ئێمە لە تۆرە کۆمەڵایەتیەکان

جیهان

نەتەوە یەكگرتووەكان، مەترسییەكانی ڕێككەوتنەكەی ئەمریكا و توركیا ئاشكرا دەكات

خەڵك-بەشی هەواڵ

نەتەوە یەكگرتووەكان مەترسییەكانی ڕێككەوتنی ئەمریكا و توركیا ئاشكرادەكات و هۆشداری لە مەترسی دەستێوەردانی سەربازیی لە سوریا دەدات.

ڕۆژنامەی سوزجی بڵاویكردەوە، نەجات ڕوشدی ڕاوێژكاری گیر پیدەرسۆن نێردەی نەتەوە یەكگرتووەكان بۆ كاروباری سوریا ڕایگەیاند، لایەنە مرۆیی و دامەزراوە فریاگوزارییەكان مەترسیی ئەوەیان هەیە دەستوەردانی سەربازی ڕووبدات كە كێشەی مرۆیی مەترسیدار بەدوای خۆیدا دەهێنێت لە ناوچەكە.

وتیشی”نیگەرانین لە نەمانی ئاگربەست لە ئیدلەبی باكووری ڕۆژهەڵاتی سوریا، چونكە تێكشكانی ئەو ئاگربەستە هەڕەشەیە بۆ سەر ژیانی ملیۆنان هاوڵاتی مەدەنی”.

لای خۆشییەوە ڕوانگەی سووری بۆ مافەكانی مرۆڤ ئاشكرایكرد، لەگەڵ بەرەوپێشەوەچوونی هێزەكانی سەر بە حكومەتی سوریا و كۆنتڕۆڵكردنەوەی زۆرێك لە گوند و شارۆچكەكانی سەربە شاری حەما، توركیاش هێزی سەربازیی زۆری لەو ناوچانەی سوریا بڵاوەپێكردووە كە لەژێر كۆنتڕ‌ۆڵی خۆیدان.

ئەمریكا و توركیا ڕێككەوتوون لەسەر دیاریكردنی ناوچەی ئارام و لای خۆشیانەوە بەرپرسانی ڕۆژئاوای كوردستان ئاشكرایدەكەن، ئەوان خۆیان دەتوانن ناوچەكانی خۆیان بپارێزن و وەزارەتی دەرەوی سوریاش ئەو ڕێككەوتنەی ڕەتكردەوە.

جیهان

“واشنتۆن 20 هەزار سەرباز ڕەوانەی ئەوروپا دەكات”

خەڵك – بەشی هەواڵ

ئەمریكا بۆ دووپاتكردنەوەی پابەندبوونی بە ناتۆ 20 هەزار سەرباز ڕەوانەی ئەوروپا دەكات.

ژەنەڕاڵ باڕ سیگن فەرماندە لە سوپای ئەمریكا و سەرپەرشتیاری ئەركە سەربازییەكانی هاوپەیمانی باكووری ئەتڵەسی (ناتۆ) لە لێدوانێكدا بۆ میدیاكانی وڵاتەكەی ئاماژەی بەوەدا ئەمریكا بە نیازە لە نێوان مانگەكانی چوار و پێنجی ساڵی داهاتوودا 20 هەزار سەرباز ڕەوانەی ئەوروپا بكات.

ئەو ژەنەڕاڵە ئەمریكاییە ڕوونیشیكردەوە، ڕەوانەكردنی ئەو هێزانە بەمەبەستی ئەنجامدانی گەورەترین مەشقی سەربازییە لەسەر خاكی ئەوروپا لەدوای جەنگی ساردەوە و ئیدارەی واشنتۆن لە ڕێگای ئەو هەنگاوەوە پابەندبوونی ئەمریكا بە هاوپەیمانییەتی ناتۆوە دووپاتدەكاتەوە.

بەردەوام بە لە خوێندنەوە

جیهان

لاڤرۆڤ و پۆمپیۆ كۆبوونەوە

خەڵك – بەشی هەواڵ

لەدوای نزیكەی 2 ساڵ جارێكی تر سێرگی لاڤرۆڤ وەزیری دەرەوەی ڕوسیا سەردانی واشنتۆنی كرد و لەگەڵ مایك پۆمپیۆ وەزیری دەرەوەی ئەمریكا كۆبووەوە.

دوابەدوای كۆبوونەوەكەش هەردوولا كۆنگرەیەكی ڕۆژنامەوانی هاوبەشیان ریَِكخست و تیایدا مایك پۆمپیۆ وەزیری دەرەوەی ئەمریكا ڕایگەیاند: دەستتێوەردانی هیچ لایەك لە هەڵبژاردنەكانی 2020 ی ئەمریكادا قبوڵ ناكەن و هۆشداریشیدایە ڕوسیا سەربەخۆیی هەڵبژاردنەكان بپارێزن.

هاوكات، سێرگی لاڤرۆڤ وەزیری دەرەوەی ڕوسیا ئەو تۆمەتانەی ڕەتكردەوە و دووپاتیكردەوە، دەستتێوەردان لە سەروەری هیچ وڵاتێكدا ناكەن و داواشی لە هاوتا ئەمریكاییەكەی كرد پێكەوە سەبارەت بە ڕێگەنەدان بە هەڵگیرسانی جەنگ ڕاگەیەنراوێكی هاوبەش ئامادەبكەن.

لەبەشێكی تری وتەكانیدا لاڤرۆڤ باسی لە ڕێككەوتنە نێودەوڵەتییەكان لەبارەی سیستمی بەرگری و مووشەكی كرد و ڕایگەیاند: لەسەر بنەمای ڕێككەوتنی سۆڤییەت- ئەمریكا، پێشنیاردەكەن كە سەبارەت بە ڕێگەنەدان بە هەڵگیرسانی جەنگی ئەتۆمی ڕاگەیەندراوێكی هاوبەش ئامادەبكەن و هەردوولا دووپاتیان كردەوە، دۆخی سوریا بە چەك و جەنگ چارەسەر ناكرێت و دەبێت چارەسەری تر بدۆزرێتەوە.

بەردەوام بە لە خوێندنەوە

جیهان

توركیا.. دوو بومەلەرزە ڕوویاندا

خەڵك – بەشی هەواڵ

فەرمانگەی ڕووداوەكان و فریاكەوتنی توركیا ڕوودانی دوو بومەلەرزەی لە ڕۆژئاوای ئەو وڵاتە ڕاگەیاند.

فەرمانگەی ڕووداوەكان و فریاكەوتنی توركیا بڵاویكردەوە، ئەمڕۆ سێ‌ شەممە 11/12/2019 دوو بومەلەرزە ڕۆژئاوای توركیای هەژاندووە، كە یەكێكیان لە ناوچەیەكی ولایەتی بالكسیری داوە و گوڕەكەی 4,6 پلە بووە بە پێوەری ڕێختەر، سەبارەت بە بومەلەرزەی دووەمیش ئەمشەو لە دەریای ئیجە ڕوویداوە و گوڕەكەی 5,1 پلەی ڕێختەر بووە.

جێی ئاماژەیە، فەرمانگەی ڕووداوەكان و فریاكەوتنی توركیا سەبارەت بە زیانەكانی ئەو دوو بومەلەرزەیە هیچ زیانێكی گیانی و ماددی ئاشكرانەكردووە.

بەردەوام بە لە خوێندنەوە

کوردستان