ئێمە لە تۆرە کۆمەڵایەتیەکان

جیهان

ئێران: هاتنی ئیسڕائیل بۆ كەنداو دەبێتە كارەسات بۆ ناوچەكە

خەڵك – بەشی هەواڵ

وەزیری بەرگری ئێران ڕایدەگەیەنێت، بەشداریكردنی ئیسڕائیل لە هاوپەیمانی نێودەوڵەتی كەنداو دەبێتە كارەسات بۆ ناوچەكە.

ھۆشداریدا لە بەشداریكردنی ئیسڕائیل لەو ھاوپەیمانیە نێودەوڵەتییەی كە ئەمریكا دەیەوێت لە كەنداوی بەسڕە دروستی بكات و “كارەسات” بۆ ناوچەكە ناویبرد.

ئەمیر حاتەمی وەزیری بەرگری ئێران لە میانی دیدارێكدا لەگەڵ ھاوتا كوێتی و قەتەری و عوممانییەكەی بە ڕێگەی تەلەكۆنفڕانس بەڕێوەچوو، ڕایگەیاند، بەشداری ئیسڕائیل لەو ھاوپەیمانییە نێودەوڵەتییەی كە ئەمریكا دەیەوێت لە كەنداوی بەسڕە بەمەبەستی “پاراستنی سەلامەتی گەشتەكان” دروستی بكات، ناوچەكە نا ئارامتر دەكات.

حاتەمی جەختیشیكردەوە كە، ئەمریكا ھۆكاری سەرەكی نائارامییە لە ناوچەكەدا و وتی:”ئەو ھاوپەیمانییە سەربازییەی كە ئەمریكا دەیەوێت دروستی بكات بە بیانووی پاراستنی ئاسایشی گەشتەكان دەبێتە ھۆكاری نائارامی زیاتر”.

حاتەمی لەبارەی ئەو دەنگۆیانەش كە گوایە ئەمریكا دەیەوێت ئیسڕائیلیش لەو ھاوپەیمانییە بەشداری پێبكات ڕوونیكردەوە:”ھەوڵێكی بەم جۆرە كارێكی تێكدەرانەیە و ئەنجامەكەی دەبێتە كارەسات بۆ ناوچەكە”.

جیهان

ئەنجومەنی پیرانی ئەمریكا بەفەڕمی دانی بە جینۆسایدكردنی ئەرمەنییەكاندانا

خەڵك – بەشی هەواڵ

ئەنجومەنی پیرانی ئەمریكا بەشێوەیەكی فەڕمی دانینا بە جینۆسایدكردنی ئەرمەنییەكان لە سەردەمی جەنگی یەكەمی جیهانییدا لەلایەن ئیمپراتۆریەتی عوسمانییەوە.

بۆب مینیندز ئەندامی لیژنەی پەیوەندییەكانی دەرەوەی ئەنجومەنی پیرانی ئەمریكا ڕایگەیاند، “دەنگمان بە بڕیاری جینۆسایدكردنی ئەرمەنییەكاندا و ئەوەش كارێكی ڕاستە كە ئەنجومەنی پیرانی ئەمریكا كردی و ئەم كارەی واتای ئەوەیە لەسەر ڕێگەی ڕاستی مێژوو دەڕوات”.

لایخۆشیەوە، تيد كروز سیناتۆری تەكساس لەبارەی دەنگدانەكە ڕایگەیاند”ئەمە سێیەمین هەفتەیە لەسەریەك كە دەمانەوێت دەنگ لەسەر ئەم پڕۆژەیە بدرێت. سوپاسگوزارم كە ئەمڕۆ سەركەوتنمان بەدەستهێنا”.

هەنگاوەكەی ئەنجومەنی پیرانی ئەمریكا لەكاتێكدایە، دوێنێ‌ چوارشەممە لیژنەی پەیوەندییەكانی دەرەوەی ئەنجومەنەكە دەنگیدا بۆ سەپاندنی سزا بەسەر توركیادا، ئەوەش لە بەرامبەر ئۆپراسیۆنی توركیا بۆسەر ڕۆژئاوای كوردستان و كڕینی سیستمی ئێس 400ی ڕوسیایی.

پێشتریش، لە كۆتایی تشرینی یەكەمی ڕابردووشدا ئەنجومەنی نوێنەرانی ئەمریكا بە زۆرینەی دەنگ كۆمەڵكوژی ئەرمەنییەكانی بە جینۆساید ناساند.

تائێستاش 39 حكومەت و پەرلەمان كۆمەڵكوژیی ئەرمەنەكانیان “بەجینۆساید” ناساندووە و “گرنگترین” ناساندنیش لەلایەن یەكێتی ئەوروپاوە بوو. ئەو هەنگاوە كێشەیەكی دیپلۆماسی گەورەی لە نێوان توركیا و یەكێتی ئەوروپا دروست كرد.

