسی بگۆڕن و گەندەڵی لەناوببەن، هەر لەو خۆپیشاندانانەدا بەهۆی پێكداهەڵپژانی نێوان خۆپیشاندەران و هێزە ئەمنییەكان، سەدان كەس كوژران و هەزارانی تر برینداربوون، لە سەرەتای ئەم مانگەشدا پەڕلەمانی عیراق، ڕەزامەندی لەسەر دەستلەكاركێشانەوەی عادل عەبدولمەهدی ، سەرۆك وەزیران دەربڕی.

بەردەوام بە لە خوێندنەوە

کوردستان