ئێمە لە تۆرە کۆمەڵایەتیەکان

عێراق

داوایەك لە عەبدولمەهدی دەكات
هاوپەیمانی فەتح: نابێت هێزەكانی ئەمریكا لە عیراقدا بمێنن

خەڵك-بەشی هەواڵ
هاوپەیمانی فەتح كە لەلایەن هادی عامرییەوە سەركردایەتی دەكرێت، هەڵوێستی هاوپەیمانییەكە سەبارەت بە بوونی هێزەكانی ئەمریكا لە عیراق ڕادەگەیەنێت و داوا لە فەرماندەی گشتی هێزە چەكدارەكانيش دەكات، بەبێ‌ گەڕانەوە بۆ داڕشتنی یاسایەك لە پەرلەمان، كار بۆ دەركردنی ئەو هێزانە بكات لە وڵاتدا.

ئەمڕۆ هەینی، هومام تەمیمی، پەرلەمانتاری هاوپەیمانی فەتح لە لێدوانێكی ڕۆژنامەوانیدا ڕایگەیاندووە”عیراق پێویستی بە داڕشتنی یاسایەك نییە بۆ دەركردنی هێزەكانی ئەمریكا لە وڵاتەكەی، بە تایبەت كە بەغدا ڕێكەوتنی لەگەڵ واشنتن هەیە و لە ڕێكەوتنەكەدا هاتووە كە عیراق پیویستی بە هێزی شەڕكەر نییە”.

بە وتەی تەمیمی”سەرۆك وەزیران دەسەڵاتی هەیە پێویستی عیراق بۆ هێزە شەڕكەرە بیانییەكان لە وڵاتدا دیاریی بكات، و دەتوانێت بەپێی ڕێكەوتنەكە داوای ڕاوێژكار و ڕاهێنەری سەربازی بكات، گەر عیراق لەو ڕووەوە كەموكوڕی هەبوو”.

پەرلەمانتارەكەی هاوپەیمانی فەتح پێیوایە”دەركردنی هێزە بیانییەكان لە عیراق لەئەستۆی عادل عەبدولمەهدی فەرماندەی گشتی هێزە چەكدارەكان و سەرۆك وەزیرانە، بۆ ئەو مەبەستەش پێویستی بە داڕشتنی یاسا نییە”.

تەمیمی دەڵێت” هاوپەیمانی فەتح لە سەرەتا و لەئێستاشدا بوونی هێزە بیانییەكان لەسەر خاكی عیراق ڕەتدەكاتەوە، بۆ دەركردنی ئەو هێزانەش لە وەرزی داهاتووی یاسادانانی پەرلەماندا جموجۆڵەكانی دەستپێكات”.

عێراق

ئەمریكا فشارەكانی لەسەر بەغدا بۆ دوورخستنەوەی تاران تووندتر دەكات

خەڵك-بەشی هەواڵ

بەرپرسی ناوەندی پەرەپێدانی میدیا عیراقییەكان ڕایدەگەیەنێت، ئەمریكا لەم قۆناغەدا گوشارەكانی لەسەر بەغدا چڕ كردووەتەوە تا پەیوەندییەكانی لەگەڵ ئێران لاواز بكات.
عەدنان سەراج بەرپرسی ناوەندی پەرەپێدانی میدیا عیراقییەكان بە كەناڵی (الجزیرە)ی ڕاگەیاند، خەڵكی عیراق نایانەوێت بەپێی خواستی ئەمریكا لەگەڵ ئێران دوژمنایەتی بكەن.
وتیشی”ئەمریكا گوشارەكانی بۆسەر سەرۆك كۆمار و وەزیری دەرەوەی عیراق چڕ كردووەتەوە تا دەستوەردانەكانی ئێران لە عیراق كەم بكەنەوە، ئەمەش وەك مەرجی هاوكاری عیراق بۆ دەربازبوون لەم قۆناغەی ئێستای”.
ئاماژەی بۆ ئەوەش كرد، ئەگەرچی تاران دەیەوێت حكومەتێك لە بەغدا دەسەڵاتی بە دەستەوە بێت كە سیاسەتی بەپێی بەرژەوەندییەكانی ئێران بێت، بەڵام گوشارەكانی ئەمریكا وەك هەڕەشە سەیر دەكرێت، بۆ نموونە، مایك پێنس جێگری سەرۆك كۆماری ئەمریكا شەوی دووشەممە بە زمانێكی دۆستانە لەگەڵ بەرهەم ساڵح سەرۆك كۆماری ئەمریكا قسەی نەكردووە كە پیشان بدات واشنتن لەگەڵ عیراقە.