كۆمەڵێك ڕێكخراوی جیهانییش كۆمەڵكوژیی ئەرمەنەكانیان وەك “جینۆساید” ناساندووە وەك: نەتەوە یەكگرتووەكان، پەرلەمانی ئەوروپا، ئەنجومەنی ئەوروپا، ئەنجومەنی كڵێسای جیهانی و ڕێكخراوی مافی مرۆڤ.

لەسەر ئاستی كەسایەتییەكانیش، لە ساڵی 2007 دا 35 كەسایەتی براوەی خەڵاتی نۆبڵ، پێكەوە یاداشتێكیان واژۆكرد و كۆمەڵكوژییەكەیان بە “جینۆساید” ناساند.

جێی ئاماژەیە، پڕۆسەی جینۆسایدكردنی ئەرمەنەكان لە ساڵی 1915 تا 1923 لەلایەن ئیمپراتۆریەتی عوسمانی ئەنجامدرا و تێیدا یەك ملیۆن و نیو ئەرمەنی كوژران.

بەردەوام بە لە خوێندنەوە

جیهان

برایان هۆك: ئەمریكا و ئێران دەتوانن ڕێككەوتن ئەنجام بدەن

خەڵك – بەشی هەواڵ

تایبەتی وەزارەتی دەرەوەی ئەمریكا بۆ كاروباری ئێران ڕایدەگەیەنێت، ئەمریكا دەتوانێت لەگەڵ ئێران ڕێككەوتن ئەنجام بدات.

برایان هۆك نوێنەری تایبەتی وەزارەتی دەرەوەی ئەمریكا بۆ كاروباری ئێران لە لێدوانێكدا بۆ ڕۆژنامەوانان ڕایگەیاند، هەوڵەكانیان بەردەوام دەبێت بۆ ئازادكردنی سەرجەم ئەو ئەمریكاییانەی لە زیندانەكانی ئێراندا ماون.

وتیشی، واشنتۆن نزیكەی 40 ساڵە پەیوەندییە دیپلۆماتییەكانی لەگەڵ كۆماری ئیسلامی ئێراندا پچڕاندووە ، هەر بۆیە وڵاتی سویسرا وەك نێوەندگیرێك پرسی ئاڵوگۆڕكردنی زیندانیانیان لە نێوان ئەمریكا و ئێراندا لە ئەستۆ گرتووە.

برایان هۆك ئەوەشیخستەڕوو، ئیدارەی واشنتۆن ئەو هەوڵانەی سویسرا بەرز دەنرخێنێت، هەروەك ئاشكرایكرد، ئاڵوگۆڕی ئەم دواییە دەستگیركراوەكان سەلمێنەری ئەو ڕاستیەیە كە ئەمریكا دەتوانێت لەگەڵ ئێران ڕێككەوتن ئەنجام بدات.

بەردەوام بە لە خوێندنەوە

جیهان

ئەمریكا: لەدوای هێرشەكانی توركیاوە دەبێت لێكۆڵینەوە لە ئەنجامدانی تاوان لە سوریا بكرێت

خەڵك – بەشی هەواڵ

وەزیری بەرگری ئەمریكا ڕایدەگەیەنێت، هەماهەنگییەكی پتەومان لەگەڵ هێزەكانی سوریای دیموكرات هەیە.

مارك ئیسپەر وەزیری بەرگری ئەمریكا سەبارەت بە پەیوەندییەكانی نێوان سوپای ئەمریكا و هێزەكانی سوریا دیموكرات ڕایگەیاند: ئەمریكا هەماهەنگییەكی پتەوی لەگەڵ هێزەكانی سوریای دیموكرات (هەسەدە) هەیە و ئەو پەیوەندییەش نهێنی نییە و لە چوارچێوەی ئەركەكانیانە لە ناو هاوپەیمانی نێودەوڵەتی دژی داعشە لە سوریا.

مارك ئیسپەر ئاماژەی بۆ ئەوەشكرد، ستراتیژی ئەمریكا لە سوریا ڕێگرتنە لە سەرهەڵدانەوەی داعش لە ناوچەكە، لەگەڵ هاوپەیمانەكانیشیان سەركەوتنی ئەو ستراتیژەیان بە دەستهێناوە.

وەزیری بەرگری ئەمریكا ئەوەشیخستەڕوو، 500 بۆ 600 سەربازیان لە چەند ناوچەیەكی ڕۆژهەڵاتی سوریا جێگیركردووە، بەمەبەستی لەناوبردنی پاشماوەكانی داعش.

هەروەك ئاشكراشیكرد، لەدوای هێرشەكانی توركیاوە دەبێت لێكۆڵینەوە لە ئەنجامدانی تاوان لە سوریا بكرێت و ئەنجامدەرانی تاوانی جەنگیش سزا بدرێن.

بەردەوام بە لە خوێندنەوە

کوردستان