ئاشكراشیكرد، بەرپرسانی ئەمریكا لە ساڵی 2003وە تا ئێستا بەبێ هیچ هەماهەنگی و موڵەتێكی پێشوەختە دێنە عیراق، دەڵێی عیراق بووەتە كۆیلەی ئەوان.

بەردەوام بە لە خوێندنەوە

عێراق

سەدر داوای كۆبوونەوەیەكی ئاشكرا لە پەڕلەمانی عیراق دەكات

خەڵك-بەشی هەواڵ

سەرۆكی ڕەوتی سەدر ڕایدەگەیەنێت، پێویستە پەڕلەمانی عیراق كۆبوونەوەیەكی ئاشكرا ئەنجام بدەن.

موقتەدا سەدر سەرۆكی ڕەوتی سەدر، لە تویتێكدا لە هەژماری خۆی لە تۆڕی كۆمەڵایەتی تویتەر ئاشكرایكرد، داوا لە ئەندامانی پەڕلەمانی عیراق دەكەم، كۆبوونەوەیەكی ئاشكرا لەگەڵ گەلی عیراق ئەنجام بدەن.

ناوبراو داوای لە پەڕلەمانتاران كرد نەبنە بەشێك لە ڕێككەوتنەكانی دژ بە گەلی عیراق.

دوێنێ چوار شەممە مەیادە نەجار ئەندامی پەڕلەمانی عیراق بە (خەڵك)ی ڕاگەیاند، لایەنەكان لەسەر دەنگدان بە یاسای هەڵبژاردنەكانی عیراق ڕێكنەكەوتوون و بۆ ئەو مەبەستەش سەرۆكی پەڕلەمان كۆبونەوەكەی دواخست.

وتیشی”فراكسیۆنە كوردییەكان لەگەڵ چەند پێشنیارێكی سوننە و شیعە نین و دەیانەوێت ئەو پێشنیارانە لە یاساكە دەربهێنرێن”.

بەردەوام بە لە خوێندنەوە

عێراق

پنتاگۆن هۆشداری دەداتە عیراق

خەڵك – بەشی هەواڵ

فەرماندەی هێزی ناوەندی ئەمریكا هۆشداری دەدات بە بەغداد، لە بارەی بە ئامانجگرتنی هێزەكانی ئەمریكا لەناو خاكی عیراقدا.

لە بارەی ئاڕاستەكردنی چەند مووشەكێك بۆ سەر سەربازگەی “عەین ئەسەد” لە ئەنبار، كە سوپای ئەمریكای لێ جێگیركراوە، فەرماندەی هێزی ناوەندی ئەمریكا ڕایگەیاند: سەرەڕای پابەندبوونیان بە هاوكاری سوپا و هێزە ئەمنییەكانی عیراق لە جەنگی ڕووبەڕووبوونەوەی تیرۆریستانی داعشدا، پنتاگۆن لە هەردۆخێكدا كە ڕاوێژكارە سەربازییەكانی ئەمریكا و هاوپەیمانان و جبەخانە سەربازییەكانیان بكرێتە ئامانج، وەڵامی بەرگری كردنیان دەبێت.

فەرماندەی هێزی ناوەندی ئەمریكا ئاماژەی بۆ ئەوەشكردووە، لەو دۆخەی ئێستا عیراقی تێكەوتووە هێزەكانی ئەمریكا و هاوپەیمانی نێودەوڵەتی پابەند دەبن بە ڕێزگرتن لە سەروەری عیراق و پاراستنی سەقامگیرییەكەی.

بەردەوام بە لە خوێندنەوە

کوردستان